問米經驗

魔術師最近時常穿越陰陽界問米，發現接觸開的鬼，大多有以下特質：
１．沒有架子
大多數跟魔術師接觸的鬼魂，無論係遊魂，鬼差，抑或是十殿閰王，都不會動動輒嚇人，跟善信說起來較為友善有禮（至少表面上）；和人界那些公公狀的物體，不可同日而語．
２．大話多多
不知是否冥通銀行的錢易搵，張張億億聲，所以鬼魂說起話來總是大話多多，口輕輕的樣子，說得好聽的便是有遠景，難聽的便是善於吹水．
３．申出寅沒
陰界既時區，同人界剛好倒轉．好些勤勉的鬼魂，好似唔怕被陽光曬親咁，不待太陽下山便會浦頭，都唔使等農曆七月．不過好多時佢地出來都係遊下遊下，實質野又無乜點做過．同時佢地好準時，一到翌日寅時便會返歸．
４．腦筋不靈
這也難怪，鬼魂並沒有實體的腦袋，如何思考呢？問米時說得表面，鬼魂便只會捉錯用神，只在表象既層面打轉，說來說去也說不到事情的中心；問得仔細呢，鬼魂又聽唔明，無咁ｄｅｔａｉｌ，即係問佢去投胎要點做，佢可以連要過奈何橋同飲孟婆湯都唔知．
５．肅靜迴辦
好嘞，到畫公仔畫出左條腸仔，而鬼魂唔識答，無諗到咁ｄｅｔａｉｌ既時候，就會顧左右而言他，轉移視線；又或者直程難問米婆而去，唔理睬你．咁問米法，真係不如玩銀仙好過．
2007/12/12 23:59:14