的起心肝

踏入十二月，較往時怠懶的魔術師，終於都的起心肝，拿起ＣＦＡ課本來看．其實本來魔術師通常唔會咁遲開始，不過今年一收到疊書，見薄左咁多，又只係得７２個ｒｅａｄｉｎｇｓ，況且又諗住唔好浪費政府果個持續進修基金既免稅額，下年去報下ｄ雞精班，有恃無恐之下，咪掉以輕心囉．
好多人，包括大大大老細，都問過魔術師考黎做乜．以魔術師既年紀，轉ｆｉｅｌｄ其實都幾難，無經驗又ｃｈａｒｔｅｒ唔到，仲點解要考呢？
魔術師諗來諗去，一來讀一ｄ有ｓｙｌｌａｂｕｓ既課程，會較容易ｆｏｌｌｏｗ，起碼有一條ｇｕｉｄｅ住既脈絡俾自己去跟，遇到有興趣既ｔｏｐｉｃｓ可以自行深入鑽研，又不會ｇｅｔ　ｌｏｓｔ；二來考試都係魔術師既興趣（！）之一，去到試場，未進埸時見到其他考生兀自埋頭苦幹，自己就氣定神閒；入到試場考試時，見到其他考生既緊張模樣，同埋唔識時抓頭既小動作，登時會發出會心微笑，自我感覺十分良好．
點解？因為魔術師唔識既時候，都一樣係度抓頭苦惱中，邊得閒望人？有時間東張西望，梗係胸有成竹啦！
說穿了，參加考試係魔術師證明自己，挑戰自己既方法之下，所以好似ＣＦＡ呢ｄ全球性既考試，就最啱魔術師何車了．
所以，當日大大大老細問魔術師點解去考，答曰：「Ｆｏｒ　ｆｕｎ！」係真架！
2007/12/04  22:52:58