2008年1月1日 星期二

自言自語(二)-傻記寬頻

進入二零零八年,魔術師先在此祝各位新年進步.
之但係,有某d機構既服務就真係唔掂,唔係魔術師見佢地硬件上面都好少死機,早就轉左服務商好耐.
講緊既咪係傻記寬頻囉!
***
二零零七年十二月二十x日
魔術師手電響起,原來係傻記有sale屎打黎,話有個30M既upgrade計劃,只需要響個插位度換條光纖線同換個新modem,問魔術師做唔做.魔術師見有得upgrade,梗係話好啦,點知佢地跟住竟然約係除夕夜8-10pm裝機!
頂,咁魔術師咪無得去街?罷罷罷,反正果時都未知有無朋友搞派對,約左先算啦.
***
二零零七年十二月二十x+1日
隔左一日,魔術師手電又響起,原來又係傻記有sale屎打黎,話想同魔術師而家用緊既10M計劃續約.頂佢地吖,佢地個係乜七customer relationship system黎嫁?果頭叫魔術師upgrade新plan,呢頭又叫魔術師續舊plan.
聽聲,兩位sale屎都係lan仔,魔術師便有點不客氣地問:「你地尋日先有同事約我upgrade,點解而家又要我續約,你地可唔可以check清楚先打黎?」
後一位lan仔只好收線.
***
二零零七年十二月二十y日 (y>x+1)
又係傻記寬頻打黎,confirm左除夕夜來裝機.
不過,呢個時候,朋友毛小姐call魔術師去倒數派對,「Miss張曼玉」應該都會去,雖然阿Miss張早已名花有主,魔術師只係得個睇字,但係,靚妹妹咯喎,睇下都好吖!
***
二零零七年十二月三十日
又係傻記寬頻打黎,今次竟然問魔術師三十一日幾時得閒響屋企,魔術師大喜,梗係話成個下晝都得閒喇,於是便約左下午二至六.
於是魔術師便馬上覆阿毛小姐話去啦!
***
二零零七年十二月三十一日 5:30pm
魔術師等了一個下晝,都無聲無氣,於是咪響五點半打俾傻記既客戶服務部,問究竟會唔會有無人黎.聽電話既(又係!)lan仔一check,竟然話係約左8-10pm!
頂,個record無改過!?好可惜,魔術師唔記得前一日打黎果條友叫乜名,lan仔話果個可能係工程部既同事,於是魔術師只好叫lan仔留下名字,同埋佢個manager係邊位!
好笑既係,lan仔要hold住魔術師條線一陣,先覆到佢manager係邊個,同埋竟然係唔知佢manager既直線電話係乜!
無奈之下,只好依lan仔所言,等佢叫師傅響半個鐘內回覆.
***
二零零七年十二月三十一日 6:30pm
又等了一個小時,「師傅響半個鐘內回覆」既承諾顯然落空,魔術師再call傻記既客戶服務部,今次係另一位lan仔接聽.魔術師又再重申左自己既「訴求」之後,lan仔話務必要師傅打返俾魔術師.
***
二零零七年十二月三十一日 6:45pm
終於有師傅打黎,話立即上黎.十五分鐘之內到.
***
二零零七年十二月三十一日 6:55pm
門鈴響起,原來所謂既「師傅」,又係兩名lan仔!佢地望完之後,竟然話要由廳既電話頭拉條明線入魔術師間房.
咁,天花板咪多左條光纖?同埋,魔術師間房之後點樣閂門?咁咪即係要鑽爛個門框!?
頂,唔裝呀!即係踢左果兩位「lan仔師傅」走!
咁就白白浪費左一個下晝!
***
二零零七年十二月三十一日 10:20pm
魔術師係毛小姐既派對中竟然收到傻記既電話,呢次係位姐姐,了解左魔術師取消upgrade既都情況,會唔會有任何跟進就唔知嘞!
唉,魔術師假假地都係叫做IT吖,雖然唔係做同類工種,但都叫做係半個同行,點解有d人同公司既工作同服務態度可以咁差?
***

2008/01/01 13:14:20

3 則留言:

  1. 算啦唔好勞啦

    祝新年快樂!一帆風順!

    回覆刪除
  2. 傻記外判晒....係咁上下

    我都用緊傻記...成日斷線, 但reset modem 就ok, 諗緊轉台

    回覆刪除
  3. 不敗的魔術師2008年1月2日 下午6:15

    QUOTE
    Hana :

    算啦唔好勞啦

    祝新年快樂!一帆風順!

    UNQUOTE

    多謝兵姐
    大家咁話,新年快樂!

    回覆刪除