《末世街１０號（10 Cloverfield Lane）》：講毒禁室培育

雖然都係以Cloverfield為名，並稱之為「姊妹作」，但其實《末世街１０號（10 Cloverfield Lane）》和《末世凶煞（Cloverfield）》是沒關係的，除非...


女主角Michelle跟男友鬧分手，正駕車離開這個停了電的城市，誰知在路上反了車。一覺醒來，原來已經被人救起，鎖在房間內，然後出現了一名大肥佬Howard，孤男寡女似乎要上演禁室培育：

Michelle企圖逃走，卻給肥佬截下。肥佬見Michelle如此頑強，便告知前因後果，原來肥念是Michelle的救命恩人：

肥佬話殺人政權來襲，空氣已受污染，全世界人都死哂，得返肥佬同Michelle二人躲在地下。講到似層層，真係人講你就信？既然世界上只死剩一男一女，咁點解唔隨即交配呢？唔通黃台瓜難逃一劫，肥佬就無偉哥食？

原來屋內還有一名男子 Emmett，這個地下室佢都有份起，果然人不可以貌相。Emmett因為親眼見到殺人政權的攻擊（坦克碌豬？），於是想到這兒是唯一生路，便沒命價的逃到了這裡。Michelle將信將疑，肥佬便帶Michelle到封鎖了的大門，隔着玻璃看見外面的美豬，因吸入毒氣，死狀恐怖：

Emmett說肥佬有海軍背景，專責衛星通訊，深信有一日邪惡軸心會「打到嚟」，故費盡家財耗時數年建成了這個地下室（有沒有儲備女性用品？）。Michelle見肥佬喜怒無常，甚至自己如廁也要站在附近，又神神秘秘的提及已死的女兒Megan，於是想先收Emmett做兵，以防萬一。點知只係掂咗一下手仔，肥佬即昤大發雷庭：

雖然個個都講得似層層咁，話殺人政權幾咁恐怖，但Michelle始終將信將疑，更趁一個機會偷了肥佬的鎖匙，發難爆樽打倒肥佬，衝到去門口，但就在這時有個爛面婦走來求救，看來吸了唔少毒氣，肥佬並無呃人：

事後，肥佬又向Michelle懺悔，話自己就是令Michelle炒車的元凶。Michelle本來以為肥佬的黑材料已經全部揭盅，卻又意外發現了肥佬口中的「女兒」Megan很可能是擄劫而來的少女！呢次不得了，肥佬的大話仲勁過６８９！Michelle把心一橫，一於跟Emmett一起策劃逃走（Michelle不知道的是，原來肥佬又係受雇於《末世凶煞》裡大日本公司Tagruato的子公司Bold Futura。連續兩個故事的事件都關大日本公司事，真係嚴重傷害皇民感情）：

要衝出外面，首先就係整一件防護衣出來。可惜最後東窗事發，Emmett做得兵，跟肥佬極權抗爭，就要有必死的覺悟，仲要被肥佬掉進化屍水裡溶掉：

Michelle趁亂以化屍水重創肥佬，穿起秘密製成的山寨防護衣衝出外面（防護衣只得一件，根本不夠Michelle和Emette一同逃跑，兵註定就是要犧牲）。睇真，抬頭望天邊一隻雁，睇怕啲空氣係無問題的。脫下頭盔吧？唔試過又點知呢？果然，肥佬不斷講毒，畢竟係靠嚇：

就在這時，「殺人政權」的真身 — 外星飛船 — 出現了（跟《末世凶煞》最後的天外異物有關嗎？），原來毒氣是這樣來的：

至於Michelle能否逃出生天，本文就略過不提了。
＊＊＊
伸延閱讀：
《末世凶煞（Cloverfield）》：自已命運自己揀