2016年8月24日 星期三

打工就是做奴隸?

見偶像博客寫《億萬富豪出著作》(下稱《億》文),即時想起拙作《DGSN出才女》,心有所感,便又想參一腳。魔術師對那位大富豪沒有認識,也沒有讀過其blog文、ebook等,沒研究便沒發言權,所以也只能靠《億》文的片言隻語思考一番(況且即使是偶像博客,他也一樣沒跟大富豪面談過,故此《億》文似乎是一手(blog文、ebook)和二手(其他網友推介)加起來混合版而成的閱讀報告而已)。
魔術師讀完偶像博客的「閱讀報告」,來到手中的雖然已是二手或三手資料,但依然發現有一項比較有趣的題目可以討論一下:就是所謂「工資奴隸制」。偶像博客是這樣寫的:
「工資奴隸制」來形容打工仔的工作及生活環境,好像打工仔都有奴隸基因似的。當然,我知道這是想對讀者的思維有所衝擊,帶出他想帶出的重要的概念。感覺就好比政客宣揚大型政改時,指不走出來支持的人民就一定是甘願當奴隸的一群,這可能有更大的宣揚效果吧。
果如是,大富豪的「當頭捧喝」,果真似曾相識:那些年,不是有些人會將埋自己堆的人叫做「覺醒」,將站在自己非議的一方說成是「豬」的嗎?這種propaganda,應該記憶尤新吧?


想起來,魔術師間唔時都有評論的乜sir,也是使用這種手段:逼使引誘其課程參與者、網誌/書本讀者等,承認自己是(投資理財上的)庸才,然後就全盤接受導師的一套。
承認自己是奴才、是庸才、是豬、幾乎未差在走上天台大呼「1234567多勞多得」,目的就係叫人催毀自我,。
感覺上,很「成功學」,也很NLP(Neuro-linguistic programming),也很洗腦(所謂未學打人先學被打,要學反洗腦便先要學洗腦之術,見當時仍未成為客席主持的摩摩好介紹《摩佬教你反洗腦》)。
魔術師一向對NLP很反感,認為呢種技倆係用來操縱他人情緒,從而喪失自我,使之成為「施法者」的木偶;而當「我」不再是「我」(唔係臨井的講法),這個人亦不再是一個人。
舉個例,例如說,聽說是由富爸爸帶起的「財務自由」熱潮,搞到好多人(包括bloggers)日日發住夢都要夜夜喃喃自語碎碎唸都係話要財務自由,創業也好,做收租仔也好,總之就係老一輩講的「工字不出頭」,新派語言就係「替人打工即係做奴隸」,要有得揀,唔使受老闆氣,就係做老闆囉。
不過,魔術師覺得,拿錢出來搞生意做老闆,相信大部份人都只能從中小微企閞始。無論是資金,心力所費都不在少數,而且除了人人都會說10人創業9個唔得的「非統計傳統智慧」,更有唔係人人都講得出的「我唔出糧班伙計都要出糧」(靚姐姐語)的責任感:當有班人跟你搵食,肩上的壓力又重了幾分。
相對打工,作為職員所承擔的壓力總會細得多,定時出糧不用擔驚受怕,除薪金外仲有或多或少的員工福利等等,魔術師實在找不出「被欺壓」、「做奴隸」的藉口:你不滿太可以跳槽,東家唔打打西家;你覺得屈就,大可半力出擊。你唔走留在一家叫你「諸多怨言」的公司,不外乎你你無本事走,又或者係你唔想走而已;而「唔想走」的背後原因可以有好多,即使你會話「工資偏低」,而也可能有很多intangible benefits,例如員工福利,公司制度有規有矩,職位帶來的社會地位和存在感、工作環境、滿足感和跟同事的相處等...其實這些intangible benefits就已經可以compensate你「被欺壓」、「被剝削」的monetary return了(所以工資的英文是「compensation」)。
魔術師認為,基本上你留得係呢間公司工作,其實就是你同意了「等價交換」:以自己的勞力、時間、與及「受委屈」換出物質上(金錢)和精神上(一切intangible benefits)的回報而已。
打工跟做老闆,是沒什麼高低之分的,只是各人找回適合自己的角色定位,你情我願的買賣而已。做老闆,成本風險責任都遠在打工仔之上,回報有差距也是正常不過,「不存在」誰欺壓誰的(有時老闆要幫下屬執手尾添!)。
當然,工作上,無論是做老闆抑或是打工,都會有不如意的時候,「呻」下鬧下難免,如果單單係咁就話係「做奴隸」,這人也太過脆弱(玻璃心?)了吧?
所以,「工資奴隸制」只屬誇大其詞的言論,挑動一些覺得自己被老闆欺負,唔想返工,以為財務自由是唯一的出路的人;殊不知就如starman所言,財務自由只是一種狀態,能夠給自己多一些選擇而已。
如果閣下只係為咗唔想受氣而走去創業,咁就真係要三思諗清楚自己是否做老闆的料子了。而所謂「成功學」,跟風水玄學差不多,只能憑empirical experience去論證,「成功人士有某種traits,但有這種traits的人不一定是成功人士」,必要條件與充份條件之別也。
***
伸延閱讀:
百度百科:成功学
何物NLP?
信報 2016年8月16日
林鄭認同量入為出 澄清「我」非我
政務司司長林鄭月娥上周為解釋政府拒絕容許主張港獨人士參選立法會,以《基本法》107條規定政府財政須「量入為出」為例,認為市民不須同意《基本法》全部條文。她昨日向傳媒澄清,否認自己不認同107條,又指有人利用該篇演講無限上綱,社會「太過泛政治化或者太過多陰謀論」,經過政務司司長的歷練,她已經做到「百毒不侵」。
林鄭月娥並提及被指有意參選下屆特首一事,說自己對此立場非常清晰,外間若認為她有野心而發表針對她的言論是枉費心機。她又表示,如有人不斷衝擊政府管治意志和挑撥主要官員和公務員之間關係,將影響政府做實事。
林鄭月娥昨日出發前往越南訪問, 在機場不點名反駁有報章指她不認同《基本法》107條,稱當日演講中的一段口語化說話,「那個『我』不是指我政務司司長,而是指另一個人。」她強調自己曾負責公共財政工作,「我也有份維護107條」。
曾鈺成撇清「ABC」
林鄭月娥重申,《基本法》部分條文如第1條及第12條涉及國家對香港的基本方針政策,而《基本法》159條規定任何修改都不能牴觸基本方針政策,因此有關條文很明顯是特別重要。
曾任《基本法》草委的民主黨創黨主席李柱銘接受查詢時表示,載列於《中英聯合聲明》的國家對港基本方針政策,在《基本法》內的相關條文絕非只得林鄭所說的兩條。他表示,如司法獨立、維持香港經濟制度和生活方式不變等,亦有同樣重要性。
另外,立法會主席曾鈺成接受港台英文台訪問時澄清,自己不屬於ABC(Anyone But CY)陣營,但假如林鄭月娥或財政司司長曾俊華參選特首,自己參選的機會將會很微。他說兩人熟悉官僚制度,有能力向北京解釋某些事情本身不能在香港做得到。
被問及若梁振英連任會否願意接受邀請加入政府,曾鈺成說若能夠勝任也可幫助香港的話,即使是瑣碎工作,自己都願意做。

60 則留言:

  1. 塘人創過業, 維持了三年, 感覺比打工仲慘, 日日恐懼員工偷懶+唔返工, 當然盤盤生意不同, 沒有話一定做老闆係好事定係唔好事, 哈哈XD

    回覆刪除
    回覆
    1. //日日恐懼員工偷懶+唔返工

      你太過micro-management了。

      刪除
    2. 飲水業人工貴, 預人岩岩好, 唔夠人+Busy=自取滅亡

      刪除
    3. 員工都要JIT, 真係好鬼無奈.

      刪除
  2. 魔術師兄,偶像博客除了篇唔稱職的”billionaire閱讀報告"外, 佢篇新文又用70s兄的news link來谷hit rate..

    内容雖然係三幅被,但佢既宣傳手法都算新穎呢~

    回覆刪除
    回覆
    1. //内容雖然係三幅被,但佢既宣傳手法都算新穎呢~

      即係咁,我會寫文comment的,大多是用來糾正知識/意識上有嚴重錯誤或歪曲事業,誤人子弟的cases. 今次雖然阿偶像篇文一買地營養欠奉,但起碼佢都只係抒發個人「讀後感」, 呢一點我尊重佢嘅自由.
      至於是否advertorial我就唔知嘞. 就算係, 大把bloggers都有adsense或產品試用鱔稿(例如某些美容達人).有些人可能會將寫blog當成係生意,商業咪較濃, 咁又唔需要太過道德漯癖; 唔合意的讀者自會發覺然後ignore,我暫時就睇唔到有乜問題.

      刪除
  3. compensation個解釋真係講得好。東家唔打打西家,唔肯走既一定有佢既理由。

    講到創業,我未試過,但我認為除非自己本身勁鍾意個樣野,否則好難長期專注及不斷改進,做唔到盤生產就好難維持。

    回覆刪除
    回覆
    1. //compensation個解釋真係講得好。

      Compensation的意思就是要用錢來compasate你失去的自由、時間、家庭生活...之類之類的機會成本啊.

      //唔肯走既一定有佢既理由

      其實如果份工提供到安全感,可以幫你建立到個comfort zone,咁呢個intangible benefit都唔細。

      刪除
  4. 簡單啲咁講,將人分兩種:followers 同 leaders。但係好多屬 followers 嘅人唔明白自己唔係 leaders 料。唔甘心!即係 followers 中嘅蠢人。
    自由同自律要平衡㗎!咁唔通做老闆就唔使睇著盤數咩?
    其實以為打工就係奴隸同細個以為校長係乜都唔識嘅閒角一樣。

    回覆刪除
    回覆
    1. //即係 followers 中嘅蠢人。

      「他(陳浩天)呼籲所有學生、任何職業的人,遍地開花,成立關注組,令到這(港獨)運動遍地開花。所以我就嚮應呼籲,建立這關注組。」Joe 說。

      受民族論、陳好癲、倚天梁佢地啟發的同學們算不算是「傻豬」?

      刪除
    2. 何止豬。直頭當無賴係偶像嘅豬粉C!

      刪除
    3. 豬腸粉是咁練成的! XD XD XD

      刪除
    4. //豬腸粉是咁練成的!

      「用竹簽篤佢!」

      刪除
  5. 醫療專業,好多時一開始就同你洗腦。
    自細都好唔鐘意,會走開,擰轉面,仲慘過比人傳教。
    做老闆,我又唔想去管人咁煩;做員工比人x到屎眼爛都似,結果選擇了one man band。

    回覆刪除
    回覆
    1. //醫療專業,好多時一開始就同你洗腦

      某些理財顧問的training 洗腦應該更勁吧?

      //做員工比人x到屎眼爛都似

      睇下X你啲乜, 如果無嘢捉,淨係捉你email打錯字又真係無聊咗啲嘅.

      刪除
  6. 只係傳道手法,先站在固定立場定義一個自己想要的「是非黑白」(雖然現實並非如此),然後就講乜都o岩了。
    實際上大把做老闆的做到隻狗咁仍入不敷支,亦有大把打工仔印印腳過日子。

    回覆刪除
    回覆
    1. //實際上大把做老闆的做到隻狗咁仍入不敷支

      大富豪: 係佢地無拜我為師啫.

      //亦有大把打工仔印印腳過日子。

      公墓園...

      刪除
  7. //摩摩好介紹《摩佬教你反洗腦》

    4, 很多人久而久之會對生活中一些挫折產生強烈的積怨,例如,社會制度分配的不公平,官方指定的條例的不合理,家庭出身的貧窮、當局的腐敗等。所以,一些人就會逐漸產生一些「非分之想」,努力尋找超越現狀的時機,比如,如何攻擊政府的網絡系統,如何從腐敗的社會關係中牟利,如何對比自己富裕的人攻擊等。而有些預謀者正是抓住了人們的這種迫切的心理狀態,就會故意迎合他們的思想,從而讓他們產生「共鳴」,接下來就會被別人利用,最終做一些違背社會道德的行為。一般來說,這些被征服者最容易發生在兩種人身上:一、缺乏社會經驗的人,二、社會弱勢群體。

    5, (反複向被征服者強調一種只需簡單答案的問題。)預謀者會將如此簡單的問題對被征服者進行長期而重複的質問,久而久之,一種固定式就會在被征服者腦子中烙下印記,謬論也會變成「真理」。

    ********

    以上兩點,不論"巷蜀"或"財自",亦作如是觀。

    回覆刪除
    回覆
    1. 我好中意聽鬼故,但我又唔信。聽完之後,我會查案咁問問題。然後試破解。致少可以用唔關鬼怪事嘅另一角度睇件事。但好多時信嘅人會捉住我解唔到嘅位或解得唔夠扎實嘅位問我點解釋。但係「我解釋唔到」並唔係「鬼存在」嘅證據嚟。佢哋話係鬼作怪嘅證明比起我解釋更唔合理啦!但佢信嘛!所以,相信嘅人心入面根本就係好渴望相信。
      洗腦又好,催眠又好,必要條件就係信徒好想信,只欠一個藉口,一個冠冕堂皇啲嘅理由。

      刪除
    2. 摩摩、C嬸:

      又係回帶時間...

      「愛跟傳說一樣 相信就會幸福」
      https://www.youtube.com/watch?v=AqfnWE8OlT8

      刪除
    3. 信就幸福?嘩!祈福到呢!

      刪除
    4. 阿彌陀佛......唔知點解, 我諗起劉以達....

      刪除
    5. // 「愛跟傳說一樣 相信就會幸福」
      唔知典解總覺得這系列廣告有點奔喪的味道
      http://ww1.sinaimg.cn/large/6afd368bjw1e5tfp7tux0j208507nt8z.jpg

      // 諗起劉以達
      「我傻,是為了令人得到歡樂」?

      刪除
    6. //信就幸福?嘩!祈福到呢!

      target audience 是港女吧?

      //我諗起劉以達....

      唔明.

      //唔知典解總覺得這系列廣告有點奔喪的味道
      苦笑?

      //「我傻,是為了令人得到歡樂」?
      「我說過要你快樂」?

      刪除
    7. //「愛跟傳說一樣 相信就會幸福」

      浪漫廢話

      http://gn00116743.pixnet.net/blog/post/58375653-經典:絕對引起女生共鳴的《浪漫廢話》-

      //唔明.

      貧僧少林方丈,法號"夢遺"

      https://youtu.be/cBr3uAcGXkQ#t=63m27s

      刪除
    8. 夢遺.... 當係發咗場春夢......港獨......噢噢....

      刪除
  8. 好多營業員話自己做雞咁,一味叫人要佢地。

    我覺得CY應該繼續做下屆特首,佢夠硬淨,鎮得住班要解放奴隸嘅白鴿。

    回覆刪除
    回覆
    1. 但係會連累屋企人。

      刪除
    2. 咁就要睇埋屋企人硬唔硬淨。

      刪除
    3. //鎮得住班要解放奴隸嘅白鴿。

      奴隸一放出嚟, 就會捉乳鴿燒來食.

      //屋企人

      咁最好搵過斷六親的孤兒仔做特首...

      刪除
    4. 唔止揀特首,揀男女朋友都最好係孤兒!
      唔使啲親戚諸多事實。煩死!

      刪除
    5. //咁最好搵過斷六親的孤兒仔做特首...

      袁國強囉.

      刪除
    6. //袁國強
      掂呀!

      刪除
    7. //袁國強
      //揀男女朋友都最好係孤兒!

      我父母都歸哂西,一定無婆媳糾紛...

      刪除
    8. 魔術師,你係鑽石王老五!又中產又冇婆媳糾紛又剩咁! XD XD XD

      刪除
    9. //你係鑽石王老五!又中產又冇婆媳糾紛又剩咁!

      所以好多黃C會妒忌我 XD

      刪除
  9. 我總係覺得, 打工就朝九晚五, 六, 七
    放工放假就關人(我好鬼懶^O^)

    做老闆就要365日24小時唔停得
    計工時就蝕晒

    班8-90後成日諗住做老闆等於自由
    只可以講佢地已經有《做老闆失敗》既必要條件

    回覆刪除
    回覆
    1. //做老闆就要365日24小時唔停得
      //計工時就蝕晒

      呢樣真呀!(除非你掛牌做醫生,仲係只做屋村只睇傷風感冒,有事就寫referral letter嗰類無責任醫生).

      //班8-90後成日諗住做老闆等於自由
      //只可以講佢地已經有《做老闆失敗》既必要條件

      在劏場開間格仔鋪,鍾意開就開,唔鈕鍾意開就唔開,咁咪叫「自由」囉.

      刪除
    2. // 做老闆就要365日24小時唔停得
      // 計工時就蝕晒
      // 呢樣真呀!
      做老闆要幫打工的人湊仔教仔, 要比自己的還落力!

      刪除
    3. //在劏場開間格仔鋪,鍾意開就開,唔鈕鍾意開就唔開,咁咪叫「自由」囉.
      生意唔好就話 D 客未醒覺! XD XD XD

      刪除
    4. //在劏場開間格仔鋪,鍾意開就開,唔鈕鍾意開就唔開,咁咪叫「自由」囉.

      咁做生意如果要"有得做"
      就要 D 貨好有特色貨源好旱, D 客點都要系你度買
      即係要系拎貨果度花好多心思
      D 8-90後就只係見到人輕鬆果PART, 見唔到人努力果PART

      刪除
    5. DY:
      //做老闆要幫打工的人湊仔教仔, 要比自己的還落力!

      脫離父子關係要登報,但係辭職唔撈用whatsapp就夠了!

      C嬸:

      //生意唔好就話 D 客未醒覺! XD XD XD

      咁都領悟得到,你已經覺醒了!

      dogdogchi:

      //D 8-90後就只係見到人輕鬆果PART, 見唔到人努力果PART

      人地賣珍珠奶茶,你又賣珍珠奶茶;人地賣葡撻,你又賣葡撻...其實咪又係山寨人地成功的商品,唔係係山寨人地成功的methodology.

      刪除
    6. dogdogchi 兄:// D 8-90後就只係見到人輕鬆果PART, 見唔到人努力果PART

      佢哋只想要輕鬆果PART, 唔想要努力果PART而已......

      刪除
  10. 我係典型的「打工仔」格,「人工包左架喇」係我對工作遇到困難時安撫情緒的一個「法寶」,訓醒咪再同佢砌過囉, 總有方法砌掂佢架嘛~~

    回覆刪除
    回覆
    1. //「人工包左架喇」係我對工作遇到困難時安撫情緒的一個「法寶」

      我面對困難時的想法是,「咁你想唔想月尾出糧?」

      刪除
    2. 打工仔最大優勢係:可以耍無賴!
      「係 hea 呀?點吖?係咁蠢㗎啦!係無能㗎啦!點吖?」
      大把呢啲人!
      只係你過唔過到自己。

      狠酒之前我已經係 HR 見過 counter management 呢家嘢!唔知而家重有冇講。

      刪除
    3. 肥B、摩摩:
      //「人工包左架喇」
      //「咁你想唔想月尾出糧?」

      所以話財務自由幾咁重要呢! XD

      C嬸:

      //「係 hea 呀?點吖?係咁蠢㗎啦!係無能㗎啦!點吖?」

      直程!依家有個project就係有班友玩無能,overcommit然後話唔識做,反而叫我地幫手做, be a team,趕deadline時仲催催貢.

      刪除
    4. //所以話財務自由幾咁重要呢! XD

      收股息既財務自由就可以完全唔駛煩
      除此以外
      做生意對客對僱員煩野只會更多唔會更少
      收租都要面對衰租客, 維修等等煩野 - 夠錢多可以搵aa 搞晒佢

      刪除
    5. //做生意對客對僱員煩野只會更多唔會更少

      淨係admin嘢已經煩死.

      //收租都要面對衰租客, 維修等等煩野 - 夠錢多可以搵aa 搞晒佢

      其實買層樓啲手續已經煩到不堪, 我就唔明點解咁多港豬立志做收租仔.

      刪除
  11. '做老闆比打工好' ? 人人不同, 有人性格不合做老細. 而用數字比較(金錢), 老細不一定搵得比打工仔多. 老細比打工仔自由, 這看法也是不可思議, 做老細基本上要全天侯管理生意, 身不在公司, 心思依然在生意上.

    因為小弟曾經網上創業, 實在知道做老細的難度... 當然, 如果再有機會, 我會再試的.

    回覆刪除
    回覆
    1. //老細比打工仔自由, 這看法也是不可思議, 做老細基本上要全天侯管理生意, 身不在公司, 心思依然在生意上.
      簡直係無得收工, 24X7...

      //當然, 如果再有機會, 我會再試的.
      祝儲夠子彈便東山再起... (搞唔搞鳥克蘭speeddating?)

      刪除
    2. // 搞唔搞鳥克蘭speeddating?

      搞!!

      刪除
    3. //搞!!

      果然係生意就身卣所需開始.

      刪除
    4. 呵呵, 講真, 呢個idea我諗過, (而且我有晒門路, 因為我有一些相熟的當地烏克蘭朋友) 但如果真係搞, 梗係覺得, 久而久之, 會變左黃色事業...

      刪除
    5. 政黨都賣壯陽藥籌旗喇,怕乜?

      刪除