魔術師資產配置（２０１６年７月結）

今個月魔術師的資產配置其實都唔使點睇，一如預期，ＲＥＩＴ組合以１６.８９％（自２０１６年３月３１日年結後重組計，下同）大幅領放；第二位的已是以生活使費為主題的生活基金（９.７４％）。無錯，生活基金係可以用來對沖生活使費（或通漲），但其實呢個point只係表面上的gimmick，實際上企業要賺魔術師的錢不容易：一係你就係有壟斷優勢，要魔術師不得不幫襯你；一係你就係產品服務優質，能夠叫魔術師做returning customer。以上兩者都係買入股份的考慮條件。

排第三、四、五位的分別是受金價影響而回落的商品組合（７.６１％）、複式盈富基金（７.４６％）、與及ＭＰＦ組合（７.０１％），三者叮噹馬頭，分別不大。
以平穩收息為主的入息組合守住第六位（５.１９％），可以當成係合格線benchmark。
以此觀之，就只有「最怕改壞名」的沉船基金搭沉船（３.７７％），原因依然是「米爆」重災區匯豐控股（00005.HK）及WisdomTree Europe Hedged Equity Fund (HEDJ.AMEX)，後者將留待８月份資產配置解決。
同時我城銀行按揭戰又逐漸升溫。金融機構近年飽受折騰，呢樣監管嗰樣罰款，商業戶口又怕同恐怖份子有關連，結果都係借錢俾樓奴最穩陣，故樓按息率下調之餘，住宅估價亦漸見手鬆。上月魔術師自住樓估值又繼續上升，加上投資組合的回報，一個月內身家（Net Asset Value, NAV）又再升５.８５％（＝１１,３１１.１５／１０,６８５.４５—１）；流動資產升幅比上月勁升４６.８６％（＝１９.１８／１３.０６—１），相當不錯：

魔術師份身家拆開來看，資產負債分配如下：

又，魔術師見某些網友將１,０００萬身家定為財務自由目標，舉例說自住樓淨值（估價減負債）２５０萬，全副身家股票加現金加自住樓總ＮＡＶ計埋２３０萬，代表咗咩嘢稍為想想都知道，竟然仲敢話「又向財務自由邁進一步」，見之實在令人搖頭嘆息，看來「財商課程」頗能幫到呢一類人。
＊＊＊
註１：起始日以２０１６年３月３１日收市價計算，交易則在４月１日開市進行。
註２：為免過度煩瑣，外匯轉換價係以每月一次的匯豐銀行卓越理財戶口月結單所顯示的牌價為依歸。
註３：收息組合為「現金及債券組合」中以收息為主的投資項目，故需要除去 Mortgage Link 及活期存款等「非投資類別」。
註４：物業估價為匯豐銀行、恆生銀行、中國銀行網上估價之平均值。