2016年8月15日 星期一

由摩摩電影節之《葉問前傳》到食一個人壽司再到格價精明眼

是日睇完摩摩電影節之《葉問前傳》,基本上劇情犯駁到無倫,無乜point可寫(如果夾硬要寫就變成debug文),個製作有啲似CCTVB的電視電影,唯一一讚的是武打場面幾好睇,同埋有葉準客串飾演梁壁的演出頗見驚喜;不過由黃奕飾演不惜以貞節保葉問出監的張永成就未免充滿違和感(魔術師總是聯想到黃小姐在《竊聽風雲3》的演出,與及其真人的風流事蹟)。


當然仲有樊少皇的偽文青反派演出,實在是一絕,為本片搶回不少分數,應該開一套《金山找前傳》給力王做主角才對。

***
睇完碟有啲夜,便去屯門市中心搵嘢食,諗起日前同DY留意講起完氣,於是便去食返餐食一個人壽司做晚飯。
魔術師入坐迴轉座位,左手邊已坐了兩名港婦,以賣萌懶Q的聲調跟侍應落單:「我想食~~~呢個呢個~~~嗰個嗰個~~~」、「點解你地黃埔有呢個服務,呢度無架~~~」
魔術師乜斜着眼瞧過去,坐近魔術師左手邊的是一名瘦港婦,再遠一個位是個奧米茄頭、匪姐狀的胖港婦,賣萌聲正是出於其「櫻桃小嘴」。
魔術師有點想吐,想快快點菜,誰知二婦卻是拿着本應放在魔術師面前的菜牌閒話家常憶往事,講下邊次同邊個朋友食咗乜咁。
二婦言談間,提及了瘦婦的老公和胖婦的兒子。
魔術師心想你地有大好家庭做乜兩個走出來食完氣兼玩Lady's talk。
魔術師唯有飛象過河,伸手過去右手邊那檯食客面前拿菜牌。
點過菜,好快就有得食。
「嘩!呢個湯好靚,我又要。」瘦婦用筷子指着魔術師的三文魚湯叫喚侍應。
「我想要烏冬,你要唔要加啲嘢?」胖婦問瘦婦。
「我想要個刺身。」瘦婦又用筷子指着魔術師的三色刺身說。
瘦婦的三文魚湯來了,又要了個碗,跟胖婦分甘同味。
這時魔術師的溫泉蛋來了。
魔術師敲開蛋殼,將半熟蛋打在碗內。
「嘩!個蛋好靚呀!」瘦婦又用筷子指着魔術師的溫泉蛋,胖婦更半站起來張望。
然後,就是甜品時間。
「呢個係咩嘢嚟架?」瘦婦問。
「呢個係泡芙。」胖婦答。
仆佢個街,魔術師忍在好耐先唔怒斥呢兩位港婦,知唔知人地食緊嘢時指指點點人地食緊乜係好無禮貌的事情,仲要幾乎伸埋對筷子到人地面前,真係KLM無家教。
證明魔術師的EQ大有改善。
埋單,正在想好唔好同侍應講句:「唔該你睇下有乜嘢我食咗而呢兩位小姐無叫的,幫佢地叫返份。」
最後,都係得過諗字,廢事同啲咁無家教的港豬嘈,揚長而去算了。
***
魔術師自從返新工以來,呢幾個月飲食習慣都有所改變,開始學人在家中煮下麥皮,沖杯奶茶(老媽用開車仔紅茶來煲,魔術師偷懶就用車仔茶包,Lipton一定唔用,非常唔得),食個簡易早餐先返工。於是乎,牛奶呢樣嘢,點都唔少得。
食完壽司去「維康」,竟然親身見到以下奇景,唔係想考魔術師對格價精明眼吧?

***
伸延閱讀:
維基百科:黃奕
摩摩電影節之《竊聽風雲3(Overheard 3)》:有為青年調理農務
奶茶呵叻

33 則留言:

  1. 拿拿拿,呢套野係講明叫你唔好睇,係你自己睇架下。

    打鬥場面係度得好的,據聞洗國林係親身落場做埋顧問;而梁壁一段亦是忠於葉問真正生平(我個人覺得呢段對葉問人生非常重要,甚至無呢段教唔出李小龍),只是事實是葉問在聖士提反打的是阿差,戲內變左打鬼仔。

    如果唔理黃奕的個人事蹟純粹睇外觀,幾套葉問電影選角其實都切合張永成係名門大家閨秀的形象(其他是熊黛林、宋慧喬及扮老年的袁詠儀)。

    一直覺得樊少皇真正潛力被壓抑,佢有d「輸在射精時」:老豆兼經理人樊梅生雖然細細個就送佢學功夫學日文學唱歌,但太拘泥於做「主角」,所以早年除左《力王》外根本就好少演出;磋跎多年後佢私自開始接戲做配角,雖然打出一條血路但老豆就嬲到震,一野返鄉下住唔理個仔...而家老豆瓜左,但如果見佢做金山找呢類丑角,即使咁成功都肯定唔老黎,唔好話《靈靈狗》做太監「曹仁超」了。雖然而家圈內都有d地位,但始終當年狀態最fit的時光已經完全浪費。

    *****

    其實果兩條港婦係咪想溝你?????~~~

    回覆刪除
    回覆
    1. //老豆兼經理人樊梅生雖然細細個就送佢學功夫學日文學唱歌,但太拘泥於做「主角」
      //磋跎多年後佢私自開始接戲做配角,雖然打出一條血路但老豆就嬲到震,一野返鄉下住唔理個仔...

      其實同依家的怪獸嘉獎心態一Q樣,滑坡地以為仔女學19幾樣雜耍補習N咁多科就入到名幼稚園小中大學,做埋醫生律師AO局長議員特首,成為人中龍鳳,只可以做主角不可以做配角。結果,唔使算命都知喇!人上人邊有咁多位俾咁多怪獸仔女做呀?


      //其實果兩條港婦係咪想溝你?????~~~

      所以我完全唔理佢地。

      刪除
    2. 樊少皇曾在專訪提過係樊梅生迫佢只揀主角做, 後來亦因為咁淪落只能接賣佢埠仔既錄影帶做主角.

      迷失完後先撈返配角先有點起色.

      最重要係娶到JJ.

      亞力士

      刪除
    3. //最重要係娶到JJ.

      奀星應乜嘢可以啅到正妹? XD

      刪除
    4. 我覺得佢老豆是被"寧為雞口,莫為牛後"的想法差d累死個仔(亦是非常典型傷民的想法,例如笨土足球).

      樊少皇的"反面教材"是吳彥祖和安志杰,前者是真正識功夫,在美國讀大學時曾經開過班教武術,當年來港是一心想做動作演員,唔知點解苦無機會,反而全部搵佢做文戲,如果佢堅持只拍武打就一早無嘢撈了;後者亦是乜都肯做,齋文戲做,齋打連對白都無又做,無話因為處女作就同成龍對打咁高起點而吊高嚟賣.

      刪除
    5. //我覺得佢老豆是被"寧為雞口,莫為牛後"的想法差d累死個仔

      愚樂圈好搞笑的:你無關係時,就用「發哥星爺都做過臨記喇!」來鼓勵你;你有關係係演偽世家有細縮伯照住,就「寧為雞口,莫為牛後」。

      //笨土足球

      憑乜「寧為雞口,莫為牛後」呀又?不自量力。

      刪除
    6. 「寧為雞口,莫為牛後」
      負學士表弟?
      哩樣野常常出現響事事管嘅父母、長輩, 自身冇乜能力托但又得把口, 個細路可以發揮的已經不多還扼殺僅餘的潛能, 淨低容許做的又是 塞(suck)-idea, 都唔知做左啲乜野出黎...

      刪除
    7. //哩樣野常常出現響事事管嘅父母、長輩, 自身冇乜能力托但又得把口, 個細路可以發揮的已經不多還扼殺僅餘的潛能, 淨低容許做的又是 塞(suck)-idea, 都唔知做左啲乜野出黎...

      無錯,搞死傷港的正是怪獸嘉獎,又要仔女出眾,做人中龍鳳,卻又怕死又要隨波逐流.

      刪除
  2. 其實果兩條港婦係咪想溝你?????~~~x2!!!!
    我水平低,我又覺得幾好睇,至少打得幾好睇~~~~

    你一個人食百幾蚊野, 真係富貴呢~~~!!!

    回覆刪除
    回覆
    1. //你一個人食百幾蚊野, 真係富貴呢~~~!!!

      有幾富貴?我一個人日本網燒都幾百蚊落樓喇。

      依家啲人幾十蚊飲杯兜巴星,仲要一日執幾剷才叫富貴吧?

      刪除
    2. 呵呵,如此二位港婦見到魔兄在池兄blog内提及的"周身刀"~即刻唔食壽司食魔術師XD

      poolshunter.blogspot.hk/2016/08/blog-post.html?m=1

      刪除
    3. //即刻唔食壽司食魔術師XD

      當我係鴨仔咩?

      刪除
    4. 好明顯兩港婦係想引魔術師注意,而且成功達到目的,仲令魔術師念念不忘,化為文字...

      刪除
    5. //欲求不滿。。。

      《痴女倒騎魔術師》

      //令魔術師念念不忘,化為文字...

      相顧無言,惟有淚千行。

      刪除
  3. // 咁無家教的港豬
    黃氣人多勢眾, 無處不在!

    // 魔術師對格價精明眼吧
    哩個奇景一年有幾次, 不過機會不是我的。
    又, 你中秋後再去精明眼, 睇吓精明眼月餅, 買一個送兩個的。

    回覆刪除
    回覆
    1. //黃氣人多勢眾, 無處不在!

      相由心生的豬狀物體。

      刪除
  4. 其實果兩條港婦係咪想溝你?????~~~x3!!!!

    如果係兩位妙齡少女, 魔魔一定坐埋去齊研究邊款壽司,之後仲哈哈哈添!

    亞力士

    回覆刪除
    回覆
    1. 老實講,咁冇家教,就算係妙齡少女短褲妹,性趣都會大減。

      刪除
    2. 無錯! 背心短褲都無情講, 照抦!

      刪除
    3. 魔兄桃花旺,繼壹男子觀摩皮帶,又有兩婦人指點蛋蛋。。。可惜暫時都喺邪花,唔緊要,正花好快嚟。

      刪除
    4. //又有兩婦人指點蛋蛋

      食偉哥都唔會有效...

      刪除
  5. 咁倚天琦同報紙佬打交, 又好唔好睇? 聽講個報紙佬係蛇果狗仔隊扮左報記者....

    回覆刪除
  6. 我以前用一個車仔放入微波爐叮一叮,咁個茶底就好夠味!

    又,衞匡成日都係咁。

    回覆刪除
    回覆
    1. //用一個車仔放入微波爐叮一叮

      只怕熱得濟飲唔到呢。

      刪除
  7. 一開波三毛同元彪對打都好好睇

    亞力士

    回覆刪除
  8. //魔術師有點想吐,想快快點菜
    睇嚟魔術師好憎港婦呢種生物......
    我自己就覺得港女港婦最大問題係即使打扮得好好睇睇,一開口就變得俗氣。

    回覆刪除
  9. //睇嚟魔術師好憎港婦呢種生物......

    我不嬲同港女/婦誓不兩立架喇。

    //一開口就變得俗氣。

    真係唔出聲無人話佢啞。

    回覆刪除
  10. // 瘦婦又用筷子指着魔術師的溫泉蛋
    // 胖婦更半站起來張望
    // 「嘩!個蛋好靚呀!」
    人地讚左你的蛋, 你都應該讚吓人嘛, 例如豐腴的脯呼...

    回覆刪除