2016年10月25日 星期二

八號風球工作天

八號風球有巿民海邊觀浪 更新:2016/10/21 21:02
當局至今收到逾 200 宗塌樹報告,有 13 名市民在風暴期間受傷。很多人因為八號風球多了一整天假期,但有人不理危險到海邊感受風浪。
接近中午「海馬」登陸的時間,堅尼地城水位一直上升,浪越來越大,不斷拍打岸邊,有一個人那麼高,但依然有很多人不理危險去追風、觀浪,更帶同小朋友。
深井這群年青人站在圍欄外的石堤觀浪,他們更走入水中。欺山莫欺水?他們似乎忘記了。尖沙咀天星碼頭每次打風都成為很多人的遊樂場,明知海浪上岸,都要越走越近;在西灣河的他這樣釣魚,會特別有趣?
轉吹西南風之後,杏花邨的風由岸邊吹向海,亦將公園裡的樹枝樹葉吹了出來。
其實打風不只風大浪大,要停止所有水上活動。陸上同樣危機四伏,全港有過百宗塌樹報告。在告士打道、景隆街交界,大樹倒下一棵、又一棵;荔枝角消防局兩棵榕樹敵不過強風,連根拔起,私家車及的士都遭殃;荃灣愉景新城對面亦有大幅棚架倒塌。
上星期五八號風球,不過黃C上司同另外幾位同事就應該要「照常工作」,因為當日有個「中檔名牌」客戶有宣傳活動要搞,於是就匯同另外幾位同事到活動現場支援。呢個 project 魔術師就無份參與,只係見黃C上司聲稱呢個公司咁耐以來所接的最出名奢侈品牌,但當然呢個牌子根本就入唔到魔術師的 shopping list(固然都因為呢個品牌主要係做女裝),所謂做名牌得來又要「價格相宜」,真係就連「咪爛站」或 Band-off 之類的二叔公都未必會收。睇怕黃C上司吹到咁大只能呃下部門班小妹,去到魔術師個層次就只會認為佢未見過大蛇痌尿。
同日,魔術師一早醒來,見八號風球高懸,雖然話這天電車部有電腦程式要交給東南亞某客戶測試,但其實早一日預計會打風時,負責寫程式的電車仔早就話如果星期五如果掛八號風球就會順延一日交貨,兼且客戶的電車部亦座落蝗國沿海地區,恐怕亦會受颱風影響,於是魔術師是以電郵聯絡客戶,說明原委:
Hi [Client],
As HK Observatory has hoisted Typhoon Signal No. 8 this morning, HK office will be closed for the time being. The office will reopen if Typhoon Signal No. 8 or higher is discontinued before HKT 1400.
Because bad weather may sustain, please have a heads up with [client's IT department]. It is very likely that we can only deliver the package on Monday.
http://www.hko.gov.hk/contente.htm
Thanks and regards,
[Magician]
誰知道,黃C上司卻趁機教訓魔術師,話魔術師唔夠「專業」:
The team should be able to work remotely to get it done. PLS explore this option.
PS. Typhoon no.8 <> a holiday, we are being advised to stay at safety place and if we can work remotely, should still continue the work. This is professionalism with nowaday technology. :)
Regards,
[Yellow ribbon boss]
在魔術師的認知世界裡,電車行內的所謂「專業」,在八號風球的情況下,最多只包括救火(Firefight)或事先與員工溝通好、風雨不改的要緊工作,而唔係有事沒事都要「在家工作」的。例如好似黃C上司咁,呢個係另一「中檔名牌」客戶的宣傳活動,早就講明八號風球都要頂硬上,咁就另計。
而且,黃C上司唔當八號風球係假期,呢個係佢嘅決定。魔術師一來就唔知電車仔會唔會當八號風球係假期,會大覺訓或者去打機、打麻雀、睇戲、唱K、追風等;二來又唔知就算電車仔是否有足夠資料可以在家完成程式;三來就算要叫電車仔「在家工作」,也先要得電車部阿頭首肯,魔術師實在無權在未曾有任何知會下叫電車仔們「加班」的。
於是,魔術師如此回覆:
Hi [Yellow ribbon boss],
Thanks for the reminder.
May I ask whether remote working during typhoon is a common consensus with tech team?
Thanks and regards,
[Magician]
黃C上司可能忙於支援那廣告活動,過了好幾個小時才回答:
Let's discuss this important topic later.
FYI, I'm working on site at [middle luxury brand] shop.
Thanks,
[Yellow ribbon boss]
車,原來係想彰顯自己幾咁「專業」,就算係打風都「不顧性命危險」的在忘我地工作。
其實魔術師早就記得佢曾經提過佢呢單嘢係風雨不改的,於是便叫他「小心」:
Thanks [Yellow ribbon boss],
Just want to make sure there is no surprising request to tech team.
Take care.
Thanks and regards,
[Magician]
諗落都好笑。無人想在大風大雨的情況下工作,而且在八號風球之下工作,有乜意外工傷保險好似唔賠的。所謂「Typhoon no.8 <> a holiday」的「professionalism」,好可能只係黃C上司唔抵得其他人有得閉門家中坐,而自己要出外工作而已。
不過黃C上司份人得別容易「情緒高漲(hyper)」(是否真心魔術師就唔知,起碼表面上如此),以魔術師以往跟妹頭搞大茶飯的經驗,做宣傳活動其實好難唔 successful 的(因為就算有甩漏,都只會係自己知,參加的賓客根本就唔覺,甚至唔會上心)。於是黃司上C大可以大肆宣傳,話自己「大風大雨搵命搏」,為工作忘我地投入的「專業精神」(或稱「工作狂」),令活動「勝利完成」,「名牌」客戶甚感滿意,當然就是立下大功。
之但係黃C上司呢種「熱愛工作」的心態,在魔術師眼裡只係打工奴隸的「跑老鼠心態」而已,為公司咁搏真係唔知為乜(亦有可能係因為佢仔細老婆嫰,係「家中經濟支柱」,所以一定要搏的原因)。
「泰山崩於前而色不變;糜鹿興於左而目不瞬」,財務自由果然是一種心態,魔術師真係覺得自己睇嘢同舊同事或依家嘅同事見到嘅世界真係非常之唔同。在別人眼中好緊張、青筋暴現的事,魔術師就只會覺得 no big deal,一切以平常心看待,淡定有錢剩。

38 則留言:

  1. Short short day!

    "This is professionalism with nowaday technology."
    咩英文嚟?噏乜?

    Staff 一句唔齊料,做唔到,你都吹佢唔賬啦!

    好多時啲變態老世,特別係女人會㑭人叫做巫婆,
    就係好中意塞自己嘢 preference 要求人哋都要係咁。
    點樣叫 professional?殺死自己去幫人叫 professional?
    咁重唔快啲?

    "Happy staff, happy customers."
    你個 staff happy 個 customer 未必 happy,
    不過個小個 staff 唔 happy,個 customer 一定唔會好 happy。
    問候下啲同事,一番工,包佢哋更落力完成啲工作。
    幫你解難都落力啲啦!
    如果你唔相信你啲 staff 咁有熱誠,咁你就要反省下自己。
    至少反省下當初點解會請咗佢囉!

    回覆刪除
    回覆
    1. //咩英文嚟?噏乜?

      佢啲英文其實幾差下...講講下佢又好似係在專教人將 China 讀成 支那 的華仁畢業的....

      //Staff 一句唔齊料,做唔到,你都吹佢唔賬啦!

      Exactly, 所以我都廢事問電車仔.

      //好多時啲變態老世,特別係女人會㑭人叫做巫婆,
      //就係好中意塞自己嘢 preference 要求人哋都要係咁。

      咁佢係個camp camp 男嘛.

      //問候下啲同事,一番工,包佢哋更落力完成啲工作。
      //幫你解難都落力啲啦!

      所以係黃C, 只係諗住自己要返, 所以人地都要返, 一齊無魚蛋食就大家都開心.

      //至少反省下當初點解會請咗佢囉!

      人地電車仔的年資耐過佢,更唔係佢請 (就算係我,都唔係佢請).

      刪除
  2. //二來又唔知就算電車仔是否有足夠資料可以在家完成程式;三來就算要叫電車仔「在家工作」

    電車仔一句話自己無帶公司碌柒book返屋企(我assume佢系用碌柒book做coding而唔系desktop),無人吹的佢漲的--唔通叫佢飛的返公司攞然後返自己屋企做?

    回覆刪除
    回覆
    1. 係用 desktop 做架(雖然都有用 Notebook), 不過就實有嘢儲係 local hard drive....如果所有嘢都可以cloud computing搞定, office area 縮7成都得喇, 人人work at home,使鬼返公司咩?

      刪除
  3. 建議以後稱呼佢為7頭黃C上司

    回覆刪除
    回覆
    1. 我幾乎想問佢啲仔女會唔會當八號風球係「假期」,使唔使好 professional 咁在家上網學習?

      刪除
  4. 其實我以前做獅子銀行~除左接待黑岩之外~
    都有D外國客...因為外國冇打風...我地8號波都係要返去SUPPORT...
    上面仲好豪咁話的士錢任CLAIM...但係最基本工半都冇....
    所以呢D公司係留唔住人LAW....

    回覆刪除
    回覆
    1. //我地8號波都係要返去SUPPORT...

      其實好多人8號波都要返工,不過人地應該係早有共識,唔係有事無事都要返的.

      //上面仲好豪咁話的士錢任CLAIM...但係最基本工半都冇....
      起碼大公司有寫到明邊啲情況一定要返,邊啲情況就同上司酌情處理, 好過完全人治.

      刪除
    2. 八號風球搭的士好似無保險。
      Employer 有責任 make sure 做嘢嘅地方係安全。

      刪除
    3. //起碼大公司有寫到明邊啲情況一定要返,邊啲情況就同上司酌情處理, 好過完全人治.
      其實冇ga~睇條team~條team serve外國客就要...就係咁大間銀行先至唔敢black and white
      只係平時ot有工半~8號波又唔係好多...好多人都啞忍....
      呢d公司係刻薄香港人....去到印度都唔work~果陣印度d team落大d雨都話要走先....

      //八號風球搭的士好似無保險。
      冇ga~所以佢地點敢講明要你返工....

      刪除
    4. //就係咁大間銀行先至唔敢black and white

      照計實在HR policy, 不過會留啲走盞位俾部門經理話事啫.

      //只係平時ot有工半

      好耐無聽過OT有補水喇...
      話說兩個表弟的老豆(即係舅父)問我使唔使加班, 幾點放工, 我話8點左右走喇, 佢竟然嘩咗一聲,覺得魔術師太夜放工. 果然佢兩個仔都係公墓園人才呀吓!

      //去到印度都唔work~果陣印度d team落大d雨都話要走先....

      印度我就唔知, 賓記成日打風, 嗰邊啲offshore team應該都有唔少「假期」.

      ////八號風球搭的士好似無保險。
      //冇ga~所以佢地點敢講明要你返工....

      咁由大貓自己保返囉 XD

      刪除
    5. 知情人士透露,大貓去中國(計及香港)化明顕。難怪去奧海城見到極多印同鬼。

      另外,mr yellow ribbon大都有同一性格,自己主宰真理,個風都吹我唔漲。當有同事因風球遇意外,肯定係abc错

      刪除
    6. 忘記留名,倫

      刪除

    7. //mr yellow ribbon大都有同一性格,自己主宰真理,個風都吹我唔漲。

      以為自己主宰真理,但當現實唔「賣賬」的時候, 就一定係社會唔恭二.

      //奧海城見到極多印同鬼。

      所以大角嘴變咗另一個懶 soho 的地方!

      //大貓去中國(計及香港)化明顕。

      有啲咁事?

      http://www.gd.xinhuanet.com/newscenter/2016-04/07/c_1118552025.htm

      汇丰银行冠名广深城际动车“汇丰号”
      来源:新华网   时间: 2016-04-07 09:30
      新华网广州4月6日电(记者王凯蕾)6日,由汇丰集团冠名的广深城际动车“汇丰号”从广州火车东站启程前往深圳。

        汇丰集团行政总裁欧智华说,汇丰植根中国150多年,为经贸往来提供金融支持。广东尤其是珠三角地区,正处于中国经济转型升级的前沿,集团非常看好珠三角地区业务发展前景。

        据了解,广深动车穿越珠三角腹地,联接广州、深圳两大核心城市,多年来是推动当地商贸往来的重要交通干道。以“汇丰号”命名的广深动车共11列,占广深动车总量的一半。“汇丰号”动车每年将覆盖约三千万人次的广深线旅客。乘客将在72分钟的旅途中,通过车厢内多媒体设施及时掌握全球财经资讯、了解市场前沿信息。

        汇丰亚太区行政总裁王冬胜说,珠三角地区拥有巨大的经济发展潜力。随着中国不断推进经济转型和产业升级,珠三角也将再次重塑自身,大力发展先进制造业、高科技和服务业,提升其在全球产业链中的地位。汇丰此次冠名广深动车,体现了集团对珠三角及整个中国经济增长潜力的信心。

        据介绍,汇丰银行在广东共设有64个网点,覆盖全部地级市。去年6月,汇丰集团在全球投资者会议上宣布将重点投资广东的珠三角地区,凭借粤港经贸合作优势,在广东打造具备规模的银行业务,并成为进一步提升中国内地整体业务的新增长点之一。(完)

      (责任编辑:冯倩敏)

      刪除
    8. 去華人員工,換入印同鬼也。

      刪除
    9. headcount 少了, 但人工支出依舊.

      刪除
  5. 網誌管理員已經移除這則留言。

    回覆刪除
    回覆
    1. 我完全唔識,純粹亂估。

      刪除
    2. Michael,請勿以不負責態度公開揣測我公司有甚客戶,你亦可以肯定呢個問題我一定唔會答。 無論你猜對又好,猜錯又好,為免有甚起底組騷擾其他無關人士,留言已刪。

      黃牌警告,再犯即ban。

      有不滿請直接電郵聯絡。

      刪除
  6. // Typhoon Signal No. 8 or higher is discontinued

    有少少潔癖,前面用hoisted,後面用is lowered 會好D ?
    另外,因為好耐冇再「掛風球」,天文台的公文已不再用hoisted而改用issued。以前小學社會科仲要記埋代表每種風球的信號顏色,呢D現時連集體回憶都不是了。

    回覆刪除
    回覆
    1. //天文台的公文已不再用hoisted而改用issued。

      係呀, 睇返網站的確係issued, 我太old school了. Issued 同 discontinued 可以對得返...

      //以前小學社會科仲要記埋代表每種風球的信號顏色,呢D現時連集體回憶都不是了。

      以前係要逐個sign記, 八號風球的方向就最難!



      刪除
  7. //兼且客戶的電車部亦座落蝗國沿海地區,恐怕亦會受颱風影響

    社會在多年前已存在一股虛偽(内地好像稱為假大空?)的風氣了,特徵之一係做表面功夫,做事是為做給人看(扮勤力扮為公司搏命),背離務實, 實際上不但冇真正效益甚至反而消耗資源(例如令同事無意義地辛勞)。但能上位的多是這類鬥出位的人,做事務實有實績的人卻坐冷板……

    回覆刪除
    回覆
    1. //,特徵之一係做表面功夫,做事是為做給人看(扮勤力扮為公司搏命),背離務實, 實際上不但冇真正效益甚至反而消耗資源(例如令同事無意義地辛勞)。但能上位的多是這類鬥出位的人,做事務實有實績的人卻坐冷板……//

      以前的上司妹頭有一個好處,佢都幾着重同事做出來的事有無 value (實質意義),無謂「令同事無意義地辛勞」。明白有時再上頭壓下來時,妹頭亦無法抗拒,不過佢都算係在佢能力範圍內唔使叫同事做門面嘢,我覺得咁係 okay 的。

      至於現任的黃C上司, a person of sales type,鬥出位做雞(個客話乜就乜,唔只係佢自己做,其他同事都要照跟)的確係佢的性格。

      刪除
  8. //FYI, I'm working on site at [middle luxury brand] shop.//

    點解有開門既?

    回覆刪除
    回覆
    1. 宣傳㑭風睇?

      刪除
    2. 宣傳俾啲將八號風球好唔professional地當成係假期的港豬睇!

      刪除
    3. 呢個品牌嘅 target market 都幾特別

      刪除
    4. 打風搞宣傳, 為扮PRO而扮PRO
      做宣傳活動既PRO唔係體現系風雨不改,而係體現係宣傳效果囉

      唯一既可以接受既解釋係場地嘉賓係得一日期, 唔搞無得搞

      刪除

    5. //做宣傳活動既PRO唔係體現系風雨不改,而係體現係宣傳效果囉

      搞event點量度宣傳效果? 咪就係睇下有幾多傳霉版面報導,網上平台有幾多 click 同 share 囉...而呢個 benchmark 何謂合格何謂唔合格從來都好主觀.

      //唯一既可以接受既解釋係場地嘉賓係得一日期, 唔搞無得搞

      詳情點安排我就唔知喇,都有咁嘅可能嘅。

      刪除
  9. // 過了好幾個小時才回答:
    佢特登唔覆你幾個鐘?

    // 係用 desktop 做架
    // 佢竟然嘩咗一聲...果然佢兩個仔都係公墓園人才呀吓!
    「sorry 老闆, 我地冇攞辦公室部 desktop 返屋企, 所以無能為力。」

    // 我幾乎想問佢啲仔女會唔會當八號風球係「假期」,使唔使好 professional 咁在家上網學習?
    掛八號奉旨唔駛做多少係有啲擺明犯罪嘅快感, 好似坐有牌 uber 一樣, 如果可以掛多幾日, 社會可能仲會和諧啲

    // 上面仲好豪咁話的士錢任CLAIM
    咁 claim 埋雙工落去囉, 橫豎千幾蚊的士錢一定唔會有單

    // 好過完全人治
    你上司只係 +vely motivate 鼓勵你獻殷勤啫

    // 8點左右...佢竟然嘩咗一聲
    佢果代返緊工可以去買餸洗菜, 事頭婆幫佢蓋被, 你可能都未返到屋企

    // 印度d team落大d雨都話要走先
    落雨梗係收遮
    2012年04月30日 匯控准購蘇皇印度業務
    2014年04月16日 匯控擬出售印度銀行業務
    2016年05月21日 匯控計劃削印度一半分行

    回覆刪除
    回覆
    1. //佢特登唔覆你幾個鐘?

      可能佢做緊嘢唔得閒覆, 更有可能係佢根本無諗過或唔知要牽涉其他佢管唔到嘅同事, 只是隨口噏拋我浪頭.

      //掛八號奉旨唔駛做多少係有啲擺明犯罪嘅快感,

      國定殺戳日?

      //你上司只係 +vely motivate 鼓勵你獻殷勤啫

      剛剛又想 +vely motivate 成個部門去八花拱照跟CEO去遊玩喇!

      //佢果代返緊工可以去買餸洗菜

      舅父以前做中資銀行, 唔係真係咁爽歪歪下話?

      刪除
  10. 其實公司員工申請在家工作,IT阿頭會考慮data 會外洩,不會輕易批的,我以前阿哥想同我地申請八點後在家remore control 公司部機run report, 電車部用這個理由就擋死了。好明顯魔術師阿姐隨口講下,跟本無想過要入紙申請先可能批。

    回覆刪除
    回覆
    1. //跟本無想過要入紙申請先可能批。

      呢間公司同舊公司規模相差太遠, work at home 未必要入紙咁緊要,不過IT阿頭就一定要知原委,無事無幹無理由要咁做的。

      //好明顯魔術師阿姐隨口講下

      佢係camp camp 男, 點解咁多人當咗佢係阿姐?

      刪除
    2. //佢係camp camp 男, 點解咁多人當咗佢係阿姐?//
      我都係呢篇先知佢係男人!
      可能以前嘅係女人,作風又港女。

      刪除
    3. 前同事A都又係當佢係女的...
      無想又以為佢係女.

      睇怕我的文字都係形容緊個女人.

      刪除