2016年10月9日 星期日

圖書館裡找到的大師心法

多年前我城blog界曾掀起過一股出書潮,一眾bloggers都以網誌文章結集成書出版,美其名blook。魔術師當時也趁着人一世物一世的出版了生平的第一本書,叫做知道下出書是怎樣的一回事,長了經驗和知識,也算是趁機會感謝父母的養育教導之恩。
可幸的是,畢竟魔術師本書的文章都是由散文及短篇小說等拼湊而成,每一章節每一篇都可以獨立來看,內容即使較為鬆散也不成問題;不過如果係教學文章,以網誌輯錄而成的問題就較大,相信絕大部份博客寫文章不是以金庸式連載小說式發表,作為「教你XXXX法」的入門書籍,東講一忽西談一闕的問題就是連貫性不大,有幾多讀者可以跟隨到作者的思維頓成疑問。
魔術師近日好神心地去到圖書館借來本書,期望能從中學習大師秘技一二。可惜最後發現本書乃大師之扑文結集,而且本書疑團處處,艱深難解,即使出盡洪荒之力選擇文章閱讀,亦頗感困難,去到80多頁,已難再進。相較之下,大師門生均視本書為寶典,閱之多遍,甚有所得,看來魔術師慧根實在甚差,無緣習得前輩神技,只得掩卷嘆息。

1. 買得抵唔等於買得中,有彩派。
2. 2010年話話企業可以「保留大部份每股盈利再投資,令到它的帳面值增大」,2016年卻說「可惜的是恆生指數或S&P500等的公司長期證明,保留盈利並沒有賺到它們數學計算的增長率」(見《拉三打四有害文》),大師的心真是難以捉摸。
3. 講到口臭,以低於價值的價格買入股票,即使「價值/價格回歸」,也不一定是價格上升,反映出價值,也可以是價值下跌,反映出價格。
4. 唔明「筆者」在32美元及28美元買入富國銀行,派息率表買入價計算起碼在8%,ROI如何可以計到有15%?「筆者」是否講緊入貨價比「筆者」要平上一半的股神的ROI是15%?
5. 既然市場錯價,中獎的機會大過1/36,但賠率卻又大過1/36,咁就要用 Kelly 來計算一下最合用的注碼,而唔係無厘頭地「加大自已在已經穩勝下敗仗的機會」:如果係「穩勝」,點解唔all-in?又要威又要戴頭盔,即係「可勝不穩」喇!

6. 書中的youtube link 已不復見:

不過憑前文後理,很可能所謂的「白鴿實驗」指的是C嬸和其他網友在《《海豚灣(The Cove)》:官商鄉黑處處有》中提及過的「白鴒大迷信」,似係「天狗食日」式的因果謬誤而唔係咩嘢病態賭徒心態:
Superstition in the pigeon[edit]
One of Skinner's experiments examined the formation of superstition in one of his favorite experimental animals, the pigeon. Skinner placed a series of hungry pigeons in a cage attached to an automatic mechanism that delivered food to the pigeon "at regular intervals with no reference whatsoever to the bird's behavior." He discovered that the pigeons associated the delivery of the food with whatever chance actions they had been performing as it was delivered, and that they subsequently continued to perform these same actions.[70]
One bird was conditioned to turn counter-clockwise about the cage, making two or three turns between reinforcements. Another repeatedly thrust its head into one of the upper corners of the cage. A third developed a 'tossing' response, as if placing its head beneath an invisible bar and lifting it repeatedly. Two birds developed a pendulum motion of the head and body, in which the head was extended forward and swung from right to left with a sharp movement followed by a somewhat slower return.[71][72]
Skinner suggested that the pigeons behaved as if they were influencing the automatic mechanism with their "rituals", and that this experiment shed light on human behavior:
The experiment might be said to demonstrate a sort of superstition. The bird behaves as if there were a causal relation between its behavior and the presentation of food, although such a relation is lacking. There are many analogies in human behavior. Rituals for changing one's fortune at cards are good examples. A few accidental connections between a ritual and favorable consequences suffice to set up and maintain the behavior in spite of many unreinforced instances. The bowler who has released a ball down the alley but continues to behave as if she were controlling it by twisting and turning her arm and shoulder is another case in point. These behaviors have, of course, no real effect upon one's luck or upon a ball half way down an alley, just as in the present case the food would appear as often if the pigeon did nothing—or, more strictly speaking, did something else.[71]
Modern behavioral psychologists have disputed Skinner's "superstition" explanation for the behaviors he recorded. Subsequent research (e.g. Staddon and Simmelhag, 1971), while finding similar behavior, failed to find support for Skinner's "adventitious reinforcement" explanation for it. By looking at the timing of different behaviors within the interval, Staddon and Simmelhag were able to distinguish two classes of behavior: the terminal response, which occurred in anticipation of food, and interim responses, that occurred earlier in the interfood interval and were rarely contiguous with food. Terminal responses seem to reflect classical (as opposed to operant) conditioning, rather than adventitious reinforcement, guided by a process like that observed in 1968 by Brown and Jenkins in their "autoshaping" procedures. The causation of interim activities (such as the schedule-induced polydipsia seen in a similar situation with rats) also cannot be traced to adventitious reinforcement and its details are still obscure (Staddon, 1977).[73]

7. 甚麼叫「賠賺80/20中的那20」?是講賭錢嗎?之前唔係話唔應該有「賭徒心態」?嬴家得了輸家的錢?點解在「筆者」眼中的股票市場,忽然都變了賭場似的零和遊戲?
8. 魔術師在鄉大讀物理時,教授曾講述過如何可以簡易地驗證自己有無計錯數,其中一招就係「對單位」:例如你要計加速度,單位就係 m/s^2,分子係長度單位,分母係時間單位的二次方。以此觀之,股價的單位是「元」,資產、負債、盈利等的單位又是「元」,相乘之後如何可以劃上等號?就算「筆者」辯說這公式只是概念上的表達,而唔係真係相乘,依然係講唔通:點解係相乘唔係相加?2的N次方係「2x2x2x....x2」一共 N 次,看不出跟「筆者」的自創公式有何關係。再退一萬步想,大概「筆者」的意思是「估中某個因子」的機會率是 1/2,所以連續「估中」 N 個因子的機會率就是 1/2^N 了。但...乜大師心法就係教你靠估?
9. 呢一段的中文文法極差(又係讀得番薯多,以英文文法寫中文?)。退多一萬步想,甚麼「容錯度」,其實就係即使自己預計錯誤,都一樣可以「唔死得」的機會率,所以基本因素良好,有歷史的企業會較科網股之類的新興企業「穩陣」,即使計錯數都可以誤打誤墥唔死得而已。

10. 又要睇返《拉三打四有害文》,乜「筆者」唔係話公司100%派哂息俾佢就最好,因為「像筆者簡單地買入全派息XX,再投資回報率就肯定100%能按它的Yield%增長」咩?
11. 其實魔術師已經忍住手,唔再批評佢呢段狗屁不通的中文。魔術師只係想話,「買入後股價跌了一半」,不等於是你「蠢」,但有可能代表你「計錯數」、或掌握唔到入市時機、或未有適當應對策略(止蝕也好、溝淡也好、無限補時都好,你都要有一個「理性解釋」,而唔係「主觀願望」)。至於是否「稱得上長期投資人」,先要看看有否「著重長期收益」,而唔係亂咁買,「升了就等於這隻蠢豬聰明」...呃,基本上魔術師是同意的,之不過係唔明點解「筆者」最近面對批評時要批評者先報上投資成績呢?如果對方是隻「亂咁買的蠢豬」,但回報卻要比「筆者」更好,那又叫「筆者」如何找下台階呢?
***
睇到呢度,魔術師只覺本書textbook knowledge尚可,但「筆者」自創的演繹解說則不敢恭維,一係邏輯有誤,一係算式數目表違不清,「公式都搵唔到條,想扑嘢試演都唔得」,難以作深入理解,再者中文文法差劣,語意不清,錯別字頗多(魔術師最睇唔過眼的就係呢位「筆者」慣常將「多少」的「少」寫成「小」),基本上本書誤區跟其網誌可謂「一脈相承」;為免書評變扑評,都係就此打住,讓本書的命運跟大部份AV一樣,睇唔哂算了。
***
伸延閱讀:
《海豚灣(The Cove)》:官商鄉黑處處有
黃C轉身
拉三打四有害文
賭神的注碼
***
參考資料:
《大學沒有教的股票價值投資法》 羅健昌著 雅典娜策略有限公司出版 2014年5月第一次印刷

65 則留言:

  1. 其實blog文結集出書真的很難成為好書, 因blog文沒有連貫性, 除非寫小說的人便例外.

    回覆刪除
  2. 哈哈又係哋finance beggars...

    “大師門生均視本書為葵花寶典,閱之多遍,甚有所得,看來春花姐慧根實在甚差,無緣習得自宫神技,只得掩卷嘆息。”

    回覆刪除
    回覆
    1. //葵花寶典

      我忽然諗起岳小師妹想同林師弟車震扑嘢呢段:

      岳靈珊輕聲說道:「平弟,你心中仍然疑我。我……我……今晚什麼都交了給你,你……你總信得過我了罷。我倆今晚在這裡洞房花燭,做真正的夫妻,從今而後,做……真正的夫妻……」她聲音越說越低,到後來已幾不可聞。盈盈又是一陣奇窘,心想:「到了這時候,我再聽下去,以後還能做人嗎?」當即緩步移開,暗罵:「這岳姑娘真不要臉!在這陽關大道之上,怎能……怎能……呸!」
      :
      :
      :
      林平之哼了一聲不答,過了一會,說道:「我見到劍譜之時,和你好事已近。我幾次三番想要等到和你成親之後,真正做了夫妻,這才起始練劍。可是劍譜中所載的招式法門,非任何習武之人所能抗拒。我終於……我終於……自宮習劍……」岳靈珊失聲道:「你……你自……自宮練劍?」林平之陰森森的道:「正是。這辟邪劍譜的第一道法訣,便是:『武林稱雄,揮劍自宮』。」岳靈珊道:「那……那為什麼?」林平之道:「練這辟邪劍法,自練內功入手。若不自宮,一練之下,立即慾火如焚,登時走火入魔,僵癱而死。」
      :
      :
      :
      岳靈珊哽咽道:「我不恨你,你是為情勢所逼,無可奈何。我只恨……只恨當年寫下那《辟邪劍譜》之人,為什麼……為什麼要這樣害人。」林平之嘿嘿一笑,說道:「這位前輩英雄,是個太監。」岳靈珊「嗯」了一聲,說道:「然則……然則我爹爹……也是……也是像你這樣……」林平之道:「既練此劍法,又怎能例外?你爹爹身為一派掌門,倘若有人知道他揮劍自宮,傳將出去,豈不是貽笑江湖?因此他如知我習過這門劍法,非殺我不可。他幾次三番查問我對你如何,便是要確知我有無自宮。假如當時你稍有怨懟之情,我這條命早已不保了。」

      - 《笑傲江湖》 第三十五章 復仇

      刪除
  3. 原來連Einstein 都請埋出嚟!

    回覆刪除
  4. //再者中文文法差劣,語意不清,錯別字頗多
    咁個責任編輯都有責任,應叫作者rephrase下D句子同改錯別字(咦,定係改左都重係咁).

    又,其實家陣實體書真係好少人睇.非工具類書賣到千本已經叫暢銷書了.

    回覆刪除
    回覆
    1. 出版社有無編輯都成疑問,最多幫大師加下插圖咁, 否則那些怪異中文和「小小聲」的錯字實在太明顯, 要執一定執到.

      刪除
  5. 師兄你居然...有咁多時間可以浪費

    回覆刪除
    回覆
    1. 其實池兄一早答左第9點:

      http://poolshunter.blogspot.hk/2016/02/blog-post_10.html

      而新興產業(不一定是高科技)一定是資產增值更見效的投資標的

      刪除
    2. 池兄:

      //有咁多時間可以浪費

      放假opportunity cost 比較低, 可以放縱一下 XD

      摩摩:

      //新興產業(不一定是高科技)一定是資產增值更見效的投資標的

      你俾大師fake咗喇...佢成段講「容錯度」的高低, 其實係為「無限補時」鋪路: 「容錯度」高的投資項目, 即使股價趺去一半, 只要坐住艇, 不學那些蠢豬止蝕, 終有一日會等到回升, 到時「補時完畢」, 吹完場雞便可以話自己回報有幾多幾多; 「容錯度」低的新興產業, 好似以前tom.com咁, 就好難搵藉口了.

      刪除
  6. //「白鴒大迷信」,似係「天狗食日」式的因果謬誤而唔係咩嘢病態賭徒心態:

    病態賭徒心態應該是「猩猩踩機關」才對。「白鴿大迷信」中,「行為」和「獎賞」全無關係(咁又點訓練「行為」呢?),而「猩猩踩機關」,「行為」是「獎賞」的必要條件。

    病態賭徒是必須像猩猩般下注才會有輸有贏的,而不是白鴿即使什麼也沒做個戶口仍然會定期有「虧損」或「獎賞」;根據「筆者」「人是有意識的動物」論,人會意識到白鴿現象是類似「戶口被盜用買細價股」,會第一時間報警,而不是培養出什麼「病態行為」。

    回覆刪除
    回覆
    1. //根據「筆者」「人是有意識的動物」論,人會意識到白鴿現象是類似「戶口被盜用買細價股」,會第一時間報警,而不是培養出什麼「病態行為」。

      呢位「筆者」的思路十分奇怪, 又鍾意拋浪頭, 旁徵博引一啲自己只係識皮毛或甚至完全唔識的理論扮「高深」(又令我諗起put call parity 都係「高級金融理論」), 不過由於佢嘅target audience大都是不求甚解的港豬, 似是而非的懶人包就足夠叫班學員主動地奉上「窩心的祝福」了.

      刪除
  7. 不錯的讀書報告:)

    最近大師出的一篇「如何記帳決定了如何思考」(https://parisvalueinvesting.blogspot.com/2016/10/blog-post_7.html),有更多的謬誤,不知所以。看來他連看巴菲特公司的年報也有理解問題,那他延伸的演繹解說無厘頭就見怪不怪了。

    回覆刪除
    回覆
    1. 我無心機睇佢點計條數, 只係覺得佢好似講緊 minority interest, 明明自己係「納米股東」,但又將自己當成係controlling holder 咁去睇. 查實呢啲只係使到自我感覺良好的掩眼法, 現實係小股東無論係在市場上買賣, 定係按咗股票遇上跌市被人追margin, 人地睇嘅都係價格,而唔係所謂attributable 的價值或收入.

      反而,如果你係非上市的中上企老闆, 你去銀行借錢, 負責commercial banking的職員會真係睇你盤數、營業額、現金流、資產之類, 反而更接近「價值」的估算.

      刪除
  8. 哎呀!我寫了篇新帖同你地打對台添!講投資好似打盲拳,隨心所欲。唔好意思,一時想唔起有好多博客也是講投資,得罪之處,請各位原諒!

    回覆刪除
    回覆
    1. 「能夠準確心算到自己的脈搏」是可以訓練出來?
      即便是所有「成功的交易員」都「能夠準確心算到自己的脈搏」,最多也只是說後者是前者的必要條件,並非充分條件吧?

      刪除
    2. 喺。可以算到自己心跳,只反映交易員眼光獨到。算中自己心跳,是沒法訓練的。

      刪除
    3. //算中自己心跳,是沒法訓練的。

      哦, 原來如此.

      刪除
  9. 初到貴blog,最感興趣係術數嗰part,新blog得幾篇文章,舊blog 豐富D

    回覆刪除
    回覆
    1. 術數係小眾趣味, 只係間唔中寫下, 少啲文章亦唔出奇, 而且未搬得哂, 要等喇 (其實同攝影, HiFi, 音樂賞析等topic 一樣喇)...

      刪除
  10. 魔術師,生日快樂!

    同埋快啲搵個菲列特利加‧楊!

    回覆刪除
    回覆
    1. 喵, 你真係好記性, 謝謝你的祝福, 兼承你貴言喇! XD

      刪除
  11. 魔術師,十下十下生日快樂!

    回覆刪除
  12. 原來魔術師係雙十生日,咁真係好易記得。生日快樂!並祝個blog越來越多人睇,同搵到個既有知性又有知性美的女伴!

    回覆刪除
    回覆
    1. 如果我哋一齊轉下圈,踩下機關,咁魔術師係咪就會快啲有艷遇? XD XD

      刪除
    2. //生日快樂!並祝個blog越來越多人睇,同搵到個既有知性又有知性美的女伴!

      謝謝呀!!!

      //如果我哋一齊轉下圈,踩下機關,咁魔術師係咪就會快啲有艷遇? XD XD

      咁就唔係跳求雨舞, 係跳「求女舞」...

      刪除
  13. 魔兄伸入快樂

    回覆刪除
  14. 大師其實中英文都唔惦......睇書時仲要估作者到底想講咩真係幾辛苦。講起借書,真係好耐冇去公共圖書館,之前通常係去中央圖書館,比較容易會搵到心水書。

    祝魔術兄生日快樂!XD

    回覆刪除
    回覆
    1. 我對上一次圖書館借書係中東唔記得邊的國家嘅女漫畫家嘅漫畫書啊!
      圖書館啲書又鼻屎又公仔麵,夠啦!我頂唔順。
      就算書店我都要櫃入面嘅新書。經常見到打書釘啲人向本書打乞嗤呀,咳呀 ⋯⋯ 救命!

      刪除
    2. //大師其實中英文都唔惦......睇書時仲要估作者到底想講咩真係幾辛苦。

      難得佢啲門生又會大讚。只能講句我城臥虎藏龍,大把隱世高手。

      //講起借書,真係好耐冇去公共圖書館,之前通常係去中央圖書館,比較容易會搵到心水書。

      中央圖書館我直程未去過 XD

      //祝魔術兄生日快樂!XD

      謝謝!

      //我對上一次圖書館借書係中東唔記得邊的國家嘅女漫畫家嘅漫畫書啊!

      《我在伊朗長大》?

      //圖書館啲書又鼻屎又公仔麵,夠啦!我頂唔順。

      我又未遇過呢啲cases...

      刪除
    3. //《我在伊朗長大》
      好似係呀!唉~打仗真係好慘㗎!

      //我又未遇過呢啲cases...
      可能你借個啲書都係正正經經嘅人先會知㗎!我細個嗰陣時係李碧華粉絲。從一本散文結集《青紅皂白》,一本小說《秦俑》變成咗小粉絲!細個都係睇埋啲無無謂謂嘅嘢! XD XD
      後嚟大個啲就中意啲實在啲嘅書。Self-help 書好呃人。好似果啲 Men Are from Mars, Women Are from Venus 其實吹水成分高。Coursebooks 又太深,未必識睇。Discover magazine 就非常好嘞!但係太多太空宇宙嘢,我只係中意 mind and brain。後嚟愛上咗 real murder cases!果時已經唔再需要去圖書館,上網有得睇。然後幾乎唔再去圖書館路~

      刪除
    4. 《我在伊朗長大》有戲呢。睇過但印象唔深,不過好似都還可以。

      刪除
    5. 動畫來的,我睇咗碟,都ok,平淡小品。

      刪除
    6. 啲書想睇,但無位放。再買,可能會出現焚書嘅場面了。所以,以家會去圖書館借書,啱睇或者覺得有重讀嘅價值,先會入屋。

      刪除
    7. 圖書館係一個preview的好source,總好過企係書局打書釘。

      刪除
    8. FreeLancer 兄: 唔要d書不妨放入舊物回收箱,利己益人呢.

      刪除
    9. 有毒嘅書就唔好喇, 無謂害人.

      刪除
    10. 無想兄,之前掉過幾箱書,好肉痛,同埋唔知會去咗邊。

      刪除
    11. 自由人下次可以試下拎去呢度放書

      https://www.facebook.com/mybookroom

      刪除
    12. Darth Mike:

      May the force be with you.

      刪除
    13. //下次可以試下拎去呢度放書

      謝謝無想提供, 已加在右手widget裡面 (用desktop view 就見到).

      刪除
    14. 不是我。謝謝Darth Mike兄提供資料.

      刪除
    15. 唔駛客氣,本地二手書店買小見小,幫手推動下

      刪除
    16. 謝謝Mike! 而家連精神書局都好多書唔收,而且講明唔收的書就算擺係佢地度都會當垃圾處理,呢間擺明接受贈書的絕對可以為書籍找個更好的下家。

      刪除
    17. 好人好事值得鼓勵, 希望啲人當係垃圾箱唔好亂咁掉書俾佢地就好!

      刪除
  15. 魔術師兄生日快樂

    我成日都去屯門圖書館,話唔埋我地有見過,但見到都未必知,哈哈哈

    回覆刪除
    回覆
    1. 謝謝!

      其實我依家好少去圖書館的, 讀書時就多啲.

      刪除
  16. 魔魔,生日快樂(遲咗少少,SORRY)。

    回覆刪除
    回覆
    1. //生日快樂

      謝謝...

      //(遲咗少少,SORRY)

      唔通你個bookmark剩係返工先access到? XD

      刪除
    2. 無錯!佛爺個卜連去都唔敢去。

      刪除
    3. 咁恐怖!我冇講鬼故架喎!嘻嘻!

      刪除
    4. //佛爺個卜連去都唔敢去。
      //咁恐怖!我冇講鬼故架喎!

      可能要搞個純文字版.

      刪除
    5. 佛爺,又唔係恐怖嘅。只係俾人見到,會有啲不必要嘅猜想。雖則你講啲嘢都係正經嘢嚟。XDD

      刪除
  17. 魔兄,生日快樂

    //唔通你個bookmark剩係返工先access到? XD

    睇黎我同FreeLancer一樣 XD

    回覆刪除
    回覆
    1. //魔兄,生日快樂

      謝謝...

      點解我又唔覺sony只在business day 出現?

      刪除