2017年7月10日 星期一

動物傳心

哈哈哈,笑鬼死!畸寶新聞真係唔可以執!
傳心師聲稱靠照片可知動物想法 2017/07/10 06:01

最近《新聞刺針》記者的寵物烏龜走失,看見動物傳心大行其道。有引用量子物理原理的傳心師,亦有用腦電波的。他們都說靠動物照片就能知道動物想甚麼,於是記者決定一試。
嘩,呢位動物傳心大師真係夠薑,竟然敢單槍匹馬上電視台做訪問,仲要講到懶科學咁,唔通真係藝高人膽大,唔怕俾記者大踢爆?

原來記者妹有隻叫「布歐」(魔人)嘅寵物龜走失咗...喔...狗要溜,貓會跑出門,都有走失的風險,但係龜...?唔好話俾魔術師聽人會行得慢過龜喎!Anyway,總之記者妹就搵咗幾位當紅傳心師幫手:

呢一位就係好似好多網上財演扑架咁,有出過書嘅元祖級動物傳心師,竟然連雙龜「好有抱負」都講得出:

呢位又係出過書的問米哥就乩童上身,信都寫得出,仲要簽埋名先夠抵死:

呢位阻住哥就係咁意用腦電波同隻龜溝通,話「布歐」躲在花盤後,似乎都只係講緊一般烏龜的習性:

呢位有青阿姐直程就將隻龜當成係有青,乜都怪哂個主人:

呢位有cert嘅大師門生就收得最貴,點知同隻龜傾咗成粒鐘,都只知道「布歐」身處又暗又濕的地方:

究竟「布歐」去咗邊?答案揭曉了:原來「布歐」只係從「絕無假貨」(馬老大拍心口保證)的掏掏網掏回來的塑膠玩具:

大師被答知真相後,真係呆咗好幾秒(早知就唔話睇相傳心,下次要個客要拍片先得!),然後馬上就星宿老怪上身,話只係個徒弟自這言自語,唔關做師父嘅事:

記者唔知用乜藉口可以訪問到元祖姐同阻住哥,總之元祖姐就口窒窒咁話玩具龜都可以儲存到主人的情緒,而阻住哥就直程話「撘錯線」(咁如果主人幫啲寵物改埋啲 common 啲嘅名,豈不是又會「搭錯線」?)問米哥直程就顧左右而這 言他,而有青當然有不失有搞本色,cut你線可也:

原來共亂會都有搞呢類動物傳心訓練班,而導師正正就係阻住哥,睇怕都要搵嫻姐同棠哥問個究竟:

其實,演而優則(教)導,故大師總是要開班的。同好多財扑一樣,搞咁多大龍鳳都係想開班收徒,學費動輒數千元,傳心大師仲可以搞到好似 book 咗個 lecture theatre 「佈導」咁。總之,港豬們就係乜都唔識,係都要俾公上堂,心中才靠譜:

講講下,傳心大師就連量子物理都出埋,又粒子又乜又七,咁都講得出,唔通我城作為乜班都有得開的「培訓之城」,竟然無人正正經經讀物理?

***
伸延閱讀:
維基百科:公冶长

58 則留言:

  1. “傳心大師仲可以搞到好似 book 咗個 lecture theatre 「佈導」咁”

    睇到嗰張相真係覺得想死,竟然有唯多傻仔儍女...

    回覆刪除
    回覆
    1. ..咁多傻仔儍女...

      刪除
    2. 究竟邊度啲人先係人傻錢又多呢?

      刪除
    3. 又可能大部分上堂嘅就喺想學點呃人搵錢,未必真心傻嘅。

      刪除
    4. 我唔信! 只有蝗民才是騙子, 我城人民都是純潔無瑕的!

      刪除
    5. 唔係灣灣先係咩?

      「十個灣灣九個騙,還有一個在訓練。」XD

      刪除
    6. //唔係灣灣先係咩?

      你呢句實在打沉了唔少有青...

      刪除
  2. http://science.howstuffworks.com/science-vs-myth/unexplained-phenomena/pet-psychic4.htm

    回覆刪除
    回覆
    1. 6 年前買過本書好似係 Thomas 嘅。以為係講 animal behaviour,賴嘢!
      跟住識得有人話上過堂,用幾千蚊去學。解決咗其中一隻同其他貓相處得唔好嘅貓嘅問題喎!

      刪除
    2. //識得有人話上過堂,用幾千蚊去學。解決咗其中一隻同其他貓相處得唔好嘅貓嘅問題喎!

      貓熟咗之後會建立咗某種social network, 咁就唔會成日打交架唰.

      //講 animal behaviour

      其實都係一般江湖術士技倆.

      State the obvious. She might watch a dog chew on his paws and say, "He says his paws bother him. They itch all the time."
      Use vague language. A statement like, "He says something's different in the house" can lead the pet's owner to figure out what the change could be. If the owner replies, "I bought new throw pillows for the living room," the cold reader will base her response on that information. She might reply, "Yes, he says the pillows smell funny. You told me he keeps scratching at the door. He says he's trying to get away from the smell."
      Make statements that are likely to be true. Most indoor cats like to sit in windows and look outside. If a cold reader says, "She's very curious. She says she loves to sit in the window and see what's going on in the world," she's unlikely to be wrong.
      Ask questions. Successful cold readers ask lots of questions as they fish for details. When the person receiving a reading answers a question, the cold reader often repeats or rephrases the answer. The reader also uses the answers to the questions to decide what to ask next

      刪除
    3. 唔係打交,係宅!攪唔攪笑?
      我唔記得係乜啦!佢成功令宅貓同其他貓一齊係門口歡迎佢回家喎!
      人好鐘意以人為中心去諗呢個世界。十字教最嚴重。神條 hotline 就算 if you ... please press ... 都應付唔到。
      XD XD XD
      貓本來話宅㗎啦唔該!

      刪除
    4. //貓本來話宅㗎啦唔該!

      貓不嬲都獨來獨往架喇!

      //佢成功令宅貓同其他貓一齊係門口歡迎佢回家喎!

      主人只要慣咗返到屋企即時餵食便可以了.

      刪除
  3. 魔兄,文章漏咗標題~

    回覆刪除
    回覆
    1. 加返喇...好明顯,我係唔習慣「放假」囉!

      刪除
  4. 點解咁都搵到食?其實好似係淘寶買野咁,俾錢搵幾個好評師就搞掂,人真係易呃。

    回覆刪除
  5. 講白啲, 你熟識咗某啲動物嘅習性之後, 就可以代佢講嘢架啦.

    "....佢好有決心, 要去大自然...", DIU, 動物都係週圍走架啦....都痴銀綫嘅...

    回覆刪除
    回覆
    1. 依家啲傷民成日都話政府呃人,懶係critical咁, 但另一方面又成日被人呃, 啲騙子用嘅仲唔係咩嘢高科技手段, 我都覺呢個社會「痴銀綫」....

      刪除
    2. 要反思養寵物會否影響到啲動物, 令到佢哋覺得自己被困住, 呼吸唔到自由嘅空氣. 以至到佢哋本身好有藝術天份嘅, 得唔到空間去發揮, 而埋自少就同家人分開, 會否做成佢哋精神分裂, 有自毀自殘嘅傾向.....

      要反思啊....

      摩摩: 提咗"反思", 唔好打我...... XDDD

      刪除
    3. //反思養寵物會否影響到啲動物

      咁真係要同啲寵物做下生涯規劃先得喇!

      刪除
    4. 直頭要贏在起跑線添啦.... DIU....

      刪除
    5. 買寵物寶, 搞埋生養死葬, 都係一條財路.

      刪除
  6. //人去改變粒子的狀態時,動物一方面亦同時改變。

    quantum entanglement。XD

    Tom

    回覆刪除
    回覆
    1. 「心電感應比光速還要快」XD

      https://en.wikipedia.org/wiki/Quantum_entanglement

      Recent experiments have measured entangled particles within less than one hundredth of a percent of the travel time of light between them.[7] According to the formalism of quantum theory, the effect of measurement happens instantly.[8][9] It is not possible, however, to use this effect to transmit classical information at faster-than-light speeds[10] (see Faster-than-light § Quantum mechanics).

      刪除
  7. 睇畸寶新聞我先覺得自己係睇緊新聞而唔係政府/大財團的通告。
    最正係片尾的量子定律,個被訪專家個回應真係得淡笑。

    回覆刪除
    回覆
    1. //睇畸寶新聞我先覺得自己係睇緊新聞而唔係政府/大財團的通告。

      睇新聞, 識睇就真係要睇畸寶...

      //個被訪專家個回應真係得淡笑。

      只能怪傷民無常識, 就連遇到問題, 去找一些入門知識幫下自己的能力無無(或懶).

      刪除
    2. FB見聞.

      有位小姐見到有人溜狗. 咁隻狗係啲草叢度小便落mark, 佢就係FB留言, 話嗰個人無公德心. 話啲尿尿有尿酸,會乸死啲草.....

      刪除
    3. 呢啲小姐已經遠離大自然,九成會因為見到超市切開啲牛肉而以為牛是紅色的.

      刪除
    4. //話嗰個人無公德心. 話啲尿尿有尿酸,會乸死啲草.....
      //九成會因為見到超市切開啲牛肉而以為牛是紅色的.

      佢咁有愛心,會唔會將啲M巾拎去捐血, 即係好似搞廚餘咁嘅concept.

      刪除
  8. 被人踢爆咗,呢班友都可能會轉個型式嚟昆水魚

    回覆刪除
    回覆
    1. https://www.facebook.com/isachk/
      so funny!

      Tom

      刪除
    2. //ISAC 的學生願意繼續花時間金錢心機讀上去,除了課程真材實料,我想不到其他原因。這點相信所有參加過 ISAC 課程的學生也會同意。

      甲: 你醉喇!
      乙: 我無醉!

      刪除
    3. 好多香港人中意使少少錢㑭個銜頭自己威威。
      正正經經讀個 animal behaviour 咁辛苦。做 dog trainer 又辛苦。
      呢d虛無飄渺易好多!又唔使負責。一句「信咪有,唔信就冇」攪佔。

      刪除
    4. 咁不如我又自稱「風水師」(最緊要學識按摩)...

      刪除
  9. 隻龜「好有抱負」!? 學周星馳話齋 "我仲睇得出你個人好真又有愛心做朋友真係一流!".............哈哈哈!

    回覆刪除
    回覆
    1. 回應“新聞刺針”

      5) 其餘4位受訪者不是 ISAC 的學生,亦與 ISAC 無關。

      刪除
  10. CIA 在冷戰高峰期,好似真係研究過這類心靈力量的軍事作用,不過有無實用化就全無下文,定係知道俾人昆左唔敢再提就天先知了。
    不過,FBI 真係好似試過靠靈媒問米去破案

    回覆刪除
    回覆
    1. CIA當年應該喺傳人心唔喺傳動物心呱(雖然都好ON鳩,但喺起碼對象都喺人唔喺"好有抱負"的動物)。呢啲同N年前蝗國嘅"氣功大師""隔空取物"咁有乜分別。

      //先假設動物傳心是騙人的。那動物傳心課程要怎樣教呢? 說其實一切都是假的? 那誰會去讀上去呢? 完成課程又如何令他們相信自己真的做到動物傳心呢?

      所以咪喺教人點呃人囉!點樣用啲偽科學詞彙去呃啲六神無主嘅寵物主人---祈福黨應該都開嗰課程喇!

      刪除
    2. //祈福黨應該都開嗰課程喇!
      https://magicianyang.blogspot.hk/2017/06/blog-post_11.html

      咪講笑, 我最近在二手區放枝鏡頭,竟然都遇到電騙...有時間寫返篇.

      //CIA當年應該喺傳人心唔喺傳動物心呱

      Wayne Law 人都係動物,咁我想問讀完可唔可以同人傳心?
      讚好顯示更多心情 · 回覆 · 39 · 7月10日 22:36
      移除
      隱藏14則回覆
      ISAC - 動物傳心課程、服務 我們試過,答案是不可以
      讚好 · 回覆 · 3 · 7月10日 22:43
      移除
      Ban Jeong Young 我未學過都覺得,唔得,人類心思太複雜了
      讚好 · 回覆 · 7月10日 22:47
      移除
      Jamie Tse 其實點解要同在世冇語言障礙既人傳心?你就咁問佢唔得咩🤔
      讚好 · 回覆 · 8 · 7月10日 22:58
      移除
      Wayne Law Jamie Tse 今日我睇新聞,見有個維權律師係709事件被消失兩年,生死未卜,佢老婆喊到豬頭咁。我係到諗呢門特異功能可唔可以幫到佢,得唔得?
      讚好 · 回覆 · 42 · 7月10日 23:13
      移除
      乙鴻 首先要脫離重力,方能進化成新類型人⋯⋯
      讚好 · 回覆 · 昨天 0:02 發佈
      移除
      David Cheung Jamie Tse 因為可以隔空傳心,唔洗面對面。
      讚好 · 回覆 · 昨天 0:13 發佈
      移除
      Jamie Tse Wayne Law 呢d唔洗傳心都知啦,凶多吉少
      讚好 · 回覆 · 昨天 0:33 發佈
      移除
      Jamie Tse David Cheung 點解要咁做
      讚好 · 回覆 · 昨天 0:36 發佈
      移除
      Ga Za 點解人唔得?
      背後有冇理論支持?
      讚好 · 回覆 · 2 · 12小時
      移除
      Ho Ching Hei 人識講野,會比人踢爆,所以咪唔撚得囉
      讚好 · 回覆 · 19 · 11小時
      移除
      Kao Se Fong Ho Ching Hei
      6個月以下嬰兒傳心術,保證唔會比人踢爆
      #又一條財路
      讚好 · 回覆 · 5 · 10小時
      移除
      Man Chan 人傳心可以即時確認真偽,而動物不能,所以動物得,人唔得。
      讚好 · 回覆 · 3 · 7小時
      移除
      Joey Chan 其實係主人讀心術
      讚好 · 回覆 · 1 · 2小時
      移除
      Ga Za 感謝Man Chan同 Ho Ching Hei的解釋,我明白了
      讚好 · 回覆 · 2小時

      刪除
    3. 點解無人開班教「千隆問屈術」?

      刪除
    4. //「千隆問屈術」

      http://www.kcfun.net/thread-46351-1-1.html

      我舉個例子——寵物冷讀
      “最近我想飼養寵物,A小姐喜歡什麼寵物?”
      “如果要養的話,我想養貓。”
      “嗯,養貓啊。你喜歡貓的什麼地方?”
      “喔,應該是貓的自由自在與隨性吧。”
      使用寵物冷讀時,最重要的是哪個喜歡的理由,第一次的選擇暴露了「我希望這樣被認同」的願望,第二次的選擇則是反映了「希望你是這個樣子」的願望。而這裡所謂的“你”,就是指情人或結婚對象。
      看到這裡,你就知道一個好的模型可以幫你省去多少力氣。
      《冷讀術》中能夠用來測試對方某方面特性的,都屬於千的模型範疇,另外《9型人格》等書籍也能起到千的模型效果。你千的模型有多大,你千的技巧就有多強悍。或許大家沒有註意到,再《奸的好人》系列裡,也有一個千的人性模型,就是成功的5大特質,是一個精簡版的“五型人格”。就連傳統NLP的視聽觸都可以作為你的模型。個人認為,每個模型的特質不同,冷讀的WE/ME,以及其他技巧,能​​讓你解釋對方生活習慣,5大特質可以用來解讀事業,視聽觸用來解讀溝通和人際關係是最好不過。

      刪除
  11. 我都有朋友讀左個傳心課程,話好多人報,想上進階班都未必有位。好在有cable呢段新聞,如果唔係睇黎會有更多人受騙

    又,傳心大師篇回應好夾硬黎,好多邏輯謬誤

    回覆刪除
    回覆
    1. //我都有朋友讀左個傳心課程,話好多人報,想上進階班都未必有位。

      嗰啲係咪「媒」嚟架?

      //傳心大師篇回應好夾硬黎,好多邏輯謬誤

      睇片先搞笑, 記者拎隻玩具龜俾佢嘅時候, 佢hang 咗機幾秒...好彩佢個身有郁動,如果唔係我仲以為cable播緊硬照 XD

      刪除
  12. //記者的寵物烏龜走失,
    //仲要講到懶科學咁

    D,懶科學就唔該篩選下--感情同後天記憶是要在哺乳類動物先會有,爬蟲類係完全以本能同先天記憶存活的...

    //原來共亂會都有搞呢類動物傳心訓練班

    有時又真係抵d土共俾有青笑...

    //竟然無人正正經經讀物理?

    就黎無大學開物理啦...

    //周海峰

    其實佢成個袁祥仁咁,個look仲似d高人...更易昆到人「維護世界和平」:

    http://www.dailymotion.com/video/x2tt3sb#t=28m02s

    另外唔使去國防部,大把馬迷會仆到去學...到時池兄就搵唔到食嘞.

    //有出過書嘅元祖級動物傳心師
    //呢位又係出過書的問米哥就乩童上身
    //「十個灣灣九個騙,還有一個在訓練。」XD

    宣傳宋七力思想的書籍《宇宙光明體》索價20,000元新台幣,一盤錄影帶的價格為2000元新台幣

    https://zh.m.wikipedia.org/zh-tw/宋七力

    //其實都係一般江湖術士技倆.

    呢條紋身鬍鬚佬就真係勁,好多集改下屋企d擺設d貓就純晒,但說穿了都係熟悉貓性而已:

    https://www.animalplanet.com/tv-shows/my-cat-from-hell/

    //依家啲傷民成日都話政府呃人,懶係critical咁

    港女都成日批評d仔的,如此而已,與critical無關

    //摩摩: 提咗"反思", 唔好打我...... XDDD

    自由兄果然係忠實fans,連客席主持習性都熟埋 XD

    //ISAC 的學生願意繼續花時間金錢心機讀上去,除了課程真材實料,我想不到其他原因

    Number降.

    回覆刪除
    回覆
    1. //http://www.dailymotion.com/video/x2tt3sb?start=1682

      Sorry, 條link格式錯咗,應該系

      http://www.dailymotion.com/video/x2tt3sb?start=1682

      刪除
    2. ////摩摩: 提咗"反思", 唔好打我...... XDDD

      // 自由兄果然係忠實fans,連客席主持習性都熟埋 XD

      我都好L憎啲人, 成日講反思, 反條能咩. 反出嚟嘅, 一係就係自圓其說, 一係就為反思而反思. 一係就語出驚人, 提出啲ON 99嘅"新諗法"出嚟.

      刪除
    3. //感情同後天記憶是要在哺乳類動物先會有,爬蟲類係完全以本能同先天記憶存活的...
      //Number降.

      我都想知, 其實傷港社會一直以來都好推祟「學業成績」,年年報有幾多幾多狀元, 照計傷民對知識都會有一定的追求, 點解反而可以有咁多騙案發生?

      //有時又真係抵d土共俾有青笑...

      呢類「老人團體」真係要與時並進先得.

      //就黎無大學開物理啦...

      悲.

      //大把馬迷會仆到去學...到時池兄就搵唔到食嘞.

      呢招就叫「Thomas criteria」XD

      //宋七力

      D, 信發輪功好過喇!

      //my-cat-from-hell

      我有睇過幾集, 主要係啲主人又要養貓, 又唔知隻貓想點...係個主人白痴而已.

      //港女都成日批評d仔的,如此而已,與critical無關

      哈哈, 唔怪得前老廉的高佬廷咁受歡迎, 又夠型又夠「critical」

      //客席主持習性都熟埋

      跟客席主持傳心

      //條link格式錯咗

      「如果我學過如來神掌又話你聽咩?」
      我幾乎想同黃C上司講:「唔通我有幾多身家,又要話你聽咩?」

      //一係就係自圓其說, 一係就為反思而反思. 一係就語出驚人, 提出啲ON 99嘅"新諗法"出嚟.

      反思完出來, 一係自己唔做, 一係就叫人地做...根本就係語言偽術.

      刪除
    4. // 反思完出來, 一係自己唔做, 一係就叫人地做...根本就係語言偽術.

      佢啲反思出來嘅野, 根本行唔通, 但又要話係人哋令到佢哋做唔到. DIU....

      刪除
    5. //又要話係人哋令到佢哋做唔到

      呢啲係社會嘅錯, 所以要改變社會, 時代革命!!

      刪除
  13. Animal behaviour 或 animal paychology 讀 vet 時可以揀嚟讀。
    呢個係 free 嘅:
    https://www.coursera.org/learn/animal-behaviour

    Thomas 都係根個西人學(女人)。
    有學歷嘅人都會有厄人錢嘅。分別係厄得高明啲咁囉!
    初初呢家嘢係香港興起時,讀一讀心要成千蚊呀!
    好搵個專科醫生,幾多人想呀,係咪?
    最重點係動物究竟係點溝通?By talking?
    而溝通時運用咗 anthropocentric perspective。
    寵物不單止會「講」,重會好似人咁諗嘢。
    其實呢啲嘢,科學一直研究中,所以動物傳心術同解夢一樣係不能肯定。

    回覆刪除
    回覆
    1. //最重點係動物究竟係點溝通?By talking?
      //而溝通時運用咗 anthropocentric perspective。

      面對面同動物「溝通」,當然是可行的,但就不是「傳心」咯! 「傳心師」望住幅相就可以同動物溝通到, 更加只能算是 Telepathy 的層次...

      刪除
    2. 高級問米? XD XD

      刪除
    3. // 問完仲無辦法verify添
      呢下高....

      刪除
  14. BTW曹宏威博士呢?以前呢啲騎呢嘢電視台通常會搵佢講兩嘴㗎啵。

    回覆刪除
    回覆
    1. 維基百科:曹宏威
      話哂都做過人大, 自重身份唔會出來癲了.

      又, 我以前物理系的tutor 湯兆昇, 依家成日在CCTVB左擁右抱...

      刪除