Interactive Broker Account Management Beta 版介面

平日有用開 Interactive Broker（IBKR.NASD，下稱 IB）做股票交易的讀者，相信一定發現 IB 網頁版登入時多咗一個叫 Account Management - Beta 的選項：

魔術師身為電車業從業員，當然一不怕苦二不怕死，有 beta 版自然就要試下。
一入到去，發現版面簡潔咗好多，不過中間舊 doughnut 狀的 pie chart 實在有點無謂，似乎是為了「霸佔空間」而設立：

值得一讚的是個 help 清楚咗好多，尤其是係對孖展客來說，有解釋到謎一樣的 Buying Power 是如何計算出來的：

不過，魔術師覺得孖展戶口公式似乎漏了個括號（不應是 Initial Margin * 4），否則 Cash Account 的 Buying Power 豈不是會大過 Margin Account 的 Buying Power?

In a Cash Account, Buying Power = Minimum (Equity with Loan Value, Previous Day Equity with Loan Value) – Initial Margin.
In a Margin Account, Buying Power = Minimum (Equity with Loan Value, Previous Day Equity with Loan Value) – Initial Margin *4.

其中孖展戶口公式應為：

In a Margin Account, Buying Power = [Minimum (Equity with Loan Value, Previous Day Equity with Loan Value) – Initial Margin]*4.

至於魔術師最常看的 report（其實即是 statement），也將以往無故分為 Activity Report （每日收市後總結）及 Trade Confirmation Report（即市交易結單）：

整合為一個 page 顯示；

個 portfolio list 都幾型仔，如果每一隻股份可以 click 入去睇埋相關的 transaction history 就更完美了：

當然，現在這個 beta 版還有很多現有功能未能提供，例如全球各市場的 trade permission：

同埋，最大的問題係，無 quick link Call 唔到　webtrader / Quick trade，唔能夠好似舊版咁一面睇住個 account 一面 trade！