2017年7月5日 星期三

有青RapeLay屋

真係該煨咯!寡母婆守女,好嘞個女依家婷婷玉立,隻豬仔唔只俾條有青食埋,依家就連貼大床都唔只,仲要裝埋潢俾佢地扑嘢,真係無眼睇!(35:00—48:00)
樓盤傳真 2017/06/10 2017/06/10 22:55

樓價升得急過租金,拖低部份屋苑回報,但隨著暑假租務旺季開始,租金有望追落後。
新「辣招」打斷換樓鏈,上月港島東區成交急挫 50% 。業主態度繼續強硬,鯉景灣全海景單位叫價 1,280 萬元放售,呎價近 2 萬元。
插針式蚊型盤紅磡傲形清一色不足 300 呎納米樓,驗樓單位 212 呎太細,抽油煙機無位排氣,過瀘完竟然吹返入屋。
西環綠意居 400 呎單位,設計師要用盡全屋窿窿罅罅,不但兩房變三房,還有大量儲物機關。
三母女住400呎兩房單立,本來已經係擠逼戶:阿媽同細女訓,單邊落床,阿媽返工易整醒細女,房間窗台仲要整多兩條鋼管,用來掛衫。大女條仔面皮厚過裘千丈,一聲唔該搬入嚟住,一啲都唔介意三娘教子(唔通可以搞埋阿媽同細妹?見H game 《RapeLay》),仲搞到為咗人地屋企佢而花 50幾萬去間多間房出嚟俾呢對「偽娘油」扑嘢:

設計師將原來的房間拆去(左上),再往洗手間偷位,監生將兩房劏成三房:阿媽間房真係細過乜,擺完床擺完衣櫃只得一條巷仔上落;阿妹間房又係屈埋一角,就連衣櫃都唔多覺;最大就係家姐間扑嘢房(右上)。所有房門改為趟門,節省空間(左中)。為增加儲物空間,地台、假天花、甚至橫樑隔離都可以用來儲物(右中、左下、右下),不過擺咁高都唔知點拎:

設計師又將原來的廚廁(左上)位置調換,令洗手間間不用對住客廳(右上)。廚房改為開放式,於是洗衣機和洗豌盤都跟客飯廳「we connect」起來:

客廳方向由原來的縱向(左上)改為現在的橫向(右上),變成貼窗擺放,整個佈局都正常好多。飯廳造個吊櫃,明明都住得逼,大女仲要儲埋啲唔等使的酒樽(唔通大女係 bartender?),睇怕得閒就學似游小三咁飲到 pair pair 夫,借機同娘仲痕搞埋一齊。除咗三母女同有青之外,記者話呢間屋仲有兩隻喵星人(左下,可能有一隻驚人匿埋咗),所以設計師又打造了間貓房俾佢地住(右下)。其實貓是需要 full cover 才覺有安全感的,呢個設計中門大開,貓貓多數寧願訓紙箱好過:

牆身係櫃(左上)、地台係櫃(右上)、飯廳後面都係櫃,仲擺滿哂鞋,都唔知着唔着得哂(左中、右中)。吧枱可以拉長增加面積(左下),枱底下有三張(點解得三張?)特別設計 just fit 的椅(即係無得換椅),椅背又可以用來儲物(右下)。睇到呢度,其實呢個家庭唔係需要更多的儲物空間,而係需要掉哂啲唔等使嘢:

阿妹張床放上窗台,原來側邊有個櫃,應該可以用來放衫,同埋又可以拉塊板出嚟當書枱用(左上、右上)。阿媽間房無特色,只係腳向窗台多返啲安全感;設計師照例在衣櫃上又整塊拉板做工作間(左下、右下)。住私樓住到逼成咁真係同住劏房無乜分別:

大女間炮房以黃色做主調,衣櫃照例又有拉板做書枱,另外又有一個衣櫃吊在床頭隔離,床上人起身特別容易墥頭;床頭櫃在熊貓紙巾盒(嘻嘻!),但就唔見有垃圾桶(左上、右上),千祈唔好貪方便唔用 dom dom,一旦搞出人命,到時設計師再本事都無辦法劏多間BB房出來。炮房床尾跟客廳相連,唔用實心牆而用玻璃窗分隔,以引入光線並且被人睇通睇透(左下)。如果大女要同有青扑嘢,便可拉下窗簾(右下),呢個就係俾屋企人「請勿騷擾」的「訊號」:

洗手間又玩工業風,不過就唔知點解要用浴簾而唔用玻璃浴屏(上)。要晾衫咩?設計師仲整咗個好似酒店用嘅鋼絲俾屋主一家用(下)。魔術師睇來睇去,呢啲唔係叫「骨子」,而係叫「可憐」:

戶主在2003年以214萬買入,現在已升至750萬,不過由於係自住樓,只屬紙上富貴。主持話要在同一幢大廈換三房要1,000萬,只能做5成按,供款大增,唔係咁易捱:

其實,呢家人住私樓,唔使搞到自己好似住劏房咁:學阿乜 sir 話齋,持現居去加按,就算只做6成,都可以按到398萬(=750*0.6-52)出嚟,到時做「雙租族」,偷偷地出租現居,自已再租大啲嘅,多餘現金就用來做「債基疊增」,你話係咪好掂呢?

24 則留言:

  1. 原來由我屋企行過去呢度唔使五分鐘!

    //睇到呢度,其實呢個家庭唔係需要更多的儲物空間,而係需要掉哂啲唔等使嘢:
    //魔術師睇來睇去,呢啲唔係叫「骨子」,而係叫「可憐」:

    https://www.iread.one/36280.html

    當然有啲概念係稍為極端的,但呢兩年自己閒時就執下啲積壓多年舊物的"深水區",真係會越執(或者越丟或越捐出去啲無用嘢,就是佢樓下嗰間救世軍)越開心,同埋更重要是屋企空間大咗,睇到心情都唔同。

    不過呢個point先係重點:

    16. 斷舍離時,務必要避開親媽。

    呢三位家庭成員都是現任或pending的親媽,所以都好難斷捨離也。

    //學阿乜 sir 話齋,持現居去加按,就算只做6成,都可以按到398萬(=750*0.6-52)出嚟,到時做「雙租族」,偷偷地出租現居,自已再租大啲嘅,多餘現金就用來做「債基疊增」,你話係咪好掂呢?

    如果作為改善生活空間的消費計,呢招唔係無道理的,尤其佢地住開西環,大把舊樓可以俾你住大啲但租金差無幾也; 近400萬現金,唔好講咁複雜,簡簡單單買港燈就對沖電費兼有息收,都幫補到二按個供款也。

    不過一屋咁多唔等使嘢,一返到去咁壓迫,邊樹培養到咁既諗嘢思維呢?

    回覆刪除
    回覆
    1. //斷捨離
      //原則是只買該品類中自己所能負擔的最好的

      我就係呢種人! 所以會遭黃C上司妒忌.

      //更重要是屋企空間大咗,睇到心情都唔同。

      所以我係無法明白點解新一袋年青人會為咗方便返工而走去市區租劏房. 放假唔留係堅企,結果又係消費, 仲剩唔到錢添喇!

      //不過一屋咁多唔等使嘢,一返到去咁壓迫,邊樹培養到咁既諗嘢思維呢?

      跨代貧窮的主因,不在金錢,而係在於思想.

      刪除
  2. 間屋咁值錢,但搞到自己生活水平咁,何苦?
    比條有青入屋,四個人又肯定壓迫感倍增,唔好下埸多。點都要收有青租,否則養懶人。老老實實,一屋女人嘢,點方便?

    回覆刪除
    回覆
    1. //點都要收有青租,否則養懶人。老老實實,一屋女人嘢,點方便?

      依家個設計, 啲櫃造到咁高, 「屋企多個男人點都好啲嘅」!

      刪除
  3. 雖則話家家有本難念的經,但搞到咁都仲要好似好威咁上電視,呢家人都幾古怪。仲搞埋咁多特色野,咩工業風廁所。老實講我哋旁人睇覺得佢哋自己攞嚟衰,但可能佢哋自己好自豪。

    回覆刪除
    回覆
    1. 花五十幾萬搞大龍鳳,仲刻意間三間房, 睇怕有青會係度長住; 萬一要生BB, best option 就係逼阿妹搬出去, 騰空個房做BB房, 阿媽便可以開心湊孫.

      刪除
    2. 晚晚聽住家姐俾人插,阿妹唔知有幾大個,心理失衡都似。我覺得成件事最慘係阿妹。

      刪除
    3. //我覺得成件事最慘係阿妹。

      呢個有可能係一個局, 目的係要逼走阿妹.

      刪除
  4. 個格局真係標準劏房則, 4個人, 3女一男, 唔知爭廁所邊個會話事呢?

    根據經驗,斷舍離只係會騰出空間買更多的野...

    回覆刪除
    回覆
    1. 節目有佢舊屋啲相, 成個亂葬岡咁, 我都認為好快會回復舊觀.

      刪除
    2. 裝咁多櫃都係治標唔治本,同埋咁三位女士唔買野,難度極高

      刪除
    3. 對於唔 organised 的人來說, 愈多櫃只會愈擺愈亂.

      刪除
  5. 趟門… 扑野時要搵毛巾塞住把口,媽媽同妹妹先聽唔到。

    設計師咁細心,點解無諗到家姐房要鋪隔音棉?

    回覆刪除
    回覆
    1. //扑野時要搵毛巾塞住把口

      好鬼AV feel.

      //鋪隔音棉

      有青口爽荷包立, 點肯自己隔音自己做...

      刪除
    2. 趙門同普通板間真係唔太隔音...
      電視開大聲D都透, 對C9講野的聲線更是無能阻擋...
      唯一佢係一個衣櫃隔一隔...不過既然接受條仔住得入黎, 應該預左屋企會有呢個特別聲效

      刪除
    3. //應該預左屋企會有呢個特別聲效

      唔怪得細妹張床度有個headphone...

      刪除
    4. //好鬼AV feel

      AV 就梗要妹妹聽得好好奇, 媽媽聽得好吸引, 然後就一家親^O^^O^^O^

      刪除
    5. 母:久旱逢金露
      妹:篷門今始為君開

      刪除
  6. //「屋企多個男人點都好啲嘅」

    「屋企有個女人,真系唔同晒」

    https://vimeo.com/172892409#t=58m12s

    //晚晚聽住家姐俾人插

    都唔一定有青著數晒的:

    「後來佢篤我!一篤篤到我出血!我唔肯蝕底,出力夾住佢,結果佢比我夾到出膿!」

    http://www.discuss.com.hk/viewthread.php?tid=10589819

    //根據經驗,斷舍離只係會騰出空間買更多的野...

    所以斷舍離不只是一個行動,更重要是背後的價值觀

    //跨代貧窮的主因,不在金錢,而係在於思想.
    //間屋咁值錢,但搞到自己生活水平咁,何苦?

    其實唔使話加按之類,佢裝修54萬,斷估阿媽出的多;其實阿媽用六七千蚊系西環尾舊樓租間套房俾大女同有青,並講明只會支助佢地三四年,大女可以在舊居擺嘢同返嚟食飯,咁樣夾埋隨時都唔使三十個,細女又可以霸大女原本間房住,唔系更慳錢兼增加各人空間咩?況且中間如果大女同有青散咗,阿媽仲未必使貼足三年租金添!

    不過睇佢地屋企亂過亂葬崗,應該全家(或起碼阿媽)都系好唔願放手之人,隨時認為將來真系結婚都一定要一齊住;更唔使望佢地有基本“財商”了...

    //但搞到咁都仲要好似好威咁上電視,呢家人都幾古怪
    //老實講我哋旁人睇覺得佢哋自己攞嚟衰,但可能佢哋自己好自豪。

    我醒起04年做人兄弟,接新娘的一件事。

    接新娘時去阿嫂屋企,發覺佢地一家五口就迫埋一間同文中差不多大的私樓單位,成屋亦是盡用空間地機關重重...但從女家各人態度,似乎對呢種居住環境非常自豪;同場加影是,玩新郎一個環節,是要兄弟食一盒當年羅湖城買的冒牌金莎。

    我當時已不其然想將兩樣嘢背後的取態link埋一齊--記住當時仲未有什麼笨土派的.

    回覆刪除
    回覆
    1. //所以斷舍離不只是一個行動,更重要是背後的價值觀

      sunk cost 呢樣嘢, 唔係太難明, 但偏偏就有很多人不願意去明白.

      //其實阿媽用六七千蚊系西環尾舊樓租間套房俾大女同有青,並講明只會支助佢地三四年,大女可以在舊居擺嘢同返嚟食飯

      D, 咁似689的取消強積金對沖計劃嘅?
      不過,作為既得利益者的有者, 應該唔會贊成...

      //應該全家(或起碼阿媽)都系好唔願放手之人,隨時認為將來真系結婚都一定要一齊住;更唔使望佢地有基本“財商”了...

      寡母婆守女,應該培養出慳埋慳埋,乜都唔願掉的性格.

      //從女家各人態度,似乎對呢種居住環境非常自豪

      佢地會好proud of 「搵到解決問題的方法(即係嗰啲機關)」...

      //我醒起04年做人兄弟
      //玩新郎一個環節,是要兄弟食一盒當年羅湖城買的冒牌金莎。

      咁即係摩摩食咗A貨金莎?

      刪除
    2. //不過,作為既得利益者的有者, 應該唔會贊成...
      //寡母婆守女,應該培養出慳埋慳埋,乜都唔願掉的性格.

      阿媽企硬就無話唔得,唔制你兩個就自己搞掂...不過正如所講,阿媽都唔慌系呢類人.

      //佢地會好proud of 「搵到解決問題的方法(即係嗰啲機關)」...

      不排除我穿鑿附會:我覺得佢地系好proud of能夠在傷港咁好既地方搵到安身立命之方,even個方法系在豆腐潤咁大既單位裝晒機關,然後可以遠離並卑睨蝗國的烏煙瘴氣。

      我最記得新娘細佬間房細都不特止,仲要好狹長,擺張床之後僅餘空間只夠一個人行,而呢個"aisle"床頭部份就擺咗張書檯;同本文屋企一樣,空間咁細仲要養貓,個貓竇就放系細佬房床尾(所以我點解咁記得呢間房)。

      //咁即係摩摩食咗A貨金莎?

      年代久遠,呢樣我就忘記咗,但肯定有一盒A貨金莎作為玩兄弟的”道具“.

      刪除
    3. //阿媽都唔慌系呢類人.

      所以, 外母政策真係好緊要.

      //然後可以遠離並卑睨蝗國的烏煙瘴氣。

      哈哈, 又係呢種「在我城做乞兒都好過在蝗國做官」的潔癖. XD

      刪除
  7. 炮房油成黃色,變成黃色架步。

    //記者話呢間屋仲有兩隻喵星人

    貓咪喺廳叫春,有青喺房叫床:滿庭春色

    //枱底下有三張(點解得三張?)

    有人冇得留低食飯,或者費事眼冤出去食好過。

    回覆刪除
    回覆
    1. //滿庭春色

      呢個屋苑唔應該叫「綠意居」, 應該叫春意居就真.

      //有人冇得留低食飯,或者費事眼冤出去食好過。

      無功者飯餸不留.

      刪除