摩摩電影節之《愛神（Eros）》之《手（The Hand）》：ＨＪ２Ｑ訂終生

想不到魔術師呢隻《愛神（Eros）》DVD，竟然係「限量版」，編號係１０９７（有線寬頻？），仲內附一套劇照 postcard：

《愛神（Eros）》由三位導演所執導的三個獨立故事組成，魔術師今次就只會集中寫王家衛的《手（The Hand）》。
＊＊＊
時為１９５０年代末，裁縫學徒青頭仔小張（張震飾）到我城著名交際花華小姐（鞏利飾）送度身訂造的旗袍，誰知一入房，便聽到華小姐跟人扑嘢的聲音，令小張好不尷尬。

華小姐完事後，便叫小張入房。華小姐見小張猛咁用紙袋遮住下身，便叫他放下雙手。果然，紙袋下的「小小張」，已是蓄勢待發。華小姐見到「小小張」勢欲破褲而出，便叫小張把褲子脫下，把手伸到他的下體，又採菊又捏蛋，教他要嘗過女人的滋味，才可以成為真正的裁縫：

華小姐一面說着淫語，一面跟小張ＨＪ，直至小張以有啲似王豎旗的個表情，在華小姐手中爆了為止。明顯，小張個師傅（金師傅，田豐飾）係整蠱佢嘅，否則咁搞法金師傅一把年紀一定會中風：

華小姐一面養小白臉（趙先生），一面呃水魚想買樓。點知你精人地都唔呆，闊佬最是怕老婆，又點會咁輕易便簽支票呢？

華小姐跟闊佬鬧分手，遷怒於小張。由於顧客永遠是對的，單戀的對象更是永遠是對的，所以小張即使已由小學徒變成穿西裝，同樣都要默默承受：

華小姐的現金流出現問題，只好出外「工作」，還打電話給「老主顧」叫他「捧場」。人地連聲都認你唔到，只是敷衍幾句，又點會真係去夜總會「塔利探你班」呢？

華小姐開始拖旗袍數，金師傅初時還客氣，叫華小姐方便時便叫小張去收錢。這天，小張去到華小姐家，卻聽到小白臉因為沒錢「受養」，於是便跟華小姐分手了：

金師傅心知不妙，便叫小張去追數：

誰知小張去到，華小姐竟然說要將那些新淨未穿過的衣服賣掉了：

華小姐自此搬出舊居，音訊全無。直至１９６２年７月，颱風姬蒂令天文台「掛起」（不是「發出」）一號風球，華小姐打去洋服店找小張，原來華小姐正住在港島區（電話號碼是６位數，５字頭的）某賓館。小張找上門，二人深情對話。小張還是單身，有意無意間便借機跟華小姐表白：

但愈來愈貶值的華小姐不知是慚愧自己配不起愈撈愈掂小張，還是要試圖 date 個金山阿伯，搏最後一鋪。小張說也不用花錢再做衣服，只消將自己幫華小姐留起來的「新淨舊衣」改一改就成：

衣服改好了，小張拿回去給華小姐試穿，卻是摸門釘。問過門房，原來華小姐去了海皮「兜客」，找了個瘦掹掹的基層工人來「糊口」。小張見到女神竟然淪落到做企街，心痛不已，只好回到洋服店，伸手入旗袍又揸又摸，聊解相思之苦：

小張還給華小姐付房租。從門房口中得知，華小姐患了重病。

原來華小姐患了肺結核，奄奄一息。小張安慰她說，沒有那次跟華小姐初見面時的ＨＪ，他也做不成裁縫。對小張的恩情，病到死死下、素顏都仲係幾靚嘅華小姐無以為報，跟他扑嘢又怕傳染，依家乜都無，只係得返一對手，於是便提出再替小張「打一次最後的ＪＪ」。說完，左手便伸入小張褲檔，右手掩住自己個小嘴以防被 kiss：

結局，小張跟金師傅說「送華小姐去了」，講講下仲好似講到華小姐找到大老闆，搭飛機走了；但其實，自小張的表情，大家都應該知道華小姐的下場是甚麼吧？

＊＊＊
至於第二個故事《夢（Equilibrium）》，就只係講緊在１９５５年時，某孖屣停高層（Ironman 飾）飽受綺夢困擾，求助於心理醫生；但該醫生卻只是一面開解佢，一面就唔知做乜（包括用望遠鏡睇對面屋，同埋放紙飛機等等），魔術師睇完都唔係好知導演史提芬蘇德堡（Steven Soderbergh）想講乜：

第三個故事《慾（The dangerous thread of things）》就更只係得兩條西洋豬扒除哂衫跳來跳去，同男主角扑嘢，完全係倒胃口：

＊＊＊
真係一山還有一山低。王大導呢套「短片」非常淺白，唔會睇唔明，反而另外嗰兩套真係頗為垃圾，完全唔知想講乜。
講返《手》，小張對於奪去其「童貞」的「大姐姐」的迷戀，真係非常之「初夜情意結」。怪唔得，古代要有「專屬宮女」替儲君王子破處才可以了。不過，時移世易，我城一眾少男少女依家都無呢枝歌仔唱的了。女仔仲好，可以話「學踩單車時無咗」；至於港男，莫非真的要「北上叫Ｇ」，老雞破處？
又，魔術師都「曾經」識得某些「女性朋友」，佢地都幾 proud of 自己可以「以色侍人」的（客觀上有無 market 就真係見仁見智）。魔術師總是在想，又唔係無讀過書無本事，為什麼一定要黐埋啲男人度做寄生蟲呢？
最後，魔術師真係好鍾意呢個景：

以往魔術師家的電話號碼是０—８ｘｘｘｘｘ；而現在，當前僱傭兵公司的黃Ｃ上司在開會時將一些舊電視廣告 show 出來，眾小妹竟然是目定口呆，連最「親米」死都要攬住本ＢＮＯ的小妹Ｅ都是Ｏ了嘴，不知６位數字電話號碼為何物。
說好的集體回憶呢？
＊＊＊
伸延閱讀：
香港電話號碼的歷史
颱風姬蒂(6206)