2017年7月14日 星期五

魔術點唱(二十七)(4th edition)

今日主持無嘢講,無來信要讀,細心聽吓歌:
萬里黃沙
「烈陽令眼亂 沙裡風吹轉 
遠地更飄遠 落霞倍淒怨 
若然是睏倦 家裡可溫暖
不用暗淒怨 莫讓寸腸斷 

長江萬里也沒有盡頭
黃海無岸風吹不透
湖水常綠青山似舊
屹立永不休 

長江萬里滾滾不休
何需尋覓天邊星宿 
湖水常綠 花似舊 艷麗亦繁茂

情絲萬縷也有斷腸 人蹤無定不分方向
人已離去天不再亮 莫讓陌路滿悲傷
遊蹤盡變作故事 情書原是心中志
人已離去 只得往事 剩下斷腸字」


絕戀
「誰在夜色早飄去
轉眼逝去 寧願當天跟你一生早暗許
假使愛長存心裡 假使我共你相距
就讓呼呼風雨問我怎面對
假使愛長存心裡 假使我共你相距
就是天邊海角亦會等下去」

一首獨唱的歌
「沒法記清楚 當初跟你 共奏那心歌
輕哼出那調兒 但缺你附唱和
緣盡已早知 痴想已滅破
只見你默默 躺著熟睡拋下我」

思念
「這宵又獨著在螢幕裡面 靜看當天這些片段
追憶你與我笑著錄映時 應該親愛多點
這些舊面貌舊時舊片段 伴我千千天竟不厭倦
能常重現你聲音笑容 為何沒法再造昨天」

映像羅曼史
「情侶故事何處開始 曾經寫過一千次
 不管真摯不真摯 相愛每恨遲
 情侶故事何處開始 曾經寫過一千次
 千個只去選一個 一個幸運兒

 在銀幕裡 若要放映 一套傷感故事
 若我沒法禁止 流淚啜泣 你笑我幼稚
 若情難自禁 讓我靠緊 請你不要詫異
 原諒我若我哭 還望你輕抱細說我名字

(3rd edition)C嬸的點唱雖則帶少少離題,但好歹都是來信,點都會加埋落去嘅!

(4th edition)不患寡而患不均,都要 entertain 埋無想嘅(雖然呢期的主題並唔係失戀情歌):

(2nd edition)Bonus Track:

32 則留言:

  1. 呢隻我都係鍾意原版多啲:

    https://youtu.be/nku5zFMZAdU

    記得當年是聽到cover版先,聽原版時一個字都聽唔明,到後來可以將原版一字不漏倒背唱出來...不過識唱原版亦已經是超過二十年前的事了...

    回覆刪除
    回覆
    1. 查實,我地呢一袋中生的蝗話,好多時都係由唱K唱寶島歌學返嚟。

      刪除
    2. //好多時都係由唱K唱寶島歌學返嚟。

      的確係因為D國語歌,趙傳,庚澄慶,邰正宵,張惠妹~~ 算起來我係蝗三代, D「港普」真係咁學返黎,呢幾年多左同外省同事交流,用多左就「自我感覺良好」左好多 >0<

      刪除
    3. //用多左就「自我感覺良好」左好多

      可能係蝗同事比你 junior, 笑你又唔知, 話你又唔好意思啫!

      刪除
  2. //呢隻我都係鍾意原版多啲

    我都係。記得當年中五失戀,有朋友就叫我多D聽呢首歌...

    //聽原版時一個字都聽唔明
    //查實,我地呢一袋中生的蝗話,好多時都係由唱K唱寶島歌學返嚟

    我呢方面比較幸運,阿爸阿媽蝗話係母語,聽方面完全冇問題,講以前好D,近幾年冇講就差左了。

    回覆刪除
    回覆
    1. //記得當年中五失戀,有朋友就叫我多D聽呢首歌...

      中五失戀?咁有無影響會考成績呢?(我仲係記住正苦性教育宜傳片,一男一女學生哥,溫溫下書就·訓埋一齊...)

      //阿爸阿媽蝗話係母語,聽方面完全冇問題,講以前好D,近幾年冇講就差左了。

      我雖然係蝗二代,但老父是寶安人,廣東話正過乜,蝗話真係完全唔識(反而阿媽嘔邊係無產階級專政一派,啲蝗話不太差的)。

      刪除
    2. //唱K唱寶島歌學返嚟

      細嗰每年放暑假去寶島探親(阿媽嗰邊),當時真喺講得唔錯,而家冇乜點講就唔喺太得。老竇喺新界原居民(真.笨土?)係完全唔識--當年佢哋亦一樣溝通到

      刪除
    3. //老竇喺新界原居民

      嘩, 咁你有丁屋喎, 發達咯!

      //當年佢哋亦一樣溝通到

      又諗起《夜與霧》的任達華.

      刪除
    4. //嘩, 咁你有丁屋喎, 發達咯!

      邊度仲有地起樓。。N年前邪惡港英政權收咗起馬路定喺新市鎮了,祖墳都要搬。。風水壞哂,聽阿嫲話以前喺名穴嚟㗎!

      //又諗起《夜與霧》的任達華.

      阿媽靠睇CCTVB麗的學笨土話,以前唔喺太流行廣東話歌的。

      刪除
    5. //N年前邪惡港英政權收咗起馬路定喺新市鎮了,祖墳都要搬。。

      咁仲有無個「丁」俾地產霸去套呢?

      //阿媽靠睇CCTVB麗的學笨土話

      《男與女》蝦叔都買架彩電俾紅姑...

      刪除
  3. 我又點!
    https://youtu.be/p_-_K8ynDb0

    回覆刪除
  4. //中五失戀?咁有無影響會考成績呢?

    當然有啦。唔係失戀點都會考得好D,條路可能好唔同。好D的衰D就真係唔知喇.

    //我仲係記住正苦性教育宜傳片,一男一女學生哥,溫溫下書就·訓埋一齊...

    當年我直程實踐左呢個情境tim啦。XD

    咁我都試下點唱,離題就請別介意。

    https://www.youtube.com/watch?v=rkNfj7GOkg0
    http://reader.roodo.com/thehours/archives/2581409.html (歌詞)

    XJapan二十幾年前已經紅透日本,我就近幾個月先開始聽。前排因某些事心情低落,成日聽呢首歌(雖然聽完心情唔覺好轉…)



    回覆刪除
    回覆
    1. //唔係失戀點都會考得好D,條路可能好唔同。

      有個人亙相扶持鼓勵係唔同的。

      //當年我直程實踐左呢個情境tim啦。XD

      人細鬼大衰11!!!

      //前排因某些事心情低落,成日聽呢首歌(雖然聽完心情唔覺好轉…)

      首歌點解係同藝妓有關嘅呢?

      刪除
    2. //首歌點解係同藝妓有關嘅呢?

      無關的,只係上傳者自己配畫面.又,呢首本質上唔係情歌來的,係散band 時舒發情緒而作的.

      //人細鬼大衰11

      其實就只係訓埋一齊...

      刪除
    3. //呢首本質上唔係情歌來的,係散band 時舒發情緒而作的.

      呢期主題, 某程度上都係「散band」

      //其實就只係訓埋一齊...

      喂, 血氣方剛的青少年喔...

      刪除
  5. 大部分歌我都冇聽過﹙扮後生中 XD﹚

    不過睇完啲歌詞,腦裏面飄過愛的代價呢首歌
    https://www.youtube.com/watch?v=93LRcx289FQ&sns=em

    回覆刪除
    回覆
    1. //大部分歌我都冇聽過

      無理由《你知道我有等你嗎》都無聽過, 扮細都唔好太離譜喎!

      //梁詠琪 愛的代價

      果然係「扮細」, 我淨係識張艾嘉版 XD

      刪除
    2. //無理由《你知道我有等你嗎》都無聽過, 扮細都唔好太離譜喎!//

      呢首我有聽過,所以我話大部分,而冇話全部 XD


      //果然係「扮細」
      咁睇黎我喺你嘅定義中係真細啦,因為梁詠琪嘅歌係陪我成長嘅,我好後期先知張艾嘉識唱歌 XD

      刪除
    3. //所以我話大部分,而冇話全部

      俾你捉到字虱添!

      //梁詠琪嘅歌係陪我成長嘅

      你睇! 老餅嚟喇!

      刪除
  6. //的確係因為D國語歌,趙傳,庚澄慶,邰正宵,張惠妹~~

    最懷念就是「滾石」年代果班...當年無網絡,咁岩我層大廈無厘頭較左隻鑊,我就開始煲Channel V,每日開住電視當聽收音機,結果就正式(起碼某d範疇上)同同齡人分道揚鑣--就算四大天王,我都開始只知《忘情水》、《吻別》、《深秋的黎明》,當然仲有好多(傷民眼中的)冷門歌手,孟庭葦、許茹芸、趙詠華等人既CD都係我intern時座位的collection,好多同事都奇怪我點解會聽d咁野...當年又無網購,我全部係要上時代廣場頂樓間Tower Records同皇室堡既HMV搵。呢段日子,才是小弟的《樹大招風》!

    我所知而傷民眼中最冷門應該係呢首,不過其實應該在cctvb播過起碼一次,因為是94年呆版《倚天屠龍記》大結局的片尾曲:

    https://youtu.be/9oJoVtKoCzA

    //呢幾年多左同外省同事交流,用多左就「自我感覺良好」左好多 >0<
    //可能係蝗同事比你 junior, 笑你又唔知, 話你又唔好意思啫!

    如果混熟左,其實都唔關ju唔junior事,真係某d音發唔準,都會笑下既。
    不過好多在廣東、尤其在港資公司混了多年的外省人,其實都話相對多年前,傷民的蝗語已經進步了很多,撇除口音方面,絕大部份的溝通都不成問題.

    //呢期主題, 某程度上都係「散band」

    咁我整隻俾魔兄你嘞(雖然似乎合你上次散band多d)

    趙傳版
    https://youtu.be/RyEuElp6D9M

    羅琦版
    https://youtu.be/nv3krn16Imo

    趙傳是原唱,但我鍾意羅琦版多d。

    //﹙扮後生中 XD﹚

    P你個K,近排我都被地產霸擊敗,腦海中loop得最多就係呢首:

    https://youtu.be/TO57mUQa0uI

    回覆刪除
    回覆
    1. //孟庭葦、許茹芸、趙詠華

      人地呆民的確係夠文藝氣息,無論真名藝名都改得夠詩意過人,唔係依家傷民班「只得英文字母做名字」的「偽人」可比。

      //94年呆版《倚天屠龍記》大結局的片尾曲:

      呢首真係無印象。我只記得馬景濤同葉童做的無忌哥哥與敏敏都係太過老...

      以女角論, 我都係鍾意賈靜雯做敏敏,周海媚做芷若,邵美琪做小昭(不作第二人選)。

      //不過好多在廣東、尤其在港資公司混了多年的外省人,其實都話相對多年前,傷民的蝗語已經進步了很多,撇除口音方面,絕大部份的溝通都不成問題.

      其實當年我在「真.舊公司」都同唔少蝗民同事開會, 又係大家亙相取笑大家的蝗話/我城方言的...嗰時真係幾「窩心」架.

      //羅琦

      聽歌還聽歌, 但係個video...背景有「XX洗衣液」的廣告牌, 真係十分煞風景... 唔知幾時蝗國節目可以將啲廣告做得subtle啲呢?

      //近排我都被地產霸擊敗
      //海之戀

      唔通摩摩你又去入飛?

      刪除
    2. //近排我都被地產霸權擊敗
      //海之戀

      個廣告近期係咁播,真係到上腦程度

      話時話,兩個樓盤名都令我毛管㦸

      刪除
    3. //的確係因為D國語歌,趙傳,庚澄慶,邰正宵,張惠妹~~
      //最懷念就是「滾石」年代果班...當年無網絡,咁岩我層大廈無厘頭較左隻鑊,我就開始煲Channel V,每日開住電視當聽收音機,結果就正式(起碼某d範疇上)同同齡人分道揚鑣

      小弟都係差唔多, 大約 93 年屋企裝左有線. 當時有個 YMC台, 其中每日都有個一小時節目叫"音樂東礦場", 無人駕駛的, 一個 MV 播完就另一個. 播既都係呆灣為主既 MV (我諗係因為當時唱片公司唔興自制MV, 主要都係靠 CCTVB 製作), 尤其滾石最多. 咁岩身邊朋友都係較多聽呆灣歌多, 所以當時對呆灣歌都好熟.

      刪除
    4. //人地呆民的確係夠文藝氣息,無論真名藝名都改得夠詩意過人

      咁多年我都唔為意,你一講我即刻search下,原來孟庭葦許茹芸都系藝名!

      佢三個其實都來過傷港宣傳,許茹芸更曾經唱過粵語歌《留低鎖匙》而hit過一排,孟庭葦同趙詠華都有歌被笨土大牌cover過:陳慧嫻《月亮》-->孟庭葦《你看你看月亮的臉》、王菲《平凡最浪漫》-->趙詠華《最浪漫的事》、梁漢文《移情別戀》-->趙詠華《Midnight Taipei》。但全部都無以為繼,尤其趙詠華,在傷港留低的痕跡接近零。

      但趙詠華在兩岸都是神檯級人物,尤其首在笨土無乜知名度的《最浪漫的事》,在蝗國的icon地位等同張信哲的《愛如潮水》--這種認知差異,或者算系另一種”中港區隔“也.

      //我只記得馬景濤同葉童做的無忌哥哥與敏敏都係太過老...

      葉童會適合任盈盈多啲。另外94年呆版夾硬將玄冥二老變做一個人(無budget??)亦頗令人失望。不過神來之筆是搵孫興做楊逍--我覺得和邵美琪做小昭一樣,不作第二人選。

      //.背景有「XX洗衣液」的廣告牌, 真係十分煞風景

      咁就學我當年”聽“Channel V一樣,齋聽算啦 XD

      //唔通摩摩你又去入飛?
      //個廣告近期係咁播,真係到上腦程度

      入乜鬼飛,有錢都唔入啦,何況我無 :( :( :(
      廿年前排隊就變”浩劫灣“,我驚N年後會變”西之戀“....
      但上個月NOW財經台晚晚系咁loop,唔識唱都洗腦洗到識...

      //話時話,兩個樓盤名都令我毛管㦸

      第二期蝗味比較重,但第一期既肉麻就無得賴吧?

      //大約 93 年屋企裝左有線. 當時有個 YMC台, 其中每日都有個一小時節目叫"音樂東礦場", 無人駕駛的, 一個 MV 播完就另一個. 播既都係呆灣為主既 MV

      "音樂東礦場"都有人記得,吾道不孤啊!我記得趙詠華既MTV都有播過的。

      我系95年裝有線的,當時仲系蔡康年做YMC台音樂節目主持人既時期.

      刪除
    5. //話時話,兩個樓盤名都令我毛管㦸
      //第二期蝗味比較重,但第一期既肉麻就無得賴吧?

      我真係唔敢想像會有人咁講:
      「我住係海之戀」
      「我住係愛炫美」

      //趙詠華在兩岸都是神檯級人物

      我完全係唔認識佢, 只能算係蝗巷文化差異...

      //無忌哥哥

      以老論老, 馬景濤都仲輸CCTVB的吳啟華一個馬鼻

      //孫興做楊逍

      呢個又係正都爆!

      //咁岩身邊朋友都係較多聽呆灣歌多, 所以當時對呆灣歌都好熟.

      有一期呆歌真係好hit, 主要係旋律好聽(呢樣嘢日本歌又係頂誇誇), 就連我呢個蝗話盲都識哼幾首.

      //但上個月NOW財經台晚晚系咁loop,唔識唱都洗腦洗到識...

      C all star 我仲係停留係《天梯》的日子,而且呢首歌都唔覺好聽.

      //"音樂東礦場"都有人記得,吾道不孤啊!

      真係天涯何處覓滋陰呀摩摩!

      //我系95年裝有線的

      我都係有線一開台就裝, 用到依家都無cut過.

      刪除
  7. 我老豆係老左,細細個去觀塘銀都戲院睇晒上甘嶺,智取威虎,紅旗渠,山白毛女。聽是無難度,無講好奈唔多掂。

    回覆刪除
    回覆
    1. 好多傷民都係聽好過講(包括我),畢竟聽的渠道多,例如新聞電視電影等。

      刪除
  8. //趙詠華在兩岸都是神檯級人物

    未識老婆前我都完全唔識, 首「最浪漫的事」係老婆推介我聽(表白? XD),我話趙詠華我未聽過喎, 乜水黎架? 佢又係俾同一個反應我「你未聽過?!

    我成日講, 香港樂壇 VS 大陸樂壇 的話, 以90年風光時期做分水嶺, 也許當時資訊的流通力低, 香港似快左大陸10年, 即係香港興ALAN TAM時, 大陸係興鄧麗君, 香港一直都LEAD住, 有個明顯的GAP, 但經過最近10年, 大陸的「軟實力」都追上來, 香港那批老野同死硬派又不思進取(成Q日賴侵權MP3「成個行業俾你搞WANG晒啦!」),此消彼長, 落得今日的明日黃花境況.......

    回覆刪除
    回覆
    1. 維基百科: 趙詠華

      趙詠華(1967年5月19日-),臺灣80年代末期出道的女歌手。〈最浪漫的事〉是其90年代最著名歌曲。

      最浪漫的事
      https://www.youtube.com/watch?v=VmeM46a3IDc

      呢個MV只能夠以一個索字去形容, 人地呆民的文青味的確襟睇好多.

      //但經過最近10年, 大陸的「軟實力」都追上來, 香港那批老野同死硬派又不思進取

      睇下蝗國的節目幾時可以「脫娘」,即係贊助打廣告唔好打到咁odd(《我是歌手》以大大隻字的「XX洗衣液」廣告牌做背景), 同埋啲贊助最好「離地」些少, 玩下品味而唔係咁「赤裸裸」地打民生牌, 咁成個feel都會易入口啲.

      刪除
    2. //呢個MV只能夠以一個索字去形容, 人地呆民的文青味的確襟睇好多.

      咁你知典解當年小弟作為一個柒頭一睇就驚為天人勒...雖然佢本身唔算非常靚(我覺得有啲似龔慈恩),但無論聽同睇都好舒服,我個人認為吸引力大周慧敏N倍

      不過我最鍾意系呢隻,文青feel更重...就只推介多一隻,其他魔兄有興趣就自己search勒,雖然佢初出道時浸”寶島80's娘味“都好重的.

      https://www.youtube.com/watch?v=6ABlRhk15mM

      //(《我是歌手》以大大隻字的「XX洗衣液」廣告牌做背景), 同埋啲贊助最好「離地」些少, 玩下品味而唔係咁「赤裸裸」地打民生牌

      呢兩年換咗贊助,今年只系”金典“,無寫”金典純牛奶“ 。我今年真系無追過,今晚系第一次睇,估唔到有個同當年王靖雯同水平的版本:

      https://www.youtube.com/watch?v=iFqHFrFBCpY

      同埋如果好多消費者都系大媽式既認知,就好難怪贊助商要”平霸式“宣傳既...理解下啦 XD

      https://www.youtube.com/watch?v=MEYNutb_4lg

      世界樂壇相對八九十年代,其實都有倒退的跡象,包括寶島在內平均水準都明顯退步;但相對寶島來說傷港更已經退到甩咗轆,現在寶島作為華語樂壇一級平台的地位反而更穩固,呢十幾年星馬華人歌手就算想入蝗都要先去寶島打響個朵,曹格系傷港轆咗兩年都唔留低啦...而從蝗國歌手來說,已經有例子(李榮浩,仲溝埋楊丞琳)成功打入寶島市場反而更值得注意...畢竟蝗國宣傳技巧可能仍需進步,但歌手本身有實力再加寶島成熟的運作爆發力會更大。

      另外呢條友近來在蝗國紅到發紫,雖然未正式在寶島落釘,不過在”境外網站“youtube有三千幾萬點擊率都唔嘢少架:

      https://www.youtube.com/watch?v=1xlASR2bfGk

      //香港那批老野同死硬派又不思進取

      我相信大部份人系知道海之戀先知道《一刻戀上》...雖然明明隻歌派台系早過樓盤推盤...

      刪除
    3. //咁你知典解當年小弟作為一個柒頭一睇就驚為天人勒...

      摩摩同我的審美眼光都幾似, 都係鍾意知性美重啲嗰隻.

      //估唔到有個同當年王靖雯同水平的版本

      傷港唱得嗰班都上哂蝗國, 怪唔之得依家我城樂壇凋零如此喇!

      //同埋如果好多消費者都系大媽式既認知,就好難怪贊助商要”平霸式“宣傳既...理解下啦 XD

      但...乜唔係傷民屋企的遙控器都係被阿媽掌握嘅咩?

      //平霸

      呢個先係集體回憶!

      //現在寶島作為華語樂壇一級平台的地位反而更穩固,呢十幾年星馬華人歌手就算想入蝗都要先去寶島打響個朵

      可能寶島真係比較容易打造偽文青形象.

      //另外呢條友近來在蝗國紅到發紫

      死, 睇咗個MV兩秒就唔想睇, 熄咗!

      //海之戀先知道《一刻戀上》...

      如果第日填海, 遮住個海景就搞笑了, 都唔知戀乜Q.

      刪除