2018年1月15日 星期一

新聞雜評(一百八十二)

民主派立會補選初選過萬人投票 更新:2018/01/14 23:20

民主派初選結束,全日多個票站都出現人龍,民主動力表示有超過二萬六千人投票,超過原先預計的八千人,初選結果明天公布。
入夜後,新界東的大圍票站仍然有不少人排隊等候投票。而在早上,九龍西的黃埔票站已經大排長龍,在石硤尾票站,人龍亦排至社區會堂外。
九龍西三名候選人各出奇謀爭取支持,民主黨袁海文出動現任立法會議員的黨友撐場,姚松炎則獲得香港眾志和公民黨協助拉票,他與另一名候選人民協馮檢基更在票站外相遇。馮檢基則在區內巡遊呼籲人投票,又出動免費穿梭巴士。新界東方面同樣有三名候選人,包括上屆敗選的范國威、第一次參選郭永健,以及張秀賢。
主辦的民主動力原先預計會有八千人投票,但投票時間過了一半,已經有超過一萬人投票。整個初選的結果會在星期一下午公布,兩區取得最高票的人,就會代表民主派出選三月立法會補選。
1. 百足之蟲,死而不僵。又真係估佢唔到販民仲有咁多老本可咬,呢個小圈子初選竟然會有成2、3萬條黃C(?)投票,睇怕三月補選被DQ4席都係會重歸販民手中。建設派「建設」咗我城咁多年,「無功勞都有苦勞」,估唔到單議席單票制對販民無上風,多議席多票制又益埋啲隨時連社團註冊都無、稱不上是「政黨」的笨土小政團。建設派搞咁多年都仲係兩頭唔到岸,變成一系列「夾心政黨」,真係情何以堪!
2. 睇片排隊支持販民小圈子初選的都有唔少上咗年紀嘅叔叔嬸嬸。有位黃C嬸仲話「梗係選啲後生架喇,選啲老嘅都做唔到咩嘢出嚟。」咦,乜佢以為朱仔各項古靈精怪的拉布可以「做到嘢」咩?
3. 「馮檢基則在區內巡遊呼籲人投票,又出動免費穿梭巴士。」老馮呢條老嘢,做埋啲嘢同蛇齋黨有乜分別?唔怪得黃C嬸唔撐你喇!
***
侮辱國旗區旗鄭松泰不獲理大續約 更新:2018/01/12 21:12

理工大學決定今年六月底,不再跟身兼立法會議員的專任導師鄭松泰續約,原因是他早前被裁定侮辱國旗及區旗罪成,跟理大的目標不一致,約滿前亦不會讓他接觸到學生,鄭松泰形容是政治迫害。
鄭松泰不獲續約,源於前年十月,他在立法會議事廳倒插多枝國旗及區旗,其後被裁定侮辱國旗及區旗罪成,罰款五千元。理大紀律委員會指,他向大學教師及學生樹立壞榜樣,亦有損公眾對理大教學專業的信心,裁定他的行為與理大致力推動優質教育、擁抱國際化的目標不一致,決定在今年六月三十日約滿後,不再跟他續約。
理大表示委員會是考慮到學生利益,要求校方這樣安排,認為決定恰當,最符合大學利益,又指鄭松泰的行為偏離校方對教學人員的要求。
鄭松泰指獲通知不續約後,再收到應用社會科學系系主任電話,通知他下星期一新學期開始,不用再任教原本的科目,約滿前只需將他的課程放上網,他認為不續約是政治迫害。他指過往六年教學都獲優良評級,今次裁決沒有上訴機制,會徵詢法律意見是否提出司法覆核

4. 唔續約就係政治逼害,又有得司法覆核;咁係唔係只要大學教員係以政治為藉口目的,就算犯咗法,都可以獲取「終生教席」,否則大學方面就係政治不中立?鄭蟲蟲自稱自己教學表現優異,真係得啖笑;你就算係公司 top sales,但係都唔等於可以在客戶面前唱衰公司同老闆,呢啲同正作表現無關,而係員工 conduct 嚟喎!
5. 忽然諗起前同事肥仔(見《肥仔的最後一天》),最近魔術師又俾佢啲蘇州X跣咗一鑊,如果包青天上司同佢續約就真係表現了公司絕無「工作表現歧視」的一面了。
***
科蘭盼其足球態度能感染年青球員 更新:2018/01/12 19:22

新加盟傑志的烏拉圭球星科蘭,期望自己對足球的熱誠,能夠感染隊中年青球員。
三十八歲的科蘭經過一日休息,這日於記者會先「賣口乖」。他提到傑志多個月前,透過自己的西班牙朋友接觸他,亦由孟買城隊友華杜斯口中了解傑志及香港,有相當好的印象。
科蘭曾效力大阪櫻花,他指香港有很多地方與日本相似,相信在適應上沒有太大問題,會盡力協助球隊在聯賽及亞冠爭取好名次。
科蘭指自己雖然超過一年沒有正式比賽,但有保持訓練,體能上沒有太大問題,數課操練便能重拾狀態。教練朱志光笑言,發夢也沒有想到科蘭會成為旗下球員,亦稱讚他相當聰明。傑志將於星期日迎戰冠忠南區,仍未知道這位球員會否首次代表球隊上陣。
6. 睇見科蘭個 title 係「傑志球員」,真係有啲違和感!
7. 又要睇片,究竟科蘭嗰句「賣口乖」,係咪用緊唔鹹唔淡的我城方言講「我會加油」?都成38歲人,有乜大場面未見過,嚟到我城水氹咁大球壇,有乜「油」可以「加」?
8. 「由孟買城隊友華杜斯口中了解傑志及香港」,「期望自己對足球的熱誠,能夠感染隊中年青球員」言下之意,係咪經過暸解之後,知道傑志班年青球霸都係 hea 踢。
科蘭首度為傑志披甲 更新:2018/01/14 21:30

烏拉圭球星科蘭加盟傑志後,首度為球隊上陣,尾段後備落場,傑志最終在這場港超聯賽事,與冠忠南區踢成 2 比 2 。
科蘭先列後備都已是全場焦點,傑志場上都要落力,一輪攻勢之後都無收穫,次後更要失守。南區的馬高斯一次右路傳中,列斯奧「擺烏龍」,傑志十二分鐘是先落後的一隊。十四分鐘後更被對手再入一球,走漏了對方球員又有何辦法呢?馬高斯為南區射成 2 比 0 。
換邊後六分鐘傑志終於追回一球,這次到南區如此大意,辛祖無人看管下輕鬆頂成 1 比 2 。高空攻勢再來一次,這次辛祖轉為傳球,盧卡斯頂中楣,艾力士想補中,卻又無功而還。到六十六分鐘,傑志靠一次罰球追平,入球功臣是林恩許。
看到科蘭熱身後跑回來,千呼萬喚終於看到他落場,八十八分鐘後備入替費蘭度。這位南非世界盃金球獎得主,上陣之後走位都頗積極,策動功勢都有功架,但傑志最終無法再入球,兩隊最終維持 2 比 2 完場。這位三十八歲球星於賽後與隊友一起跟球迷握手,再展親民一面。
9. 真係未出場先興奮。都好嘅,希望間唔時有呢啲過氣球星來我城踢笨土波,班主可以話「XX都係我地球會旗下球員」,教練就話「我都教過XX 」(人地使乜你讚?),黐返啲金糠都可以自我感覺良好一番也。
***
伸延閱讀:
肥仔的最後一天

15 則留言:

  1. 一早就有黨內人士分析選民係白癡嘅,未就系咁解囖。另一句格言系,沒有宣傳新聞係壞新聞。所以政客一定要勤力上鏡扮馬騮。屁股越紅的馬騮越多選票。

    回覆刪除
    回覆
    1. //一早就有黨內人士分析選民係白癡嘅,未就系咁解囖。

      鄭蟲蟲真係有先見之明, 保你大唔同佢續約, 實在係浪費人材!

      //所以政客一定要勤力上鏡扮馬騮。

      我忽然諗起黃C前上司. 佢成日都話要去客戶面前舞馬騮, 氹佢地開心, 咁先至有單喎.

      刪除
  2. //建設派搞咁多年都仲係兩頭唔到岸,變成一系列「夾心政黨」,真係情何以堪!//

    系你咁諗既時候, 代表你對建制派既期望係系香港全面執政, 咁, 其實建制派已經交到功課

    睇個香港垃圾會既選舉制度設計, 就係預估到建制派系選民投票會全面捱打, 底線只係死守功能組別既分組點票否決權

    順住個設計, 預估香港回歸廿年既今日, 就應該係扮民主派把持朝政, 功能組別則發揮保險既作用, 否決港獨之類既法案

    去到今日, 建制派被責難既係"點解唔可以反客為主", 乜唔正正就係建制派既成果咩??

    個情況係: 垃圾學生開頭只係被寄望合格就好, 依家你質疑佢"點解唔可以爭下名次", 期望既改變見證佐佢既進步

    睇埋班人, 個進步就更明顯
    由成班奸臣樣, 說話左閃右避, 明係想昆鳩人 既譚耀宗, 蔡素玉
    到今日成個為民請命樣, 理直氣壯承認政府建制有所不足, 不過我地一直努力中 既高佬賢, 之前魔兄介紹過既琳琳姐姐
    可以期望日後到佢地出泥擔大旗, 就足可同扮民主派既人單打獨鬥

    //多議席多票制又益埋啲隨時連社團註冊都無、稱不上是「政黨」的笨土小政團。//

    首先我覺得"連社團註冊都無、稱不上是「政黨」的笨土小政團"既得票, 都係肥佬泥派出去既
    否則, 最可以贏到議席既係黃郁人, 居然輸佐, 仲要係同分區輸俾禎禎BB?!
    條區議會選舉2屆加埋唔夠2千票既豬西, 可以成為票王??
    打死我都唔信

    而我睇呢班"連社團註冊都無、稱不上是「政黨」的笨土小政團"對扮民主派傷害, 可能仲大過對建制派
    你唔覺呢期, 扮民主派係俾呢班"毒友""激友"騎劫佐咩?
    補選人選, 爛面炎, 煩過西, 周挺, 全部清一色偏毒偏激
    扮民主派仲要連名都改埋, 要叫非建制派
    似足外國D弱勢政府要組執政聯盟, 搞到政策不倫不類咁

    可見既將來, 扮民主派係會越來越遠離搵食為重, 收工先去佔中既港豬

    回覆刪除
    回覆
    1. //垃圾學生開頭只係被寄望合格就好, 依家你質疑佢"點解唔可以爭下名次", 期望既改變見證佐佢既進步
      //到今日成個為民請命樣, 理直氣壯承認政府建制有所不足, 不過我地一直努力中 既高佬賢, 之前魔兄介紹過既琳琳姐姐

      唔係垃圾學生有長進(高佬賢同琳琳姐後生一輩除外),而係班以前的好學生販民個個走去吸大麻,make love no war,自甘墮落,垃圾學生先有機會爭下名次。

      //系你咁諗既時候, 代表你對建制派既期望係系香港全面執政, 咁, 其實建制派已經交到功課

      頂,販民自己以永遠在野黨自居,只係負責批評,叫人落台,自己就永遠唔推舉人上台。對手自動棄權,建制又有西環支持,做「執政黨」在垃圾會中可以話到事,已經係最基本要求。問題係依家班建制仲係樣衰衰,烏龍百出咁俾販民個別人士玩到七孔出煙,真係睇見都眼冤。

      //條區議會選舉2屆加埋唔夠2千票既豬西, 可以成為票王??
      //打死我都唔信

      朱仔啲票從何而來,真係木宰羊。我唔係咁信戴當家個雷動咁有號召力。

      //你唔覺呢期, 扮民主派係俾呢班"毒友""激友"騎劫佐咩?

      基本上販民同八的平方班學生一樣,同人玩鬥激,一旦冷靜理智就會失勢被趕下台,唔會有中間路線,只會愈玩愈大,愈來愈失控。你睇劣C黨已經知道喇!

      刪除
    2. 我成形住班老建制心裏都認為自己“係奸既”,做議員係做份工(無話做好),做野出泥出功唔出力,搞到甩甩漏漏
      係高佬呢批先真心認為自己係為香港出力, 出到泥既效果完全唔同

      至於電子掌心雷,我覺得真係有咁大影響力,建制成日輸票贏議席,扮民主派支持者一直都唔順氣,到電子掌心雷面世,扮民主派終於有“對抗壞人既武器”,當然會用

      最重要,今時今日,扮民主派支持者要投既,就係反對派,阿甲同阿乙又有乜唔同? 白鴿推出泥啲新仔,逗號同六呎四做過乜?有乜個人魅力?都係“黨推介”啫,同電子掌心雷推介係一樣,電子掌心雷推出泥既人仲係經過審查,唔會係鬼添

      刪除
    3. //做議員係做份工(無話做好),做野出泥出功唔出力,搞到甩甩漏漏
      //係高佬呢批先真心認為自己係為香港出力

      同意。前者是受人錢財替人消災的僱傭兵心態, 後者是 own my business 的創業家心態,投入感差好遠。

      //都係“黨推介”啫,同電子掌心雷推介係一樣,電子掌心雷推出泥既人仲係經過審查,唔會係鬼添

      但係有人話電子掌心雷的創辦人才是鬼喎! XD

      刪除
  3. 豬選馬騮去管理自己, 豬真係豬.....

    回覆刪除
    回覆
    1. 鼠牛虎兔龍蛇馬羊猴雞犬豬.猴屬金, 豬屬水, 金生水; 豬搵猴管自己, 做其衣食父母, 都唔知其啱嘴形!

      刪除
  4. //都成38歲人,有乜大場面未見過

    人地跑咁耐漿糊,點都識講嘢的.

    //班主可以話「XX都係我地球會旗下球員」
    //黐返啲金糠都可以自我感覺良好一番也。

    傑志潛在亞冠同組蝗超對手--天津權健,比利時現役中場核心國腳韋素系旗下球員(都未講前巴西國腳柏圖同前德甲銅靴科隆既莫德斯特)。

    另外洪正好會返同組對手全北現代。

    權健剛剛歐洲集訓熱身賽逼和歐聯常客巴素利,如果playoff淘汰到潛在對手澳超既布里斯班獅吼,相信傑志第一場分組賽作客天津都不會有奇蹟出現。

    //羅傑承搞南華年代,恩威並施,記憶中沒球霸搞事。希望傑志也能做到吧。

    笨土兵都系追星族,細個睇電視見到既大賽球星竟然同自己同隊,都唔會玩嘢的。

    我始終記得羅傑承06年講過的“給我十年時間”--其實集合最強港腳再加勁外援、盡快攞亞協杯沖喜球壇,恆大許家印完全系抄到足(只是外援級數提升至亞冠水平);不過許皮帶10年話“五年奪亞冠”結果超額完成攞夠兩次,羅生就09年紅紅火火入亞協杯四強後就無以為繼,而家仲惹境外官非柄埋靠個老婆出面(老婆隊波仲斷正有人打假波),執行力真系差好遠...

    //(高佬賢同琳琳姐後生一輩除外)

    個鄭泳瞬好似都ok.

    //同人玩鬥激,一旦冷靜理智就會失勢被趕下台,唔會有中間路線,只會愈玩愈大,愈來愈失控

    因為前文“無代價巷蜀”支持者太多,佢地投一票又貫徹“無咩代價”,咁販民唔玩激啲又點得呢班支持者一票。反正“融入紅利”佢地唔稀罕,“蜀巷溢價”對佢地又無即時負面影響,真正“巷蜀”又唔會真系玩得出...叫價嗻,part又唔使我落既!

    回覆刪除
    回覆
    1. //相信傑志第一場分組賽作客天津都不會有奇蹟出現。

      又將條 bar set 低D: 「科蘭, 我地嘅任務就係要令蝗國隊全軍覆沒,無一隊可以出到線, 知冇?」

      //笨土兵都系追星族,細個睇電視見到既大賽球星竟然同自己同隊,都唔會玩嘢的。

      肯尊重「權威」,唔係以為自己後生大哂, 就已經唔係笨土喇!

      //惹境外官非柄埋靠個老婆出面(老婆隊波仲斷正有人打假波),執行力真系差好遠...

      呢啲就係結婚的好處?

      //個鄭泳瞬好似都ok

      阿瞬...有星雲鎖鏈...

      //咁販民唔玩激啲又點得呢班支持者一票。反正“融入紅利”佢地唔稀罕,“蜀巷溢價”對佢地又無即時負面影響,真正“巷蜀”又唔會真系玩得出...

      原來世間上真係有no cost and nothing to lose 的遊戲.

      刪除
    2. // 「科蘭, 我地嘅任務就係要令蝗國隊全軍覆沒,無一隊可以出到線, 知冇?」

      唔好講同組,要令其他蝗超隊出局,前提是自己出到線,先可以淘汰賽繼續阻擊...

      下年開始連續兩年無直接亞冠小組踢了(俾馬拉搶咗個位),睇下今年會唔會攞分多過舊年東方1分吧。東南亞對手日益進步再加朝鮮參賽,下兩年亞協杯攞既分都唔慌多,連續四年(下兩年分數會決定21-22年參賽名額)甚至以後巷超會緣盡亞冠是大概率事件,除非AFC學UEFA歐聯玩擴軍同弱隊保護名額。

      刪除
    3. //以後巷超會緣盡亞冠是大概率事件

      忽然諗起何仙奴今年無得踢歐聯,少咗隊16強「魚腩」一眾強隊都「無所適從」...

      刪除
    4. //個鄭泳瞬好似都ok
      //阿瞬...有星雲鎖鏈...

      星雲鎖鏈: 你選爛面炎都冇用話唔定佢又會再玩嘢當你啲選票喺廢紙 XD

      刪除
    5. 爛面炎太慘feel 喇, 激唔到咩嘢出樣的, 而且蟲蟲博士有案例為先,你估爛生唔怕傷膝呀?

      刪除
    6. 爛面炎應該呢增下磅,做下運動做下facial咁,雖然唔喺選樣,但喺對手咁presentable(人哋以前曾經都喺肥仔),自己都應該做吓嘢改善一吓,起碼唔好好似成日都有病或道友樣。

      刪除