2018年1月17日 星期三

紫白飛星算命格

日前有讀者問魔術師點樣去計算命格。其實中國玄學術數流派甚多,各風水命理體系的命盤或命格推算方式各有不同;魔術師主要學習紫微斗數及風水,八字就唔係咁熟,故此有時以術數玩下投資理財 IPO,都係 just for fun,唔使太認真,一切計算從簡,以風水學上的紫白飛星配河洛理數、五行八卦,與及少許八字的皮毛就夠玩。
  • 男命九星命卦等於紫白飛星流年入中,計算法為11—公元年數除以9所得的餘數。例如生於2018年的男嬰,2018除以9,餘數為2,命卦為11—2=9;又例如1988年生男性,1988除以9,餘數為8,命卦為11—8=3。
  • 女命九星命卦的計算法為公元年數除以9所得的餘數+4 (大於9的減去9)。例如生於2018年的女嬰,2018除以9,餘數為2,命卦為2+4=6;又例如1991年生女性,1957除以9,餘數為4,命卦為4+4=8。
 要注意的是,以上年份更替以立春為分界線。例如2018年2月4日05:28立春才算是過了年,可不要以為是1月1日0時0分就是過年啊!

計到命卦之後,就可以配合洛書數與及先後天八卦配返個五行屬性:


既然計到自己的五行屬性,便可以睇返某事某物對自己的生剋,套用返八字十神的生剋:
  • 「生我」之生具有庇蔭、保護、扶持、包容、學習、吸收等意義。
  • 「我生」之生具有表現、發揮、流暢、智慧、創新、洩秀等意義。
  • 「我剋」之剋具有控制、佔有、操控、擁有、迷戀、執著等意義。
  • 「剋我」之剋具有管理、領導、約束、提拔、處罰、決策等意義。
  • 「同我」之同具有競爭、動力、意識、協助、操作、組織等意義。
所以可以咁樣解讀:「我剋者為財」,能為「我」所用的,就是「財」;「生我者」,當然就是父母師長老闆上司喇!
(圖片來源:《建築師妙手旺宅》蔣匡文 編著,萬里機構出版,2013年第一次印刷)
(圖片來源:《建築師妙手旺宅》蔣匡文 編著,萬里機構出版,2013年第一次印刷)
例如魔術師是水命人,水剋火,跟離卦有關的都可帶來財運;水生木,三碧木震卦祿存星、四綠木巽卦文昌星都會「洩」了魔術師(!)...睇返魔術師成日寫文(文昌),都「洩」了唔少精力架!
***
伸延閱讀:
男女九星命卦、紫白飞星流年星入中速算公式
《學八字,這本最好用》第一節 八字十神各代表的意義

19 則留言:

  1. 長知識了~原來好多人搵魔術兄算命XD

    回覆刪除
    回覆
    1. 唔算係算命,只係計下命格個五行屬性。

      刪除
  2. 回覆
    1. 10再除以9, 即等於1.

      就算我唔講, 自己也可以推論出來: 1988年男命為3; 1989年,年份加多1年, 餘數便會少咗1, 男命為2; 如此類推, 1990年男命為1.

      刪除
  3. 謝謝分享, 上年買左蘇大師果幾本, 但圖多文少, 解釋唔夠透
    蔣匡文係正野, 2010年版果幾本當時年少唔捨得買只抄了筆記, 不知道原來後來改了書名又再版, 一查之下魔兄這本已絕版了

    回覆刪除
    回覆
    1. //蘇大師

      無謂浪費金錢買每年一本嗰啲, 無乜用的.

      //蔣匡文係正野

      我有六本蔣匡文. 絕咗版唯有去圖書館借.

      刪除
  4. //要注意的是,以上年份更替以立春為分界線

    啊我仲以為喺農曆年初一添!我又嚟一句

    thx

    XD XD

    回覆刪除
    回覆
    1. 介紹你用我呢個萬年曆 app.

      只要睇立春前後, 便可以睇到農曆年份的干支轉變, 證明農曆是在立春換年.

      刪除
  5. 蔣匡文師承王亭之,不知魔兄有沒有看後者著作?

    回覆刪除
    回覆
    1. 我多數都係睇王亭之的書。撇開派別爭議,王對風水、紫微的解釋,比坊間其他大師易明好多,理論基礎亦可以詳細解說出來。

      刪除
    2. 我都有睇王亭之,佢既中川派紫微說法同盲派好唔同,幾得意。有八字底學紫微會好好多,八字比紫微著重相生相剋既概念。

      F

      刪除
  6. 我信八字,簡單D講係集數學,天文和地理於一身,D人唔明咁就當然啦
    算命係知道自己強弱,發揮得最大,唔係算幾時發達的

    回覆刪除
    回覆
    1. //算命係知道自己強弱,發揮得最大

      此所謂「趨吉避凶」

      //唔係算幾時發達的

      最多可以算到自己財運幾時比較強而已.

      刪除
  7. 八字紫微都信,不過我無乜能力去計到乜野出黎,太難了

    回覆刪除