一千幾百，猶如垃圾

話說魔術師因為２０１７年尾腿傷的關係（見《魔術師的恐懼鬥室》），導致開工不足，全年薪金下滑，加上波叔又退稅又擴闊稅階（見《新聞雜評（一百四十四）》），變成２０１６—１７年度的暫繳稅已夠交２０１７—１８年的稅款及２０１８—１９年度的暫繳稅，也就是說２０１７—１８年魔術師係唔使交稅嘅！
至於今年份報稅表，就多咗項自願醫保扣除，適用於２０１９—２０年度暫繳稅：

由於魔術師曾經入廠修理過腳同眼（見《自願私家醫保》），除非新嘅自願醫保肯包已存在疾病，否則就唔會因為貪嗰些少免稅額（＄８,０００以１７％稅階計，即免稅＄１,３６０）而轉會，都係依然 keep 住個舊醫保 plan 先：

（圖片來源：香港政府一站通 > 本港居民 > 稅務及應課稅品 > 薪俸稅及個人入息課稅 > 免稅額及稅項扣除 > 稅項扣除 > 根據自願醫保計劃保單所繳付的合資格保費的扣稅安排, retrieved on 13 May 2019）

今次真失策，竟然快快手 submit 完先記得再睇返份報稅表，check 吓有乜扣稅項...在低息的環境下，魔術師依然剋制住自己樓按不會超過４００萬，故此每年例牌都用唔盡供樓利息扣稅１０萬元...
咦！？死嘞！原來唔記得入「退休計劃供款」，真係老虎都會瞌眼訓，再 highly attentive to details 都有走漏眼的時候（可以減免$１８,０００x１７％＝＄３,０６０，計埋預繳即係＄6,１２０，都唔係「一千幾百，猶如垃圾」架！）...

咁究竟 submit 咗嘅報稅表仲可唔可以更正呢？查吓税局網站的 FAQ，答案是可以的，不過就要留 query 俾有關同事處理：

（圖片來源：香港政府一站通 > 本港居民 > 稅務及應課稅品 > 「稅務易」 > 「稅務易」的常見問題 > 以電子方式提交個別人士報稅表的常見問題, retrieved on 13 May 2019）

好喇，依照指示，去到個 portal 的網頁輸入完資料：

（圖片來源：香港政府一站通 > 本港居民 > 稅務及應課稅品 > 「稅務易」 , retrieved on 13 May 2019）

魔術師係2019年5月13日晚上寄出呢個電郵的，又睇下班官是否能在兩個工作天內回覆？

（圖片來源：香港政府一站通 > 本港居民 > 稅務及應課稅品 > 「稅務易」 , retrieved on 13 May 2019）

＊＊＊
伸延閱讀：
自願私家醫保
魔術師的恐懼鬥室
新聞雜評（一百四十四）