2019年6月6日 星期四

八的平方(2019)

十八萬人維園悼六四 30 周年 更新:2019/06/05 01:04

六四 30 周年,支聯會表示超過十八萬人到維園出席燭光晚會,是 2014 年以來最多,警方就指高峰時有三萬七千人。有人三十年來從未缺席晚會,亦有年輕人第一次來,希望事件永遠有人記得。
三十年來,每年這夜,燭光都會照亮維園,這一年六個足球場連草坪,以及舞台後面都站滿人。儀式依舊,但參加者就老了三十年。要薪火不滅,就要點燃新的燭光。大會表示有超過十八萬人參加,為 2014 年二十五周年以來最多,而警方就指最高峰時有三萬七千人。
晚會完結後,社民連、工黨等約一百人晚上十時多拉起橫額,由維園噴水池遊行往中聯辦,要求北京政府為六四死難者平反、立即釋放維權律師王全璋等多名民運人士,又反對特區政府修訂《逃犯條例》。
1. 果然,轆死已經成為「反殺人政權」派的圖騰,仇中思想要一代一代傳落去,阿媽傳阿女,阿女生咗仔又傳俾阿仔咁,唔怕「行禮如儀」的。一個唔好彩殺人政權真係「罪己」,咁支亂會便再沒有着力點,對販民來說反而不美。所以,最好都係落實「送中條例」,等班學運領袖「罪犯」再也不敢踏足我城,咁先能滿足販民的被害者意識架嘛!
***
黃台仰李東昇柏林出席六四座談會 更新:2019/06/05 03:34

獲德國難民庇護的黃台仰及李東昇首度公開露面,在柏林出席座談會。黃台仰在會上表示,若香港通過修訂《逃犯條例》,將打破中港兩地的防火牆,衝擊一國兩制。
黃台仰和李東昇德國時間星期二傍晚,在柏林的國會大樓出席六四座談會,是他們取得難民身分後首次公開露面。黃台仰提到在德國申請庇護初期,曾經都擔心會被遣返,但在難民營遇到一位德國人。
黃台仰指自己成立本土民主前線後,一直被中央視為威脅,除了被剝奪參選資格,亦用到暴動罪來檢控他及梁天琦等人,形容這項罪行,聯合國都曾經譴責是違反人權,要求香港釋放政治犯,又指自己這幾年心態已變,不再爭取獨立。
黃台仰和李東昇在研討會都提到香港修訂《逃犯條例》,指如果通過,將打破中港兩地的防火牆,衝擊一國兩制,希望國際社會向香港施壓。
整個座談會歷時兩個半小時,參與者還有主辦的綠黨議員、研究中國的德國學者,以及曾因六四入獄的中國作家周勍。
2. 仲以為個座談會會係德國政府搞嘅,點知原來主辦者係「綠黨議員」;而綠黨,根據有時不太準確的維基百科,其實就係為笨土有青不山齒的「左膠」:
維基百科:綠黨绿党一般有以下两个特征:首先绿党的党章中有下述四个目标(即綠黨四大支柱,德國綠黨在1979至1980年創黨時提出):环境保护(保存生态平衡)、公正(社会责任感)、草根民主(成員直接參與決策)和和平(无暴力主义)。其次绿党一般采纳共识决策法来决定他们的政治目标。
3. 黃台瓜真係有趣。初頭話「我地年青人連我城自己嘅事都理唔掂,邊有精神心力去理『別國』的事呢?」,呢個就係笨土派巷中區隔的來源。好嘞,你瓜哥竟然天真到以為有空間跟特衰正苦爭取巷蜀(咁都講得出,難度真係要騙人先要騙到自己?),結果依家「我地笨土派連巷蜀都搞唔成,所以就轉為『恢復我城已有的人權和自由』」。兩者思想邏輯何等相似?都係大事做唔到,就做中事,中事做唔到,就做小事...咁如果小事都做唔成呢?唔怪得班有青咁易就感到「無力」喇!
4. 人地係日耳曼優秀民族,撤唔撤銷跟特衰正苦的逃犯移交協定,人地心裡有數,唔到你條東星斑在此指指點點,干預別國內政。況且東星斑同瓜哥在「取消逃犯移交協定」的議題上中有利益衝突,唔係應該避嫌唔講嘅咩?
***
城市論壇:六四民運三十年 中港發展思變遷Meanings and impacts of 30th anniversary of the June 4 Tiananmen Square crackd

RTHK 香港電台
Published on Jun 2, 2019
張家敏
六四真相研究組聯合召集人
CHANG Ka-mun
Co-convener, June 4 Untold Fact
黃均瑜
教聯會會長
WONG Kwan-yu
President, HK Federation of Education Workers
李卓人
支聯會秘書
LEE Cheuk-yan
Secretary,
Hong Kong Alliance in Support of Patriotic Democratic Movements of China
呂天忻
中大學生會外務副會長/學聯常委
Eve LUI
External Vice-President, CUSU
Standing Committee, HKFS
5. 成個亂彈根本無嘢好評,魔術師都廢事另開一篇來寫:李呃人永遠都係叫住「呢個政權屠殺手無寸鐵嘅學生」;而教亂友蝗勻愚成日都皮笑肉不笑咁話「轆死係某些人的政治資本」,兩人均無討論價值。
6. 最樣衰的就係呢個自稱乜鬼「轆死真相研究組」的張伯,成日話自己讀過乜乜櫂威寫嘅書,但最後又係在「天安門有無死人」,「長安街、木樨地有無死人」呢啲字面上的解釋兜圈,非常無聊;而更離譜的就是當佢話「老解都有死人」時,被李呃人問一句「咁老解死咗幾多人呀?」,張伯竟然答唔上,認真令人失望。你班「親中的」可唔可以做好啲功課先出席呀?
7. 鄉大學生會的呂小妹淨係識屈張伯自稱「權威」,未免太幼嫰。不過,更吸睛的反而是呂小妹的芳名:天忻 — 魔術師驟眼睇,仲以為係「夭折」添!
***
伸延閱讀:





【六四三十】拍下開槍鎮壓學生淌血成經典 加拿大記者重製紀錄片

撰文:勞顯亮
2019-05-31 00:21
最後更新日期:2019-05-31 13:26
1989年6月4日,解放軍以武力鎮壓北京學運。當時在場採訪的美國全國廣播公司(NBC)記者、加拿大人Arthur Kent,在長安街拍攝到陣陣槍聲、中槍倒地的市民、軍人從天安門城樓集結向南進發、學生撤離前聚集在人民英雄紀念碑等片段,包括多年來不斷重播、學生呼喊「救護車!來人幫我提一下,我拉不動」的畫面。
當年他拍攝的新聞片,在全球各地均有播放,他在本月將拍攝到的片段重新剪接成紀錄片《六月黑夜》在網上播放,並親自描述當晚的所見所聞。
市民拉着淌血學生呼喊成經典畫面
Arthur Kent是當年在北京採訪八九民運的外國記者,6月3日夜晚,解放軍入城,沿途不斷開槍,他聽到槍聲後,到木樨地、長安街採訪,到6月4日凌晨3點才離開廣場。他更說,如果他繼續留下,軍人一定會發現他,並沒收他拍攝到的錄影帶。他為了保留殺人的證據,不得不離開。
當年北京已經中斷衛星傳送,他當年拍攝到的新聞影帶,被帶到香港和東京,透過NBC播放並分發至通訊社和全球各間電視台。當中幾名市民拉着淌血的學生,呼喊「救護車!來人幫我提一下,我拉不動」的畫面和聲音,成為六四的經典畫面。
片段重剪成13分鐘紀錄片《六月黑夜》
六四事件30周年前夕,已經65歲的Kent,將當年拍攝到的片段,重新剪輯成13分鐘的紀錄片《六月黑夜》,他說這些影片之前一直較為零碎,並未在長度、翻譯、敘述方面處理好,因此重新剪接。
Kent接受本港英文傳媒Hong Kong Free Press訪問時表示,希望透過影片向大眾說明當晚學生經歷了什麼,他們為了生存而奔命,全副武裝的龐大鎮壓和懲罰機器,壓垮了一代人對自由的追求。
NBC憑Kent拍攝北京學運和六四鎮壓影片而製作的節目,獲得1989年度的艾美獎。Kent亦採訪1989年羅馬尼亞革命,見證獨裁者壽西斯古共產政權下台。
Arthur Kent紀錄片網站 SkyRepoter.com

57 則留言:

  1. 六四真相好難知,假像就喺三十年後越搞越多,根本搞到真假難分。燭光晚會成班友,當信耶穌咁,信就得架啦!千奇唔好問點解。

    回覆刪除
    回覆
    1. 信者得救,記得捐款。

      刪除
    2. 時間愈耐, 我就愈覺得班學生不可信(或所說的不是事實的全部); 同時, 殺人政權當年的形象工程(marketing skill)做得太差, 結果一子錯滿盤皆落索.

      刪除
    3. 明報 S05 | 時代 | 周末素描 | By 張圭陽 2012-06-10
      柴玲講話

      八九年六月十一日,香港報章大篇幅刊登了天安門學生總指揮柴玲的錄音講話,很「有系統的」描述了六月四日凌晨軍隊進入天安門廣場的情景。不止是在香港,全球的重要電視媒體,在香港報刊上街銷售前的幾小時,也播出柴玲一段約五十分鐘的錄音講話,畫面是群眾在木墀地阻止軍隊開入天安門廣場,還有許多死傷者的畫面。整個電視畫面配有中、英文字幕。這一段柴玲錄音講話視頻的供應者,就是無綫新聞部。
      八九年六月十日晚上約八時許,一名神秘男子在廣播道無綫電視的總台接待處留下了一盒卡式錄音帶,宣稱是柴玲本人的錄音講話。為了求真,首先找了經常訪問柴玲的兩名記者,確認是否柴玲本人的聲音,確認後由於柴玲下落是一個謎,天安門在六月四日凌晨發生什麼事還沒有第一身的說法,由於新聞性很高,新聞部很快得出一個結論,要中斷正常的電視節目,在晚上十時許播出了這段柴玲講話。講話播出後,引起全城關注,徇眾要求,在同一晚上又重播了一次。海外新聞機構紛紛要求拷貝,新聞部即時配上中英文字幕,拷製了數十份,免費派送給全球的電視新聞機構。

      在眾多讚揚的電話中,一位男觀眾提出質疑: 「你們播出的新聞片次序是否有問題?是不是先有軍隊在木墀地遇襲,然後才有軍隊向人群開槍?」當時一位同事馬上破口大罵,你是不是中國人?事後回想,我們的確沒有理清事件發生的次序問題,天安門發生什麼事,全憑柴玲的講話錄音,可是柴玲在軍隊開入廣場前早已離開,她的錄音講話,全是「我聽說……」
      「我聽聞……」,我們就把柴玲的聽聞聽說,配上相應的畫面,變成了「事實」播出。

      刪除
    4. //信者得救,記得捐款。

      啊李呃人隨時又兩千萬變咗得嗰幾百萬XD





      刪除
    5. //一位男觀眾提出質疑: 「你們播出的新聞片次序是否有問題?是不是先有軍隊在木墀地遇襲,然後才有軍隊向人群開槍?」當時一位同事馬上破口大罵,你是不是中國人?

      點解啲語氣咁似殺人政權嘅?

      //「我聽聞……」,我們就把柴玲的聽聞聽說,配上相應的畫面,變成了「事實」播出。

      咁梗係「聽聞」喇! 如果真係大屠殺, 玲姐係首領之一, 如身在現場佢真係走得甩?

      //李呃人隨時又兩千萬變咗得嗰幾百萬
      李呃人宅喇, 係捐都捐俾啲後生仔逃亡喇!

      刪除
    6. //柴玲在軍隊開入廣場前早已離開,她的錄音講話,全是「我聽說……」
      「我聽聞……」,我們就把柴玲的聽聞聽說,配上相應的畫面,變成了「事實」播出。

      http://www.orangenews.hk/finance/michaelchow/

      「這令我想起也是在80年代,我在TVB的節目發展部,即是編劇部,當暑期工,跟吳昊。第一天上班,他給了我一些錄影帶,也是西方和日本不知甚麼的記錄片,我的工作就是把這些錄影帶胡亂寫上一些voice over,用不著真的和片中的真正內容有關。」

      不過這樣的一個「腦作」「聽聞」,就形成了一批30年的信徒,仲要「薪火相傳」落去...

      刪除
    7. //不過這樣的一個「腦作」「聽聞」,就形成了一批30年的信徒,仲要「薪火相傳」落去...

      周大仙講嘅嘢竟然比支亂會更可信? 無理由嘅! (大笑)

      刪除
  2. 自從吾爾開希喺电視直播當面罵李鵬我就知道唔會有好結果。 佢哋淨係掛住出風頭,都唔理其他學生嘅死活。 後來睇咗紀錄片“天安門”, 就更加對佢哋反感。 柴玲係大話精, 應該要對死者負責。

    回覆刪除
    回覆
    1. //加對佢哋反感。 柴玲係大話精, 應該要對死者負責。

      點解無民調問究竟有幾多傷民依家對當年學生的信任度係無降低過嘅呢?

      刪除
  3. 其實究竟啲人喺天安門死定係木樨地死係有分別嘅。因為當時傳媒都亂咁講話天安門廣場死咗幾千人甚至上萬人 ,咁先至令到大家有個咁差嘅印象, 覺得係屠殺。到後來就算有證據話唔係咁樣,大家都已經先入為主冇人信澄清嘅人啦。 照而家證據睇其實當時袁木係冇講大話嘅。 但係而家講乜都冇用,嗰啲人真係好似信教咁樣,點都唔會改變睇法。

    回覆刪除
    回覆
    1. 正如魔術師前一篇話齋,人家完全不相信,根本無可能說服。所以只會一如以往的繼續忽視它,讓第一代的「見証人」全都消失了,才有機會被正名。

      刪除
    2. //大家都已經先入為主冇人信澄清嘅人啦

      所以話,First impression 其實好重要, 邊個取得先機就邊個着數.

      //只會一如以往的繼續忽視它

      同投資一樣, 大多數的人都會逃避承認錯誤, 唔肯止蝕. 就好似年前,「蝗蟲柺走BB」一事, 一眾黃C齊聲聲討, 雖然最後證實係港媽自編自導自演報假案, 但已經無人再提自己跟車太貼的問題了.

      刪除
  4. 見到警車被擲燃燒彈会覺得開心,又或者要抽水嘅人,心理係咪好有問題,要睇下精神科醫生?

    回覆刪除
    回覆
    1. 一定係阿爺命令黑警自編自導既, 等六月九日有藉口出坦克車, 一定係, 除非唔係(大笑)

      刪除
    2. 依家香港人唔知係判斷力太差,定係鍾意自我催眠?硬係要信啲極荒謬嘅陰謀論!

      刪除
    3. //見到警車被擲燃燒彈会覺得開心
      //一定係阿爺命令黑警自編自導既
      //依家香港人唔知係判斷力太差,定係鍾意自我催眠?硬係要信啲極荒謬嘅陰謀論!

      根據「民主理論」
      1. 傷民大部份是黃C, 所以黃C可以代表傷民
      2. 大部分黃C都是仇警的, 所以黃C都是仇警的
      1+2. 傷民都是仇警的.

      刪除
    4. //一定係阿爺命令黑警自編自導既,

      《十年:浮瓜》總有啲市場的。

      刪除
  5. 死上千上萬人,理論上有上千上萬個天安門父母。
    成日話垣克顏死人,我只見到條友企响垣克前,究竟垣克有冇向前駛?竟然冇之後嗰張相?
    嗰條依家死咗並點?一片空白,等教友自己幻想。

    回覆刪除
    回覆
    1. 倫兄是指睇過無數次的那名坦克人嗎?如果係,其實是有後續的。

      https://www.youtube.com/watch?v=GRb4VY2dU4c

      刪除
    2. //上千上萬個天安門父母。

      班老人們都收哂錢唔出聲了。

      //坦克人

      謝謝無想, 已加伸延閱讀.

      不過,呢段片應該是偽造的吧(誤)! 片段好似被剪過好多次, 而且初頭 tank man 兩手都有膠袋,都後來只得一手持有膠袋,太不連戲了(大誤)!!

      刪除
  6. D鬼佬好嘢嘅,搞顏色革命,搞唔成都可製造班教友代代相傳。
    不過時代巨輪响呢邊,唯有一年兩次打JJ。6471

    回覆刪除
  7. 信仰 override 質疑背後係一個「零可信其有」嘅大包圍保險制。

    回覆刪除
    回覆
    1. //信仰 override 質疑

      所以佔中都要搵個老牧師出來,可以方便策動教友.

      //「零可信其有」嘅大包圍保險制

      傷民其實好迷信的.

      刪除
  8. 標題的「八的平方」是甚麼?似乎這不值一提。

    究竟今年勸捐抽水有多少?似乎也是不值一提。

    這些人還真挺"利"害的:

    回覆刪除
  9. //仲以為個座談會會係德國政府搞嘅,
    前排有BNO平權喺米帝國會演講又有蟻員在場發言,我都以為喺政府,摷hansard睇但又冇提,點知哈哈原來淨喺用嗰地方嗟。

    //獲德國難民庇護的黃台仰
    身光頸靚,湖北梁恨都恨唔到

    //又指自己這幾年心態已變,不再爭取獨立
    移民目標一大半已經達成,是鬼但啦...

    回覆刪除
    回覆
    1. //身光頸靚,湖北梁恨都恨唔到
      //移民目標一大半已經達成

      死道友不死貧道也.

      刪除
  10. 我對於呢D野持懷疑態度,首先我認為人應該要有LOOK FOR TRUTH,而非你提供一段片,一張相,再加幾段交字就係事實
    更何況,國家要維持治安,當然係要有野做,亦有暴民,一定會有爭執
    但係你話屠殺!真係要諗過先好講出口WOR

    有人同我講,64事件佢0歲,佢大個左之後睇左一條片,佢話條片,熄晒燈有搶聲,就係屠殺
    我問佢,黑媽媽你睇到乜野?佢話乜都睇唔到
    哦,原來係咁....

    仲有D人要攪信仰唔緊要,唔該唔好帶D心智唔成熟既人一齊去信你所信既野
    仲有學校既人,都唔好攪政治,播片比學生,仲唱歌
    D學生識乜野? 佢地去找真相既機會都沒有呢

    回覆刪除
    回覆
    1. 完全同意。
      64時我讀緊“大學”,以前叫xx理工學院。我都有去遊行,但其實係受羣眾壓力,唔去人哋会覺得我唔係人咁。

      刪除
    2. //非你提供一段片,一張相,再加幾段交字就係事實
      //但係你話屠殺!真係要諗過先好講出口WOR
      //我問佢,黑媽媽你睇到乜野?佢話乜都睇唔到

      我唔信, 學痴瘋仔話齋, 依家啲中學生係有獨立思考嘅, 唔會人云亦云.

      //唔好帶D心智唔成熟既人一齊去信你所信既野
      //仲有學校既人,都唔好攪政治,播片比學生,仲唱歌

      洗腦要從娃娃抓起.

      //64時我讀緊“大學”,以前叫xx理工學院。

      當時我讀緊中學, 無去過遊行, 亦從未捐過一分一毫, 只係因為覺得「書生造反, 十年不成」.

      //我都有去遊行,但其實係受羣眾壓力,唔去人哋会覺得我唔係人咁。

      咁你就唔啱嘞.講出嚟一定會俾痴瘋仔笑你無獨立思考的!

      刪除
  11. 當時考mock呀!覺得電視機播嘅都係應該真嘅。冇諗過背後有咁多野,所以都有去遊行。而且一直都覺得政治嘅嘢好難明,冇理佢。大個咗有d人話唔係咁樣,就覺得好好奇。咁擺明嘅嘢點會唔係呢?但係又唔知從何入手喎!始終都係戇居居。只能保留open嘅心態,儘量唔好評論。直至到接觸到關於呢方面嘅嘢。因為大個咗,明白世界錯綜複雜嘅操作,再接觸呢方面嘅嘢嘅時候比較容易明。冇好似細個咁戇居。XD

    回覆刪除
    回覆
    1. //一直都覺得政治嘅嘢好難明

      所以黃C教C便會將通識變成反共課.

      //冇好似細個咁戇居

      腦要從細洗起...

      刪除
  12. 講一講我對轆死的整體睇法。

    - 死得最多人一定是老解如廣場途中,因為明顯接了軍令狀,中間有平民阻攔就用武力解決,所以木樨地應該死最多人(這個亦可從當年記者跟進入城路徑的影像可以睇到);但入到廣場後,並無明顯追殺留守學生的證據,94年流出的西班牙記者錄影帶完全是和平撤離(開槍仲使用大聲公講咩9“學生們,請不要再燒垃圾”??)。有“聲稱”學生撤離時有被放冷槍,但正如前文所言,“全是「我聽說……」”...

    - 我對殺人政權的處理手法意見是:對學生接近要某人下台甚至讓出政權的要求企硬是200%無錯,因為此例一開整個國家就會萬劫不復(從前蘇聯至所謂的“阿拉伯之春”可知);但不論進入廣場途中平民是否用暴力襲擊老解,老解用其打仗級別的裝備對付平民絕對是不義之舉--這牽涉到宏觀的殺人政權當年對“人民”的態度,以至技術上對鎮壓群眾運動失控的裝備及手法的認識

    - 但企硬是做對,卻和之後三十年的發展毫無邏輯上的關係--企硬只是解決了當時的問題(而且留下了很多副作用和後遺症),反而之後兩三年蝗國面對各國制裁與懷疑日子並不好過,就算真的要為之後三十年發展成果夾硬作一個一錘定音的原因,我都會話係“92年鄧伯南巡”而與轆死無關

    - 學生或同路書生後期的叫價已經高到老共無可能接受的地步(王丹領導時還好一點,柴玲根本就為咗出風頭),就算老虎食人是不對,你明知老虎會食人仲推啲同路人撩隻老虎,絕對是其心可誅

    - 除了所謂五十至七十年代“避秦”逃巷(我城行抵壘政策時,正值蝗國文革,好多人除了經濟原因外亦是因文革而逃巷)的蝗民外,轆死亦培養了大批“反共教”信徒,並且“薪火相傳”落去,加深了我城“反共”的其中一個核心價值

    - 無論“反共教”後來是否完全演變成“抗中教”,打著轆死旗號的“反共教“信徒其實早就忘記了初心--當歲月越嚟越推演支亂會等人越嚟越遠離蝗國民情時,佢地每年除咗每年加一年既議題外,有無嘗試同蝗國最新民情脈搏同步?蝗民近來最關心社會什麼不公的事情、或者生活壓力?咁多年(特別是胡溫十年)一直有好多社會嘩然的事件,有啲被封鎖但亦好多皆知巷聞,但我見除咗圍繞佢地圈子嗰批人物(例如劉曉波)外從不見佢地持續關心。究竟你每年“行禮如儀”是真的為了關心掛在嘴邊的同胞、還是純粹為了安慰自己的心靈?甚至只是為了作為“區分蝗巷價值觀”的圖騰??

    - 支亂會既然口口聲聲話“關心同胞”,而家我城咁多巷漂,點解從來得唔到佢地既支持?剩係識話人地俾人洗腦,如果人地被洗腦唔係應該靠你地去解救咩?

    - 況且,所謂洗不洗腦,還不是取決於自己的成長環境的質素?新一代蝗民覺得殺人政權全無問題就唔得、傷民懷念米帝殖民統治就得?攞返“沙田慘案”出嚟,你睇有幾個傷民悼念?

    https://zh.wikipedia.org/wiki/%E9%A6%99%E6%B8%AF%E6%B5%B7%E5%93%A1%E5%A4%A7%E7%BD%B7%E5%B7%A5

    - 或者,支亂會口中的“同胞”,其實同“葉公好龍”的“龍”是一樣的吧。

    回覆刪除
    回覆
    1. //並無明顯追殺留守學生的證據
      柴大媽當年喊晒話坦克轆過覺覺豬嘅學生變肉餅,配埋啲坦克車出出入入圖,先入為主,當年又冇手機上網,真喺點噏都得。用而家標準就喺fake news啦

      //學生或同路書生後期的叫價已經高到老共無可能接受的地步
      冇記錯喺學生領導搞權鬥,所以有人要玩大啲搶高地。開始只不過喺反腐敗好愛國的。

      //有無嘗試同蝗國最新民情脈搏同步
      冇 return home card嘛 XD,只得爛果啲二手資訊。不過維權律師大抓捕應該都好街知巷聞但冇見佢哋點跟進--不過以前俾人話過大中華膠,可能就咁怕咗喇呱。

      //攞返“沙田慘案”出嚟,你睇有幾個傷民悼念?
      「學校冇教」XD

      刪除
    2. //木樨地應該死最多人(這個亦可從當年記者跟進入城路徑的影像可以睇到);但入到廣場後,並無明顯追殺留守學生的證據,94年流出的西班牙記者錄影帶完全是和平撤離
      //對學生接近要某人下台甚至讓出政權的要求企硬是200%無錯
      //轆死亦培養了大批“反共教”信徒,並且“薪火相傳”落去,加深了我城“反共”的其中一個核心價值

      完全同意。

      //老解用其打仗級別的裝備對付平民絕對是不義之舉--這牽涉到宏觀的殺人政權當年對“人民”的態度,以至技術上對鎮壓群眾運動失控的裝備及手法的認識

      印象中有一說謂老解當時無防暴裝備,當時北京城亦無「防暴警察」級別的執法單位,故此遇上「暴民攻擊」,老解只有以大殺傷力武器還擊云云,算是給殺人政權開脫。但殺人政權是由民眾運動起家,無可能只得低武力的公安與重火力的老解兩個極端,完全無中間落墨?

      //企硬是做對,卻和之後三十年的發展毫無邏輯上的關係
      //就算真的要為之後三十年發展成果夾硬作一個一錘定音的原因,我都會話係“92年鄧伯南巡”而與轆死無關

      歷史沒有如果,很難證實 cause and effect;呢類「不鎮壓就沒有往後的30年」,主要都係蛇齋黨的「五毛式」言論,經不起思辯邏輯推敲。再退一萬步,我對「不鎮壓就沒有往後的30年發展」的理解是:
      1. 不鎮壓老共就會倒台
      2. 30年的發展全靠老共帶領
      沒有1就沒有2, 所以「不鎮壓就沒有往後的30年發展」
      但問題在於要驗證2 :「老共是否唯一能夠帶領30年發展的舵手」。

      //學生或同路書生後期的叫價已經高到老共無可能接受的地步
      //冇記錯喺學生領導搞權鬥,所以有人要玩大啲搶高地。

      佔派都係一樣。你要撤回831 ,便去北京維權、或圍堵終亂辦,那是殺人政權在我城的代表。佔派圍堵政總、旺角、銅鑼灣幹什麼?

      //就算老虎食人是不對,你明知老虎會食人仲推啲同路人撩隻老虎,絕對是其心可誅

      佔派好少回應「推人去死」的指控。

      //佢地每年除咗每年加一年既議題外,有無嘗試同蝗國最新民情脈搏同步?
      //究竟你每年“行禮如儀”是真的為了關心掛在嘴邊的同胞、還是純粹為了安慰自己的心靈?甚至只是為了作為“區分蝗巷價值觀”的圖騰??
      //冇 return home card嘛 XD
      //以前俾人話過大中華膠,可能就咁怕咗喇呱。

      初期好似都有試過「建設民主中國」,但一來無 return home card,二來官方叫班議員上去視察,都會被激進派(初期係爛民連拳頭力量,後來就係班有青)。支亂會同聞J 黨等販民最怕得罪「同路人」,成日想利用佢地的動員力(但「同路人」卻唔當販民係「同路人」),呢個係佢地兩邊(殺人政權同埋有青)不討好的原因。

      //我城咁多巷漂,點解從來得唔到佢地既支持?

      新聞報導好多時都有問一啲講蝗話的轆死集會參加者的...

      //新一代蝗民覺得殺人政權全無問題就唔得、傷民懷念米帝殖民統治就得?

      因為傷民是崇優的。

      //攞返“沙田慘案”出嚟,你睇有幾個傷民悼念?

      我外公早年是行船的,是海員工會的人,「聽舅父講」就是在行船期間認識了曾生,然後加入了東江縱隊,退役後在新華社覓了件差事。記得二舅父舅母曾經在九龍塘約道專門招呼蝗國要員的大宅內影過結婚相...

      可能以前外父想當年有講過沙田慘案,但我太年幼聽不明白吧?下次等我問下舅父。

      另附幾篇蝦餃舊文以作參考:
      http://hargawswiss.mysinablog.com/index.php?op=ViewArticle&articleId=4569060
      http://hargawswiss.mysinablog.com/index.php?op=ViewArticle&articleId=4568749
      http://hargawswiss.mysinablog.com/index.php?op=ViewArticle&articleId=5236042

      刪除
    3. //我對「不鎮壓就沒有往後的30年發展」的理解是:
      1. 不鎮壓老共就會倒台
      2. 30年的發展全靠老共帶領
      沒有1就沒有2, 所以「不鎮壓就沒有往後的30年發展」
      但問題在於要驗證2 :「老共是否唯一能夠帶領30年發展的舵手」。

      觀乎蘇聯解体之後各国嘅“發展”,中共的確係比較“有本事”

      刪除
    4. //觀乎蘇聯解体之後各国嘅“發展”,中共的確係比較“有本事”

      又 loop 返去販民的慣技,每任特首都俾佢地叫過下台,但「老董/貪曾/689/777」下台之後, 佢地都從無提議過邊個「有本事」做特首(就假設一下有公民提名的情況都沒有).於是乎,「不鎮壓就沒有往後的30年發展」跟「沒有老董/貪曾/689/777就沒有現在的亂世」一樣, 都是沒法證實的偽命題.

      刪除
    5. 見識過佔中,就覺得越多人參與嘅“學生運動”就越唔會係“學生運動”,當中會有太多唔同組織混雜其中,例如反政府奪權派。有鑒於十年文革都係由“學生運動”開始,老共就算有能力中間落墨,相信都寧願用最高武力速戰速決。

      刪除
    6. //老共就算有能力中間落墨,相信都寧願用最高武力速戰速決。

      哈哈, 做師父的當然知道所教武功的罩門所在 XD

      刪除
    7. //1. 不鎮壓老共就會倒台
      //2. 30年的發展全靠老共帶領
      //沒有1就沒有2, 所以「不鎮壓就沒有往後的30年發展」

      我會加多一兩點:
      1. 不鎮壓(或不拒絕學生要求)老共就會倒台
      2. 中國就會像蘇聯或敘利亞般萬劫不復
      3. 中國會有起碼10年倒退,無論哪一個政權pick up(even包括老共敗部復活),都無法複製現實已發生的30年發展

      但以上並不代表老共保住當時不倒台,就保證會有30年的發展--已發生事實是,當年主張重回極左的勢力曾經抬頭,要到92年鄧伯南巡才能一錘定音、否定走回頭路。

      以上有邏輯推論,亦有基於已發生事實(蘇聯等例子)作歸納法。

      刪除
    8. 補充一點:當年老共拒絕學生要求,是之後30年發展的必要條件,但非充分條件

      刪除
    9. //不代表老共保住當時不倒台,就保證會有30年的發展
      //當年老共拒絕學生要求,是之後30年發展的必要條件,但非充分條件

      呢句真係一錘定音喇!

      刪除
  13. 咁有分別喎。呢30年嘅發展有目共睹,至於現在是否亂世,應該很多人認為不是。蘇共解体雖然不能證明中共统治是唯一可行的,卻證明民主化很大機會行不通。

    「不鎮壓就沒有往後的30年發展」說它出口的人相信並非百分百這樣意思吧。要寬鬆一點來理解,討論。其實好多好多人說話都並不着重邏輯,經常要反覆求證才能得知確切意思。這其實幾可悲,不過现實就是這樣!

    回覆刪除
    回覆
    1. //要寬鬆一點來理解,討論。其實好多好多人說話都並不着重邏輯

      我又唔係同呢班人好 friend,真係無時間心力去推敲佢地「缺乏邏輯」的說話背後的意思了。

      刪除
  14. 的確,可能是題目錯了,它們之間的關係不是 cause and effect,而是兩件獨立的事:

    六四那件事,我認為共產黨和所有中國人都是受害者,當日鎮壓也是無奈之下的正當之舉,不然國家的治安如何恢復?而從中獲益的,卻是那幾位學生領袖,香港那班民主政棍,和他們背後外國勢力,他們才是令真相無法還原,並不斷從中取利的禍首,結果,他們令整個中華民族傷痛三十年仍未能止血。這班損人利已的怪物到今天仍為大眾膜拜,可見透過學校和媒體洗腦是多麼有效。

    經濟發展那件事,或者一切都只是偶然的幸運事件,但在背後運作的共產黨,其功勞不可抺殺。也有人說,誰知道要是中共交出政權,會不會令中國像東西德合併一樣,成功結束兩岸分治了,但又有誰可以斷言,會不會分裂成十八個國家,像南斯拉夫一樣打足十幾年內戰,甚至出現種族屠殺呢?歷史沒有如果,而中國今天的成就,卻連美國也通過貿易戰間接承認了,還有什麼好不滿的?

    或者有人心底認為六四鎮壓是錯,所以覺得可以讓共產黨"領功"保償。不過看來還是不必了,真相是中國雖然面對四方打壓,仍然透過務實的經營堅強地掘起,值得所有中國人自豪。

    回覆刪除
    回覆
    1. //這班損人利已的怪物到今天仍為大眾膜拜,可見透過學校和媒體洗腦是多麼有效。

      無辦法,傷民的思辨邏輯能力不足,所學的「民主」又停留在「少數服從多數」的層面,當然就會認為「人多,殭屍就係怪物」。

      //歷史沒有如果,而中國今天的成就,卻連美國也通過貿易戰間接承認了,還有什麼好不滿的?

      其實要小心這種 empirical 的論證法,充分條件和必要條件要分得好清楚。

      //真相是中國雖然面對四方打壓,仍然透過務實的經營堅強地掘起

      只能說有部份人的權利是被犧牲了。As long as 國家容許你用腳投票,不滿的大可走人。移民代價雖大,但總也大不過「拋頭顱灑熱血搞革命」搞革命,沒有誰對不起誰的。

      刪除
    2. //As long as 國家容許你用腳投票,不滿的大可走人。移民代價雖大,但總也大不過「拋頭顱灑熱血搞革命」搞革命,沒有誰對不起誰的。

      都係用電影嚟做引子:《新宿事件》結尾有個註腳,大意話千禧年後,隨著經濟發展,偷渡(往日本)潮逐漸減退...

      另一套是發哥做的美帝片《The Corruptor》,睇返20年前講的唐人街大陸非法移民的生活、成個貨輪倉底都係偷渡客的景象,放在而家好難想像。

      這其實是蝗民用腳投票的結果。你可以話蝗民是豬,無自由有經濟就滿足;但放在日日呻到樹葉都落的黃C,你地仲唔走係咪因為我城仲叫搵到下食呢?

      刪除
    3. //都係用電影嚟做引子

      又,最近電影公司 remaster 左好多舊巷慘片,淨係紅姑主演嘅都有一大堆,仲有林正英等。

      //你可以話蝗民是豬,無自由有經濟就滿足;但放在日日呻到樹葉都落的黃C,你地仲唔走係咪因為我城仲叫搵到下食呢?

      最近睇中《妖獸都市》同《投奔怒海》,睇吓幾時買碟 XD

      刪除
  15. 錯就錯在當時領導層出面同班敵對分子直接談話,衣家有前車之鑒學精了,由得你跳,反正手度無炮一啲都唔慌,開足嘴炮又如何
    唔當自己中國人,又敢系中國土地收钱幫搞分裂,當年柴玲走到,未来就睇下班友游唔游得出太平洋

    回覆刪除
    回覆
    1. 其實唔服氣被殺人政權統治,最好就係想辦法離開呢個國家了。

      刪除
    2. 西方名言: if yo cant beat them then join them,

      刪除
    3. 你太不尊重民主精神了!不自由,毋寧死!

      刪除
    4. 咩民主精神?包嗌頸?

      刪除
    5. 「咩民主精神?」

      少數服從多數, 民意授權呀!

      刪除