尋找定存的故事（二）

話說上文《尋找定存的故事（一）》的兩項定期存款早已到期，本利和都收返哂，就連「忠信錢莊」的＄５０開戶獎賞都已過帳，但就估唔到「忠信錢莊」的 ebanking app 竟然只需加裝銀行的 Token app，便可以將轉數快上限改到超過＄１００,０００，一次性將定存本利和提返去行山銀行的 Mortgage Link 戶口，算是幾方便：

出乎魔術師意料之外的是，牌面較大的「工傷銀行」在轉帳方面反而好唔得，魔術師搞咗一輪 Large Fund transfer（１０萬有幾「大額」？）又 register same name payee 等都搞唔掂，谷鬼氣只能以螞蟻搬家的方法每次一萬咁＄１０,０００搬返去 Mortgage link account（「工傷銀行」仲衰到無月結單 download，要靠實體信，呢啲蝗資銀行真係得啖笑）：

隨着虛擬銀行紛紛開業，以高息吸引新客戶存款的花臣就愈現玩愈多，好似呢間「平安壹賬通銀行」就以８.８％年利率搶客就最吸晴，而且仲可以當成係 Mortgage Link 咁活期都可以享有高息，唔使做定期鎖住筆錢，靈活性都大啲：

（圖片來源：PAObank「優易賞」優惠計劃, retrieved on 6 Jul 2020）

存款當然係有上限的：＄８８,０００，而且優惠期至２０２０年９月９日為止，講緊都只係每名客戶＄１,０００多啲而已

（圖片來源：PAObank「優易賞」優惠計劃（「優惠」）之條款及細則, retrieved on 6 Jul 2020）

不過，咪開心得咁早住！睇清楚係要「特選客戶」先有存款優惠。至於點先可以做到「特選客戶」，木宰羊。魔術師試吓打開 iOS app store search "PAOBank" 跟手 install：

果然一 register 就出 error：

即係唔係唔俾你試業，又唔係唔俾你只係將優惠提供俾唔知點來的「特選客戶」，但如果只係 trial，可唔可以唔好講到好似有優惠提供俾一般「市民」咁做 promo 呢？睇怕依家時代真係「革命」咗，賣埋呢類廣告，但一般人又用唔到，真係唔知佢地想點，唔通唔怕搞衰自己形象？只能講句電車 project management 一日千里，咁樣 agile 法魔術師真係唔識玩。
當然，聽見「平安」呢個牌頭，大家都知道係乜嘢事。可能係銀行怕咗生客會「擔心」個人資料「有可能」被「送中」，所以先搞到咁神神秘秘；畢竟個優惠又唔係乜嘢大數目，有「懷疑」就無謂因為嗰千零蚊因小失大喇！
＊＊＊
伸延閱讀：
尋找定存的故事（一）