貓與人的窩居

今次呢個案例都成個幾月前，有線撤咗用戶限制，所有讀者都可以睇完全版了（３６：４０—４７：４０）！

樓盤傳真 2020/07/18 2020/07/18 22:50

新地高於二手價約20%，推出屯門臨海盤御海灣，但今次第一期沒有海景，主要望樓景，至於「屯門南延線」鐵路概念，更要多等十年才通車。另外，買新樓附送的電器失靈，但問題拖延一年至過了保養期，維修費及責任，應歸小業主或發展商? 聽聽律師講解。
今集放盤是西營盤雅賢軒一個兩房一套單位，步行1分鐘便到達地鐵站，又鄰近街市，配套方便，難得業主叫價貼市。不過單位未過三年SSD禁售期，下手買家要同業主平分樓價10%的「辣稅」，即額外多付約50萬元。
「酒店級」驗樓單位，來自深水埗通州街West Park。前身是單幢酒店，興勝創建五年前收購重新翻修，在單位開則仍保留不少酒店特色。
為貓貓有玩樂空間，也為了兩夫婦有更舒適休息居停，設計師把頌賢花園一個400多平方呎的「眼鏡房」單位改造成房中房設計，又把廚廁位置互換。

頌賢花園座落大角咀，４５３呎，樓齡約３０年，廚房大次所細，顯示前人「煮飯緊要過沖涼」（主持人語），今次流浪漢設計Ｃ就要為現代夫婦與及貓咪整個安樂窩：

年輕夫婦唔煮飯寧願擴大空間鴛鴦戲水，流浪漢設計Ｃ便將廚廁亙調，好處係來去水管可以唔使改，唔好處就係熱水爐變了放在新廚房。流浪漢設計Ｃ在門口玄關偷位做鞋櫃（左上），廚房可以變得更近飯廳（右上），又以到頂廚櫃收埋熱水爐（左下）；而次所擴大了，戶主坐在馬桶上也可以伸直腳（右下）：

廚房一眼睇哂就係咁大，總算有鋅盤有明火爐頭有雪櫃有洗衣機，麻雀雖小五臟俱全，算係咁（左上）。次所走明亮風，都做得幾光猛，不過係唔知個玻璃浴屏用久了沾上水漬霉菌會唔會難清潔（右上、左下、右下）：

飯廳盡頭有櫃同埋樓級，可以俾貓咪跳上天花板的貓屋，但貓屋似乎又通唔到去接連的天花玻璃櫃，無咁好玩，一間貓屋亦未必夠兩隻喵一齊訓，貓砂盤就在飯廳長椅之下，會唔會有味就不得而知（左上）。流浪漢設計Ｃ亦諗定全屋物要用上防刮物料，以防貓咪周圍磨爪（右上）。飯廳又係用摺疊餐枱，拉出拉入，一來麻煩，二來喵星人在貓屋高處見到主人開飯，應該會跳落嚟一齊開心些牙（左中、右中）。客廳梳化同電視好接近，茶几都無，蝸居真係無辦法（左下）；女戶主唯有學轉角櫃的擺設咁拉吓一字馬，練下觀音坐蓬，在有限空間吓跟男戶主開心吓：

兩夫婦（似乎）唔生仔，只係養喵為樂，所以流浪漢設計Ｃ又將兩間房打通成一間房。飯廳梳化對面是通往書房的暗門，所謂書房的書枱就設在窗台，反而側邊有個大衣櫃，再對上就係冷氣機（左上、右上）。再轉個彎就係睡房，睡房都係偏細，趟門後又有企身大衣櫃，地台有兩級又可以用來儲物（左下、右下）：

本案設計無乜花巧，流浪漢設計Ｃ只收４０幾萬算係良心價，算係唔錯（雖然無乜人貓要各有獨自生活空間環境的概念）：

＊＊＊
另外亦有ＦＢ精華版：