報復性中秋大餐

魔術師多年前曾經買過嘉麟樓月餅來吃，說老實實在吃不出甚麼好味道，感覺大概上就係細細粒一口可以吃完，月餅饀亦唔係太甜太濟，算是易入口，口感也不俗。魔術師也試過把嘉麟樓月餅送俾老粗堂阿哥，得來的評語是「好似棋子餅」，「寧願要尾心好過」。

今年我城受疫情打擊，早前更試過一整個月晚市禁堂食，搞到魔術師慘慘豬。趁近日疫情放緩，一於放縱一下，某天唔知從哪裡看到哈根大師的雪榚月餅廣告，便趁有早鳥優惠扑了一盒回來，藉口做節，實際上就係食雪榚：

原來選擇在９月２７日或之前送貨，運費仲有半價優惠，實收＄３５：

＊＊＊

快餐店恢復晚市堂食，最令魔術師高興的就是有得打一人邊邊。大檸樂（00341.HK）馬上就有得食：

睇返個雙份牛肉餐，＄７６一份，如果轉烏冬仲要加＄５，魔術師就食米線算，最多加多兩杯檸樂，要莞茜皮蛋湯，大拿拿就＄９０落樓；仲要由於疫情尚存，豉油蔥（竟然無辣椒）等配料都要由樓面配給，無得再走出「自助站」任取了：

最搞笑的就係打邊邊都有得外賣，如果連煲加火油，就要加多＄９９，究竟有無人幫襯架？飲食業真係 desperate 成咁？

＊＊＊

這天行到龍門居搵食，無再用文柒做袋炎人的大塊活（00052.HK）都係有邊邊打，性價比仲要頗高，起碼 default 係烏冬，跟餐有杯綠茶；而最令魔術師喜出望外的，就係有最愛的胡椒豬肚湯底。魔術師叫了單份牛肉，唔食咁多，＄６５落樓，仲有阿姐送餐，唔使自己拎：

餐送來，配料有辣椒粒，完勝。

可惜華都嗰間尾心接咗，變咗大塊活但又無邊邊供應，所以就暫時無得比較尾心邊邊了。

＊＊＊

同場加映，黃色經濟圈 （龍門冰室無份！），講到明叫魔術師唔好幫襯，算係「良心黃店」：