開放式自閉生活

ＩＱ題：實習生記者妹在宿舍浴室沖涼，忽然有條同學仔走咗入嚟，記者妹得一對手，究竟遮住邊度最好呢（３９：３０—４７：４８）？

樓盤傳真 2020/08/29 2020/08/29 22:56

疫情加上經濟差，商舖市道最受打擊，四大核心區「吉」舖多，空置率升上歷來最高，業內指出，即使放寛按揭成數亦無助舖市回穩，「蘭桂坊之父」盛智文坦言，主動減租，希望挽留商戶，但似乎租金低處未算低。另租客以「租上租」身份簽租約前，該如何保障自己權益？

西貢蠔涌地皮以接近市場上限批出，區內半新樓逸瓏園三房叫價 1,680 萬元，雖高於銀行估價，但跟四年多前的買入價相比，仍然跑輸大市。

南昌站匯璽 III 交樓，屋苑最後一批單位入伙，靠近繁忙道路的低層單位，建築要處處遷就，開窗有限制，連隨樓附送的衣櫃也不能隨意移走。〈裝修解密〉提醒大家做好油漆工程的前期工夫，必須處理好底層、批盪，才可保持牆面持續穩定美觀。

兩房鑽石形單位，設計師把所有間隔重新規劃，變成開放式空間。以活動趟門、收納櫃、燈箱修正空間線條，營造簡約但有型的一人家居。

康澤花園３９６呎戶主單身一人住，咁都可以收７５萬，唔使講都估到設計Ｃ係邊個喇！鎢絲 sir 劏sell 客手段就係全拆，廚次廳房大兜亂，水電地板重鋪，和味過和咪龍！

原則鑽石形廳（左上），落在鎢絲 sir 手中，就梗話要全拆重新佈局喇！首先在玄關整個窿用來擺銀包手機，但又無整無線充電，手機隨時擺到無電都唔知（右上）。大門旁有個三角位，鎢絲 sir 便造了個士多房拉直牆身（左下、右下）：

戶主一個人住，但住在海外的父母又會成日返嚟探望，要有足夠收納空間，所以鎢絲 sir 便在客廳造了企身大櫃（左上）。全屋改開放式，可以擺到大梳化，但缺點就係一眼睇哂（右上）。全拆後的橫樑以燈槽修飾（左中）。鎢絲 sir 乘機便將廚房移到原本的睡房位置，順便鑿一筆水電工程費（右中），理由就係可以將個對住對面樓、近到可以送外賣的窗安排俾廚房（左下、右下）：

而採光較好，景觀較開揚之窗戶就留給工作間（左上、右上）。由次所望返過去，廚房升一級，工作間又升一級，地台可以儲物（左下、右下）：

開放式廚房以中島作餐枱，設有插座，招呼朋友打邊邊亦可（左上）。鎢絲 sir 話戶主喜歡烹飪，又多了時間 work from home，煮食的氣味容易攻份睡眠區（右上、左中）。由於主人房（？）無窗，戶主要好似叮噹咁訓入個櫃裡面，所以「睡眠區」便設有趟門，以隔絕油煙（右中、左下），並以戶主挑選的設計畫當成係牆紙（右下），以防戶主因俾咗７５萬裝修費竟然要搞到訓個無窗櫃，隨時精神抑鬱：

＊＊＊

ＩＱ題揭曉：對應鎢絲 sir 竟然要戶主關上睡房門擋油煙，裸女最唔「蝕底」的做法，就係用雙手遮住男人對眼了！

＊＊＊

非有線用戶可以觀賞以下精華版：