魔術師資產配置（２０２０年１０月結）

本月上旬趁蝗國國慶，本市股市相對平穩，但到本月下旬尾帝大選混戰黑材料不絕，加上勾豬們抗疫 rubbish in garbage out，結果最後一個星期全球股市都要跟隨回調。本月收市，沉船基金因勾尾股市下跌，本月收報每單位＄１４９.０８（我城貨幣，下同），較上月微跌０.７４％，依舊穩守第一名。大貓反彈（但唔知是否「死貓彈（Dead cat bounce）」），帶領複式盈富組合追過沉船基金，守第二位，收報每單位＄１３７.９６，較上月升２.３８％。商品基金則因黃金及鈀金價格回調，此消彼長之下被複式盈富組合爬頭，影相僅輸一個馬鼻，守第三位，收報每單位＄１３７.８８，較上月跌１.４２％。

第四位是強積金組合，本月持有恆指股票基金和環球債劵基金兩者均向上升，收報每單位＄１２７.６０，較上月升３.２５％。生活基金難得止住多月來的跌勢，依然佔第五位，較上月微跌０.３２％，收報每單位＄１１４.３１，又睇吓笨土舊經濟股是否能在疫情後期段發力殺上。第六位為合格線現金及債券組合，較上月微跌０.０４％，收報每單位＄１０４.２２。房託組合依然為疫情重災區，收報每單位＄９７.５３，較上月跌１.３７％，雖然話包尾唔合格，但也可以看看是否可以「別人恐懼時我貪婪」。當疫情過後經濟重啟，就是商住收租仔重生之時。

魔術師住宅本月估價微跌，投資組合的賬面微升，兩者亙相抵銷。魔術師本月身家（資產淨值）收報每單位＄１５,２０９，較上月微跌０.３３％；其中流動資產較上月微升０.１６％： 

今年農曆年同舅父們拜年時，聽二舅父話公墓園博士表弟有意買樓（新樓定係二手樓就唔知嘞）；但剛剛重陽拜山時，魔術師問起，二舅父又話博士表弟又唔出手住嘞。魔術師問點解，二舅父竟然話：「樓價（大市）升，自己屋企（黃埔）升；大市跌，屋企又跌...」

魔術師再問：「博士表弟照計夠財力喎！乜仍你佢諗住啃老靠父幹加按依家層樓咩？否則你屋企升跌又關乜事呢？」

二舅父只能支吾以對，聽完都唔明佢講乜。魔術師的結論就係，一係二舅父就係９噏敷衍，一係就係蛇 quare 驚好似佢當年（９７前）買入黃埔慘變負資產一段時間，所以成日想 time the market。但以我城樓價之硬，竟可無視疲情與及經濟衰退大栽員，新盤開售仲有大把人搶，就知道想要再返回沙士價唔係咁易。你要變負資產可能真係要加按Ｎ次欠下巨債才會發生。

本月魔術師身家的 beta 值為０.３６，correlation 為５６.１８％，跟痕指關連性下降了少許：