所謂五窮六絕七翻身，點知今年７月蝗尾巷股市就好似體操王子失手「跌馬」咁，撻生魚咁撻。因為內房受恆大「可能違約」事件拖累，加上「殺人政權」整頓科網、甚至「殺死」教育板塊等，政策市的影響力非人力可擋。魔術師投資組合中的沉船基金雖然唔係持有太多蝗股或蝗 ETF，仍能穩守第一位，但已較上月大跌６.１６％，收報＄１７２.４３（我城貨幣，下同）。第二位依然係複式盈富，每單位收報＄１４６.４５，較上月大跌９.０３％。持有唔少舊經濟股的生活基金發揮出乎意料的防守力，升上第三位，每單位收報＄１４２.２０，較上月升１.２１％，真係唔可以睇小佢。
商品基金企穩，佔第四位，每單位收報＄１４０.５０，較上月升１.３０％。合格線現金及債券組合同樣保持平穩，每單位收報＄１４０.３１，較上月微升０.８４％，排第五位。
強積金組合的恆指基金亦隨大市下跌，每單位收報＄１３３.６０，較上月大跌５.６０％，排第六。房託組合依然包尾，但收息股可在在跌市中提供防守力，每單位收報＄１２７.６２，只較上月微跌０.２７％。
＊＊＊
魔術師的淨流動資金雖然較上月下跌１.７６％（較２０１６年３月３１日基數依然升７６.２３％），但資產淨值卻依然創新高，每單位收報＄１９,０８１，只較上月微跌０.０２％，大致持平。原因咪又係因為魔術師的住宅單位估價上升囉！怪唔得有報導話我城班廢老所謂「有錢」，其實大部份都被鎖死在層自住樓裡面，流動資金唔係咁多。雖然話可以做逆按揭拎返些少現金流，但好多廢老都唔捨得，想要留返間屋俾仔女，萬一仔女又唔生性唔供養自已，就真係要去做拾荒老人嘍！
魔術師１０月生日，好快又大一歲，睇返數年前 set 落的財務目標早就達成，並且跑離幾個馬位，也是時候開始準備一吓下一個 cycle 的目標。廢中廢到盡便應該是準備轉型至「阿姨，我不想再努力了」的「躺平」生活開始（如果係小鮮肉「躺平」，「阿姨」肯定舐哂脷），然後邁向財務自由。廢中廢老健康為上，唔使咁搏，９９６留返俾啲後生搏殺算了。隨着 GNW 債劵及 SBLKZ 在７月被贖回，魔術師的孖展已自動清零，短期負債大幅減少；但難得忽然大跌市，可以考慮趁機入返啲營運上無問題，只係被市場氣氛影響，殃及池魚的優質高息股，順便 build up 吓收息現金流組合。機不可失，有需要時唔排除又動用吓少量孖展額買咗先。
最後，本月魔術師身家的 beta 值不變為０.３６，Standard deviation 為 ３.２１％，跟痕指關連性為５６.６２％，標準差與及 correlation 均輕微下降：
＊＊＊
伸延閱讀：
沒有留言:
張貼留言