我思故我住

傷民移民去到米國就思念我城，回流返到嚟（仲要承繼老母間公屋）就人心思嬰，真係好Ｌ麻煩（３６：５４—４６：１０）！

樓盤傳真 2021/08/21 2021/08/21 23:18

天水圍Wetland Seasons Bay第1期首輪銷售350伙，大手時段人流不多，投資者有限。另樓價破頂後，買家入市態度變得審慎，多區二手成交量隨即下跌，業界認為未來樓價發展，跟政府的房屋政策息息相關。

九龍塘過億複式大宅，景觀欠俸，靠室內3,500呎連戶外私家花園，以空間感取勝。

二手樓問題五花八門，無論樓齡、間隔都有機會出現滲水問題。以一個約10年樓齡的單位為例，從外牆的「外憂」，講到內部喉管的「內患」如何辨識。

今集設計單位的裝修費接近樓價的五倍，為的就是做出合理的英式開放式居住空間。一個公屋四人單位的面積，靠特別的空間改劃實現效果。

外國讀書的年輕夫婦回流我城，好在疑似繼承了女戶主老媽子的博康邨租置公屋（男戶主真幸福！），人心思嬰之下，一於搵靚女切雞Ｃ整色整水搞返個嬰淪風出嚟，彰顯一吓戶主的品味：

魔術師都住過廿幾年公屋，知道個佈局，大多是只得一邊窗，位於露台，廚房在露台的一邊，而另一邊就次所（左上）。切雞Ｃ在門口設鞋櫃（右上），櫃底偷空可放鞋，另設換鞋座位（左中），座位之上有金色蟲蟲掛勾，可掛外套、包包等，集美觀與實用於一身（右中）。魔術師老爸老媽以前都唔介意在家「招呼朋友」，事關街坊街里大家經濟環境都係相約，無乜失禮人之處。難得浸過咸水的戶主理應都是中剷，卻不以住公屋為恥，不介意「招呼朋友」，仲叫切雞Ｃ劃出一個偏廳，可供三五知己共聚談心（左下、右下）：

客廳就係近距離對住部電視的梳化，電視就懸游式掛起來（左上、右上）。梳化隔離有個古惑茶几，反轉個兜就係一個坐墊，茶几中空又可儲物（左下、右下），不過呢啲訂造傢俱一向有個弱點，就係當個坐墊用耐咗有磨損，就唔知點去配返一個新的了：

電視機背後就是好似「大酒店」的玻璃房睡床，又係有大櫃在側（左上），要扑嘢的話可以遙控電動窗簾遮住（右上），不過如果壞咗又係唔知點算。另外睡床上在抽象派的裝飾，跟梳化上的金色銀杏相映成趣，據切雞Ｃ話就會顯得有品味云云（左下、右下）：

魔術師以前住屯門大興邨，露台舊式設計就係伸個人出去晾衫，好在橫放晾衫竹的設計，而唔係更危險的「三枝香」。切雞Ｃ當然唔會再用露台晾衫，而係將廚房擴闊，改成開放式，設有大量廚櫃，個窗用來採光，亦可以用電動窗簾遮住，但廚房油煙大，一旦 jam 機又係唔知點算（左上、右上）。據切雞Ｃ話戶主又好鍾意去旅行，但「去旅行」呢啲中剷通病在疫情底下唔 work，戶主唔知點解唔去 staycation 而係叫切雞Ｃ將個次所搞到酒店風，黑白灰企缸馬桶鏡櫃洗面盤佈局分明（左中、右中）。企缸頂設有晾衫架，但就見唔到浴室寶以助乾衣（左下）；企缸的另一端設有「臭暗格」，以收納熱水爐、喉管、雨傘等（右下）。

＊＊＊

精華版如下：

＊＊＊

伸延閱讀：

移民賣樓｜英國回流港人隔離期滿　即斥1050萬買愉景新城三房

出版：2021-07-12 14:26 更新：2021-07-16 08:46

荃灣愉景新城新錄一宗回流港人入市個案，待隔離期滿後即斥逾千萬買入三房單位。而原業主則因為移民而賣樓。

兩周前回流香港　隔離完即入市

美聯物業助理區域經理鍾家豪表示，上述為愉景新城7座高層H室，實用面積647平方呎，採三房間隔，以市價1,050萬元易手，呎價16,229元。

鍾氏透露，新買家為兩周前由英國回流香港定居的港人，年約40多歲，在隔離期間託在港家人幫忙睇樓，隔離期滿後，即時落訂入市，擬購入單位自住。據悉，新買家在英國已居留約一年多，是次因工作關係而回流香港，並在港置業。

原業主已移民　授權家人負責買賣

至於單位原業主早前已移民離港，是次交易是授權家人負責處理，該單位2014年以665萬元購入，是次易手帳面賺約385萬元，升值58%。

早前，將軍澳亦錄得一宗同類的二手個案，有維景灣畔的兩房業主，因計劃移民加拿大，決定賣樓，放盤多月減價50萬至900萬元售出單位，新買家為一名從加拿大回流返港的退休人士。