魔術師雖然持有一眾蝗巷尾股、債、ETF等投資產品，但基本上都無話揸住啲好令魔術師厭惡的項目 — 即使魔術師唔認同地慘霸、收租霸的理念，但畢竟房地慘以致收租都係「正行生意」，持有這些股票和房託都是無話好鍾意亦無話好唔鍾意，屬於無可無不可的心態；魔術師唔鍾意的係我城那些小業主瞬間變臉封盤反價、做劏房欺壓租客還自以為好醒的嘴臉。
不過，凡事都有例外，最近 Facebook（FB）就「昂首步入」叫魔術師討厭的「唯一成份股」；唔知近排興起的 Environmental, Social, and Governance（ESG）概念是否能反映 FB 的可惡之處呢？
|
| （圖片來源：Interactive Brokers > Position > FB > Research, captured on 11 Sep 2021） |
唔好以為魔術師在翻 FB 那些散播仇恨、謠言、假新聞的舊帳，而係最近慘被「心靈雞湯」金句廣告所淹沒，每碌幾下 screen 就爆一個出來，日日唔同，花款甚多：
魔術師就唔知呢類資告圖文有幾真，亦無閒情去查找呢啲金句是否陳小春所說，幾時說，甚麼場合說，搞到魔術師幾乎以為陳小春是個哲學家。魔術師感到納悶的是，FB 廣告最後都係 sell 服務／產品，而這些金句圖文的專頁又是想銷售什麼？目標客戶又是甚麼人呢？由於魔術師唔想被 FB 的演算法進一步以為「吸客成功」，絕對唔會為了「暸解吓『陳小春／劉華專頁』是如何營運的」而 click 入去睇，不過睇返留言數目又真係好似可以吸到唔以受眾咁...
魔術師對呢類金句廣告感到厭煩的原因，主要就係愚樂圈偽人並唔係咩嘢權威「人生教練」，唔使成Ｑ日 quote 出嚟當神咁拜；而且呢啲是否當事人所說，有無偽託亦不得而知（例如 Stephy 的「人生金句」便疑似來自劇集宣傳對白）；當然最攞命的就是呢啲「金句」甚為造作，甚至係矯情。又試問以投資者（老散？）為受眾目標的妄霉成Ｑ日 quote 金句做乜？Quote 得金句多可以吸客？我城哪些「客」需要這樣哪樣的心靈雞湯去做精神安慰？
＊＊＊
伸延閱讀：
在流量就是王道(決定收入多寡)既玩法入面，再加上不斷投你所好製做Echo Chamber既algorithm，再配合一眾只求自High發洩情緒而非求真既廣大網民，互聯網出現劣幣驅逐良幣既生態肯定是必然
回覆刪除我唔介意有廣告, 但呢啲資告實在太粗製濫造, 咁都吸到客真係難以想像, 乜用戶唔感到厭煩嘅咩?
刪除魔兄你真係太高估網民既平均質素了，呢類粗製濫造既明星／偉人語錄再配張偽專業既照片的確可以呃到好多like 同 share的，同埋你最尾share個兩張圖係呢類名人雋語圖類算係製作精美的了。
刪除還有，只要你多逛逛外網，如reddit,quora,twitter,就發覺呢個係一個世界性現象。。。。
同埋你不妨抽時間睇下你fb既設定？有一欄係會自動將你日常睇得多既網頁自動將你既“喜好”抽出黎分類的，這並不是一啲網站開account時主動問你對咩話題有興趣，而係靜雞雞係背後幫你做既“篩選”，你試試定期做清理既話，睇下會唔會減少出現呢類junk message既次數？
刪除不過大概率都冇X用，因為只要你曾經係瀏覽器搜尋個類野，佢就會不停係唔同地方同唔同既APPS狂餵你食個樣野，真係名副其實BIG BROTHER IS WATCHING YOU
//魔兄你真係太高估網民既平均質素了
刪除所以一人一票等值選舉根本就是反智的制度.
//呢類粗製濫造既明星／偉人語錄再配張偽專業既照片的確可以呃到好多like 同 share的
但最終都係要靠將 like 轉化成錢, 我都係搞唔清楚成個鏟頁鏈係點賺錢嘅. 我睇啲網上文章都係教人點呃 click, 搞大個飯圈再賣嘢. 不過名人雋語專頁又可以賣乜呢？ 唔通賣揮春咩？ ＸＤ
//同埋你不妨抽時間睇下你fb既設定？有一欄係會自動將你日常睇得多既網頁自動將你既“喜好”抽出黎分類的
在廣告右上角的三點, 有個option 係「隱藏XXX專頁所有帖子」, 等我試吓呢個 option 先. 唯有逐個 block.
//兄弟不用多，一個挺你就夠
回覆刪除係咪講緊偉哥
阿力士
//偉哥
刪除子孫多就真！
我好少見金句廣告，反而成日都有某明星醜聞席捲全香港，家人確認喪失一切嘅廣告。最初係校長，近半年變咗城城，有時仲會配埋妖TV個嘜頭。
回覆刪除呢啲多數無騙局廣告, 全 filter out 就最好.
刪除好唔鐘意呢個anthony chung, 早幾年先教人上三線城市買恒大樓, 宜家又扮估中哂
回覆刪除我對呢啲乜 sir 物 sir 一向無乜好感. 教班只係藉口, 其實只係 sell 嘢拉人入伙, 好似洗腦咁.
刪除