考智慧城市網絡

這天魔術師到 ＯＫ 店買份人言報（真係忠實讀者，既俾錢買實體報，又俾錢訂閱電子版），正想用支付佬俾錢，但係店員嘟完後竟然話收唔到錢...點解？除咗魔術師 mask off 了的 QR Code，有無發現個畫面怪怪地？

睇真啲，原來個「預設付款方式」係吉咗，load 唔到所以俾唔到錢。至於點解忽然之間會 load 唔到個「預設付款方式」呢？

再細心睇，手機畫面右上角出現的是 wifi icon...照計魔術師係 ＯＫ便利店，點會有 wifi 嘅呢？

魔術師 click 入去 Setting 畫面，謎底就馬上解開了：

原來 ＯＫ便利店附近正正就有間「梗有一間係左近」的７仔，一定係最近架設了 wifi hotspot，魔術師行過門口，就算無入去，手機都食咗個 wifi login。

魔術師 set wifi 主要都係在家自動 login 返屋企個無線網絡，出街就自帶 5G plan，根本唔需要用免費 wifi；而且通常呢類免費 wifi 都要用 browser login，再限時限刻，用起來非常唔方便。左 login 右 login 根本是在考市民的智慧吧？

咁啱衰就衰在 iphone 食咗 free wifi 就唔識自動彈去 5G，變成用戶 唔 login 就 hang 住，load 唔到 data，所以支付佬亦找唔到魔術師個「預設付款方式」。

當時要解決個問題，魔術師就將 Wifi 關掉，部 iPhone 自然就會用返 5G，支付佬亦重新 load 得返。長遠計，魔術師就將 wifi setting 內的「Auto-join Hotspot」 set 成 Never，希望可以完善返個設定。

＊＊＊

伸延閱讀：

刀劫尖東便利店逼增值微信　兩男被捕 2021-09-23 18:55:30

【有線新聞】警方拘捕兩名男子，涉嫌星期日在尖東持刀指嚇便利店職員，要求增值5000元到電子支付戶口。

被捕31歲男子黑布蒙頭押返現場調查，探員拍照做紀錄。案發在星期日凌晨，一名男子手持一把廚房刀去到麼地道一間便利店，指嚇一名女店員增值5000元到手機的微信支付戶口，得手後逃去。

警方星期三凌晨在紅磡拘捕兩名男子，一名男子涉嫌行劫被捕，另一名48歲男子則涉嫌藏毒和管有違禁武器被捕，警方正追查戶口登記人下落。