是咁的，想當年魔術師一家由屯門大興邨搬到龍門居，實賤了「換樓階梯」，作為屋企司庫的老媽子因為要節省成本，便貪平找樓下的裝修店去搞裝修。可想而知呢類裝修店都係既伏又黑，鋪電線偷工減料，連入牆銅喉都省掉，結果就係唔使十年便因為電線老化搞到全屋大跳掣。魔術師召來師傅檢查維修，又見其時父母俱已仙遊一段日子，理應清理舊物，便決定來個大裝修，再俾啲本搵個切雞Ｃ幫手諗掂佢。
睇慣魔術師的塞內設計系列就知，搵得切雞Ｃ去搞，便實有啲乜乜物物展示櫃，加埋走廊射燈懶有型：
但問題來了，過得幾年魔術師發現走廊射燈撻唔着，以為係燒燈膽，便叫師傅來檢查兼換燈。點知一 check 之下，原來好似魔術師圖中呢類天花射燈的燈腳型號叫ＭＲ１６，呢種針腳燈泡需要配電子火牛，今次係燒火牛唔係燒燈膽：
|
| （網上圖片） |
當時雖然修好，但魔術師也長了知識，知道多隻香爐多隻鬼，撻唔着燈可以係燒膽又得、燒火牛又得，檢查起來未免太過搵自己笨，於是便 blacklist 了這一款ＭＲ１６射燈。魔術師着手自己做 research，搞完一輪之後發現有一款射燈燈腳叫ＧＵ１０，燈腳類似光管咁可以輕易扭上燈座，而火牛則是內置在燈泡，一燒就整個換，正合魔術師心意。
再過幾年，到得魔術師搬到現時居所，魔術師又再找另一位切雞Ｃ幫手搞裝修，指定要用 ＧＵ１０燈泡，嚇咗個切雞Ｃ一跳，唔明魔術師點解連燈泡腳型號都咁講究。魔術師一不做二不休，叫切雞Ｃ整埋神櫃擺父母牌位，切雞Ｃ一一照辦，而神櫃嘅燈仲係用紅色ＬＥＤ添！
ＧＵ１０燈泡果然耐用，八年來三盞神檯燈位只係各自換過一次，不過紅色ＧＵ１０真係好難搵，魔術師找了一輪只在鴨寮街某檔攤找到少量存貨，都要幾十蚊一隻。適逢最近有一盞ＧＵ１０又有些不穩定跡象，閃吓閃吓咁，於是魔術師便在網上找尋，是否有網購的可能性。原來時日如飛，當年魔術師都查過卻不得要領，只屬於研發階段的 ＧＵ１０ 智能燈泡已經大行其道，只要將彩色燈泡調較為紅色長着便可以了。
比對一下我城兩大網購平台，發現「維基TV Mall」所提供的品牌和款式遠多於「乜都有喎」:
|
| （圖片來源：HKTV Mall > 搜尋 > GU10 彩光, captured on 18 Jun 2022） |
|
| （圖片來源：友和 > 搜尋 > GU10 彩光, captured on 19 Jun 2022） |
又由於今次換燈泡屬於實驗性質，加上魔術師對「非（常）離譜」呢個品牌非常之有戒心，所以就唔先唔買咁貴，用平民化品牌試當真：
由於係由旗艦店輸出，開箱狀況當然良好：
要調較智能燈泡，就要在手機上裝 app，呢款智能燈泡可以支援藍芽及 Wifi，於是魔術師就選定 Wifi 無誤，依照說明書 connect 上網絡，較多顏色，再創建「神櫃群組」以便將來加入更多燈泡便可以了：
＊＊＊
伸延閱讀：
我屋企都喺用呢款腳，好耐都唔使換，米帝超市大多數都喺賣呢種。
回覆刪除未見過有智能下次壞咗試下先又學到嘢射射。
用落呢盞智能燈膽比較暗, 無最陽春嗰隻紅色LED咁光，不過神櫃來說亦唔需要太光， 可接受， 但係用在其他地方應該要選些火數大啲， 流明強啲的型號。
刪除佢話之前非利舖試過品質出問題係因為OEM。係咪你講的同期就不得而知。
回覆刪除佢話以前測試過某啲射燈隻牛老化後,一開個扯電量過高易燒fuse同燒隻牛(我理解佢述說係呢啲原因)
另外如果做咗假天花要留意之間的高度是否可以安裝這些有腳燈泡。(因為我哋屋企石膏假天花距樓面天花只有100mm所以裝唔到呢類。)
我乜都唔識架,睇住More的資訊指引先識點問佢😆
//非利舖試過品質出問題係因為OEM
刪除我嗰次係部非常離譜的入門級6.1音響組合, 舊 blog 有寫過呢單嘢, 依家又係在 backup database 裡面...
//我哋屋企石膏假天花距樓面天花只有100mm所以裝唔到呢類
估唔到咁貼天花板,即係裝唔到天空喇叭, 享受唔到 7.1.4 ATMOS 影院式音效
//佢話
佢係小石人?
係呀,小石人。
刪除成單工程佢主理,有好多嘢我唔會問架。原來而家佢裝的天花燈,如果壞咗係要成件甩線換的😅
佢以前喺間房會整埋Room acoustics嚟聽嘢。我耳唔多靈,聽唔出的,亦唔講究。
最近買買吓攪咗件Samsung Neo Qled 8K QN900B佢朋友又介紹配埋SoundBar。
而個電視售後,如果能通過一輪需要attention to details 的步驟之後,可以取得較廉價的soundbar贈品。
//最近買買吓攪咗件Samsung Neo Qled 8K QN900B佢朋友又介紹配埋SoundBar。
刪除AV 呢類嘢用開就好難返轉頭, 接受唔到 downgrade．見小石人玩開音響, 照計好難接受 Soundbar 的音質.... 8K source video 都未普及, 我寧再等吓到時再換部旗艦機-1 型號, 慳唔少的。