本月結算，尾帝9月減息似無懸念，巷尾股市商品都因此而造好；不過減息始終未真正發生，不能講咗當做咗，而且重點係往後息率走勢，畢竟投資市場都係以資金洗向主導。
本月以尾股為主，巷股為輔的沉船基金創新高，較上月升4.35％，每單位收報＄187.95（我城貨幣，下同），依然佔領本月第一。減息預期亦有利無息收的黃金，不過加密貨幣波動較大，商品基金較上月升1.75％，本月每單位收報＄167.35，繼續守第二位。第三位同樣不變，係由巷尾高息股、公用股、科技股組成的生活基金，較上月微升2.00％，每單位收報＄158.07。
第四位是合格線、包含高中低回報（及風險）的債券、債劵 ETF/CEF 和現金組合，受惠減息預期，本月每單位收報＄136.91，較上月升1.15%。
傷巷經濟不振，但據比加超說執100間開返160間，應該都唔係太差，複式盈富組合每單位價格收報＄114.12，較上月升3.62％，佔第五位，無升跌。第六位係由環球債劵股及中巷貨弊基金為主，巷尾股票指數基金為輔的大雜燴強強積金組合，每單位收報$109.57，較上月升2.28％。最為驚喜的就是在加息期被捱打的房託組合，雖然繼續包尾，但本月大升7.11％，每單位收報$100.11「上返水面」，未知是否淨係講減息講到似層層以有如此效果。
本月好消息係魔術師淨流動資產較上月上升4.09％（較2016年3月31日基數升85.01％)，創新高；但壞消息係受屋企估價幾乎每個月都陰乾式下跌影響，魔術師身家經調整後員較上月上升1.07% 至每單位＄15,143：
睇返魔術師屋企估價，原來已較2018年9月底最高位跌去35.32%，不幸中之大幸是離負資產尚有好大一段距離。按揭比率（按揭貸款/樓價）本月繼續上升至59.77％，無加按都竟然會開始接近6成按揭，離 50% 呢條「安全線」愈來愈遠。幸好魔術師物業（淨值）只佔身家（淨資產）22.33%，在廣大我城小業主中應該屬於異類；但一般傷民奉行加按套現，有得借便盡借，現時景況可想而知：
最後，本月魔術師身家跟我城指數的 beta 值維持 0.31 不變，跟痕指關連性則跌 0.02% 至 56.38%，證明尾股影響較多；standard deviation of rate of return (month-on-month) 則微跌0.01% 至 3.12％：
沒有留言:
張貼留言