《正義迴廊（The Sparring Partner）》：誰說我城沒豉油

早前逃籠小隊案惹來藍營對陪審團制度的零星爭議，剛好在米老鼠＋串流平台上有呢齣仲係暗地裡以黃黃哋的對白和小情節彩蛋軟對抗、炒緊黃黑概念嘅法庭戲，足以用來睇吓黃人又點睇陪審團制度：

＊＊＊

電影一開始就影住個海，有人將物件逐件拋到海中。2013年3月張顯宗（楊偉倫飾）拍片上網尋親，及後警方在警長刀哥（邵仲衡飾）帶領下，在某單位中發現張顯宗父母的人頭，再把張顯宗拘捕，原來殺死父母的就係張顯宗本人，案發地點就係張顯宗朋友唐文奇家。

2012年，在某疑似蝗資背景的公司面試中，張顯宗結織了涼都無沖、說話蠢蠢地的唐文奇（麥沛東飾）。言談間帶出唐的前文友曾報警話唐文奇騷擾她，而張顯宗則是在袋鼠國讀完書返嚟。兩人在等候期間，張顯宗被一講蝗話的「內地高才」打尖面試，搞到張很不爽。

2011年，張顯宗去過找蕭導演（劉錫賢飾）面試做三級片男優，吹到自己很有研究；但另一方面卻在父母兄長的壓力下將嘉湖山莊層樓的業權轉讓給大哥張顯祖。

張顯宗玩手機遊戲，過不了關便課金，盡顯其一定要贏的個性，而大哥就勸佢打機都要「Be Water」。返回2013年，張顯宗在傳霉面前拍片尋親，眼珠盡往右上角跑，似是編故事。張顯宗拍完一次仲要NG再拍，記者們嗤之以鼻，張顯宗就D9啲妓者唔 pro（影射 Popo？）。鏡頭一轉，回到張顯宗在兄長家被 Popo 拘捕。原來前一晚張顯宗已預料到會被捕，並約了虔誠的一神教教徒表姐（莊韻澄飾）出來，告知其實他就是殺了父母的凶手。張顯宗內心以希特拉的形象說自己是「involve」在謀殺案中；又在社交通訊中跟妄友說出事寶，並以黃人口吻在被捕時「高呼自己的名字」。

張顯宗向 Popo 供稱藉口叫父母幫手看看自己新租住的單位，引兩老去到唐文奇家殺害。張顯宗說跟唐約定殺最靠近自己的人，於是唐文奇殺了張母，張顯宗殺了父親。Popo 上案發單位調查時（即電影最初發現人頭之前）遇上唐文奇，唐瘋狂逃走；最後唐文奇被警方制伏，於是便出現了有青 Popo 唔夠體能、圍觀街坊指罵 Popo「就嚟整斷佢（唐文奇）條頸」、Popo 叫街坊「唔好企係馬路」，有青 Popo 阿媽俾包「生命麵包」（黑暴期間 Popo 曾諷刺有青暴徒坐監要食生命麵包）、網上言論大罵「年青一袋」的黃黑片段。有青 Popo 在案發單位內找到唐文奇的會計考試試劵，但刀哥卻輕率處理，有青 Popo 也沒將試劵當成是證物帶走。

2015年，有兩位記者來訪問被拘留的張顯宗，張一眼便看出是上司逼下屬來的。

在回憶片段中，張顯宗向唐文奇宣稱要在30歲前在家自殺，搞到間屋變凶宅，和家人攬炒。

現實中，唐文奇向相依為命的家姐（楊詩敏飾）訴說自己是冤枉的。家姐不斷給唐文奇洗腦，話所有想接近佢嘅人都係想趁作傻搵佢笨。游嘉莉（蘇玉華飾）是法援處指派為唐文奇的大律師，雖然家姐講到明唐文奇壞了腦袋，記性不好；但游大狀卻不太相信，只覺得唐文奇傻人有優勢。代表張顯宗的大律師吳冠峰（林海峰飾）在張面前表現輕佻，張顯宗又再自大地覺得「自己仲 pro 啲」，但卻即時被吳大狀化解，吳更將張顯宗的人格缺陷一一指出，最後叫張在庭上唔好懶叻唔好出聲唔好笑。

本庭是中文庭。開庭挑選陪審團，眾傷民自有其推搪的藉口，有趕住搵錢的商人、怕血的巷女、唔相信制度的哲學有青等等，但所有藉口都被假髮人（張同祖飾）一一否決

陪審員要選主席，有坐住主席位的白頭佬話唔想做主席（梁糧忠？），自稱選擇不去移民「留巷建巷」（藍絲？）的光頭佬想做代表，又被男女有青反對，仲串吓「又傾又砌」。退休校長要大家討論的時候要「和厘非」。最後投票由「白衣人」麥兆雄當選。滿口英文的主控官（周文健飾）向假髮人報告有傳霉（毒果）在審訊期間找張顯宗做專訪，假髮人受理，但叫主控官講返中文。張顯宗在專訪中，自稱自己是個精精病患，懶老豆唔俾佢打籃球要佢學鋼琴，搞到佢生得矮，去到澳洲俾黑人打。假髮人要求陪審團唔好理會呢啲防礙司法公正的報導。

張顯宗供稱跟唐文奇籌劃殺人計劃已有半年，由張引父母都唐家中殺害：張殺了父親，唐就殺了張母。期間唐文奇誤傷了張顯宗大腿，張顯宗便自行搭車到醫院求醫。張稱唐自告奮勇話可以處理屍體，於是張便只在唐表示遇到困難時「加以鼓勵」，但結果唐文奇都係搞唔掂，要張顯宗返去幫手善後，其中有部份殘肢就由張顯宗帶往海旁丟棄（即電影開頭有人丟物件入海的片段）。這時陪審團被要求「睇相片」，有啲陪審員有睇有啲陪審員無睇，巷女睇完要返入會議室休息。

眾陪審團又談論起現袋年青人有沒有孝義、天下父母是否都「無不是」、是否應該有死刑、是否應以賺錢能力來衡量成功與否等等的問題，結果中年陪審員唔夠講，亦突顯出新一袋有青的能言善辯。藍絲光頭佬審員早已認定張顯宗是殺人兇手，白頭佬、巷女等就無視假髮人要求，睇八卦雜誌得知張顯宗自稱崇拜希特拉。藍絲光頭佬的表現則盡顯傷巷商家佬的粗鄙本色。

主控官在庭上呈上了現場工具的數目，與及張顯宗只在現場逗留了20多分鐘的證據，來證明唐文奇都有份殺人。會議室內，巷女連犯人名字都搞錯，以為肥仔係張顯宗；白頭佬就話唐文奇係被張顯宗「煽動同洗腦」（又串正苦同 Popo）。男有青就有如拉燈仔一樣非常博學，拋出各種歷史源由和哲學理論，話為私心而改的制度就係權術（連 Grandpa 都串埋？），寧栓莫縱的「無罪推定」、「疑點利益歸於被告」等等的概念。張顯宗阿哥顯祖上庭作證，話已經唔理解弟弟(阿哥唔知張顯宗偷影表姐的長腿俾網友欣賞)。張顯宗曾經叫過阿哥上事發單位坐，意圖想殺死阿哥，但最後都打消了念頭，似乎仲有一絲絲良知。

嘉湖山莊層樓是張父張母出首期俾佢哋兩兄弟買，但張顯宗炒燶股票欠價累累，又唔搵工做；張父驚張顯宗破產層樓會被銀行收回，便俾錢張顯宗還價，但就要佢將佢自己的一半業權轉俾阿哥。吳大狀將父母見張顯宗讀書唔成就叫佢返傷巷，加埋層樓轉名，令佢無得返身，家裡的「高牆」就令張顯宗呢粒脆弱的雞蛋成為「憤青」（為黃黑說項？）。到表姐作供，講到張顯宗小時候如果想打籃球唔學琴，就會俾父母打；吳大狀就將張介意自己身高的抑鬱令佢精神有問題，導致憎恨父母，然後再因賣樓一事而動殺機。女有青陪審員在討論期間又借啲易宣揚黃人思想：如果一出世便被人控制住，做這樣那樣都不行，那就很難不反抗；藍絲光頭佬就話同情張顯宗的人都是禽獸不如。

張顯宗忽然由唔自辯轉變為要自辯，吳大狀就無佢咁好氣，做好自己便算，一副由得張顯宗自生自滅的態度。張顯宗腦交戰，在三級片試鏡時被女優搞兩下便早洩的「失威」經歷與及自己就係希特拉，被眾叛親離的失敗幻想交錯。思前想後，張顯宗決定又再彈弓手，話唔自辯了，證明呢個人做事都係未諗清楚。張顯宗想通過專家證人證明自己精神有問題而想陪審團判佢誤殺，但專家證人每人都有唔同結論，有啲話佢有精神病有啲就話佢無，陪審團半信半疑

陪審團繼續在會議室中討論張顯宗為人，終歸又去返藍C話「總之人要對自己做過嘅嘢負責」、「張每樣嘢都做一半，註定失敗」；而男有青就很「哲學」地、「中立」地誘導陪審員唔好有既定立場。講講吓又突顯藍C陪審員對時下潮語「高登」、「攬炒」的無知（「攬炒」以張顯宗「飾演」希特拉要手下服毒自殺，又槍殺唐文奇「飾演」的逃跑德軍為例）。

輪到唐文奇上場，游大狀首先就挑戰唐文奇認罪口供的可信性，其實一切都係因為刀哥早就認定唐文奇有份殺人，不斷地向唐實行情神虐待，逼他認罪而來；而刀哥在庭上就以「黃人眼中的『黑警』」態度回應，一時將「踢了唐一腳」講成「用腳推了唐一下」，一時又化身721睇錶 sir 咁話自己「無時間睇錶」。

游大狀繼續審問證人，得知唐文奇2010年被「印尼妹」跟他假結婚欺騙錢財，卻依然「痴心一片」；再之前2009時就同前女友（鄧月平飾）分手後自殺不遂，卻導致腦部受損，從此「低低哋」。前女友話唐文奇為人固執，有次唐文奇去佢屋企箍煲，竟然尿急都唔去次所，等到要在前女友屋企門口瀨尿；但主控官就質疑唐其實是故意在她家門口撒尿，引她理睬他。

吳大狀又學龍蝦咁話主控官「刻毒涼薄」，主控官卻反而話陪審團係「豬仔」，容易被辯方大狀引起對唐文奇的同情心（即係話陪審團唔會作理性選擇）。

唐文奇自辯，話張父張母係張顯宗一人所殺，自己是被張所逼「處理」二人屍體，否則張會對唐的媽媽和家姐不利。

唐文奇絕口不提他為何逃走，反而話自己見到 Popo 一身鬆晒，又學刀哥逼問時的口吻，反咬刀哥唔俾佢訓、用煙頭彈佢、逼佢食「咖啡泡飯」，就算唐文奇瘋瘋癲癲，刀哥又721睇錶sir上身，話自己係唔會驚的。當吳大狀質疑唐文奇係有份參與殺人和分屍，唐就表演出「自暴自棄」的一面。吳大狀無同張顯宗辯護，反而同主控官站在同一陣線，不斷話唐文奇扮傻賣慘，其實佢係有份參與殺人計劃的。唐家姐要唐文奇聽話，一於繼續扮傻，對張顯宗的殺人計劃十問十不知，例如買刀等完全不理解背後原因，也不知道雪櫃藏了人頭。

唐文奇繼續對所發生的事諸多藉口，例如因為有老鼠入屋而用水泥封窗，跟殺人無關；對碎屍程序就話係接張顯宗指示抄寫，自己無讀書，唔識（無人指出佢有考會計？）；對落口供的情況又係照稿讀。專家證人站唐文奇智商只有 84，無能力策動殺人計劃。唐家姐就聲淚俱下賣慘，話唐文奇點乖點純點易信人又易俾人搵笨，唐文奇全靠家姐照顧才不會被人欺負；但吳大狀卻質疑唐家姐的「演出」有造假之嫌。唐家姐的悲情演出令眾女陪審員落淚，

陪審團退庭商議，對張顯宗控罪投暗票，竟然在大比數有罪之下有一票是投無罪。雖然大家都無責任講出來，但白頭佬自認投無罪，原因是他在行使「投票的自由」，無需理由，張顯宗坐不坐牢也與他無關。巷女也附和，她投有罪只是憑感覺。這個陪審團都相當不認真。

去到討論唐文奇，重點是他有沒有參與殺人，亦即是張顯宗在單位內20分鐘，是否有足夠時間獨力殺死父母，並且分屍？證物中有殺人計劃的預算和支出，符合唐文奇以前的專長「會計」；唐文奇能夠學刀哥的語氣學得好神似；佢去女友屋企箍煲時唔係瀨尿，而係故意；總之唐文奇又似蠢到嚟好醒，扮豬食老虎。但問題是證明不到唐文奇在場殺人，眾陪審員沒有共識，只能將就話唐文奇低低哋唔會再犯、唐文奇坐牢的話，佢阿媽會好慘、反正件案張顯宗已孭咗，無謂再拉唐文奇落水之類感情用事的討論，結論就係要對年輕人寬容一點，而唔係「法律面前人人平等」，唔應該偏幫唐文奇。

張顯宗唔使講，被判終身監禁，仲俾假髮人這佢係極度聰明、善於操縱他人的危險人物。而陪審團最後一致栽定唐文奇謀殺罪名不成立，只需就不合法處理屍體坐一年，但由於還柙已有兩年，唐獲得即時釋放。假髮人順便話 Popo 逼問唐文奇的手法相當有問題，需要認真檢討。

散庭後，游大狀正義女神上身接受訪問；吳大狀就對「在庭上講真話」有所反思；雜誌編輯對專訪沾沾自喜，記者妹就不以為然；唐文奇原來係識忍尿嘅；對唐文奇抱有負面態度的女有青同埋退休教師肥C9都能客觀地投票。

光頭佬話如果我城變成同內地一樣，就會返上去做生意，男有青竟然叫光頭佬做契爺，跟在會議室內的態度完全不同。

在回憶片段中，唐文奇跟張顯宗在面試中初相識，唐文奇表現正常，仲識同張顯宗 jam 歌搗亂。

張大哥去探張顯宗監，張顯宗最想知道間屋成了凶宅，樓價跌了幾多（但凶案是在唐文奇家中發生，並非張顯宗轉俾大哥間屋）。大哥話父母身後留了兩個單位給他們兩兄弟，但張顯宗會坐成世監，建議取消他遺囑執行人的資格；張顯宗死剩把口串大哥話益咗佢，亳無悔意，大哥怒極離去。

有青 Popo 頂唔順刀哥的做事方法，轉做社工，返回案發單位探訪現在的南亞人住客。屋主小朋友拿了唐文奇的會計考劵畫公仔，有青見了後悔當日聽刀哥話無拎返去做證物，以致未能戳穿唐文奇話自己讀得書少的藉口。

記者妹因刊登唐文奇專訪被控防礙司法公正，亦因此轉任妄霉。

唐文奇繼續裝傻扮懵，在自己所編的網中渡過餘生。

＊＊＊

本片雖是法庭戲，但重點不在劣C們如何口若懸河死都拗返生、又或是「律政英雄」式做埋 Popo 嗰份去查案，重點反而係被告表現如何「影響」陪審團的決定，睇返本片當時上畫時機（2022年），加上穿插了好多無厘頭、與劇情無關的「黃色彩蛋」，旨在諷刺 Popo、販民、藍營、和巷豬，配合當年拉燈網呼籲妄民「登記」做陪審團，背後「深層次意圖」呼之欲出。咁都可以過到電檢處，黃人就唔好話我城無創作豉油喇！

在走慣法庭、「高高在上」滿口英文但成日講錯嘢的檢控官（周文健飾）眼中，陪審團是「豬仔」，是否指乜都唔識，容易感情用事就不得而知；但在本片中的陪審團，設定基本上就係一個「小傷巷」。本片陪審團之間有世代之爭，睇得出眾陪審員的對白都係「幫年輕人說話」。後生嘅多黃人言論，中年以上的有啲講嘢就黃黃哋，有啲就似藍絲。廢老以「大人腔」「我食鹽多過你食米」來教訓有青，有青則取笑廢老唔識佢哋的潮語。查實男女有青說話技巧就有如拉燈裹民，貌似中立但暗地裡卻誘導「受眾」，如果唔想「對號入座」，就要跟隨有青的想法。不過，去到最後，滿腹經綸、鍾意睇尼采的男有青又跟生意人光頭佬埋堆，不知道導演想表達什麼？

睇完全片，魔術師覺得本片演員（尤其是樣衰衰張顯宗同埋肥仔唐文奇的演員，最唔似大劣C的就係林海峰）、都入型入格（細微位例如張顯宗拍片尋親時眼珠四圍碌都有心理學上根據，見伸延閱讀）。對白亦明顯精心設計過，魔術師尤其「留意」的對白就係：

1. 退休教黐C9陪審員自我剖白，其實佢乜都唔識，憑什麼判人生死呢？

2. 白頭佬陪審員「我鍾意投張顯宗無罪，又不差我嗰一票」，直指陪審團制度係幾咁兒戲。

最後，俾八卦雜誌老總逼去訪問張顯宗的記者妹轉做妄霉疑似能實現理想，但依據人物性格似乎「將來」遲早會被控多一次煽動罪...唔知會唔會開外傳呢？

魔術師評分：80分 - 10分（黃）＝70分（100分滿分）

＊＊＊

伸延閱讀：

（圖片來源：你有在說謊嗎？超神「眼球讀心術」一秒看穿你的內心，猶豫、說謊、性幻想都逃不過法眼！ Yahoo 新聞 2021年7月8日）