見招拆招風水局之辦公室篇

HOY TV（前稱有線電視）又有新節目《見招拆招風水局》，竟然有蔣匡文出鏡講解。當然，做入屋俾普羅大眾睇嘅節目，無可能講得太 detail，於是魔術師今之就抽出第二、第三集講辦公室風水的部分來補充一下：

見招拆招風水局 - 第2集

見招拆招風水局，今集拆到去辦公室，究竟有咩辦公室風水禁忌係老闆同打工仔一定要知架呢？例如上司下屬坐位點排陣先至哥以相輔相成？寫字樓點擺風水陣先至唔會招來後效果？蔣匡文師傅逐一同你拆招。（1:15 - 10:50）

1. 辦公室同屋企一樣，開門不宜直接見窗，否則會漏財。

2. 老闆房（或財務部）坐在角落，夾角窗雖然景觀開揚，但左手賺來右手洗咗去，難以聚財：

而且坐喺角落，青龍白虎一定會缺少其中一個，左右手少了其中一隻助力，都係唔好：

所以老闆房應該要在中間（也應該如圖示要有靠山，不過節目無明言）：

老闆房最好就在旺位的尾端，來人要好似謁見皇帝一樣，經過哂啲手下（員工）行一大輪先見到老闆：

3. 如果公司係賺外來嘅錢，咁辦公室就適宜向海；如只係「內捲」賺笨土錢，咁辦公室就未必需要向海了。

4. 員工不要面向老闆坐，否則相沖易與老闆意見不合：

5. 現代辦公室「豬肉枱」你眼望我眼的設計不合風水法度，應該大家坐埋同一方向，好似行軍咁樣才有 team work：

6. 同屋企一樣，個位擺滿人仔玩偶（尤其是惡形惡相（星矢？））會易招惹小人：

＊＊＊

見招拆招風水局 - 第3集

見招拆招風水局，今繼續拆解辦公室風水大忌，工作枱面亂，思想係咪會亂？枱面放鏡，有反射和吸納作用，唔適當使用分分鐘招來厄運？辦公室明堂代接前程吉凶，狹窄閉塞，份工都隨時會失？（00:44 - 6:12）

1. 中低級員工豬肉枱無明堂，做死一世工資奴。

就算有房坐，前有明堂，都唔好在辦公桌前擺上椅子，以免阻塞明堂：

如果係大老闆要傾生意，都係請客人一起坐旁邊的梳佬：

如果係高級職員，椅子可以放兩旁（暗合左青龍右白虎意象）：

2. 工資奴枱面不宜混亂，整齊嘅枱面有利思緒運勢：

3. 女生如要在辦公桌上放鏡子，用的時候才打開，不用的時候就蓋上；否則長期打開，風水輪流轉，容易吸納到壞的氣場，令自己運勢波動。蔣師傅所說的三顆凶星，除了二黑病符和五黃大煞，魔術師認為七赤破軍（主官非、破財）會是第三顆（其實三碧祿存主口舌是非都唔係好嘢，不過殺傷力應不及七赤）；而兩顆吉星應是指正財八白左輔及偏財六白武曲（一白貪狼主桃花，九紫主吉慶添丁，今時今日是否屬吉星見仁見智XD）：

4. 每年立春前都可以擺啲小擺設助旺一下自己的運勢。例如今年三入中：

（網上圖片）

主升職、桃花的一白貪狼飛臨正東，一白屬水，在正東方放水種植物便可有利人緣：

主喜慶的九紫右弼星飛臨西南，九紫屬火，在西南方放紅花亦可催旺運勢。惟每年立春前都要跟飛星轉向調較一次方位。

＊＊＊

伸延閱讀：

HOY TV 76台：見招拆招風水局