積壓如山煲劇單（2024年9月）

睇咗

1. Netflix：《未來戰士 Zero（Terminator Zero）》

鄉下AI竟敢對抗尾帝AI天網(Skynet)？成套動畫口水多過茶，科學家同 AI 探討人類仲有無資格存在...只係掛個名套用未來戰士世界觀的外傳，只適合汁都撈埋的鐵粉如魔術師觀賞。

魔術師評分：70分（100分滿分）

2. Netflix：《寄生獸：灰色部隊（Parasyte: The Grey）》

魔術師沒看過《寄生獸》原著漫畫，但就有睇過鄉下版真人電影（染谷將太、橋本愛主演，舊 blog 有寫），呢齣泡菜版都可以當係外傳咁睇。全劇只有六集，節奏明快無拖拉，人與怪物之間的轉換效果出色，算是一套唔錯的泡菜片。

魔術師評分：75分（100分滿分）

3. Netflix：《籠中烏（Inside Man）》

又一齣《新世紀福爾摩斯》式推理懸疑劇集。案件其實好簡單，只係一樁小事愈搞愈大，想做個好父親好丈夫好 mentor打好呢份工真係唔容易；但破案時巧合太多，有啲唔合情理。人物背景明顯留有伏線，可惜只得一季。

魔術師評分：75分（100分滿分）

＊＊＊

睇緊

1. Disney+：《幕府將軍（Shōgun）》

估唔到米老鼠今次威返次，《幕府將軍》橫掃影視大獎（見伸延閱讀），搞到魔術師都要趁墟睇吓真田廣之點樣「說好鄉下故事」！

＊＊＊

將睇未睇

1. Disney+：《女巫阿嘉莎（Agatha All Along）》

Marval 劇集愈拍愈爛，今次休息咗多個月之後重新起步，隨時仲要人重溫佳作《WandaVision》，唔知有比較會唔會有傷害。都係留返連載完一次性睇哂。

2. Netflix：《69兩頭勾（6ixtynin9 the Series）》

網友無想兄多月前介紹，見個泰妹主角都幾正，而且劇集本身只得6集，短小精悍易入口，可以一試。

3. Netflix：《W - 兩個世界（W）》

唔使講，都係睇妄民稱「顏值最顛峰時期」的韓孝周(同《Moving 超異能族》個樣都幾唔同，魔術師睇預告就覺得 Moving 時的韓孝周仲靚啲)。

4. Netflix：《格林童話變奏曲》

故名意義，CLAMP 合作企劃。內容唔知同「格林童話原裝黑暗版」有無任何關係呢？

5. Apple TV+：《君主組織與神秘巨獸（Monarch: Legacy of Monsters）》

又係呢類見《XX宇宙》收得便無限伸延加油添醋的衍生劇。其實橋唔怕舊最緊要受，只要識見好就收，唔好愈寫愈過火同主線故事有犯駁就得。

6. Netflix：《大怪獸卡美拉：重生（GAMERA -Rebirth-）》

怪獸宇宙動畫，屬於「補完」工作。

7. Netflix:《星期三（Wednesday）》

魔術師第一季都未入坑，卻連第二季預告都出理，唔知幾時至有得睇，要諗吓等唔等埋一次過睇：

8. Netflix:《Fubar》

久違了的大隻佬再現《幼稚園特警》式的動作喜劇，可以用來攝時間。

9. Netflix:《阿諾舒華辛力加：人生三部曲（Arnold）》 

好多人鍾意史泰龍，貪其對 Rocky 和 Rambo 不離不棄，但魔術師就鍾意大隻佬多啲，雖然佢無乜演技但木口木面就係演技，而且無 set 死角色（Terminator 除外）戲路亦較史泰龍多變（起碼以史講嘢一舊舊咁，就好難做到喜劇效果）：

10. Disney＋：《天龍八部》

CCTVB 搞咗兩對「中年好聲音」出嚟唱主題曲，又可以湊吓熱鬧睇吓完全無刪剪版係點嘅一回事。

仲有大量動畫、舊劇、紀錄片，包括 Marvel 劇、《陰屍路（The Walking Dead）》、《迷（Lost）》、《GANTZ 殺戮都市》、《二戰大事記彩色版（Greatest Events of WWII in Color）》 等...未能盡錄。

＊＊＊

期待中

暫時無。

＊＊＊

無乜期待中

1. Netflix：《地獄公使（Hellbound）》第二季

第一季已經悶悶哋，掙扎緊重唔重睇第一季再睇第二季。

2. Netflix：《魷魚遊戲（Squid Game）》第二季

第一季已經係過譽，如果兩季完魔術師都可以俾個機會佢完埋佢好頭好尾。

3. Netflix：《殭屍校園（All of Us are Dead）》第一、二季

未入坑。如果兩季完魔術師都可以有時間就睇：

＊＊＊

最後貼上魔術師的 all time favoruites 影集/動畫/單元劇/紀錄片頭十名（僅限現時在 Netflix、Disney+、及 Amazon Prime 的非電影類片種)，排名分先後：

1. Netflix:《闇（Dark）》

三季完燒腦穿越神劇，無 bug。

魔術師評分：100分（100分滿分）

1. Netflix:《魔剎（Monster）》

漫畫改編之暗黑系動畫，分鏡出色。魔術師由錄影CCTVB直至買碟二刷，同先父一齊欣賞之動畫之二（另一套就係《銀河英雄傳說》）。

魔術師評分：100分（100分滿分）

1. Netflix:《今際之國的有栖（Alice in Borderland）》

兩季完求生劇，漫畫改編。淨係睇囡囡已能完勝。

魔術師評分：100分（100分滿分）

4. Netflix：《狂賭之淵（賭ケグルイ，Kakegurui – Compulsive Gambler）》真人版 第一、二季

睇多啲濱邊美波就要睇呢套劇！顧名思義本片為漫畫真人化劇集，一眾動漫造型的「鄉下妹」上半身給你一式一樣的校服誘惑、下半身就有各式短裙仔裸足或黑絲化身賭神賭聖賭俠任君選擇，當然還少不了每次美波賭身家時的高潮樣（仲要係從不出千），與及一眾「旁白」配角的誇張對白和表情、賭局中主人翁內心戲的場景切換只會令魔術師愈看愈興奮（！），看完只能說句「鄉下妹」顏值真係無得輸，怪唔之得泡菜妹要以整型才可挽回一局。

魔術師評分：95分（100分滿分）

5. 《紙房子（Money Heist）》

知名西班牙「神劇」，五季完。雖然講到教授幾咁算無遺策，但其中靠不可預測的巧合及符碌的情況亦唔少，真係「好運好過好波」；要睇不如睇女督察（後稱里斯本(Lisbon)）的英姿、奈洛比（Nairobi）的「人事管理技巧」；及東京（Toyko）的西口西面。

魔術師評分：90分（100分滿分）

5. 《新世紀福爾摩斯（Sherlock）》

魔術師最鍾意 attention to details！

（圖片來源：BBC iPlayer: Sherlock, captured on 26 Aug 2023）

魔術師評分：90分（100分滿分）

5. Amazon Prime Video：《刺客旅館：捍衛任務世界（The Continental: From the World of John Wick）》

《殺神（John Wick）》衍生前傳劇集，講大陸飯店經理 Winston（Colin Woodell 飾）的前半生。酒店接待沙隆（Charon）讚以青年身份出現。有 John Wick 式打鬥，係幾爽幾好睇。本片仲有 Mel Gibson 參加演出。

魔術師評分：90分（100分滿分）

5. Disney+ :《Moving 超異能族》

韓孝周在本片的知性型後生至中女形象（副眼鏡幫咗大忙，做了眼鏡娘直程唔同咗樣），實在太正！

魔術師評分： 90分（100分滿分）

9. Netflix：《冥王（Pluto）》

浦澤直樹又一力作，喜歡《魔剎（Monster）》的觀眾不容錯過。劇情改編自手塚治虫的《小飛俠》篇章《地上最強的機械人》，所以有不少手塚治虫的「童真」feel，跟浦澤直樹的暗黑風有少許錯配，而且結局解畫有啲牽強，個人覺的得稍不及《魔剎》和《二十世紀少年》。故事起源於一個似曾相識的背景：中亞國家波斯王國被某自稱世界警察的國家指控藏有大殺傷力機械人，聯合國調查團發現本無此事，但戰爭經已開打，引伸出不少愛恨復仇，人類和機械人（人工智能）的包客與矛盾的故事。

魔術師評分：85分（100分滿分）

9. Netflix：《The 8 Show》

大橋類似《饑餓鬥室(El hoyo/ The Platform）》的貧富懸殊、社會階層欺壓、為金錢出賣人性、直至最底層的人發出絕望的怒吼（同時也暗示了網紅靠出位嘩眾取寵表演（飲酒飲到死？）賺打賞的畸形制度）。本片好睇過《魷魚（The Squid Game）》。 看來泡菜人民真係好壓抑，才經常有呢類的劇集、網漫流行起來。

另外，本片配樂用心（包括曾在《銀英傳》中採用過的配樂、華格納 Wagner《Ride of the Valkyries（女武神的飛行）》），值得加分。

魔術師評分：85分（基本）＋5分（配樂）＝90分（100分滿分）

11. Disney+:《美國恐佈故事（American Horry Story）》第一至十三季

季度單元故事，共用相同或類似的世界觀，追看無難度。本來係幾好睇的劇集（魔術師個人喜歡 Season 2《Asylum》、Season 1《Murder House》＋Season 3《Coven》＝Season 8《Apocalypse》），但愈拍愈頹，由第10季開始覺得有啲無厘頭，故事亦開始唔吸引，無乜新意和追看性，加上元祖演員全數退場，無哂癮，追看下去也只是情意結而已。

魔術師評分：（第1至13季平均)80分（100分滿分）

11. Netflix: 《少年法庭（Juvenile Justice）》

呢套係少有可以叫魔術師有心機追落去的韓片，有時仲深宵播放一晚追睇兩集：是關女主角的價值觀啱哂魔術師：年輕唔係大晒，對於窮兇極惡的少年犯，一定要嚴懲，否則佢地只會嘲笑法律的無能。不過，本片結局有啲不太合理，太過正能量：以結局案件的有青之殘忍性格，無可能只在女主手臂上刺一刀，而唔係割喉棄屍；肥婆部長亦不可能在庭上為其慣性草率結案而影響的受害人公開道歉吧！

魔術師評分：80分（100分滿分）

11. Disney+: 《解碼追兇（Signal）》

金憓秀實在太迷人，估唔到當時48歲的女主在過去時間線做20歲出頭的新紮師妹毫無違和感。本劇在逆轉時間線的劇本尚算講得通，但本來應該是正義化身的「電波刑警」卻有不少徇私、鶳之舉，加上個結局為了鋪下一季（結果唔成事）而寫爛咗個尾，美中不足。

魔術師評分：80分（100分滿分）

11. Netflix：《Happiness》

雖然話係喪屍劇，但係沒有一般喪屍片的壓迫感，似乎係影射新冠時泡菜政府對疫情的處理多啲。描寫人性醜惡就寫得幾「透徹」，反派角色又奸又蠢。劇情有些許 bugs，美中不足。好在有韓孝周支撐場面。

魔術師評分： 80分（100分滿分）

11. Amazon Prime Video：《死期將至（Death's Game）》

泡菜仔大學畢業後 7 年都搵唔到嘢做，投資被人呃錢，無錢交租被逼走，又自卑感作祟受靚靚女朋友（又係《超異能族 Moving》的金尤貞飾演）接濟食軟飯，要自殺不特止（泡菜國的自殺率滿高的），還要將死亡看成是「低等手段」，結果便要被死神罰死完又死...當中當然又穿插了主角「間接被逼自殺」的前因後果、愛情線和親情線等。最弊就係復仇線有 bug，即使主角具有多個人世的記憶都不等於有能力去做哂呢啲人做到的事也。

魔術師評分： 80分（100分滿分）

其他：《黑鏡（Black Mirror）》：因單元故事，表現飄忽，魔術師暫不評分。

＊＊＊

伸延閱讀：

信報 2024年9月16日

時事脈搏 國際

《幕府將軍》成艾美獎大贏家 真田廣之封視帝

第76屆艾美獎在美國加州洛杉磯舉行頒獎典禮，Disney+的日本史詩影集《幕府將軍》(Shogun)奪得最佳劇情類影集等18座獎項，刷新艾美獎單一影集單一季獲獎紀錄，真田廣之及澤井杏奈分別奪劇情類影集最佳男女主角獎，擔任製作人的真田廣之，是繼《魷魚遊戲》李政宰之後的同項目亞洲第2人。

真田廣之領獎時表示，《幕府將軍》是一部東洋與西洋邂逅、如夢一般的作品，感謝劇組團隊和演員的支持，雖然遇到艱難的挑戰，大家一起去克服，一起創造出奇蹟。

Netflix劇集《馴鹿寶貝》(Baby Reindeer)成為迷你劇組大贏家，除贏得最佳迷你影集，男主角Richard Gadd奪得迷你影集最佳編劇及最佳男主角，劇中飾狂迷的Jessica Gunning獲最佳女配角。

喜劇組方面，《大熊餐廳》(The Bear)包辦多個獎項，除Jeremy Allen White再度稱帝之外，Ebon Moss-Bachrach及Liza Colon-Zayas亦獲封佳男女配角。

信報 2024年3月15日

林創成 嚮往發呆

真田廣之說好日本故事

小說也好，劇集也好，如果角色原型參照真實的歷史人物，格外讓觀眾看得心往神馳，全球爆紅的《幕府將軍》正是一例。此劇雖然是美國人投資，而且講的是西方水手漂泊落難至東方世界的故事，但拍攝出來的效果是完全洗脫掉那種西方視角的刻板老套，得力於幕後製作團隊大量起用擁有專業知識的日本人，故事娓娓道來都是滿滿東洋味。

飾演主角兼且首次擔任監製的真田廣之解釋，為了呈現1600年的日本，找來了對歷史真正有研究的劇組人員，確保該劇不會拍成西方人眼中的日本，而是原汁原味傳遞東瀛歷史，因此在道具、服裝、對白與各種細節上都精雕細琢。曾經參演過大量荷里活電影的真田廣之還揚言，是時候好好說一個日本文化的故事了。

說好XX故事，聽起來似曾相識，對吧？單憑口講是沒有用，必須交出具體的優質功課，《幕府將軍》做到了，其他吹水怪望塵莫及。

白人水手是出身於英國的William Adams（劇中叫做John Blackthorne），德川家康為他賜名「三浦按針」，最終成為日本第一位白人武士，呆佬我為大家介紹過了。至於故事裏為他翻譯的戶田鞠子，歷史上也真有其人，原名明智玉，嫁給武將細川忠興後叫做細川伽羅奢，伽羅奢（日語片假名ガラシャ）來自拉丁文Gracia，因為她皈依了天主教。

細川伽羅奢之父乃赫赫有名的明智光秀，發動本能寺之變背叛織田信長，徹底改寫日本歷史。若問，細川伽羅奢有沒有真的遇上三浦按針，並且互生情愫來個嘿咻嘿咻呢？編劇如是說，我只好信了。