X檔案（四）

1. 岸鳩舞若依

記得當年魔術師還在第二舊公司妹頭組工作的時候，iPhone 熱潮方興未艾，潮流興 jail break，而當時嘅同事博士K就成日拎越獄版 iPhone 可以用到某某 app，唔使去 app store 俾錢貫，巧威威咁話。

其實人工都有數萬我城貨幣，貪埋呢啲嘢真係唔知為乜。於是就串吓佢：「嘩！慳到大嗱嗱成1蚊美金，真係啱簡單！」

十幾年過去，估唔到依家都仲有傷民走去搵第三方買 Netflix account。幾十蚊一個月都要慳，食餐飯都用咗去，都唔知乜心態（其實買 account 都要錢，真係唔知可以慳幾多）？

（網上截圖）

更神奇的是，條友俾人呃咗仲夠膽上討論區出警世文叫人唔好幫襯呢間「黑店」，真係智商低到無極限。佢真係以為好多人會好似佢咁去搵第三方買 Netflix 帳戶？

2. 動態 training

魔術師個 LinkedIn account 周不時都會推一啲奇文出來共賞（見《我的（LinkedIn）馬主朋友》），好似以下呢篇，表面上睇好王道，講出了「理想的公司文化」：

（網上截圖）

但想深一層呢位仁兄會唔會想係去打造自己品牌，想做公司、團隊醫生，幫手提供「陪訓」課程俾特別需要「激勵」的團隊（例如保險）呢？畢竟「廣開言路（People can express their opinions）」之類算起「美麗的願景」，員工唔敢 ask for help 是人情之常（令人覺得自己廢），但 celebrate each other's wins、make friends at work 之類就真係有啲正向氾濫，尤其是 feel great on a Sunday evening 咁「鍾意返工」，咁不如跑埋上天台大叫「一二三四五六七 多勞多得」？

3. 軟對抗

唸啲所謂「執笠群組」其實只借啲易係發洩攬炒念頭，就知黃人軟對抗真係無遠弗屆：

（網上截圖）

原來樂悠卡係新一代「安心出行」，係正苦用來「追蹤廢老」的手段...但廢老又有甚麼值得追蹤的價值呢？

（網上截圖）

除咗話「97前的傷巷好啲，定97後的傷巷好啲，大家心知肚明」之外，原來黃人都相當介意 Grandpa 將我城（文字上）「當成外人」（畢竟 Grandpa 用字是相當嚴謹的）。咁講法不如快啲一國一制，將傷巷變成內地城市之一，唔知算係呢班黃人求仁得仁定係攬炒成功呢？

（網上截圖）

＊＊＊

伸延閱讀：

我的（LinkedIn）馬主朋友