幾分鐘的約會

難得好耐冇見的大學同學放假，約魔術師星期一（11月17日）在魔術師公司附近見吓面食個頹 lunch。點知事與願違，魔術師星期五（11月14日）放工返到屋企，返到書房一開部電腦就見到唔妥：每次都會 by default 撻着的 web browser 竟然 load 唔到嘢，只係顯示 internet connection。

望吓放在電腦後面的 router，只見盞藍燈閃閃下，代表無訊號。再順藤摸瓜查找原因，原來係放在客廳，接駁光纖 modem 的 Mesh 主機燒了，無論是 LAN 線定 Wifi 都無哂，所以書房的「分機」亦唔着。

由於部 router 係向 8 號仔「妄想痕」租嘅（當年仲手痕就去試玩 Buy Now Pay Later，點知唔使幾年已經做唔住，見《Buy Now Pay Later 初體驗》），期間都仲 upgrade 過部 router 至另一型號，咁就梗係打去 8 號仔 hotline 叫佢哋嚟「換機」：

（圖片來源：Price.com > Linksys Hydra Pro Mesh WiFi 6E 路由器 [MR7500], captured on 16 Nov 2025）

打去「妄想痕」service hotline，一面輸入廣東話 > 寬頻上網服務 > 現有用戶 > 身份證號碼認證 > 登記住址樓層 > 技術問題，一面被被逼聽一大輪預錄廢話，電話另一端傳來一把電腦錄音聲：「現正為閣下進行寬頻測試」。

點知，聽完幾秒音樂之後，電話另一端的電腦錄音竟然話：「對唔住，依家系統非常繁忙，請您遲啲再打過嚟啦！拜拜！」

然後就 cut 魔術師線！

DKLM！

唔見一籮穀

名C切雞要成球嘢手工費，廢老夫婦係太古城「大屋搬細屋」(但係「細屋」都有成700呎，唔知「大屋」有幾大呢？)，褪咗一筆錢出嚟益切雞C，定係戶主係公墓園，退休仲有咁多錢派（00:14 - 11:04）？

28Hse 特約：家家有感 - 2025年第44集

夫婦未雨綢繆大屋搬細屋｜太古城700尺單位空間重塑。

瞬間睇廣告 (二十六)

1. 依托咪酯 

在《瞬間睇廣告 (二十五)》中曾提及過，魔術師幾鍾意 Popo 呢個「食咗變喪屍，死咗無人知」嘅廣告：

唔只個 soundbite 易上口，就連隻「喪屍」嘅造型都相當「入型入格」，不讓喪屍片專美，大有當年「亂拋垃圾 人見人憎」的「眼神」咁叫人驚驚！

(網上截圖）

新聞雜評（四百八十六）

公院殮房收費｜免費存放遺體增至28日　料15日內可安排火化　李夏茵：未來會更廣泛諮詢 有線新聞 2025年11月08日

【有線新聞】公立醫院殮房明年起收費，當局因應市民意見，決定將免費存放遺體時間由原定3天延長至28天；強調收費不是為了增加收入，而是希望家屬盡快安排先人身後事，減低醫院殮房壓力。

公立醫院明年實施殮房收費安排公布一星期後，醫務衞生局及醫管局宣布將免費存放遺體日數由首3天大幅延長至28天，遺體存放第五星期起每天收費200元，第六星期就一天550元。

醫管局行政總裁李夏茵：「95%遺體醫生可以三天內發出死亡證，可以讓在世家人安排殮葬。但最近聽到很多不同社會聲音及關注，尤其我們說收費步伐及幅度，亦希望從善如流。大家都同意其實我們要尊重先人，入土為安是一個重要因素，還有大家都不想有遺體要共用同一個屍格。」

醫務衞生局局長盧寵茂：「在此我再強調引入收費不是為了增加收入，主要目的想引導市民、死者家屬可以考慮盡早安排處理殯儀服務。食環署已經有承諾，會安排火化在15天內。加上死亡證發出時間，原本計算大約三星期可以做到。如果不是太揀擇，一定可以從食環署取得火化時段。」盧寵茂又說面對人口老化，醫院逝世人數十多年來增加兩成四至4.1萬人。即使將殮房設施翻倍至超過3,300個，遺體存放日數仍然不斷上升。

醫管局稱今年高峰期有13間公立醫院殮房使用率達至100%，希望透過收費減輕公立醫院殮房壓力。

有關注病人權益人士說之前與政府交流期間，沒有獲告知醫院殮房新收費，歡迎醫管局調整收費安排，但認為要同時理順殯葬程序。

社區組織協會幹事彭鴻昌：「殯儀業界有反映有時火葬場未必即時能預約，殯儀館預約時選擇有時未必太多，尤其是一些比較高峰的時候，特別可能冬天或者節日前後。流程是否能夠加快，例如現在向食環署申請仍然要用文件，其實內地已經電子化這些流程，香港是否可以透過資訊科技加快程序。」

1. 醫管局行政總裁李夏茵：「95%遺體醫生可以三天內發出死亡證，可以讓在世家人安排殮葬。但最近聽到很多不同社會聲音及關注...」...醫務衞生局局長盧寵茂：「在此我再強調引入收費不是為了增加收入，主要目的想引導市民、死者家屬可以考慮盡早安排處理殯儀服務。...」

真係人人都有地獄要破。完全唔明白李總點可以將「醫生可以三天內發出死亡證」同「先人遺體在公立醫院免費存放三天」混為一談。以火葬嚟講，親屬要 book 爐、要 book 殯儀館、要約親朋來送先人最後一程...之類之類，在在都需要時間。阿李總竟然可以引入大手收費制度（幾乎是懲罰性＄500一日）「發死人財」，根本是在死者家屬傷口上灑鹽。老竉物話「引入收費不是為了增加收入」，真係搵鬼信。

2025 Macbook Air 開箱

上回《X檔案（十一）》講到終於等到大貓信用卡有 Apple 鳩嗚回贈優惠，拖拖拉拉等到網購使用額清零之後，終於在11月初可以一炮過食盡網購回贈，終於可以落單。在《再度投入 MacBook Air 懷抱》中本來諗住買部輕啲的 Macbook Air 13吋，但年紀大對眼唔係咁好，都係揀返個 15 吋 大啲 screen 好睇啲，亦一次性可以睇多喲：

我老婆晚晚都笑醒

（幕開）

（夜。）

（豪華的睡房中睡床三邊落床，床上躺着一對年屆花甲的男女，男左女右。）

（男子半坐着，趁着床頭燈玩平板電腦。女的沒有戴口罩和眼罩，正呼呼大睡，好夢正酣。）

（女子忽然放聲大笑，手舞足蹈，但卻依然閉着雙眼。）

（男子被嚇了一跳。）

男子：（猛搖女子）老婆老婆，你呢幾晚做乜成日訓訓吓大聲笑？仲要笑到好似喪屍咁？你係咪食咗「E托咪脂」？

（女子揭開眼罩，雙眼直瞪，尤如張翼德。）

女子：（坐起身來）老公，咩「笑到好似喪屍咁」？你是否在單打我做唔到低胸經濟，要食藥去托起咪咪的脂肪，谷到變 E 級？ 

男子：（望一望褲浪）老婆，我又點敢單單打打軟對抗呢？只係擔心你會唔會食錯安眠藥啫！（唱）

「憂鬱奔向冷的天 撞落每點小雨點

 張開口似救生圈 實驗雨的酸與甜

 卷起心愛的香煙 弄著腳底的軟墊

 酒醉與心碎心碎溝起汙煙一片

 Woo Hoo O 無心睡眠

 Woo Hoo O 腦交戰

 踏著腳在懷念昨天的妳 夜是滲著前事全揮不去

 若是妳在明日能得一見 就讓我在懷內重得溫暖」

女子：（狐疑地）我就話見到姐姐心不甘情不願地下台；仲有佢個愛將容靚靚，無得選之後仲要去搞返好個翁媳關係，諗起都晚晚笑到訓醒。老公，咁你又有乜事搞到你訓唔着？話我知你係唔係食咗海狗丸？

男子：（挺直腰板）老婆，賣海狗丸廣告的大叔過咗身啦！你講都要講城城至啱。人哋夠資格拎樂悠卡的同時，仲啱啱生咗個囡，有心有力。我都要學吓佢！

魔術師資產配置（2025年11月）

上月結算，股票：商品：房託：債券及現金的資產配置比例是 33.1:4.5:24.5:38.0，要返回目標比例 33.2:4.4:24.8:37.6，便要動用現金買返啲股票及房託，再酌量減持商品基金：

股票方面：除了行禮如蝕酌量季供尾帝 ETF 外，便趁畢廢老旗艦B股弱勢，分段吸納返些少。

商品方面：金價依然高企，在唔捨得沽出黃金 ETF，唯有將持倉調往特種兵組合，酌量減倉，留作儲備。

房託方面：因為房託長期弱勢，都係分散巷尾個股及 ETF 增持，以免單一投資中伏。

現金及債劵方面：除了行禮如儀手動月供 ETF 之外，由於上月老墨石油國債到期，來自信用卡現金分期的本金回籠準備找卡數，但畢錢可以還成 14 個月咁多，逐個月還未輪到的閒置資金就用來買短期尾帝國債。

以每１００萬股票組合計，資金調配如下：

四季茗茶精選（2025）

英記（08241.HK）一年一度的週年大減價又在10月尾開始，魔術師自然行禮如儀一次性掃返一年之內要補充的貨：

由於尾帝錢莊網購信用卡逢星期四落單有95折、而 Grandpa 錢莊網購卡就幾時落單都有5%回贈（不過回贈有上限），啲貨有得網購就自然幫襯維基 TV Mall，買夠$400（買茶葉好難唔夠）仲有得送埋貨添！

魔術師資產配置（2025年10月結）

本月巷尾股市債市回調、金市幣市升得多亦要跌返啲，一眾市場連升數月後獲利回吐實屬正常；點知侵侵出大招 chicken out，尾中茂戰偃旗息鼓，加上亂儲局減息，個市又跌啱落。黃金破頂後連同虛弊一同回落，但月中升幅已足夠魔術師商品組合再創新高，本月收報 ＄282.28（我城貨幣，下同），較上月升 2.89%，繼續排第一位。以尾股為主、巷股為輔的沉船基金受惠於尾帝科技股造好，較上月升 2.24％，每單位收報 ＄228.59，亦創新高，保持第二位。由巷尾高息股、公用股、及尾帝科技股組成的生活基金同樣受惠，生活基金月尾結算較上月升 3.79％，每單位收報 ＄215.29，同創新高，保持第三位。

我城股市回軟，複式盈富組合結束連升 5 個月的走勢，本月每單位價格收報 ＄161.82，較上月下跌 2.68％，依然在合格線之上，保持第四位。

包含高中低回報（及風險）的債券、債劵 ETF/CEF 和現金組合的合格線組合，受較早前尾帝地區性銀行壞消息影響，本月每單位收報 ＄159.73，較上月下跌 1.02%，繼續第五位。

第六位都係以環球債劵股及中巷貨弊基金為主，巷尾股票指數基金為輔的大雜燴強強積金組合，買賣交易用來對沖其他投資組合，每單位收報 ＄121.20，較上月微跌 0.18％。房託組合靠穩，本月微跌 0.21％，每單位收報 ＄108.43。

積壓如山煲劇單（2025年10月）

睇咗

1. Netflix：《今際之國的有栖（Alice in Borderland）》第三季

「米老鼠加」通常一個禮拜播一集，魔術師通常等播完才一次性追看。所以未睇《異形》劇前，又睇吓《有栖》第三季能否擺脫 Netflix 原創劇本必爛的宿命，結果今次一如所料爛爛哋，起碼沒有前作爆紅女配角水雞（朝比奈彩飾），安（三吉彩花飾）又只是客串性質，新關卡的（女）參加者又無乜顏值，遊戲關卡除「御神籤」外亦焦乜亮點，宇佐木返回遊戲國度（以致有栖去搵佢）的動機不強，到結局甚至唔記得咗自己點解會來到這裡，實在有點無厘頭。

魔術師評分：80分（100分滿分）

《射雕英雄傳：侠之大者（The Legend of the Condor Heroes: The Gallants）》：生於亂世有種責任

魔術師經常都唔明徐克「大」導演「大」在何處，好睇嘅戲講來講去都係《英雄本色》、《倩女幽魂》、《刀》之類，其次嘅叫得上合格嘅都唔多（例如《黃飛鴻》系列、《狄仁傑》系列、《龍門飛甲》、《智取威虎山》（舊 blog）等），但伏片就更多，可謂不勝枚舉。今次又「返大陸」魔改金庸第 N 次，成品究竟又是否如伸延閱讀人言報徐大媽所言，在她眼中一切都是咁美好呢？

二人飯局（2025年8月至10月）

1. 半島酒店大堂茶座

靚姐姐今個月一早就 book 咗魔術師去食生日飯，問到魔術師鍾意食乜，又真係無乜 idea（其實魔術師食開飯都係簡單為主，唔夠靚姐姐咁多窿路）；於是靚姐姐便一口價話去半島食個生日餐，夠有儀式感咁話：

（圖片來源：Openrice > 餐廳 > 香港 > 尖沙咀 > 半島酒店大堂茶座, captured on 20 Jun 2024)

生日飯有生日餐牌，不過「燭光」昏暗，要睇清楚都有難度，完全唔記得「相機先食」，只係記得同靚姐一人一份麵包、餐湯、主食、甜品、茶啡、加生日餅樣樣有齊：

是日靚姐姐請客，餐單免問。

X檔案（十二）

1. 屯門夜繽紛

大約兩至三個星期前，魔術師在屯門市中心吃完晚飯，行過大會堂對出，竟然見到類似「廟街夜繽紛」咁擺哂攤位，原來係國慶節目。除咗在舊式大排檔、冰室的造型俾「市民」打卡之外，當然仲用各式掃街美食和甜品等...當然一定少不了傷民最愛的篤魚蛋...

(明顯係借啲易影側邊的囡囡）

新聞雜評（四百八十五）

立法會選舉｜江玉歡棄選：完全沒有壓力　葉劉淑儀：未來數天交代參選意向 有線新聞 2025年10月22日

【有線新聞】再有議員宣布不角逐連任，只擔任一屆議員的選委界江玉歡表示希望投放更多時間工作和陪伴家人，強調沒有受壓下退選．新民黨主席葉劉淑儀說未來數天會交代自己和黨友的參選意向。至今已有22人宣布不參選。

今屆立法會最後一次大會，議員陸續步入會議廳開會。選委界議員江玉歡就宣布不參選下屆立法會，希望投放更多時間在律師行以及陪伴家人，又否認因敢言性格被迫退選，「完全沒有壓力 ，大家不要這樣猜測。對於外界的標籤，相信熟悉我性格的人都了解，這個只是本人爽快直言性格所致，加上被冠以議員稱號，為基層發聲職責與我本人性格吻合。我希望來屆立法會有議員為民發聲，我相信會有的。」

多個政黨的部署惹人關注，其中新民黨主席葉劉淑儀在社交媒體上載相片，標示這可能是該黨6名議員在會議廳中最後的合照。港島西（新民黨）葉劉淑儀：「留為紀念，那麼齊人。（記者：是否未必六人一同連任？）要等選舉決定誰人連任。到時候我會宣布我的決定，請稍候幾天。」港島東（工聯會）吳秋北：「工聯會23日會公布，還要過一過理事會。」商界一（經民聯）林健鋒：「我們會盡快公布。」

民建聯周一公布出選名單，5名現任議員不參選，其中選委界郭玲麗稱過去工作已獲認可，「人生每一個階段都有自己的安排，反過來想我也非常感恩。我作為一個議員都是問心無愧、落幕無悔，由我第一日進入議會時已經拿着這四個字說話。」

立法會選舉12月7日舉行，提名期周五展開。

1. 選委界議員江玉歡就宣布不參選下屆立法會，希望投放更多時間在律師行以及陪伴家人，又否認因敢言性格被迫退選，「...這個只是本人爽快直言性格所致，加上被冠以議員稱號，為基層發聲職責與我本人性格吻合。我希望來屆立法會有議員為民發聲，我相信會有的。」

魔術師又唔覺鋼管女王算是「敢言」 - 當然，「敢」不「敢」「言」是相對的，識問幾條小罵大幫忙的問題，「貌似」好「叉能情」的發言，對比於其他幾十條「鵪鶉」而言，又或者講親嘢前要化幾分鐘讀返個 background 出嚟的「中學生蟻員」而言，鋼管女王可能都算是「敢言」吧？尤其是現在的膠官都是在溫室中長大，去到蟻會係要受保護的，被人問多幾問可能真係會口啞啞。論武功，可能就唔及當年成日俾販民抽秤的官員吧？不過，做官又使唔使咁好「武功」呢？

浪漫法蘭西情懷屋

數年前暴大有同學話我城民不聊生，但現實時現在法蘭西猶有過之（見《新聞雜評（四百八十四）》留言），似乎滿街米老鼠免費觀賞打卡的確對不少傷巷中產係有無比吸引力嘅（00:12 - 08:30）：

28Hse 特約：家家有求

2025年 第 41 集 2025-10-12

年輕夫婦鐘情歐式風格，設計師在單位各處拼湊出年輕歐陸風。外牆破損導致室內油漆剝落，維修責任要釐清。來到寵物換毛季，變集到毛孩的「絲線」可以變成永久珍藏品。

最愛返工為退休？

上一篇《瞬間睇廣告 (二十五)》都提及過魔術師成日收到呢類唔知算唔算係電騙的廣告：

（IG 截圖）

睇返大貓網站，說無講到各種退休模式要有幾多資產。就當以上唔係電騙，實情係如果係住公屋，日常生活應慳返唔少（起碼如果係做樓奴，差餉地租管理費條數唔細；如果做租奴又怕加租，同埋以上「成本」業主自然會打埋入租金裡面），儲411萬應該比較容易，仲可以成為富戶或超級富戶添。

（圖片來源：香港匯豐 > 滙豐強積金（MPF）> 滙滙豐退休策劃指標, captured on 18 Oct 2025）

搞笑的是，65歲以上廢老基本生活（住公屋）單人交通要210至335元，而二人同行則要285至515元；以兩蚊車去計即係搭約50程至64程來回不等，即係每廢老每日都出街搭車來回兩次以上，真係精力充沛。如果唔係成日周圍 wet，廢老要用到咁多交通費，意味着佢哋都要北上消費？

瞬間睇廣告 (二十五)

1. Popo 都有微短劇

呢一篇起咗稿好耐，只能算是遲到好過無到。早前見到 Popo 有廣告，原來趁內地微短劇熱潮，Popo 都來個自家版，繼《守城》系列後又一「力作」。估唔到 Popo 在正苦中竟然是對新霉體都算是多嘗試的部門（不過搵王浩信做教官好似差啲卡士，如果係苗橋偉就 perfect 嘞）：

新聞雜評（四百八十四）

立法會選舉｜滿70歲議員過半棄選　盧偉國：支持議會年青化　葉劉：會適時公布  有線新聞 2025年10月13日

【有線新聞】12月立法會選舉至今12名現任議員放棄連任，自由黨易志明、經民聯盧偉國同日經社交平台公布，目前12名年滿70歲的議員已經有7人棄選，身兼行會召集人的新民黨主席葉劉淑儀稱適時會有公布。

71歲經民聯主席、工程界議員盧偉國晚上經社交平台宣布，成為放棄連任的第11人。「這段日子我和工程業界團隊、經民聯黨友與家人總結過去、規劃未來。為助力議會薪火相傳，支持議會年青化，我決定不參選第八屆立法會。」

同日宣布不競逐連任的還有72歲的自由黨航運交通界議員易志明，同樣經社交平台交代，稱經過慎重考慮，又稱過去13年香港經歷由亂到治，有幸參與及見證國安法及23條立法。

連同張宇人，自由黨已有兩名資深議員棄選功能組別，星期二黨團會開會討論。自由黨副主席李鎮強相信兩人不是收到中央指示，「我相信沒有，但始終大主席和馬議員做了示範，所以他們都了解這件事是否值得，大家休息一下。」

外界關注70歲是否其中一條參選界線，相關議員未有正面回應。葉劉淑儀：「不要阻礙我開會，走開。我們新民黨適當時候會宣布，請各位不要騷擾我。（你自己個人有何決定？）」黎棟國：「（參選有決定了嗎？）未有。」謝偉銓：「未能透露。」

已宣布不競逐連任的議員稱沒有補充。陳健波：「（是否有70歲界線？）沒有補充，對不起。」馬逢國：「（相繼有70歲以上議員不選是否中央的指示？）無可奉告。」張欣宇：「沒有其他考慮因素。」

有本屆立法會「新丁」亦未透露意向。（決定會否參選嗎？有沒有壓力要退選？）林筱魯：「沒有特別所謂指示，參選始終是個人對於香港整體需要。」

年滿70歲的現任議員有12人，超過一半人已宣布不參選，包括梁君彥、馬逢國、張宇人等，餘下還有未表態的包括葉劉淑儀、田北辰、黎棟國等。改制後的立法會一共有90個議席，12月7日舉行選舉，提名期下周五展開。

本身是學者的選委界議員周文港亦宣布不參選新一屆立法會，指考慮到想做好政策研究，而推動官、產、學、研合作需要較多時間精力。

1. 外界關注70歲是否其中一條參選界線，相關議員未有正面回應。葉劉淑儀：「不要阻礙我開會，走開。我們新民黨適當時候會宣布，請各位不要騷擾我。」

班妓者仔（女）都唔識死嘅！在掃把頭面前成日提住70歲，佢梗係黑面喇！

摩摩來稿：北上深圳消費及陸港融合番外篇（三）：兩大白象

多謝摩摩花費時間整合統計資料，看看巷豬噢大橋與及膠鐵的最新使用情況：

北上深圳消費及陸港融合番外篇（三）：兩大白象

在上一篇《從歷史數據看北上深圳消費熱潮及陸港融合（五）- 過大海篇》，筆者留言提到：

小弟突然醒起今年第三季完結就是「兩大白象」開通7周年（Time flies！），扣除3年疫情也已經全面運作4年，所以決定改為今年10月發表會更圓滿。數據上的確有突破之勢，剛剛4月就首次兩隻白象都突破日均9萬人次使用。

現在正當10月，本文就爲此而來。

閑話表過，進入正題。關於何謂「兩大白象」、數據來源、統計對象/方法，請參考上一番外篇。

港珠澳大橋（以下簡稱大橋）

以下為2018年10月24日投入服務後，全面運作的四年内大橋每月及每季日均使用人次：

AI 才子對對碰

各位唔好以為魔術師真係俾班黃人「激親」先至寫咗上文《也論「悲天憫人」及「功成」》勘誤，而係剛巧在網上見到以下上聯求下聯：

船行五湖四海

本來在寫對聯前想寫啲有關傷民中文水平的引子，點知就見到有關比卡超的「口誤」，寫吓寫吓就變咗獨立成篇添。

言歸正傳，「船行五湖四海」應該點對呢？

先不論平仄，上聯「名詞、動詞、數量、名詞、數量、名詞」仲要「湖、海」（腦中不自覺響起《楚留香》「湖海洗我胸襟」）都係三點水旁，魔術師才疏學淺，只係想到「千絲萬縷」都係「絲」旁兼對到數量，但subject和動詞就對不上了（「情牽千絲萬縷」似乎有點夾硬來），更遑論要有意境呢！

魔術師腦閉塞，又見某些網友對 AI 讚譽有嘉，於是便好奇心起，看看 AI 會點答對聯呢？