2013年1月14日 星期一

短命的頭條新聞(2nd edition)

剃人頭者,人亦剃其頭。毒果日報講大話,誠信破產,老總編輯記者全部都係大話精,一定要下台!香港社會要嘅係比白更白的傳媒(妓怯肥婆麥去了哪裡?)!

沙膽虹~~~下台~~沙膽虹~~~下台~~

(咁叫法,又真係幾high固喎!)

《蘋果》向林奮強道歉

【本報訊】《蘋果日報》昨天報道行政會議成員林奮強上周四在閉門論壇稱「完全歧視新移民」,林奮強昨午出席青年房屋調查發佈會時,澄清沒說過上述言論,對報道表示遺憾,又即場播放錄音作證明。《蘋果日報》總編輯張劍虹承認報道錯誤,鄭重向林奮強道歉。

根據錄音,林奮強當時說:「我完全唔係歧視新移民,嚟到香港嘅,法律上係香港人就係一等公民。」林昨強調一直主張港府增撥資源協助新移民小孩,讓他們與其他小孩站在同一起跑線,日後補充香港短缺的人才。

張劍虹聽過錄音後表示,根據上文下理,林沒有歧視新移民之意,「即使個『唔』字講得細聲,(報道)錯就係錯,錯就要認。」會否擔心《蘋果》遭質疑「作新聞」?「絕對唔係作新聞,係記者聽唔清楚、唔小心。」

至於昨公佈的青年房屋調查,由浩洋青年商會進行,訪問近千名18至40歲市民。九成人表示只能負擔少於9,000元月租,現時居所面積約為400方呎至700方呎,半數希望增加300方呎。林奮強認為,新市鎮須擴大規模,以免居民跨區工作,又指香港人均居住面積落後內地及新加坡,「如果你只係想多一間房,我覺得好悲,因為周圍鄰居大我哋一倍。追幾多代至追到?」 

呢個係毒果日報尋日(2013年1月13日)的頭版:

 Picture

結果,東窗事發之後,頭版就即時變成:

 Picture

做人世界就大大隻字,出錯就連頭版都掹走,唔見咗就當無咗回事;跟手又話「記者聽錯咗」,咁同佢地口中的「邪惡化身」CY「謊稱」自己「記錯咗」有乜分別先?CY道咗歉都要繼續被傳霉窮追猛打,毒果係「正義朋友」,開口擁護「核心價值」,閉口「誠信好緊要」,咁佢地無理由「嚴人寬己」,唔追打自己架喎!況且,依家毒果唔係誤導緊香港市民咩?點解只係同林先生道歉,而唔係同全港市民道歉呀?

依照傳霉一圓的偵探式調查手法,「成件事都好有疑點」:如果林說自己「完全係歧視新移民」,咁又點可以接到下面𠴱一句「嚟到香港嘅,法律上係香港人就係一等公民。」?如果只係聽錯一個字,繼續聽落去都會發現文理不通。究竟老總和記者有無聽哂成段講話?

其實沙膽虹的道歉啟示已經露了餡:「聽過錄音後表示,根據上文下理,林沒有歧視新移民之意」,即係佢作為老總根本就未聽過錄音就出街。「有理由相信」,記者只係在場做筆記,甚至道聽途說,連偷拍片段都沒有,只是「聽到」一句疑似可以做文章的句子,心頭狂喜,也沒留意下文,便幻化出洋洋千字的頭版新聞了。所謂「聽錯」,應該係以「一個大話冚另一個大話」。CY係專業人士,咁總編/記者又係咪「專業人士」?算唔算有虧專業人員操守?抑或好似「藝術家」咁,「人人都可以係藝術家」,所以「人人都可以係老總/記者」?真係諗極都唔明!

講到專業,當然就非動新聞莫屬。成段新聞真係極具煽情的能事,就算無證無據,都要搵人幫林生去旁白配音,編劇非常專業,功力「值得一讚」:

Lee table Man就唔使講,不嬲都係柒,不過連學者都都硬膠膠,真係有損校譽。根據網上轉載毒果原文:「中大政治與行政學系高級導師蔡子強表示,林奮強表明歧視新移民,言論有煽動族群仇恨之嫌,『喺西方民主國家,呢種言論出自任何一個政府內閣成員,都應該立即下台』。蔡又指林奮強的言論,必影響政府推動社會融和政策的公信力,也反映梁振英用人不善,「令市民質疑政府係咪會齊心推動社會融和,o依家畀人講一套、做一套嘅感覺」。究竟所謂蔡教授有無聽過原聲?抑或只係聽到「我完全唔(細聲)係歧視新移民」為止?抑或又係純屬聽記者口耳轉述?無實質證據卻實牙實齒咁指責「林奮強表明歧視新移民,言論有煽動族群仇恨之嫌」,有失學者的「專業態度」喎!

呢個故事仲教訓我地(尤其是係公眾人物),講乜都好,最緊要有錄影錄音「傍身」,否則被人「做你世界」是,就只有含冤受屈,百詞莫辯。點解而家個社會搞成咁,咪就係「正義的傳霉」囉!

***

參考資料:

林奮強:我歧視新移民

林奮強偷步賣樓後,去年11月初起休假後一度「龜縮」迴避面對公眾。事隔兩個半月,或要為梁振英施政報告造勢,近日又開始出席大小活動,今日獲應邀出席一個討論青年置業的活動,分享置業心得。

除了現身公開活動,林亦出席不少私人舉行的論壇,上週四(1月10日)林主持了一個叫「香港黃金五年(2010-2014)盛衰關鍵」的閉門論壇。論壇由億添發展公司主辦,在小童群益會灣仔總部舉行。論壇出席者全是林的「粉絲」,成功入場的記者發現林相當輕鬆,看見座無虛席即面露笑容。

香港經濟發展

萬事俱備只欠東風

林奮強發言時大談香港經濟發展「萬事俱備只欠東風」,指香港有足夠資源發展經濟,只是以往「有力無心」,無人敢出手大搞,「其實香港係有能力做好多好嘢,但冇人出聲,如果有人出聲,應該做得更好」,與梁振英強調政府要「適度有為」唱和。

除了講香港發展,坐擁20多個市值近6億元物業的林奮強也大談社會問題,談及貧窮及新移民引發的住屋問題時,林毫不諱言說:「我係完全歧視新移民。」

地鐵脫班率低

我哋應該支持加價

林並認為香港不少政策吸引貧民來港,新移民住劏房根本無問題,「你哋都見到好多新移民落嚟香港,新移民來港之後申請唔到公屋,咪惟有住劏房,劏房因而應運而生。香港人係好多(住屋)需求,冇屋住,所以我係完全歧視新移民」。

晉身行會後,聲言把每月6萬多元行會成員酬金全捐助基層及新移民兒童補習的林奮強,一面顯得很同情弱勢社群,另一面卻狂踩窮人及新移民,他對捱貴交通費的打工仔也不甚同情,指與紐約、倫敦、新加坡比較,港鐵脫班率最低,故完全支持加價:「地鐵嘅脫班率咁低,我哋應該支持地鐵加價。」

工黨立法會議員李卓人對林奮強的言論表憤怒,批評林自恃是「上等人」,認為弱勢社群「抵死」,「梁振英搵啲咁嘅人做行會成員,簡直係害死香港」。林力撐年賺過百億元的港鐵加價,是不知民間疾苦,「梁振英成日標榜要幫基層,但就用埋啲咁仇視基層、偏幫大財團嘅人,令人懷疑佢所謂幫基層,根本又係一個大話」。李卓人認為梁振英應即「炒」林奮強,要他下台。

中大政治與行政學系高級導師蔡子強表示,林奮強表明歧視新移民,言論有煽動族群仇恨之嫌,「喺西方民主國家,呢種言論出自任何一個政府內閣成員,都應該立即下台」。蔡又指林奮強的言論,必影響政府推動社會融和政策的公信力,也反映梁振英用人不善,「令市民質疑政府係咪會齊心推動社會融和,o依家畀人講一套、做一套嘅感覺」。

(本文另有圖片轉載自討論區,在此謝過。)

***

伸延閱讀:

傳媒監察政府,誰來監察傳媒?

傳媒禍港

量化寬鬆藝術家

2013/01/14 16:05:35

18 則留言:

  1. 說是記者問題,但那些編輯是要來食飯的?有沒有帶腦袋上班?一點專業的工作態度都沒有!怪不得這麼怕人洗腦。

    回覆刪除
  2. 蘋果的腐爛,從心開始。一個企業的失敗,由領導決定。
    看來肥佬黎的病情不輕,讓毒果群小亂舞。
    樓主請放心,沙膽虹肯定要下台。肥佬黎賣枱,誰會要他?可能是在肥佬黎賣枱之前,就要摔掉這個包袱。為了自己,肥佬黎誰也會出賣,更何況自家一條狗?
    不如我們開始猜謎遊戲,肥佬黎之後,有誰會收留他吧?因為謎底會很快就揭曉。他這次玩的那麼大,正是任何老闆要動手術的大條道理。喪家犬是怎樣的口臉,我們很快就看到。

    回覆刪除
  3. 不敗的魔術師2013年1月15日 凌晨3:08

    我仲以為佢地會賴個記者其實係CY派來的奸細添!

    回覆刪除
  4. 不敗的魔術師2013年1月15日 凌晨3:19

    本文2nd edition 改成:
    //其實沙膽虹的道歉啟示已經露了餡:「聽過錄音後表示,根據上文下理,林沒有歧視新移民之意」,即係佢作為老總根本就未聽過錄音就出街。「有理由相信」,記者只係在場做筆記,甚至道聽途說,連偷拍片段都沒有,只是「聽到」一句疑似可以做文章的句子,心頭狂喜,也沒留意下文,便幻化出洋洋千字的頭版新聞了。所謂「聽錯」,應該係以「一個大話冚另一個大話」。
    //成段新聞真係極具煽情的能事,就算無證無據,都要搵人幫林生去旁白配音
    明顯,沙膽虹無審視過來源,又或者諗住死無對證,作段旁白出來屈得就屈,總之就係要打擊政府,點知人地有錄音做證據而已。「有理由相信」,佢地都只係跟肥佬order做嘢,所以自己唔承認責任,亦無話要處分記者,只係一句以「聽錯」為藉口的「語言偽術」便算了結。
    你講得對,沙膽虹佢地佔有道德高地,幾乎無人可以夫戰佢地,除了肥佬根本無人可以郁到佢,怕就怕沙膽虹知道肥佬太多秘密,肥佬要搵個藉口炒佢都喊係咁易。

    回覆刪除
  5. 哈,若果林奮強冇嗰段錄音帶,毒果就會繼續屈咯,沙膽虹係估唔到佢會有錄音帶。
    只能説:機關算漏欠聰明,反誤了虹蟲性命 XDDD

    回覆刪除
  6. 個人相信,這次是有預謀的老屈
    如果沒有錄音,事情的結果就會大不同
    律人嚴 待己寬正是本人最討厭的,什麼高官要有更好的操守,逃耳圓就可以一時

    疏忽,什麼亞視要持平,蛇果就可以偏頑,都是要不得的思想,可是這次看到事實

    是,這些都是被洗腦者才相信的鬼話,就像宗教界裡的信徒,不要問,只要信,高

    層們口裡說的一套道德標準,自己身體卻很老實,壓根兒不理會。
    看前文後理,就是初中生做閱讀理解也不可能犯這麼可笑的錯誤,他們根本就是欺

    讀者不會追問,只聽他們的一面之詞。記者聽唔清楚?他們只請智力有問題的記者嗎

    ?他們在場只被允許聽這一句?不能得到前後的句子?聽到不合邏輯的事,不應努力找

    出原因,仔細再聽數遍?這層次的解釋,應付得了誰?
    為什麼總編能說出"聽過錄音後表示......"的話?此乃極其A字膊行為,他要誤導人

    以為他事前未聽過錄音,千錯萬錯,都唔係我錯。頭版新聞不經總編手,這才是頭

    版新聞吧。
    這些話跟豬和狼為挖地洞的解釋有兩樣嗎?疏忽,是犯民的專利,卻不須註冊。

    回覆刪除
  7. QUOTE
    國之三維 :
    laulong :

    哈,若果林奮強冇嗰段錄音帶,毒果就會繼續屈咯,沙膽虹係估唔到佢會有錄音帶。

    只能説:機關算漏欠聰明,反誤了虹蟲性命 XDDD
    ...UNQUOTE



    此事以眾犯氓小粉絲的雙重標準觀而論,根本之後連提都唔會再提,損得了誰?

    在胖子眼中,此事孰功孰過?

    要找替死鬼時,絕不會手軟,可惜這連茶杯裡的風波也不如

    回覆刪除
  8. 假如是亞視屈泛民,你估會點?Facebook肯定鋪天蓋地。腐爛的不止蘋果,還有好多普羅市民,這才悲哀。

    回覆刪除
  9. 不敗的魔術師2013年1月15日 清晨7:36

    天網恢恢,疏而不漏.

    回覆刪除
  10. 不敗的魔術師2013年1月15日 清晨7:39

    //為什麼總編能說出"聽過錄音後表示......"的話?
    即係話根本報社根本無錄過音,充其量可能只係抄筆記,甚或聽人轉述.
    //千錯萬錯,都唔係我錯。
    「推畀人」的改圖,應該俾返沙膽虹才對吧?

    回覆刪除
  11. 不敗的魔術師2013年1月15日 清晨7:41

    「唔提就唔存在」
    「掹走咗個頭條就當無出過」vs「處理咗就唔係僭建」

    回覆刪除
  12. 不敗的魔術師2013年1月15日 清晨7:42

    「廣管局共收到愈千來信,投訴CCATV抹黑『學人高潮』.」

    回覆刪除
  13. QUOTE
    不敗的魔術師 :

    我仲以為佢地會賴個記者其實係CY派來的奸細添!UNQUOTE



    Wong Sai Seven: The reporters came from Tai Kung Pao. Spy of communist party!
    http://blog.martinoei.com/2013/01/%e8%98%8b%e6%9e%9c%e5%85%a7%e9%83%a8%e6%9c%89%e4%ba%8c%e4%ba%94%e4%bb%94%ef%bc%9f/

    回覆刪除
  14. 不敗的魔術師2013年1月16日 凌晨2:23

    我真係見識少,乜原來依家做間諜可以做到將真正身份放上網咁揚架?

    回覆刪除
  15. QUOTE
    不敗的魔術師 :
    我真係見識少,乜原來依家做間諜可以做到將真正身份放上網咁揚架?
    UNQUOTE



    世柒話係就係架嘞 老共好驚佢同淋妓架 成日爆料

    回覆刪除
  16. 不敗的魔術師2013年1月16日 上午8:35

    以細姪嘅江湖地位,一句頂萬句,點會有人敢質疑佢!

    回覆刪除
  17. 呢單野一日就無左下文, 阿奮强哥就吹足幾個月, 好唔公平呀!

    歉照道, 野照作!

    回覆刪除
  18. 不敗的魔術師2013年1月17日 清晨6:42

    是日信報體育版:
    2013年1月16日
    球千仞 場內場外
    我們做傳媒的更要注意見眾生不忘見自己,最近《蘋果日報》頭版就林奮強發表「歧視新移民」言論的報道道歉,最讓球千仞心痛不已。畢竟,敢於制衡權貴的傳媒買少見少,如果因一時犯錯賠了公信力,將是香港的一大損失。作為在動新聞工作過的前員工,球千仞覺得,這次犯錯與做不到「見自己」有關。
    動新聞的內容與報紙內容是相配合的,報紙頭版一般分別製作多條動新聞。負責的同事必然收到充足的現場片段,因此球千仞一直不接受文字記者聽錯、聽漏的解釋,因為動新聞記者會每一段片聽好幾遍。果然,林奮強新聞片裏的「我歧視新移民」只是記者的VO,而非林先生自己的聲音。
    換言之,動新聞的記者是知道林奮強沒說那句話,那他們有沒有馬上通知上司,然後再通知當天上班的負責老總呢?如果沒有上報就是記者失責,若是通知了內容仍然照出,那就是主管和老總的錯失。球千仞衷心希望行家在執行第四權時,不能一味搬出「見眾生」的利刃,還是須要兼顧「見自己」、「見天地」。

    回覆刪除