丘成桐教授未免過慮了，他實在不用「憂香港學生成銅（仲要係爛銅爛鐵嗰隻銅）」，更不用「憂香港學生成童（變咗小學雞）」的，同學們都是成年人了，絕對有權有態力做決定，佢地知道自己做緊咩嘢嘅，就算第日搵唔到錢，咪輪公屋嘈政府囉，到時啲抗爭經驗就有用架喇！
明報 – 2013年1月4日星期五上午5:05
【明報專訊】本港大專生近年積極參與學運，小至校政，大至社會政策均見學生發聲。土生土長的國際知名數學家丘成桐慨嘆，部分積極學運的大學生只重爭取權利，卻忽略讀書、做研究的本分，想法本末倒置。他同時警告，歐美青年對知識的追求遠勝本港大學生，若本港大學生繼續視抗爭為首要任務，根本無助社會進步，只會令本港人才質素漸走下坡，最終淪為二等城市。
指歐美青年追求知識勝港生
丘成桐現為哈佛講席教授，但近年留美教學時間較少，經常於中港台推動中學生數學比賽，主講各類科普講座。昨日他為著作《丘成桐談空間的內在形狀》訪港宣傳，在科學館公眾演講前接受本報訪問。他表示，無論身在何地一直留意本港時事，慨嘆近年本港遊行示威不斷，而學生更擔當主要角色。他說：「關心時事固然是好的，但我認為作為一名學生，沒有任何事比學習更重要。」
對學生事事反對感可悲
丘成桐同意，學生為捍衛真理和正義，參與學運是理所當然，自己年輕時也曾參加學運。他憶述，1970年代於加州讀書時，曾參與當地華人學生發起的保釣遊行，希望保衛國土。不過他認為，若要達到目的，首先要令中國強起來，而要令國家變強，必須有一群學識、魄力兼備的年輕人，建構有能力的政府。
相反，若學生只為爭取、申明自己擁有某種權利，而事事抗爭、不斷提出反對，丘成桐感到相當可悲。他直言：「學生若花盡工夫去遊行示威，提出反對意見、爭取權利，社會一定是無法前進的。如果學生遊行目的是為了社會好，就更應踏實地學好知識，立定目標為社會做好事。」
本港專上教育界近年屢捲入政治風波，由前年「8.18」李克強訪港大的保安風波，至去年初浸大提早泄露特首選舉民調結果、《藍皮書》風波等，丘成桐有感本港大學日趨政治化，以港大「8.18事件」為例，他說「一般人都相信他（校長徐立之）因風波受壓下台」，並對徐請辭感十分惋惜。
批學生學術未到家 無權選校長
另外，近年本港大學生亦不斷爭取介入校政，例如嶺大和教院學生正爭取有權投票選校長。丘成桐認為，遴選大學校長需深入評價候選人的學術地位、才能，「作為學生、學術水平肯定未到家，對候選人的研究題目都未能理解，談何投票權？」他又以自己曾任教的美國頂尖學府史丹福大學、哈佛大學為例，兩校師生均無權過問校長遴選，一律由大學董事會議決。
他認為，本港大學實力不遜內地北大、清華等名校，理應善用教研實力，在政府牽頭下發展高科技事業，而大學生作為社會未來的中流砥柱，應花更多心神專注於教研，而非事事反對。
明報記者
１. 「我認為作為一名學生，沒有任何事比學習更重要。」－抗爭也是人生的學習呀！斷估丘教授就未錯被俾警察噴胡椒噴霧，四個抬一個的經驗嘞！
２. 「1970年代於加州讀書時，曾參與當地華人學生發起的保釣遊行，希望保衛國土。」－仲以為丘教授棄筆從戎添，原來係在無雷公咁遠的加州遊行，有個屁用咩？傷港人反日就唔同喇，明者反共份子拎住五星旗登島，暗者ＢＴ蒼井空ＡＶ，蘿蔔頭敢郁我地咩！丘教授你睇過ＡＶ未？
３. 「若要達到目的，首先要令中國強起來」－丘教授梗係唔上facebook，唔知咩叫做「我係香港人，唔係中國人」嘞！香港人都唔係中國人，又點解要助中國富強起來呢？
４. 「如果學生遊行目的是為了社會好，就更應踏實地學好知識，立定目標為社會做好事。」－香港學生自細就被怪獸家長監學呢樣嗰樣，又俾公開試折磨，無論乜嘢知識都學夠學厭喇！丘教授你咪以為識計幾條數好叻，計數的威力點能夠同改圖、起底比較呢？
５. 「嶺大和教院學生正爭取有權投票選校長...遴選大學校長需深入評價候選人的學術地位、才能，『作為學生、學術水平肯定未到家，對候選人的研究題目都未能理解，談何投票權？』」－丘教授錯嘞！同學係stakeholders，點解無say，呢啲叫人權！大學生用粗口鬧校方都得，信唔信同學們在丘教授屋企門前用吊雞車掛起「重奪普選權」吖嗱！同埋，大學校長做嘅工作並唔係研究，而係吸金，咁即係好有可能「校商勾結」喇！咁就更加要監管，唔係好似藍血大學醫學院咁變咗李＋Ｘ醫學院就弊一弊都無咁弊！
６. 「史丹福大學、哈佛大學為例，兩校師生均無權過問校長遴選，一律由大學董事會議決。」－史丹福、哈佛大哂呀？丘教授你係唔係歧視嶺大同教院？信唔信啲網民去平機會告你吖嗱？
７. 「大學生作為社會未來的中流砥柱，應花更多心神專注於教研，而非事事反對。」－做研究要過好多前人的論文，又要以科學方法分析，做幾年都未必有成果，實在太艱苦了。搞社運抗爭就唔同呢，理性反而累事。搞社運只要憑感性就得，又唔使諗個實驗證明出來，只要叫政府做就好了，做唔到仲可以再丙政府添！而且一班人圍威喂，又有得溝下女，一齊在大銀行樓下同睡一個帳幕，攬住一齊取暖，幾咁浪漫呀！而更重要嘅係，要好似丘教授咁做個數學家，隨時要下幾十年苦功先能夠「成功」；而搞社運呢，只要自稱係藝術家，就可以「人人都係藝術家」、五區公投又可以自訂勝負規則，就算得１７％都可以叫贏、玩下接力絕食，就可以逼令政府改變政策，於是絕大部份不是「成功人士」的年輕人都可以摘取成功的果實，再不是夢。丘教授你搞「科普」，社運抗爭是「成功普及化」（簡稱「成普」（唔好搞錯以為係大陸的「城管」喎！），大家都是同路人而已。
＊＊＊
伸延閱讀：
2013/01/06 00:32:34
啱呀，丘老讀到死下死下才出名，學人高潮班o靚盲字唔識多個就上報紙上電視，幾威風呀！
回覆刪除仲有依家去示威係玩警察，絕對唔駛驚俾人卜，支伸縮警棍係用黎抝痕嘅啫。
搞運動，後面一條大水喉射住，要乜有乜，哩啲咁激咁過癮嘅課外活動去邊度揾。
所以讀書係無用嘅，抗爭甚至好過去迪士尼！
//支伸縮警棍係用黎抝痕嘅啫。
回覆刪除「伸縮不求人」是也.
//哩啲咁激咁過癮嘅課外活動去邊度揾。
仲可以計入OLE呢!
我又覺得丘先生諗多左。讀書同搞社會運動並非對立，只要當事人自由選擇就 OK 了。好似有人係大學上莊、補習、溝女、博盡GPA、搵Intern，係丘先生眼中都可以算係不務正業，不過各項選擇後果不同，第日搵吾到工都係自找的。反而我好奇怪乜原來香港大學生何德何能參與大學校長遴選？ 乜佢地有大學管理經驗定學術成就可以指點江山?
回覆刪除／／讀書同搞社會運動並非對立
回覆刪除同意。但個人覺得丘教授係指就算係搞社運抗爭，都先要有理論基礎的意思。
／／香港大學生何德何能參與大學校長遴選？
「一般市民都無管理香港的經驗，但係都嚷著要普選喎！