魔術師信人基金（２０１３年１月４日）

沒有最邪惡，只有更邪惡。「金融才俊」之所以掌握了社會的９９％的財富，果然就係因為巴結「邪惡勢力」而來。好似「信人基金」個「基金經理」咁，魔術師見佢早前沽出地產霸權股新世界發展（００１７），以為佢肯「改邪歸正」，點知轉個頭就幫魔術師入咗中聯重科（１１５７）同港鐵公司（００６６）！

魔術師一向無研究任何中字頭股票，究竟中聯重科係做乜東東嘅呢？根據阿思達克財經網，中聯重科「主要於中華人民共和國（「中國」）研究、開發、生產、銷售和租賃混凝土機械、起重機械、環衛機械、路面及樁工機械和其他重型機械設備以及於義大利生產和銷售混凝土機械。」除了國際市場之外，仲要「國家已經批准開工的在建水利、電力、鐵路、重大裝備等項目順利推進」，幫助「國家城鎮化進程的快速推進，特別是保障性住房建設政策的落實亦將為房地產行業發展注入新的活力」等等。在正義的傳霉和８０後眼中，這公司絕對係惡勢力的爪牙呀！

至於港鐵，就更加唔使多講，年年賺大錢年年加價，搵年蝕下本做生意，當係開善堂益下市民都唔肯；又盡量利用車站上蓋發展物業，與地產霸一鼻孔出氣，搞到連屯門樓都成萬蚊呎，咁月入８千的青年又點可以上車呢？簡直係極惡勢力呀！

＊＊＊

加入了兩隻邪惡股份後，魔術師信人基金現持有：

匯豐控股（0005），平均成本$82.82，收市價$82.00；

新世界發展（0017），平均成本$12.52，收市價$12.42；

港鐵公司（0066），平均成本$30.82，收市價$30.75；

中國海外（0688），平均成本$16.35，收市價$24.70；

中聯重科（1157），平均成本$11.96，收市價$11.80；

平安保險（2318），平均成本$61.07，收市價$69.65；

中銀香港（2388），平均成本$24.78，收市價$24.85；

中國太保（2601），平均成本$28.45，收市價$30.90。

ＳＰＤＲ金ＥＴＦ（2840），平均成本$1351.61，收市價$1235.00。

（註：平均成本只計入手續費，未有計及股息收入。股息收入則計入收益。）

＊＊＊

參考資料：

阿思達克財經網：中聯重科股份有限公司- H股  01157.HK

2013/01/05 02:25:26