2016年10月1日 星期六

魔術師資產配置(2016年9月結)

吊頸都要透吓氣,本月投資組合中的REIT組合有所回落($118.25),為月前資產配置時趁高位沽出的房託股份提供回補機會;緊隨其後的依然是沉船基金($115.54),皆因主力股份匯控(00005.HK)依然能保持平穩勢頭;第三位的就是計及股息再投資,比恆指更適合用來反映大市表現的複式盈富基金($114.81)。
落後「大市」,排第四至第六的有生活基金($112.84)、以股債混合投資的MPF組合($109.75),與及以黃金為主的商品基金($105.98)。作為合格線的收息組合「表現最差」($104.11),是可喜之象,即是說所有投資組合都沒有「白做」也。
淨身家(Net Asset Value)方面,可能是因為大貓想爭取按揭生意的關係,除了提供「極具競爭力」的樓宇按揭(依家係咪仲係無H按加Mortgage Link計劃?)之外,樓價估價亦趨向寬鬆,令客戶可以借多啲錢備用(例如「按咗阿媽層樓去投資」),就算魔術師已用大貓、小貓、與及蝗銀的樓按估價平均數去計(這三家銀號所採用的估價行都不同,例如美帝銀行同大貓用同一間估價行,取平均數就變得無意義了),但自住樓的升幅也能抵銷魔術師流動資產的輕微回落,令淨身家有所增長:

以魔術師年初做落的H+1.7%來計,按揭息率下跌了0.2%,也就是每100萬元貸款一年就可以慳$2,000息;可惜魔術師的罰息期未過,否則玩吓轉表已經夠買件玩具俾自己玩下的了。
又話說舊同事傳來噩耗,繼美顏上司及魔術師上年「被分手」後,前美顏組剩下的中低級組員都要在年底前離職,僅得極少數從事 high profile 的舊同事「得以身免」(幸好舊同事PS的魔術師「提點」,月前轉 team 成功,升職逃難去了),而成日諗住走的黃C舊同事PY(見舊文《做老散的好處》)更要被舊公司以MPF對沖遣散費(入埋689數喇笨!)。
果成日大安旨意長做舊公司無乜進修(指專案考試)的話,出到去淨係靠指鼻哥講自己的經驗值,真係未必足夠在職埸上競爭,前路如何,真係要睇各人的年齡、學歷、經驗、同埋在職場上如何去 sell 自已了。但係又以魔術師當時搵工都要搵返三個月才有着落的情況來看,如果成日大安旨意長做舊公司無乜進修(指專案考試)的話,出到去淨係靠指鼻哥講自己的經驗值,真係未必足夠在職埸上競爭,可能真係要靠「識人好過識字」。
畢竟以魔術師所見,舊同事對「財務自由」的領域所知不多,大概是停留在「伸手問 number」的程度,到時即使係資深同事唔使MPF對沖,可以攬住舊 Defined Benefit (見《魔術師資產配置(2016年8月結)》)走,但係要只係憑呢畢錢過到餘下日子,始終會坐食山崩。
以「財務自由度」來說,以7-point scale(-3 - 0 - +3)來計算,魔術師對現在的自住樓評分是值2分的「頗滿意」,如果話賣咗佢轉買間細少少的也未嘗不可(反正現在的劏房則大行其道,要買住得舒適的就只能從二手樓入手),最多只係由「頗滿意」跌到1分的「滿意」,但供款現金流會少好多(如果買返類似以前居屋屋苑的單位,full pay 補埋地價都夠有突),基本上唔使太屈就便可以過上退休的生活,也算是一條「退路」:

***
伸延閱讀:
魔術師資產配置(2016年8月結)
楢山節考水貨團
做老散的好處
信報 2016年9月23日
滙豐料按息近見底
近期銀行在樓按市場競爭熾熱,滙豐香港區零售銀行及財富管理業務主管欣格雷(Greg Hingston)【圖】坦言,為免客戶流向其他競爭對手,該行會向客戶提供具競爭力的價格,但他認為,整體按揭息率大幅下調空間不多。
明年推手機股票App
欣格雷透露,該行透過多項策略冀進一步加強零售銀行及財富管理業務,包括加強高端客戶及千禧年代客戶群的服務,日內將推出手機個人對個人(P2P)服務,明年首季亦會推出單獨的手機股票交易應用平台。
中銀香港(02388)最近酌情調低樓按息率最低至H加1.38厘,市場關注滙豐會否跟進。欣格雷未有透露會否進一步減息,但他表示,該行會留意市場情況,如有需要會為客戶提供優惠價格。
欣格雷稱,滙豐曾作分析,認為有關業務的滲透率可做得更好,經提升分銷能力及強化客戶關係後,開始見到業務增加,而風險胃納亦略有改變,對某些物業較以前放心,「可以接受多一點風險胃納」。
他指出,按揭產品大致相同,若價格不夠競爭力,客戶會流向其他價格較好的對手,該行不希望因樓按產品而流失優質客戶,故要確保價格具競爭性。至於樓按有否進一步減價空間,他認為近期銀行的減幅已收窄,反映不斷減價的空間不多。他指該行並無既定目標要做樓按市場一哥,惟過去3個月均為樓按市場之冠。
滙控(00005)曾表示會投資17億美元,加強其6大市場的零售及財富管理業務。欣格雷說,香港是其中重要市場之一,該行會透過多項策略,包括增加目標客戶群及數碼化等加強客戶關係及效率,吸納更多客戶。
今年6月在滙豐卓越理財服務中,該行新增名為「尚玉」的客戶層,即資產值100萬至500萬元的客戶群,現時有關客戶層已有6萬客戶,新客及淨流入資金亦有強勁增長。此外,就網上銀行及手機銀行推出新版本,會於日內推出手機P2P服務。
另外,滙豐香港區電子服務平台主管艾俊安(Andrew Eldon)表示,明年首季亦會推出單獨的股票買賣應用平台;雖然該行現時亦有手機股票買賣,若將之分開,可令服務更便捷;該行亦會善用金管局的「監管沙盒」,測試新產品及服務。

11 則留言:

  1. 魔術師兄,現時的公司越來越無良,靠它過世確實很危險...

    另“係又以魔術師當時搵工都要搵返三個月才有着落...真係未必足夠在職埸上競爭”, 是否duplicate了呢?

    回覆刪除
    回覆
    1. //是否duplicate了呢?

      謝提醒,已更正.

      //現時的公司越來越無良,靠它過世確實很危險...

      因栽員被解雇就無辦法, 否則的話現時勞工法例係唔鼓勵你在同一機構股務超過五年, 否則會有長服金被對沖的問題.

      http://www.labour.gov.hk/tc/faq/cap57l_whole.htm

      問1. 僱 主 在 甚 麼 情 況 下 須 支 付 遣 散 費 給 僱 員 ?
      答1.
      僱 員 按 連 續 性 合 約 受 僱 不 少 於 2 4 個 月 , 並 符 合 下 列 其 中 一 項 條 件 , 可 享 有 遣 散 費 :

       ( 1 ) 因 裁 員 而 遭 解 僱 ;
       ( 2 ) 在 固 定 期 限 的 合 約 期 滿 後 , 因 裁 員 而 不 獲 續 約 ; 或
       ( 3 ) 遭 停 工 。

      問5. 僱 主 在 甚 麼 情 況 下 須 支 付 長 期 服 務 金 給 僱 員 ?
      答5.
      僱 員 按 連 續 性 合 約 受 僱 滿 5 年 , 並 符 合 下 列 其 中 一 項 條 件 , 可 享 有 長 期 服 務 金 :

       ( 1 ) 被 僱 主 解 僱 (但 並 非 因 裁 員 或 犯 嚴 重 過 失 而 被 即 時 解 僱) ;
       ( 2 ) 在 固 定 期 限 的 合 約 期 滿 後 不 獲 續 約 ;
       ( 3 ) 在 職 期 間 死 亡 ;
       ( 4 ) 獲 註 冊 醫 生 或 註 冊 中 醫 發 出 指 定 的 證 明 書 , 證 明 永 久 不 適 合 擔 任 現 時 的 工 作 而 辭 職 ; 或
       ( 5 ) 6 5 歲 或 以 上 因 年 老 而 辭 職 。

      問9. 強 制 性 公 積 金 計 劃 權 益、職 業 退 休 計 劃 利 益 及 按 服 務 年 資 支 付 的 酬 金,可 否 用 作 抵 銷 遣 散 費 或 長 期 服 務 金?
      答9.
      如 僱 員 有 權 享 有 遣 散 費 或 長 期 服 務 金 , 而 :

       ( 1 ) 僱 員 已 獲 支 付 一 筆 按 服 務 年 資 支 付 的 酬 金 或 一 筆 職 業 退 休 計 劃 利 益 (非 歸 因 於 僱 員 供 款 的 部 份) ; 或
       ( 2 ) 在 強 制 性 公 積 金 計 劃 中 , 僱 員 已 獲 支 付 一 筆 累 算 權 益 (非 歸 因 於 僱 員 供 款 的 部 份) , 或 持 有 該 筆 累 算 權 益 ;

      則 遣 散 費 或 長 期 服 務 金 可 與 上 述 的 款 項 抵 銷 , 但 須 與 遣 散 費 或 長 期 服 務 金 的 服 務 年 資 有 關 的 款 額 為 限 。

      注 意 : 在 進 行 上 述 的 款 項抵 銷 時 , 僱 主 必 須 遵 守 《僱 傭 條 例》 就 支 付 遣 散 費 或 長 期 服 務 金 的 時 限 及 規 定 。

      刪除
  2. //可惜魔術師的罰息期未過,否則玩吓轉表已經夠買件玩具俾自己玩下的了。

    問過美帝,佢話可以轉新plan享受較低息和免去之前的罰息,但要重新計過罰息期和沒有回贈。其實和轉會差不多,所以我都係索性等罰息期完再轉。

    //作為合格線的收息組合「表現最差」($104.11),是可喜之象,即是說所有投資組合都沒有「白做」也。

    恭喜恭喜,好利害

    回覆刪除
    回覆
    1. //,佢話可以轉新plan享受較低息和免去之前的罰息,但要重新計過罰息期和沒有回贈。其實和轉會差不多,所以我都係索性等罰息期完再轉。

      睇你點睇, 借500萬一年慳1萬, 2年罰息期就慳2萬, 仲有得扣稅(如果你未用完quota的話); 等亦無妨,只係唔知第日H+X% 個X 會係低咗定高咗.

      刪除
    2. 第時係點真係唔知,反正唔識估,假設不變先

      另外仲要計回贈同埋律師費,我仲有一年完罰息期,即管等下先

      刪除
    3. 咁仲有一年真係可以等下,反正又唔係爭好多.

      刪除
  3. 我岩岩轉左新工,要處理舊公司強積金問題。

    回覆刪除
    回覆
    1. 如果係買開恆指基金,環球債券等大路嘢,只要回報同收費相差不太遠,放哂落新僱主個plan度會方便啲;不過如果好似我咁,想玩下暈梨個全城獨有的 health care fund,就無辦法要keep 兩個 accounts,日後再用半自由行做「年供」了.

      刪除
    2. 如果之前未轉過工,而舊MPF又唔係perform得特別好,最好轉晒落新工plan度:用意是要令自己養成一個習慣處理自己的財產。懶慣的話,轉多幾次工,你就連自己幾多個MPF戶口都搞唔清楚了。唔好以為港豬先會咁做,我以前一個好犬儒的黃C傷民同事,係真係從來唔manage自己MPF戶口的,甚至為此自豪...

      當然如果舊plan表現好就唔使轉,但記得新工一年後要將員工供款轉過舊plan。總的而言,留兩個保留戶口和一份現有工作戶口係最optimum.

      刪除
    3. //唔好以為港豬先會咁做,我以前一個好犬儒的黃C傷民同事,係真係從來唔manage自己MPF戶口的,甚至為此自豪...

      D, 強積金係不義政壇坑害民眾的惡法, 你仲走去actively manage佢,豈不是等於為其背書,增強其認受性(咁似特首選舉的論調嘅?)?

      刪除