2016年10月13日 星期四

依書直說看傑青

面相除咗睇十二宮的整個格局之外,仲可以睇面上某一區域「靚唔靚」(通常係紅潤)去判斷某個年歲的運程,再加埋整體格局的理會就可以得到結論。要注意的是,面相的年齡是以虛歲計,男女不同,以下是女子面相的年歲分佈:
有理論,當然要實例證明,呢期的最出位例子當然就係呢位大業主:
【傑出女青】一文睇晒「買樓formula女」惹火言論

新出爐傑青黃仰芳拋出「上樓方程式」,並稱自己在2004年買入300萬單位,在兩年內「供斷」,成為全城熱話,《蘋果》節錄她獲獎後的惹火言論,供讀者參考:
我由大學開始做傳銷,因為我想搵錢,我記事簿嘅第一版同埋封面,永遠係會痴咗嗰期報紙嘅示範單位,不停提自己「點解我要咁努力,點解我要咁辛苦」。
我係好需要搵一份工作,係可以畀我用最短嘅時間,唔需要排隊(買樓),即係公務員一定唔啱我,我從來冇諗過做公務員。如果真係想買樓嘅人,你要搵一份工作,可以畀你多勞多得,如果你願意付出,係可以用最短時間,同一個做咗10年、20年嘅人平排囉,咁我就係用呢種心態。
我讀大學嘅時候,每一日夜晚6點到12點幾都係做傳銷,一年做除咗年初一之外,我日日都係番工。
我從來唔會同同事去茶餐廳、去hea、吹水,我同同事嘅感情係普通嘅啫,因為我唔得閒同佢哋social。我係不停咁樣做(工作)囉。
我(金融業)做咗九年,轉左10個位,即係升咗職10次,基本上我喺每一個位置都係最後生嗰個。
我第一樣嘢就係「我要買樓」,買樓比起我身邊嘅朋友、嘅目標都大,所以我要付出嘅嘢比佢地多,所以我10年加埋都睇唔夠5齣戲同5個演唱會。
我通常有條formula,一個人可能係要40歲先至儲到錢買樓,(或)要做20年先儲到買樓錢,咁你計一計,人地做20年嘅effort,你可唔可以用5年時間,即係我每一日要比人哋做多4倍、付出多4倍嘅嘢。
我希望用我親身經歷,話畀家長聽,尤其是家長,小朋友考得一、比賽攞第一,唔代表佢將來嘅成就攞第一。最緊要係識做人、識做事。
黃仰芳小檔案
洋名:Fonia
年齡:近40
學歷:香港理工大學市場學學士、北京清華大學法學學士
資歷:財務策劃師、國際財富管理經理
職業:新鴻基尊尚資產管理高級董事及南太平洋業務發展主管
創立團體:為少年警訊成立「少訊智庫」、為扶輪社創立中區扶輪社、創辦「香港青年領袖服務獎獎勵計劃」
相關團體:海外潮人企業家協會會董、曾任香港潮州商會會董
驟眼睇落去,傑青小姐個樣都唔算好殘,話佢三十幾都有人信。先睇個額,額主少年運(15-30歲)佢個額唔差,有少少隆起,幾飽滿;做個好 sales 需要識睇人眉頭眼額,細心知道客人好惡,想客人之所想,係要觀察、分析力、記憶力,依說直說就係「推理判斷、記憶力強、數理分析力強」,不過女性就會因為太過叻而影響婚姻,故宜配好似比賽評判一樣的「白頭郎」,咁就唔會剋死老公。
【傑出女青】被揭齊慶生 首席評判胡定旭:有工作上關係冇參與評分

今屆「十大傑出青年選舉」得獎者之一的黃仰芳,因在訪問中提及自己的「買樓formula」引起社會熱議,更被發現原來黃仰芳與傑青首席評判的胡定旭早已相識。胡定旭回覆《蘋果》指,的確與黃仰芳認識,評審過程亦沒有避席,但沒有參與任何與黃小姐有關的討論和評分。
據《壹週刊》報道,29歲已供斷樓的黃仰芳,與首次擔任傑青首席評判的胡定旭早已相識,黃的facebook帖文更顯示,在8月2日的8號風球下,二人與幾位朋友到一間日式餐廳為黃慶祝生日,黃更稱呼胡定旭為「肥胡」,似乎十分稔熟。
胡定旭回應事件時,強調在評審過程開始時候已對評審團作出聲明,在潮州社團總會和潮青總會認識黃,大家有工作上的關係,故不會參與任何與黃小姐有關的討論和評分,在整個評選過程中,並未有對黃小姐的表現作任何發言和評分,但未有沒有避席。
黃仰芳是新鴻基資產管理高級董事,亦是今年「十大傑出青年選舉」得獎者之一。早前獲獎時她說上樓有條formula,又稱自己「我part time唔做補習,就係因為我睇到人地做傳銷買到樓」、「我冇時間同同事social」、「10年間我睇唔夠5套戲同演唱會」,被不少網民攻擊沒靈魂且眼中只有錢。
睇返上面報導,傑青小姐應該識埋唔少「白頭名人」,似乎由老董到流肛滑到膠焗腸,都食過其波餅,不過睇返傑青小姐,都唔算太闊,應該未至於依書直說的「男性朋友人人快活」:
至於印堂對上之官祿官(同時主16、19、22、25、28歲人生),即係傑青小姐額頭「腫」起咗嗰個位,相當豐滿,果然有運行可以買到樓,「年少得志,平步青雲」,雖然佢話自已唔鍾意做公墓園,但以其官祿宮來看,公墓園對佢亦可能係一個不錯的選擇:
***
再睇傑青小姐對眼,亦唔見係「水汪汪的黑眼睛」,眼角眼尾亦對齊,唔係斜眼、三角眼、或三白四白眼,係就係唔係幾夠「神」,不過財務策劃師其實即係金融產品推銷員,對眼太強反而會喧賓奪主,嚇怕客戶:
反而佢田宅宮(眼蓋)不見到很高很闊(當然也不算太低),只屬一般,不見得其 asset 有幾大(以會計觀念看,田宅屬 asset,財祿屬 income),反而是左眼蓋上有痣,「家居可能犯火險、水險」,43歲時要小心了:
***
睇埋個鼻同顴,其實傑青小姐都只係一般,佢鼻係夠直,「有名氣」(做傑青都算「有名氣」喇掛!」,「丈夫為專業人士,乜師物師,肥佬(大裁判!?)」,唔可以話太差,但準頭同鼻翼唔夠豐滿,未必能成大富,只是前面不見鼻孔,主其人相當「珍惜金錢」。
又,顴骨只屬一般,無乜肉,易剋夫。
***
【傑出女青】五成首期兩年供完 全城圍插出爐傑青

出爐傑青黃仰芳拋出「上樓方程式」,並稱自己在2004年買入300萬單位,在兩年內「供斷」,成為全城熱話。記者翻查紀錄,發現黃其實是在2003年買入價值231萬元的將軍澳單位;據了解,黃是一筆過支付了樓價的一半,再在餘下兩年清還約115萬的餘款;黃仰芳暫時未有回應。
黃仰芳日前表示自己27歲已經上車,2004年斥300萬元在將軍澳買入1個900呎單位,並在兩年內「供斷」。記者翻查土地註冊處紀錄,發現黃仰芳在2003年11月置業,買入將軍澳中心2期的一手單位,建築面積899呎,買入價231萬元,而非300萬元;單位持有至今,現估值819萬元。
《蘋果》早前報道誤指黃仰芳的單位並無按揭紀錄,翻查資料,黃其實在2003年11月向星展銀行承造按揭,並在2006年7月償清,歷時2年8個月。據了解,黃仰芳購入單位時,支付的首筆款項佔樓價的一半,後來家人憂慮加息,着她將佣金收入用來交付樓價尾數,最終在兩年多後付清樓價。記者致電黃仰芳查詢,但她一接電話後就立即掛線,未有回應。
傑青小姐最差係個嘴,細心睇,會發現如果以佢上唇人中位作中間點劃一條線,同下唇係對分唔到嘅,「嘴歪則言語不誠實」;同埋佢下唇明顯比上唇厚,重慾寡情,怪唔得事事向錢看(除「情慾」外,「慾」亦可解「物慾」)。另外佢個嘴都算幾大,事業心重,怪唔得識得出「4倍界王拳」去買樓喇!

43 則留言:

  1. 塘人都唔覺得佢個相可以表達出佢咁富貴,家陣都仲要做到西咁喎

    回覆刪除
  2. 有青真係俾人賣咗(蛇果)都仲要幫人數錢.
    成個故事,只係睇到人哋識得咩咩人,而唔睇人哋努力到咩程度,因而識到咩人. 哈哈.

    回覆刪除
    回覆
    1. 其實問題係你要去到幾盡, 先可以識到「貴人」囉! 俾着自己,又做唔做到來, 啱唔啱自己性格呢?

      刪除
    2. 問題就在此! 人哋發咗, 就眼紅人哋, DIU.
      講真,有時有啲位, 要自問自己做唔做得嚟. 例如有啲人做唔到SENIOR MANAGEMENT, 唔係因為經驗能力, 而係性格上, 唔適合做.

      刪除
    3. 明明自己無能力玩或者唔啱玩的玩具,都要冤住阿媽買, 只能夠係話港孩心態.

      刪除
    4. 仲要懶係清高嗰下夠啜核嘛. DIU........

      刪除
    5. 如果唔清高,好難自我感覺良好的.

      刪除
  3. 佢講嘅嘢,當小說咁睇,無問題!嘻嘻!

    回覆刪除
  4. 依然係成功靠被幹實例la~
    先唔講傳銷係陰質錢.....
    要傳銷賺到幾皮一個月...基本上都係同麻甩佬傾床單la....
    做伸熊j都一樣...講真...你咁醒自己炒股夠供斷幾棟樓la...
    年中幾多呢d例子...我識投資但係我黎賺你d佣
    其實唔衰多口咪幾好...如果係實幹o既人冇理由唔明....

    回覆刪除
    回覆
    1. 床單我就有少少保留. 如果佢係出盡洪荒之力去傾床單,應該唔敢咁高調去選傑青, 否則成咗名好易俾以前的「恩客」敲詐,隨時得不償失.

      「財策師只係sales賣保險」其實係我城的悲哀, 真正的financial planner基本上係同「家庭醫生」無乜分別, 不過傷港太細,好易山水有相逢,俾個陌生人知道自己咁多嘢又實在唔係幾妥.

      刪除
  5. 針對此事,阿陶才子有咁既睇法:

    “「女傑青」的獲選成就,原來是 27 歲上樓,29 歲供完樓,她的「傑青心得」,是「每一日比其他女仔付出多四倍」。純粹按照此一數字標準,我相信在八十年代英治時期,尖東大富豪和中國城,接近半數小姐,都可以提名選「女傑青」。”

    咁我相信80年代這些小姐們的面相,應比這位黃傑青更加靚吧:) 又靚又“勤力”,抵佢哋發!

    回覆刪除
    回覆
    1. 陶藝才子呢段,明顯又係「天狗食日」式的詭辯.

      刪除
  6. 有青又唔想付出,又想發達。

    回覆刪除
  7. // 咁我相信80年代這些小姐們的面相,應比這位黃傑青更加靚吧:) 又靚又“勤力”,抵佢哋發!

    相信果班揾得多使得仲多。

    //做伸熊j都一樣...講真...你咁醒自己炒股夠供斷幾棟樓la...

    杰青果間唔係姓郭做地產果間,此伸熊j市值得幾十億,差好遠,大股東係光大。HQ 0係利園,唔係SHK中心。

    回覆刪除
    回覆
    1. //相信果班揾得多使得仲多。

      鼻孔微露,疏爽之人.

      //杰青果間唔係姓郭做地產果間

      此新組A不同後新組A, 16 + 70 = 86, 搞錯咗就又7又10了.

      刪除
  8. 其實我都唔知妄民有乜好批評,人地有犧牲自然有得著,肯唔肯犧牲純粹系個人價值觀,話人地“無靈魂”,咁如果有個人讀大學開始就埋首藝術修養,"十年睇唔到五場演唱會/電影“(假設其藝術範疇與音樂及電影無關),又"唔同同事去茶餐廳hea坐吹水",咁佢又有無”靈魂“呢?反過來說,你班妄民有青十幾年青春就花在不著邊際的吹水、睇戲睇concert,又幾撚有靈魂呢???

    其實如果對方要既嘢根本系你地唔稀罕既,你地又會唔會批評呢?定話根本你就恨,但自己“又痕又怕痛”學唔到人,所以先出口批評呢?

    //要傳銷賺到幾皮一個月...基本上都係同麻甩佬傾床單la....

    根據其年齡,其參與傳銷之年代應該是90年代,當時小弟“有幸”接觸過傳銷人士,其實當年最好昆者為中老年女性,應該和“床單”關係不大;當年最當紅為NuLife(有無人記得太子旺角警署附近個總部?),經常推一些明星級經理做icon,當中好多女性都系其貌不揚的。

    //“「女傑青」的獲選成就,原來是 27 歲上樓,29 歲供完樓,她的「傑青心得」,是「每一日比其他女仔付出多四倍」。純粹按照此一數字標準,我相信在八十年代英治時期,尖東大富豪和中國城,接近半數小姐,都可以提名選「女傑青」。”

    這是“監人賴後”之言,黃小姐得「女傑青」,大會從來沒說過標準是“27 歲上樓,29 歲供完樓”(這算不算“稻草人謬誤”?)。

    據老前輩所言,如果個個“尖東大富豪和中國城接近半數小姐”搵到錢都識諗,傷港早就周街富婆了。

    PS 90年代末馬交最火時,傳聞的確是好多高質紅牌回蝗買樓買田做晒富婆的,“八十年代英治時期接近半數小姐”也相形見拙。

    回覆刪除
    回覆
    1. //“無靈魂”

      話嬸早搖「無腰骨」,盲目討好學生,係因為佢嘅學識、名聲、社會地位;話傷港班「知識份子」係「港豬」,係因為佢地嘅思考能力跟學識不成正比。觀乎傑青小姐,查實佢未「成名」(即係當選傑青)前都只係 nobody(我唔認為某某機構的高層管理人夠格叫做「somebody」),拜金貪錢基本上係一貫港女特色,沒什麼奇怪;而且在訪問中佢強調的只是自己廿多歲時的情況,說「成功需要有痛苦的經歷」,我就唔覺有需要 expect 當時嘅佢「有靈魂」。
      再退一萬步來說, 即使成咗名以後,社會又對「傑青」要有點嘅期望呢? 係咪要視錢財如糞土?

      //你班妄民有青十幾年青春就花在不著邊際的吹水、睇戲睇concert,又幾撚有靈魂呢???

      查實我都好少同同事吹水的,無論是新公司家舊公司都係,一個月都唔會有一次。

      //其實如果對方要既嘢根本系你地唔稀罕既,你地又會唔會批評呢?定話根本你就恨,但自己“又痕又怕痛”學唔到人,所以先出口批評呢?

      正如我話我們不會時時將「我在呼吸」掛在口邊,班妄民成日拎住嚟講,「梗係有啲嘢」,此地無銀三百兩是也。
      妄民多數都係「文化藝術派」,講究精神不論物質,應該係「講物質」的入門門檻高,人文藝術政治吹水的入門門檻低吧!

      //當年最當紅為NuLife(有無人記得太子旺角警署附近個總部?),經常推一些明星級經理做icon,當中好多女性都系其貌不揚的。

      呢下嘢我真係唔識!多謝客席主持補充!

      //大會從來沒說過標準是“27 歲上樓,29 歲供完樓”(這算不算“稻草人謬誤”?)。

      我覺得係稻草人加偷換主題的混合.

      稻草人論證
      稻草人(straw man)論證或稻草人謬誤、攻擊稻草人、刺稻草人、打稻草人是曲解對方的論點,針對曲解後的論點(替身稻草人)攻擊,再宣稱已推翻對方論點的論證方式,是一種非形式謬誤。
      稻草人論證有時會和「偷換主題」、「偷換概念」混稱,但嚴格而言未必相等:後二者是蓄意扭曲原論點,而稻草人論證可能是攻擊者有心扭曲對方論點以達貶低效果,也可能是攻擊者無心地誤解了對方論點,或對方論述不清致使攻擊者誤會。

      //90年代末馬交最火時,傳聞的確是好多高質紅牌回蝗買樓買田做晒富婆的

      真. 沉船年代.

      刪除
    2. 得獎者 黃仰芳
      職業界別 公共及社會服務
      職業 新鴻基尊尚資產管理,高級董事和南太平洋業務發展主管
      傑青人生座右銘 如欲享有成功的回報, 先要準備經歷成長的艱苦
      提名人 陳智思
      ------------------
      可能趕到水尾做傑青(年齡限制40),太開心。

      以往大家喜歡看成功人士的故事,自從“睇人仆街最開心”成為香港的其中一個核心價值,傳媒都要跟隨。
      ”如欲享有成功的回報“......大家都預祝你當選後有另一個高峰
      “先要準備經歷成長的艱苦”.....核心價值,個個香港人都會的

      不過,提名人係陳智思,就有點意外。 (可能他們是潮州商會的關係)

      Lawrence

      刪除
    3. //根據其年齡,其參與傳銷之年代應該是90年代,當時小弟“有幸”接觸過傳銷人士,其實當年最好昆者為中老年女性,應該和“床單”關係不大;當年最當紅為NuLife(有無人記得太子旺角警署附近個總部?),經常推一些明星級經理做icon,當中好多女性都系其貌不揚的。

      多謝指正~其實我都記錯~我將傳銷同而家直銷撈埋O左~
      傳銷係LB果種...基本上好似犯法...所以佢夠黑心有可能賺到呢個數~
      直銷係AMWAY果類...我有個姑姐昆D師奶買野...昆極都係一萬幾千...
      最近有條藍絲叫我去聽網上直銷...跟住D成功人士做咁多年都10萬8萬...
      所以我講每月3萬係好誇...

      刪除
    4. //最近有條藍絲叫我去聽網上直銷...跟住D成功人士做咁多年都10萬8萬...
      所以我講每月3萬係好誇...

      ANYWAY 太old school,七色吸塵機同電解水賣單一產品好似好揾好多

      //經常推一些明星級經理做icon,當中好多女性都系其貌不揚的。

      真係唔使靚仔靚女 XD
      詳情google 6A2 還原水, 魔兄有興趣的話可以順手幫佢地睇下相

      刪除
    5. //自從“睇人仆街最開心”成為香港的其中一個核心價值,傳媒都要跟隨。

      依家係見到人成功, 就一定要找碴, 潛台詞就係「唔做衰嘢就不可能成功」, 所以「懶清高的人就一定失敗」.

      //傳銷係LB果種...基本上好似犯法...所以佢夠黑心有可能賺到呢個數~

      層壓式就係犯法.

      //魔兄有興趣的話可以順手幫佢地睇下相

      http://enagic-asia.com/tc/download_details.php?c=10

      DKLM, 果然係相由心生, 個個都一巖一忽咁嘅!

      刪除
    6. //查實我都好少同同事吹水的

      你話食飯吹兩句就無乜所謂,但你話真系lunch hour在office坐系位互吹就真系幾年都無試過。其實工作關係都系萍水相逢,有緣啱傾就傾、唔啱傾就biz is biz算數,我唔明點解傷民好似當呢d social系生活必須。C朗都曾經講過我加盟球會系嚟踢波唔系來識朋友,咁佢可能都好無靈魂勒。

      //多謝客席主持補充!

      當年系純幫襯,買左d代餐奶粉做減肥用。另外當年NuLife最生招牌系蘆薈產品,但而家蘆薈已經系“顯學”周街都有,佢而家靠乜就真唔知了。

      //我將傳銷同而家直銷撈埋O左~
      //傳銷係LB果種...基本上好似犯法...
      //直銷係AMWAY果類...我有個姑姐昆D師奶買野...昆極都係一萬幾千...

      我開頭都唔知乜嘢LB...上網搵先知道原來有間咁嘢賣香薰燈...
      佢如果要個下線自己掏荷包買貨,咁就一定系層壓式了
      NuLife就一半半...唔使買貨,但下線賣到幾多上線就一層層拆上去,所以都叫做傳銷
      而家直銷意思應該系無分上下線,sell到幾多就系自己的

      //ANYWAY 太old school

      90年代健康食品系新玩意,對傳銷/直銷來講系niche market,但而家普及晒,common如屈仔萬寧都大把你揀,更唔好話點同iherb等網購爭了。

      不過原來NuLife仲系度的,搬左去星光行,似乎仲頂得住貴租:

      http://www.nulife.com/hk/company/%E9%A6%99%E6%B8%AF%E5%8F%8A%E6%BE%B3%E9%96%80%E6%9C%8D%E5%8B%99%E4%B8%AD%E5%BF%83

      //http://enagic-asia.com/tc/download_details.php?c=10

      “哇,靚仔到吖”(尤其系果位黃生)

      https://youtu.be/J26DL0usk_s?t=50m34s

      刪除
    7. //其實工作關係都系萍水相逢,有緣啱傾就傾、唔啱傾就biz is biz算數,我唔明點解傷民好似當呢d social系生活必須。C朗都曾經講過我加盟球會系嚟踢波唔系來識朋友,咁佢可能都好無靈魂勒。

      你咪話,我新公司呢班80尾90後霉妹仔,真係當班同事係family的(所以我又好unapproachable咁佢地格格不入了)。

      //我開頭都唔知乜嘢LB...上網搵先知道原來有間咁嘢賣香薰燈...

      LB 係「真。虎穴」來的。

      //90年代健康食品系新玩意,對傳銷/直銷來講系niche market,但而家普及晒

      我諗起林子祥同佢林公仔 XD

      //“哇,靚仔到吖”

      哇,你個港產片之王吖!

      刪除
  9. //當年最當紅為NuLife(有無人記得太子旺角警署附近個總部?),經常推一些明星級經理做icon,當中好多女性都系其貌不揚的。

    讀書時有幸被邀上去傾生意,ben hur 咁既場面。 一聽個制度,就知賣人頭多過賣健康產品,好在對快錢欲望有限又自知自己唔係食呢行飯材料,帶我上去條柒姑碌又唔識困獸鬥XD 聽佢地D職位名乜鬼紅藍寶石經理我覺得柒過柒碌,仲記得最頂果浸叫彩虹鑽石經理。

    回覆刪除
    回覆
    1. //讀書時有幸被邀上去傾生意,ben hur 咁既場面。

      你地咁幸運「識」到咁多人! 細個嗰陣時我怕死, 唔敢「深入虎穴」,否則見識下都好.

      //仲記得最頂果浸叫彩虹鑽石經理。

      點解唔係藍寶石王子...

      刪除
    2. //點解唔係藍寶石王子...

      藍寶石王子個年紀唔係摩摩口中的target market 喎

      銅鑼灣日式百貨隔離果間D title 好似真係乜乜公爵之類,有咁柒時得咁柒。

      果陣傷界可能未興美式Title , 否則可能一大堆鑽石MD、紅寶EVP、水晶AVP,經理仔邊見得人

      PS 我有朋友賣水機,而家日日在FB 「深入虎穴」

      刪除
    3. //聽佢地D職位名乜鬼紅藍寶石經理我覺得柒過柒碌

      而家D直銷都仲係呢D級別...7足20年....

      刪除
    4. //我有朋友賣水機,而家日日在FB 「深入虎穴」
      //而家D直銷都仲係呢D級別...7足20年....

      唔明點解仲有人參加啲生意, 呢個只係找傻瓜遊戲, 唔通扯旗山下真係咁Q多老襯?

      刪除
    5. 揾少量有錢傻瓜應該易過電騙

      刪除
  10. 依書直說看游氏 (魔術師可否幫她看看)
    她的言論超越底線, 無知不是抗辯的理由.

    回覆刪除
    回覆
    1. 我覺得係背後班軍師集體創作的「成果」。

      刪除
    2. //依書直說看游氏 (魔術師可否幫她看看)

      我怕對住小三幅相又剪又栽會好難頂喎!

      //無知不是抗辯的理由
      //背後班軍師集體創作的「成果」。

      斷估佢唔係無知,只不過係將登高仔(通稱「妄民」)言論搬上台面啫.

      刪除
    3. 呢件事唯一感性感受系:原來想做個理性香港人,系真系好攰的。

      理性上,我反而留意到鄭蟲蟲完全無玩嘢一take過,呢個就真系背後軍師:郁人既differentiation策略勒。

      另外鄺葆賢之前臨急臨忙割席,相信佢都sense到d嘢...

      刪除
    4. //原來想做個理性香港人,系真系好攰的。

      我啱啱寫完一篇,都有啲攰。不過作為伊謝爾倫要塞指揮官,點都要set好個埸俾大家來心理排洪的!

      //我反而留意到鄭蟲蟲完全無玩嘢一take過,呢個就真系背後軍師:郁人既differentiation策略勒。

      宣誓玩嘢唔會玩到正苦,反而係玩自己多啲.

      //鄺葆賢之前臨急臨忙割席,相信佢都sense到d嘢...

      我諗佢可能係真心膠, 後來知道上咗賊船便嗱嗱臨閃,否則佢都有可能出選超區吧?

      刪除
  11. 玄學術數真係好有趣。尤其面相,可以在日常生活中驗證,之前係電台聽完面相學,我真係俾錢去箍牙!但是我D玄學知識都黎自D明星風水師,始終大學少上呢D course。利申:中大畢業生。

    回覆刪除
    回覆
    1. 師父教落: 紫微八字睇自己, 手相面相睇別人.

      刪除