城市論壇論胡官（２０１６年１０月３０日）

未睇正場，先睇花絮。原來小Ｌ老Ｃ被鬍鬚佬用波鞋掟中對波心口，再反彈落地：

劉小麗出席城市論壇遭一漢擲鞋 更新：2016/10/30 18:11

立法會議員劉小麗出席港台節目《城市論壇》期間，被一名男子擲鞋，擲中身體。劉小麗報稱手部受傷，到醫院驗傷。警方暫時列作襲擊案處理，未拘捕任何人。
事發在節目中途休息，一名戴著藍色帽的男子懷疑脫掉自己的鞋擲向劉小麗，港台工作人員立即上前，將該男子帶走。當時正討論特首選舉。
港台發聲明指不論政見如何分歧，都不應訴諸暴力，主持蘇敬恆亦在節目上譴責。出席論壇的保衛香港運動成員，即時跟擲鞋的人劃清界線。
劉小麗節目後在女警陪同下，到律敦治醫院驗傷，她指擲中心口及左手，手有些紅。警方暫時列作襲擊案處理。

信報　2016年10月31日
劉小麗《城壇》遭掟鞋擦傷
仍未完成宣誓的立法會議員劉小麗，昨日出席港台直播節目《城市論壇》時，被一名男子以球鞋擲中手臂擦傷。劉小麗譴責暴力打壓言論自由，「保衞香港運動」發起人傅振中稱施襲者非其組織成員。警方昨晚將案件列為普通襲擊，交由東區重案組跟進，暫無人被捕。
港台《城市論壇》昨日如常在維園舉行，至第2、3節之間的休息時段，一名頭戴「保衞香港運動」藍帽、蓄長鬚男子，突從後排座位行前，脫下球鞋擲向劉小麗，該名男子隨即被工作人員押走。劉小麗其後要求報警。
劉小麗指擲鞋「力度唔細」，擦傷其左前臂及胸口，她繼續參加論壇，之後由救護車送往律敦治醫院驗傷。她於Facebook專頁稱，「保皇黨已經係無所不用其極，喺我哋議會上、法治上，甚至乎喺民間，都施行種種搞亂香港嘅手段。」
當時在現場的傅振中表示，上周三於立法會外集會時才認識該掟鞋的男子。「保衞香港運動」其後發表聲明，譴責所有暴力行為。
前公民黨黨魁梁家傑及前民政事務局局長兼「反辱華反港獨」大聯盟副召集人藍鴻震亦有出席論壇。對於宣布參選特首的退休法官胡國興質疑其他有意者為何遲遲未表態，梁家傑認為是其他人「等中央開綠燈」，令市民感覺「好似唔係有承擔」。

又係一片混亂，只能夠依討論題目抽幾句出來講。

城市論壇：等待天機到，換人都冇用？政局大裂縫，靠法官修補？(Leader change won't solve issues??)

發佈日期：2016年10月30日
嘉賓:
梁家傑　第三屆行政長官候選人　Alan Leong Kah-kit　Candidate, The Third Term Chief Executive Election
藍鴻震　「反辱華反港獨」大聯盟副召集人　David Lan Hong-tsung　Deputy Convenor, Anti-China-Insulting Anti-independence Alliance
劉小麗　立法會議員　Lau Siu-lai　Member, LEGCO
黃成智　新思維成員　Nelson Wong Sing-chi　Former member, Third Side
主　持： 蘇敬恆

對胡官的評價
黃零智：「我話胡官一定選唔到！依家無論邊個選到都好，都只會向樁秧正苦負責；所以如果胡官能夠當選，就唔再需要要求推翻『８３１決定』，不如繼續１,２００人小圈子選舉算了，大家都開心。」（８：４８—９：３０）
魔：以一個假設性的結果（不如繼續小圈子選舉）來證明某事（胡官當選）不可行，呢啲係乜嘢邏輯？同財演所謂的「如果大貓會摺埋，咁好多人都會唔掂」有乜分別？
小ＬＬＣ：「淨係識得批評６８９唔係政綱嚟嘅！真正的特首候選人應該對我城的民主運動有承擔、有願景、對民生議題有承擔，呢個先係一個完整的政綱。無論邊一個候選人當選，佢都只係需要對１,２００人的選委會負責，都只係會對利益集團、商家負責。好人選到入去都會變成利益集團的傀儡。今時今日傷港之所以撕裂係因為特首根本無需要為民生和民主運動去承擔，所以最重要的是突破１,２００人的小圈子選舉。」（９：３６—１０：２３）
魔：「對民主運動有承擔」先係政綱云云，呢個只係小Ｌ老Ｃ的個人價值取向；呢個世界亦會有人認為「要對殺人政權、商家有承擔」，才算係政綱的。故此小ＬＬＣ唔應該以描述「客觀事實」的口吻講。乜嘢叫好人選到入去都會變傀儡？咁係咪應咗李＋Ｘ話「叻嘅人唔出來做」的講法（呢個世界唔會有叻人想變傀儡的）？又咩嘢叫做「突破１,２００小圈子選舉」？點突破法？
小ＬＬＣ：「任何人要得到市民嘅支持，最重要就係要突破１,２００小圈子選舉。...我認為佢最重要的就是要配合民間的特首選舉運動。如果有幾個候選角力，然後做一個公投，得到過百萬的市民支持，咁我地何妨團結１５０個選委，令到佢成為一個變相的公民提名呢？佢必須要配合反對派的民間特首選舉，咁佢先有民間認受性。」（１０：３２—１１：０３）
魔：小ＬＬＣ隻隻字都講得咁鬼肯定，「一定要」、「必須」等，霸氣十足。未奪權已經係咁，掌權後就只會更須我者昌、逆我者亡。得到市民的肯定，跟是否受１,２００小圈子支持，沒有必然的衝突，呢個只係小ＬＬＣ將選委會跟市民製造敵我矛盾，二元對立的手法。人地特首跑馬仔係有時間表路線圖，你個「民間特首」有乜時間表？聽都未聽謂過喎？就算真係選上了做「民間特首」，辛辛苦苦拎到１００萬票「公民提名」，結果又係換返１５０張選委提名票，又入返去個小圈子選舉制度裡面，乜咁就叫「突破」？如果該候選人一早有辦法入閘，又使鬼可憐兮兮咁去求你班反對派咩？
胡官論巷蜀
小ＬＬＣ：「好多人都會認為巷蜀是不能支持的，係不切實際；但除此之外，佢地有無提出過一個更加好的方法令到傷港的民生和民主運動有更加好的推進呢。呢個先至係討論嘅重點。」（１２：５５—１３：０６）
魔：指出你的做法唔可行，唔等於我有責任提供一個更好的方法。瀆派成日問人「咁你有無更好的方法呀？」，就算無方法，都唔等於要故意整一條死路俾自己行。
即使換咗人，巷蜀會收手嗎？
小ＬＬＣ：「第一，我就唔你巷蜀的代表人物；第二，巷蜀的最大幕後黑手、大炒家就係６８９。咁你咪問下佢自己幾時收手囉？...即使民間有巷蜀的聲音，都係因為年青人的前途見唔到希望，我地嘅人生被『割劫（？）』，民生被犧牲。真正有承擔的特首候選人就應該去改變呢個矛盾，改變傷港人的整體生活。」（１３：１９—１３：５０）
魔：小ＬＬＣ戴頭盔都戴唔切，馬上要跟糧油的瀆派割蓆乎？又，小ＬＬＣ要的不是特首，似乎是革命家多啲。
藍爺投訴小ＬＬＣ：「你無證無據，唔能話６８９係巷蜀之父。你係垃圾會，又係老Ｃ嚟架！」小ＬＬＣ：「我都係跟誠報講。」涼瓜杰：「如果唔係三年前６８９提及藍大本『傷港民族論』，邊有人講巷蜀？所以６８９係巷蜀之父。」藍爺：「呢個係你嘅見解。」涼瓜杰：「呢個係客觀事實。」（１３：５２—１４：５５）
魔：涼瓜杰講緊咩？好似熱狗、國師、煉穴腫、與及一眾妄民，煲巷蜀都好似煲咗好幾年架喇喎！
小ＬＬＣ：「解決６８９就能夠解決巷蜀的問題。」（１８：０９—１８：１２）「換制度」（１９：４０）
魔：如果真係換咗人就無巷蜀，咁即係話巷蜀只係對人不對事的叫叫嚷嚷？咁之前講的什麼「青年人見唔到前途有希望」又去咗邊？小ＬＬＣ你唔好話一換咗人，青年人就馬上覺得「人生滿希望，前途由我創」喎！
２３條立法
黃零智：「《基本法》２３條，就算傷港有真普選，都唔應該立法。蝗國一日無民主，傷水港始終都會受制於一個無民主的國家...(主持：即係國家主席都要由普選產生先可以為２３條立法？）我覺得係啊！」（２３：３５—２４：２８）
魔：膠。
小ＬＬＣ：「唔係敵人好強大，對你壓迫你就要自刎嘅！」（２６：１４—２６：２０）
魔：強大的敵人對人壓迫都唔應該自刎...女女女？
重啟正改
小ＬＬＣ：「港豬好多時就係諗住選個賢君出嚟就得。好明顯唔係，傷港的問題是小圈子選舉，好人選到入去就會變傀儡...港豬以為靠溝通就得，樁秧就會退。好明顯唔係。呢個人一定要配合民間力量，令民間能夠團結，然後推動民主運動，掀起憲政危機，呢個人先至有機會同樁秧談判，令樁秧尊重人民的意志。所以賢人政治與軟弱溝通，以為別人會退讓，呢個係錯誤的想像。」（３０：５０—３１：３５）
魔：小ＬＬＣ成個節目不停 loop 「好人會變傀儡」、「民間特首」...十劃有一撇未？既然「好人會變傀儡」，點解呢個人又會冒咁大的險，以「掀起憲政危機」來用全城福祉賭一鋪？曹孟德挾天子以令諸侯，小ＬＬＣ的理想突手就「挾港豬以令樁秧」，咁小ＬＬＣ又憑乜嘢認為樁秧點解要受你要脅？難為佢仲可以字字鏗鏘，似乎真係真心相信自己所言。真係奇哉怪也！

嘩，呢位同學，竟然問：「如果我城可以起海水化淡廠，買泰國米等等，可以解決到『巷蜀的可行性』的問題，咁胡官係咪要撐巷蜀呢？」（３３：０４—３３：４１）
所以，魔術師一向都唔讚成將巷蜀定性為「偽議題」。正如呢位黃Ｃ同學所言，只要解決到「可行性」，巷蜀就係「真議題」；而要辯倒呢班人，就要講俾佢地聽，佢地一來無計劃，就算係吹出來的計劃，也只是天方夜譚，完全不可行，連「假設性可行」的可能性都無。
＊＊＊
查實，點解涼瓜杰個title點解係「第三屆行政長官候選人」嘅？「第三屆行政長官選舉」，一早就成為過去式喇！
又，藍爺係咪患咗ＡＤＨＤ（注意力不足過動症），成個節目愈說愈興奮，手舞足蹈，仲有啲語無倫次，真係驚佢會爆血管！