落難公主 keep 住靚

港女戶主與疑似軟飯王男友、爸爸、細佬同在屋簷下，４００萬買６００呎３房居屋四個大人一齊住，究竟會點樣裝潢呢？（３７：０８—４８：０４）

樓盤傳真 2016/10/22 2016/10/22 22:44

新盤加價力度較過往進取，將軍澳藍塘傲累積加價逾一成，香港興業屯門二線盤也開價過萬元。 

二手樓繼續破頂，連火車頭太古城放盤也叫價逾千萬元，呎價圍到一萬八千元，媲美豪宅盤。 

套丁案後，丁屋樓花買賣變得更低調，由於風險提高，要追究交樓手工質素問題變得更困難。 

居屋有一款呂字形廳間隔很常見，設計師利用中間最窄位置，經改動變為梯形廳，做法創新。

５９２呎居屋，呂字型廳走廊窄，空間難運用；港女戶主多鞋多衫又多包包，要更多收納空間；房間空間又要再劃分，原本只有兩個「客廁」，要住要得舒適要有套廁，鴛鴦汽水扑起嘢上來好玩啲，即係扑爛哂啲牆....不過今次出來表演的唔係鎢絲 sir：

個計劃是咁的：打算將來細佬結婚搬走，女戶主一家便可以同爸爸住，「方便照顧」（記者妹如是說）；但究竟係兩個後生照顧爸爸，定係爸爸照顧兩條有青，不得而知；但肯定的是細佬間房將來會變成「小朋友房」。於是設計師將原本廚房牆拆去，縮小廚房空間，加上斜牆將呂字型廳便成鑽石型（上圖），在電視櫃之後便多了一個小小的雜物房，由暗門出入（上圖紅圈）。原本兩個廁所，本來靠裡面的廁所可以淋浴；但設計師將兩個廁所的功能調轉，將靠裡的廁所門口移入，將門口開在主人房內變成「套廁」（其實係有半個廁所是在走廊，下圖紅圈）。主人房要有兩個櫃，所以磚牆全拆，以衣櫃間房偷位（下圖）：

叫得設計師搞，例牌實在唔等使 display area 放擺設，只會抹餐死（左上）。雜物房的暗門是拉出來的，似乎都頗花氣力（右上、左中）；雜物房可以放大型家品如熨衫板...熨衫板旁還有麻將枱一張，十分基層（右中）。港女戶主最喜歡購物，心情女買鞋，心情唔好又買鞋，儲儲埋埋有過百對鞋，點着都着唔哂，只有要求設計師幫手諗計「增加收納空間」，造櫃造到周圍都係（左下、右下）：

飯廳細細個，又係有企身櫃，玻璃枱細細張，張凳又細細張，點坐四個大人？九成都無飯夫婦，細佬返唔返屋企就唔知，老豆就有可能宅在家餐餐煮全家飯（左上）。天花燈作花狀，無乜情調，寧願用鎢絲燈好過（右上）。矮櫃上放了個電熱水壺，成陣公屋基層味（左中）；櫃桶用黑色把手，望落去手工頗為粗糙（右中）。廚房用磨砂玻璃門，微波爐放在工作枱面，但一拉開門便會阻住電磁爐頭（左下）；不過最具違和感的是工作枱下方的擺了出飯廳，竟然擺了個焗爐，究竟係比老豆用定係港女戶主親自下廚呢（右下）？

此案例怪在懶有設計 taste，但卻處處滲着「簡樸」的公屋味道。入到主人房，睡床靠牆放，床頭板鋪軟墊讓戶主可以挨在其上看書；藍白間條床單的調子很奇特，差粒星便可以扮「美帝隊長」（左上）。男戶主睇怕要訓入面，硬食橫樑壓頂，床尾又造櫃，水藍色牆身其實只係油下灰水便算（右上）。冷氣維修口以木板遮住，十分之唔夠型格（左）。主人房唯一好處是景觀開揚，小西灣運動場與藍塘海岟址收眼簾（右中、左下、右下）：

設計師話要以女性化格調幫女戶打造「公主屋」（你話男友戶主係咪要入贅呢？），包括玫瑰花地氈與唔知會唔會墥親人的玻璃吊燈（左上）、門框上的歐式雕花（右上）、梳妝枱上放隻玻璃鞋（左中、右中）。由於要拉起枱面先拎到化妝品，咁即係梳妝枱面不能長期有嘢放喺上面（左下）。細佬房之間的牆身以企身櫃，內藏大班企身鏡（右下）；無錯係「偷到」空間，但係當「住居屋都要 keep 住靚」， work hard play hard 後，想在私淫空間內 f me harder 都唔係咁易：衣櫃間牆的隔音功能如何？

套廁用磨砂玻璃門，但由於沒有淋浴設施，婀娜的洗澡人影就無，只有踎塔的朦朧人影，實在有點煞風景（左上）。鏡櫃有裝滲燈，雖是小設計但很好用（右上），不過鏡櫃後的又係化妝品，真係睇到令人生厭（左下）。記者仔話套廁有盞水晶吊燈，「更增貴氣」，魔術師就唔明，水晶吊燈點樣配合個馬桶就真（右下）：

講完一輪，說好的老豆房、細佬房、另一個客廁呢？木宰羊。咁其實所謂「一家同住」，又打算生Ｂ的男女戶主，究竟係戶主相照顧老人家，定係想老人家照顧自己，可思過半矣。