客席主持論新聞雜評（一百三十）

見摩摩咁賞面，一路睇緊波一路留言（見《新聞雜評（一百三十）》），仲咁鬼有深度，魔術師作為「地主」（「一盡地主之誼」的「地主」），又點可以叫摩摩一番心血話咁快就沉底呢？
＊＊＊
有關傷港民族的「末落貴族心態」

1）而家最大的問題，可能不是「怪獸家長」，而是「怪獸學校」。之前阿米講的有部份是對的，就是排名無咁高的學校，校長反而會有誘因為KPI催谷學生，而且呢類學校間間都有催谷成份，只是谷多谷少之別，好多家長都面對仔女做唔晒功課而隨時要幫仔女做埋的問題--你唔幫又唔得，因為d功課又計分，有時d先生都覺得功課太多，明知係家長出手做都隻眼開隻眼閉。呢d情況要到個校長好離譜，功課多到完全無法應付，家長在網上嘈到拆天時，先至有可能改善--我以前間學校小學部就係好例子，有個校長新上任就要做野證明自己，結果就被逼宮下台。不過改善後仍然是谷，只是谷少d而已。
但阿米亦唔係全對：唔好以為最top名校唔谷就無壓力，佢地根本假設了你地要「自谷」（自行補習），成績掉隊太勁就會俾壓力個學生同家長，最worst case當然是要你轉校。
現在唯一能避開催谷的方法，就是讀起碼6位數學費一年的國際學校...
而所謂「催谷」，就是「機械式操練」，例如加減乘除要你做夠一百幾廿條，重點就是拉高學生的總體分數。功課多之餘，測驗考試亦頗頻密，好多家長為了提高應付效率，會預先定好考試前每天溫習計劃。故好多學生的學習生活，其實是「不停地在壓力下接受別人安排的枯燥操練」。
先聲明「安排溫習計畫」的已未必是怪獸家長，只是想最efficiency保住合格底線而已；好多家長其實已經盡量在週末不為子女報名課外活動或補習，而由得子女能輕鬆過個週末。

／／就是排名無咁高的學校，校長反而會有誘因為KPI催谷學生
係咪KPI唔夠好就會被殺校呢？又係689政權的逼害？
／／呢d情況要到個校長好離譜，功課多到完全無法應付，家長在網上嘈到拆天時，先至有可能改善...有個校長新上任就要做野證明自己，結果就被逼宮下台。不過改善後仍然是谷，只是谷少d而已。
如果某程度上可以靠「上網唱衰」紓緩到個問題，咁 即係話KPI唔係死命令，而只係校長的個人野心意願。可唔可以同蝗國的「中央下令」與「地方執行」作類比？
／／唔好以為最top名校唔谷就無壓力，佢地根本假設了你地要「自谷」（自行補習），成績掉隊太勁就會俾壓力個學生同家長，最worst case當然是要你轉校。
呢個係傳統名校的做法，你入得嚟就預咗要有「自行跟大隊進度」的覺悟，跟唔到被開除就打死無怨。
／／而所謂「催谷」，就是「機械式操練」
如果目的係KPI，咁「機械式操練」是否「安全系數最高」的方法去達成KPI？
／／好多家長其實已經盡量在週末不為子女報名課外活動或補習，而由得子女能輕鬆過個週末。
其實魔術師的舊同事都有同感，不過又係嗰隻唔能夠好似摩摩咁有條理地表達到個問題出嚟，到最後只係淪為「老鼠跑圈」，卻又「不得不跑」的無力感。
其中人辦當然就係博士K：聽佢言談之間會發現其實係佢個港女老婆要追名校，博士K又未能完全排除到「起跑線論」，只能半推半就，一家人「一起去追」而已。

2）而因為整個學習生活都是「不停地在壓力下接受別人安排的枯燥操練」，所以會形成以下問題：
- 學校生活只圍繞成績，群體活動減少
- 學習的啓發性低，不能培養實際解決問題的能力
- 長期每事都在別人安排下，形成「不知道自己要什麼」

／／長期每事都在別人安排下，形成「不知道自己要什麼」
魔術師認為係「不知道自己為什麼要這樣做」的問題大一點。

3）我波友提過一個佢幾admire的校長，該校長在佔窿時曾發表文章，話「年輕人想藉佔街表達訴求原因是自我中心，而自我中心是因為學習太著重考試成績，而忽略了群體活動中學習」。其實魔兄一早已講過，你想藉挾持要對方滿足你的要求，前提是挾持對象一定是要對方care的才有效果，你挾持條路或背後普羅市民的不便根本就搔不著正苦最癢處，呢種做法同謝遜亂咁殺人意圖逼成崑現身本質上毫無分別，根本是發洩情緒多於一切。連咁基本既人情世故都唔曉，咪搞到自己好似謝遜咁，被中立市民神憎鬼厭囉。
其實傷港教育歷來都不著重思方學（諷刺是蝗國高考數學會教基本邏輯例如「基本條件」「充份條件」「三段論」之類），但以前大家群體生活多，即使無邏輯思維，都會由作為社會縮影的群體生活中，用歸納法學習到人情世故的邏輯；可而家缺少群體生活，學習的又不切實際兼毫無啓發性，自然無辦法區別「應然」和「實然」。

／／你挾持條路或背後普羅市民的不便根本就搔不著正苦最癢處，呢種做法同謝遜亂咁殺人意圖逼成崑現身本質上毫無分別，根本是發洩情緒多於一切
哈哈，謝遜殺人後留言「殺人者成崑」，佔派就猛話「係689正苦造成」，絕對有異曲同工之妙。
／／諷刺是蝗國高考數學會教基本邏輯例如「基本條件」「充份條件」「三段論」之類
本來邏輯思辯係「通識」的基礎，但由於司徒老鬼對教慾界的掌控實在太牢固，班黃C教師根本就唔會有誘因去教呢類「倒自己米」的大殺傷力武器（奇怪的是殺人政權又唔怕教到啲叻人出來？乜唔係人民愈蠢愈易控制咩？）

4）當然更仆街是學習方針集合了東方的缺點，可個個又道貌岸然扮晒西式教育，對年輕人不能苛責只能appreciate，怕傷害年輕人云云...結果個個扮晒偽文青幫年輕人寫飛機文，年輕人被折磨咁多年後，亦終於可以反底肆無忌憚發洩情緒了。

／／個個又道貌岸然扮晒西式教育，對年輕人不能苛責只能appreciate，怕傷害年輕人云云...
所以魔術師一開始就話社會上的頭臉人士只係識講「我地都好愛護年輕人」只會壞事。

5）巷蜀不是偽命題，可俾而家呢班信徒搞就一定是偽命題--因為一幫自我中心之徒，是無辦法達成任何目標的，可現在笨土宣揚的理念和文宣，最吸引的就是自我中心之輩。你睇國師個「城邦論」，主張唔使理殺人政權點諗自己搞就得，咁既邏輯隨時以前跟過大佬劈過友的問題青年用黑社會思維諗下都唔會信啦！

／／巷蜀不是偽命題，可俾而家呢班信徒搞就一定是偽命題
精要！
／／主張唔使理殺人政權點諗自己搞就得
佢地會用by definition將「非自己人」排除在「傷港民族」之外，就可以「大一統」了。

6）笨土巷蜀的潛意識就是「一幫自詡文明人之輩不服野蠻人的統治」，而隨著蝗國越有進入「世界文明人俱樂部」之勢，笨土巷蜀最終只會是侷限小數死硬派信徒的信仰；但催谷教育一日唔變，新一代的競爭力仍會每況愈下，畢竟你即使接受了蝗國也學不到蝗國d好野，傷民哈日咁多年又學到皇民幾多好野呢？

／／催谷教育
人類生育，只係繁殖，養而教不得其法，只會遺害下一代：包括怪獸家長們帶子女去參加遊行，「感受一下氣氛」，其實只係自傷自憐，扮哂沉醉在「呢個隨時係最後的XXXX燭光悼念晚會，我要同阿仔一齊過」的懶浪漫末日心態。
＊＊＊
有關樁秧如何整治巷蜀（「軟性革命」）

真正要最快一擊，就只能出「劍十八」（基本法18條），但現在仍未到撕破臉皮之時；至於「快刀」其實已耍緊，只是我地普羅大眾覺得佢慢而已--剩係睇佢地密密買地就知道，呢d完全係政治行為，係d財經版二流分析員先會用經濟角度分析。
共產黨是好相信「下層建築影響上層建築」的.

／／剩係睇佢地密密買地就知道
有線《樓盤傳真》的驗樓環節不時都會笑蝗國發展商的交樓水準幾咁低...其實人地由硬件（地皮）到軟件（出品水平）都學到你班港豬嘢...即係好似溝墨水，你700萬人同化的14億人，被「稀釋」後，再「反同化」返你700萬人，最後邊個「濃度」會較高呢？
＊＊＊
有關「去工業化」

其實大城市發展下一定會「去工業化」的--如果「工業」是指低技術勞動密集製造業的話；但取而代之可能是高技術的OBM。
傷港的去工業化純粹是班廠佬自己唔願意升級轉型，個個仲顧住靠「血汗工廠」食糊，咁又使乜咁多高技術人才。
一河之隔已經年年搞緊maker faire，Google「maker」中譯「創客」卻竟然連一個傷港網頁都無，你話驚唔驚？
Shenzhen Maker Faire Facebook 網頁

／／傷港的去工業化純粹是班廠佬自己唔願意升級轉型，個個仲顧住靠「血汗工廠」食糊，咁又使乜咁多高技術人才。
港豬一向相信「high tech 揩嘢，low tech 撈嘢」的麥兜式反智格言，眼光狹小，註定就係走唔上高技術道路。
／／Shenzhen Maker Faire Facebook 網頁
點解蝗國可以用FB？魔術師成日諗，所謂翻牆，根本就係隻眼開隻眼閉的「彈性處理」；反而傷民以往最叻就係「彈性處理」（即本土方言「執生」），但現在卻愈來愈原教旨主義式的「跟法律／指引做」。龜兔賽跑，邊個係兔仔，不說自明。
＊＊＊
有關蝗國品牌

咸蟲話「蝗國電視機會爆炸」，點知棒子三叔而家爆完手機仲爆洗衣機爆到全世界都知，三叔本身是棒子國霸權企業，而家加埋朴大媽「閨蜜干政」立立亂，實在俾蝗國企業一隻絕對好牌上，進入「世界文明人俱樂部」又會快幾年...你睇華為新機的貴價版在日耳曼可以賣到€1350部，能出高端野賺文明人錢，已經是「文明人」的雛形:
Huawei Mate 9 Porsche Design Launched: Price, Release Date, Specifications, and More
Abhinav Lal, 04 November 2016

鄭蟲蟲之前去踩「反巷蜀」場，串人地手機用蘋果唔用小米唔愛國...其實佢quote小米已經代表佢out到唔out了，而家上面最紅手機係oppo同vivo，高端就講華為，小米已經淪落到四五選（睇下偉仔幫部新機做袋炎人又搞唔搞得返掂）.
連串人前自己都唔做功課攞返d老黃曆來講，可見其「活在過去的自我中心」之態也。

魔術師以前好港豬地以為OPPO係外國品牌，事關用緊部OPPO Blu-ray player 103D，質素實在太正，外國影音論壇讚不絕口，基本上已經係「業界尖端品牌」。後來人言報中知道原來OPPO係蝗國貨，個CEO是蝗國人已經打咗個突，而家摩摩仲話埋俾魔術師聽呢個其實係步步高，實在非常震撼。