2016年11月14日 星期一

《十年(Ten Years)》之《冬蟬(Season of the End)》:傷春悲秋偽文青就這樣過了無嘢扑的一生


某年,阿迪的屋子給(地產霸派來的?)推土機夷為平地,有「一群」逃過拘捕的抗爭者將阿迪家的一磚一瓦都搬回來造成標本...嗯,咁儲存標本的空間都不少吧?難道都搬了去迷你倉?
神奇地陶瓷碟竟然可以用針釘住,「抗爭者」的內功頗有造詣;標本種類繁多,包括煙頭;而且標本年代也很久遠,就連1999年石湖墟的物事也保存着...嗯,咁儲存標本的空間都不少吧?難道都搬了去迷你倉?

所謂「一群」抗爭者,其實就只得男女主角兩人。這晚二人抱在一起睡在床上,沒搞甚麼愛情動作,卻反而睡覺的「選擇」這樣的哲學問題:

女主角夢見在阿迪的家中,親身經歷了家園被毀的經過,但奇怪的是畫面只是影着男女主角在舊唐棲/工廈中行來行去,甚至在廢置的床褥上「跳彈床」:

然後話題一轉,女主角口中的夢境已去到紐西蘭(咁有錢去旅行?),當時地震災區頹垣敗辱瓦(同今日2016年11月13日一樣),女主角巧驚驚云云...但講來講去,點解都係影住間舊舊唐棲/工廈?係咪純粹係 budget 所限,唔能夠好似魔戒咁去紐西蘭取境,又唔想個畫面成日影兩男女睡在床上齋噏無動作,所以夾硬搵間舊樓嚟到影?

標本箱用完了,要再買,但錢從何來呢?哎,講錢失感情,都係出去散步,又去返夢境中的舊樓玩猜謎語,女主角出編號,男主角估標本名,益智健康又唔使錢:

然之後,無端端剪咗段 Discovery Channel。男主角忽然開竅 discover 到不斷地儲標本,只是以「有涯追無涯」,其實係要將自己都變成標本才是「放下來的極致」:

男主角要求女主角將佢變成標本,女主角當然唔肯,於是大家又討論一下哲學問題:究竟人是活生生的?還是步向衰亡的?

最後,男主角曉以大義,叫女主角幫他「顯示結外面的人睇」,自己不是「懷舊、執迷」,而是「為原則可犧牲小我」的一個人:

女主角捜集男主角的標本,包括汗水(屋裡竟然有步行機,錢從何來?)、毛髮、指甲等,最後男主角吃下藍色一大舊的凝結劑,而女主角則倦極睡在男主角的兩腿中間:

其實使乜搞咁多嘢?有人無屋扑,有屋無人扑;整返場愛情動作,汗水呀、毛髮呀、米青呀,乜都收集到喇!

唔知點解男主角忽然醒過來,又話夢見同本來就是茹素的阿迪在河裡捉魚,魚兒用來做標本;而阿迪個仔就「無事,會行會走」,唔知係咪被疑似是由地產霸派來的推土機整傷,定係阿仔本身就有病?

最後,男主角發起狂來,有如《閃靈(The Shining)》中積尼高遜(Jack Nicholson)飾演的大作家咁掄起斧頭亂劈,然後頹然倒下:

然後,女主角將男主角製成標本,再自問自答製標本的這個行為;再然後...就沒有然後了:

***
睇完《冬蟬》,演員演技差勁,講對白無情感唔在講,劇情亦完全唔知佢想表達啲乜。尤其是發夢嗰段,畫面同個旁白完全係無關係,就算係黑色一片或者係男女睡在床上定鏡都可以。而男主角點解忽然之間會「追求極致」?就咁影一段 Discovery Channel 就算頓悟?就咁大啖大啖食凝結劑就可以變標本?唔怕變「變形俠醫(The Hulk)」?男女主角日日唔使做淨係掛住整標本,傷春悲秋,如何生活?
另外,唔使諗咁多,導演訪談中講到明戲中的阿迪其實就係朱仔,不過編劇估唔到佢一來當選議員,本來無人敢郁佢,但由於官商鄉黑事件,有一掛都返唔到屋企;二來依家朱仔仲面臨被DQ之危機,前途未卜,會唔會有推土機搵上門就真係講唔定:

本故事的專屬襟章係一個標本箱:

盲人凸字書籤就係咁的,要放大先睇到佢寫乜:

最後,呢個所謂的後續故事完全係一堆文字垃圾。睇嚟睇去,似乎係以城市裡漫延出來的一種「消失症」,來比喻發展、重建、機械化、自動化、全球化等令「個人」再沒有存在價值...不過,成五頁紙,全部都係意像流的碎碎念,只係以一堆文字堆砌出來的偽文青故事,究竟想講乜,實在難以令人理解,差利的默劇仲易明過佢:

***
伸延閱讀:
千呼萬喚始出來:《十年(Ten Years)》DVD Boxset 開箱
新西蘭南島發生7.8級地震 更新:2016/11/14 00:10新西蘭南島基督城附近發生 7.8 級強烈地震,並引發海嘯,第一波海嘯已抵達南島。當局向東部沿岸發出海嘯警報,呼籲民眾即時疏散。據報震央附近有房屋受損,暫時未知有無人傷亡。
震央二百多公里外的首都惠靈頓,感受到地震破壞力,市內多處受到不同程度破壞。幾乎整個新西蘭,包括基督城、奧克蘭等地也感受到震動。有超市受損嚴重,貨品散落一地。地震亦引發海嘯,據報南部坎特伯雷地區錄得一米高巨浪,基督城居民驅車上山躲避。當局向南、北島東部沿岸發出海嘯警報,呼籲沿岸居民疏散到內陸,或海拔二十米以上的高地。不少居民稱震動持續很長時間,據報南北島多個地區電力中斷,緊急求助電話服務也一度受影響。
地震發生在當地星期一凌晨約十二時,震央位於基督城東北偏北約九十公里,震源深度十公里,屬淺層地震,其後發生數十次餘震,最強一次達 6 級以上。
基督城在 2011 年 2 月曾發生 6.3 級地震,造成超過一百八十人死亡,市內的坎特伯雷電視大樓在地震中倒塌,活埋過百人,包括一批在大樓內上堂的日本留學生,有過百年歷史的基督城大教堂塔樓亦倒塌。地震令全市斷水斷電,全國一度進入緊急狀態。

77 則留言:

  1. //將阿迪家的一磚一瓦都搬回來造成標本//
    懶係考古

    //將自己都變成標本才是「放下來的極致」//
    好難明。懶深奧。

    //阿迪就「無事,會行會走」//
    點解咁講?阿迪死咗㗎哪?

    噏乜呀?而家啲人係咁。聽到你死死下,改文改到頭痛。
    淨係識得 whine,但又唔知自己想點。怨婦?

    有問題就諗辦法解決,Whine is not a strategy!

    回覆刪除
    回覆
    1. //懶係考古

      Indiana Jones

      //點解咁講?阿迪死咗㗎哪?

      打漏,應該係「阿迪個仔」,不過錯有錯着都幾好笑。

      //淨係識得 whine,但又唔知自己想點。怨婦?

      個女主角都幾似.

      刪除
  2. 就咁睇,呢個故事應該係想用所謂意識流手法。意識流手法本身就係反結構,唔需要有起承轉合,諗到乜就寫乜,有人話係藝術,有人話係故弄玄虛

    回覆刪除
    回覆
    1. //意識流⋯⋯諗到乜就寫乜//
      Message 冇辦法去到觀眾到⋯⋯之流
      查實就係自己概念唔扎實。
      呢啲係一般學生寫文嘅壞習慣,完全唔起草,
      冇啦啦又加個 point,9 唔答 8。
      一,唔會合格。二,讀者冇心機睇。

      刪除
    2. 王大導頂多係偽意識流啦,佢d故事其實都好簡單但有完整結構係裡面,好多人睇唔明只不過係接受唔到佢用咁長時間去講個咁簡單既故事而已...例如«重慶森林»林青霞金城武那段。

      刪除
    3. //意識流手法本身就係反結構,唔需要有起承轉合,諗到乜就寫乜
      //查實就係自己概念唔扎實。
      //一,唔會合格。二,讀者冇心機睇。

      同行為藝術差唔多.

      //佢d故事其實都好簡單但有完整結構係裡面,好多人睇唔明只不過係接受唔到佢用咁長時間去講個咁簡單既故事而已...

      港產片之王一錘定音.

      刪除
    4. // 好多人睇唔明只不過係接受唔到佢用咁長時間去講個咁簡單既故事而已...

      YES! BINGO!
      佢就係咁. 成套戲好似好支離破碎, 但其實只係無畫公仔畫出腸而已. 佢將一啲碎片放埋一齊,就係堆砌緊個故事. 春光, 花樣, 20, 都係咁. 但啲人中意佢拍嘅旺角卡門多啲. 因為, 畫出腸.
      所以,我一路都覺得, 香港人真係扮哂魚蝦蟹, 一拍啲唔係講故事式嘅電戲, 就唔識睇, 仲要話人扮高深.

      刪除
    5. C嬸:// 查實就係自己概念唔扎實

      概念混亂之餘, 表達能力也不達標. 可惜, 佢哋認為自己天下無敵.

      刪除
    6. //我一路都覺得, 香港人真係扮哂魚蝦蟹, 一拍啲唔係講故事式嘅電戲, 就唔識睇, 仲要話人扮高深.
      //概念混亂之餘, 表達能力也不達標. 可惜, 佢哋認為自己天下無敵

      大師就係真高深, 偽文青就係扮高深.

      刪除
    7. Mary and Max
      配 Max 音嘅 Semour 已經死咗。
      http://m.imdb.com/title/tt0978762/
      我唔知佢想講咩,但我就覺得好好睇。因為我中意嗰種唏噓無奈。
      藝術嘅嘢真係任人噏。但要無論係故事,人物,畫面 ⋯⋯ 總有一點令觀眾覺得美,覺得有共鳴。
      即使同作者有唔同睇法,同其他人有唔同睇法。只要講得出欣賞佢啲乜,佢先有價值。
      故事有 point 多人明重有共鳴,呢個咪係好嘢囉!
      件事冇人睇得明,又冇嘢㑭人欣賞咪垃圾囉!解釋係「藝術」就只係死撐嘅絕招。
      點解死咗嘅人啲畫先值錢?因為背後有故事。

      另一套 Doubt 無答案嘅戲。但佢令人追尋,去諗,去留意細節,蛛絲馬跡。
      因為故事內容令人有興趣。有時有空間想像係好玩。
      導演講明自己係定咗個答案去拍。咁就更好玩!
      不過連故事講乜都表達唔到,點想像?想像啲乜?

      刪除
    8. //港產片之王一錘定音.
      //YES! BINGO!

      哈哈,講到王大導,我就唔係港產片之王,而係粉絲了。見有知音人,就借題發揮下.

      //佢將一啲碎片放埋一齊,就係堆砌緊個故事. 春光, 花樣, 20, 都係咁.

      我就即管講下佢的「破碎中的完整故事」。例如好多人難明的《重慶森林》第一段,就是撈家林青霞帶班重慶阿差運毒,點知班阿差帶埋貨全部失蹤,被鬼佬阿頭追殺;同一時空下的黑警金城武失戀,一個逃亡一個無聊蹓躂下在酒吧相遇,並在賓館共度無扑野的一晚...結果撈家識穿鬼佬原來自己安排班阿差放飛機食自己夾棍,先下手為強槍殺鬼佬,並且在call台留言給剛剛正式接受自己失戀的黑警「生日快樂」。....其實是典型的短篇小說故事,要講真係谷阿莫都未必有我講得咁快。

      呢段最「破碎」的片段相信是金城武接受唔到自己失戀而亂咁打電話搵人傾偈、以及以狂食過期菠蘿來正式接受失戀;當然還有典型的王大導式飄來飄去鏡頭去交待林青霞由搵人運毒至著草的經歷。但即使加埋王大導慣性的慢節奏+「故弄玄虛」*的旁白,故事結構其實好清楚;你可以唔鍾意佢個風格,覺得佢悶都好正常,但睇完話唔知個故仔講乜我只會覺得費解。

      我覺得大部份話唔明佢d故事既人,其實係接受唔到佢搞咁多大龍鳳原來係講一個咁簡單但完整的故事。

      *「如果要為我對你既愛加一個期限,我希望係...一萬年。」其實是呢一段的原創對白,結果被成套都惡搞王大導風格的《大話西遊》發揚光大至全球華語圈。

      而由於佢d風格好岩短篇小說式故事,所以魔兄千祈咪錯過套30分鐘既《愛神:手》嘞 XD

      //但啲人中意佢拍嘅旺角卡門多啲. 因為, 畫出腸.

      作為古惑仔片,《旺角卡門》又係簡單到不得了,個故仔就算放在八九十年代的黑社會/古惑仔電影熱潮中也毫無賣點;但王大導真係拍得好好睇,尤其是佢初出道未敢加佢自己d「慢節奏+故弄玄虛旁白」令一般港豬更易理解。呢套係小弟最喜愛的電影(沒有之一),地位遠高過同年代但有一個「富家女愛上古惑仔」呢個「梗」而風靡一時的《天若有情》。

      //意識流手法本身就係反結構,唔需要有起承轉合,諗到乜就寫乜
      //查實就係自己概念唔扎實。
      //一,唔會合格。二,讀者冇心機睇。
      //概念混亂之餘, 表達能力也不達標. 可惜, 佢哋認為自己天下無敵
      //大師就係真高深, 偽文青就係扮高深.

      嚴格來講,王大導都係「諗到乜就拍乜」,如果唔係都唔會《春光乍洩》cut到關淑怡一個鏡頭都無嘞 XD 同埋even最佳拍檔偉仔都話經常拍左好多段都未知成個故事講乜的。

      不過佢紮實在次次靠最後剪接就可以剪返個完整故事出黎。

      而且佢的表達方式,其實有一個好固定的套路**,而唔係有青咁一時一樣的;可能好多人都覺得佢表達能力有問題而唔鍾意,但的確吸引好多傻粉,仲要明知佢係咁表達都要睇落去(例如小弟)。

      **所以我從來唔認為佢d戲係藝術片,而是主打某一niche market固定受眾的商業片...商業片拍到似藝術片,咁先係真正的大師~

      刪除
    9. //因為我中意嗰種唏噓無奈。

      《銀英》個結局夠哂唏噓無奈。

      //解釋係「藝術」就只係死撐嘅絕招。

      「藝術性」係人地話你有定無,而唔係自稱嘅!

      //不過連故事講乜都表達唔到,點想像?想像啲乜?

      想像下個導演想表違啲乜...

      刪除
    10. //其實係接受唔到佢搞咁多大龍鳳原來係講一個咁簡單但完整的故事。

      因為接受唔到個古仔咁簡單,所以就為賦新詞強說愁咁係咁諗「唔會咁簡單,一定有啲嘢」,但又「搵來搵去搵唔到」「想像中的電影意義」,所以就「睇唔明」.

      //《天若有情》

      我淨係記得佢首歌, 同埋吳倩蓮好似驅蝗女咁衰奔. 回帶:

      http://magician__yang.mysinablog.com/index.php?op=ViewArticle&articleId=7809295
      在前提「一個無私的古惑仔+一個100%無知少女」,「被脅持->被追殺->驚險鬥車」等一連串「有驚無險」事件之下,再加埋前兩者都係靠男方化險為夷、過程中男方又顯得冷淡(有攻擊性卻對自己無威脅無所求是「感性味道」上的安全感的重要來源),女方只會被攻陷得五體投地七個一皮。況且被石油氣罐扑頭和臨尾冧友,女方都不在場,女方親歷的只係同男方留住鼻血飛車、用垃圾筒爆玻璃偷婚紗禮服,咁浪漫而全無驚險的情節,點會唔搞到女方赤腳係中環天橋亂咁跑呢?

      //**所以我從來唔認為佢d戲係藝術片,而是主打某一niche market固定受眾的商業片...商業片拍到似藝術片,咁先係真正的大師~

      我無嘢講喇, 因為我無睇過重慶、春光、20689等等...

      刪除
    11. //回帶:

      d l s呢段野咪我寫既???

      刪除
  3. 唔知大家有無覺得,以家三十幾歲樓下嗰啲,淨係識怨天怨地,而唔諗解決方法,或者折衷方案?我身邊開始多呢啲人。

    回覆刪除
    回覆
    1. //以家三十幾歲樓下嗰啲,淨係識怨天怨地,而唔諗解決方法,或者折衷方案?//
      你有所不知,呢個就係佢解決方案。

      刪除
    2. 我反而覺得80後 三十中果批先最多...
      我身邊呢類人唔知點解個個都好似親身去過六四...俾土共搞過咁...
      不過後生O既都越黎越多~

      刪除
    3. 佢地会諗一啲實行唔到嘅“解決方法”

      刪除
    4. // 你有所不知,呢個就係佢解決方案。
      「民航處今日全面啟用新空管系統,本身是民航機師的公民黨譚文豪表示,收到約十個負責民航處新空管系統的員工投訴,表示就新系統填寫記名問卷調查時,剔了較低分數,有中層人員要求員工解釋,並聲言如果不更改,可能會影響升職,甚至取消署任。」

      (模擬對白)

      管: 嗱, 而家俾份問卷你填, 俾啲試用後感想咁
      員: 哦
      卷: 好唔好用?
      員: 唔好
      卷: 正唔正?
      員: 唔正
      卷: 你自己用哩個系統表現俾幾多分?
      員: 0
      卷: 有乜改善空間?
      員: 冇
      管: 你咁答第日我冇理由升你喎
      員: 豪哥, 佢話我唔俾自己高啲分會燉我冬菇禾!

      (如有雷同實屬巧合)

      「民航處昨晚已向有關報章詳細解釋,但報章仍採用誤導性標題,處方表示遺憾。」
      又唔告佢誹謗呢?

      刪除
    5. 誹謗唔易告
      http://www.hkclic.org/tc/topics/defamation/all.shtml

      刪除
    6. 有乜改善空間? 佢會講一啲實行唔到嘅提議,咁你話做唔到佢就會話你唔聽佢意見...

      刪除
    7. Freelancer:

      //我身邊開始多呢啲人。

      你竟然只係「開始」,真幸福.

      Barry:

      //我身邊呢類人唔知點解個個都好似親身去過六四...俾土共搞過咁...
      //不過後生O既都越黎越多~

      不嬲都唔知佢地點解對老共咁大仇口,除咗「文明人」不甘被「野蠻人」統治之外, 再諗唔到其他解釋.

      DY:

      http://news.rthk.hk/rthk/ch/component/k2/1296545-20161114.htm

      //引述自稱現職空管人員表示

      記者有特權保護資料來源,「消息人士」表示就夠了, 誹咩嘢謗!?

      60後:
      // 佢會講一啲實行唔到嘅提議,咁你話做唔到佢就會話你唔聽佢意見...

      同縮骨遮革命一樣...「學生」只係負責提意見, 掌握公權力的「正苦」要同佢地「對話」就一定要聽佢地話, 並負責實行.

      刪除
    8. // 記者有特權保護資料來源,「消息人士」表示就夠了, 誹咩嘢謗!?
      佢消息來源是不是腦裏面同佢講左十年野果把聲?

      刪除
    9. //誹謗唔易告
      尋日鄉土先有篇講終審李當年點推翻法律超人打大班單野~漢奸李幫大班打~打到去終審之前都輸哂...
      由白姐姐寫出黎...跟住俾人刪POST...乜唔係言論自由咩?哈....
      個論點好簡單~就係被告只要真心相信指控係真O既都唔算誹謗...邊有得輸...
      從而篇野指出漢奸李~大班~終審李~交情非淺...
      其實香港法律圈子細就出名...地院官轉去做大狀打官司...D官唔俾返兩分薄面咩?
      類似輕判太多....
      而呢次係三個人本身有交情....其實終審得一個官可以判案咩?
      我去報警...我朋友守果區都會避嫌la....何況終審WO?

      刪除
    10. 李對謝係經典。
      誹謗首先要有實質受損害嘅證明。
      呢個都難。

      刪除
    11. //佢消息來源是不是腦裏面同佢講左十年野果把聲?

      思覺失調...

      //其實終審得一個官可以判案咩?

      圈子細吖馬, 來來去去都係嗰幾個.

      //誹謗首先要有實質受損害嘅證明

      我多年前讀過的business law皮毛話我知, 唔係商業上有損失最多只係賠nominal charge....

      刪除
    12. //不嬲都唔知佢地點解對老共咁大仇口,除咗「文明人」不甘被「野蠻人」統治之外, 再諗唔到其他解釋

      「文明衝突將是未來衝突的主導模式」

      https://zh.m.wikipedia.org/zh-hk/文明衝突論

      起碼有青真係覺得自己屬於「中華文化」外的另一種文明:屬於「西方文明」一支的「香港文明」.

      刪除
    13. //「文明衝突將是未來衝突的主導模式」

      add 咗落widget了.

      //起碼有青真係覺得自己屬於「中華文化」外的另一種文明:屬於「西方文明」一支的「香港文明」.

      最弊寫親信俾英美都無人覆.

      刪除
    14. 差d唔記得加埋C老闆呢篇:

      http://www.am730.com.hk/column-337384

      連美帝白人都開始「驅蝗」了。

      我覺得亨廷頓講既野是對的。而且「文明」的界線不一定需要由專家界定,一個群體自以為屬於一種「文明」即可。

      刪除
    15. 摩摩, 你睇過呢本書架? 勁.
      我開咗個頭, 跟住就停咗. 轉咗去快思慢想....

      刪除
    16. // 連美帝白人都開始「驅蝗」了。

      有時會諗, 點解猶太人同中國人都係一同命運, 經常做代罪羔羊.

      刪除
    17. 魔魔: // 你竟然只係「開始」,真幸福.

      係啊, 因為我仲後生嘛. 哈哈. 講笑.

      刪除
    18. //一個群體自以為屬於一種「文明」即可。

      Perception is THEIR reality.

      //點解猶太人同中國人都係一同命運, 經常做代罪羔羊.

      無計, 因為呢兩個民族都「識搵錢」(你睇下風水術數多數都係幫人求財就知,中國文化睇錢都睇得幾重的).

      刪除
    19. 矛錯, 呢兩個民族, 應該係最聰明嗰兩個.

      刪除
    20. //摩摩, 你睇過呢本書架? 勁.

      無睇過呢~不過亨廷頓呢個說法,我已經聽過好多年了,但都係搜尋佢個saying時先知道原來佢有一本專門著作。

      刪除
    21. //矛錯, 呢兩個民族, 應該係最聰明嗰兩個.

      因為佢地邊度有錢搵就去邊度,去到又真係搵到錢,但又唔主動去進入統治階層,咁你話當地人點會唔討厭呢兩個民族呢。

      或者有青認為自己是有別中華民族的"香港民族"是有道理的,因為佢地唔好話失去搵錢能力,甚至謀生能力都無埋...然後日日講埋d務虛嘢...有青其實似清教徒多d,我記得有個唔知乜事蹟,話歐洲人坐船去美洲搵機會時,海盜襲擊的話清教徒會"自重"到叫人地去抵抗埋自己 果份的 XD

      刪除
    22. //因為佢地邊度有錢搵就去邊度

      蝗蟲嚟啦!

      //去到又真係搵到錢,但又唔主動去進入統治階層,咁你話當地人點會唔討厭呢兩個民族呢。

      印尼排華係好例子。

      //因為佢地唔好話失去搵錢能力,甚至謀生能力都無埋...然後日日講埋d務虛嘢...

      實質嘢已經做唔嚟,如果連務虛嘢都唔做,咁生命便變得再無意義,真係不給做標本好了。

      //有青其實似清教徒多d

      但係佢地性慾旺盛,成日都要求要有私淫空間。

      刪除
    23. 摩摩://唔好話失去搵錢能力,甚至謀生能力都無埋...然後日日講埋d務虛嘢..

      呢句真係中哂。
      不過,有一批人係有家底,就想要掦名立萬,殊不知,自己追求嘅都只係烏托邦。

      刪除
    24. 痴瘋仔, 周官人嗰啲只會當傷港係佢地玩具, 「試業」玩下正字, 玩爛咗件玩具咪算囉,玩過第二樣.

      慘得過班港豬又bug佢地.

      刪除
  4. //懶係考古
    其實考古唔係咁...
    O係大陸或者外國~碎片會被遺棄~
    只係香港真係冇咩野完整~所以先會拎D碎片嘗試砌返件野出黎~

    //造成標本
    其實我諗起的士林....偽文青其實同變態殺手O係行為上係冇分別...
    佢地賦予件事O既意義當然講到好誇張....印證O左文人多大話呢個大道理...

    如果D文運/社運領導肯犧牲自己做標本...我唔介意付出3分鐘默哀...
    不過通常俾人做標本O既都係以獨裁見稱...咁就....

    回覆刪除
    回覆
    1. //只係香港真係冇咩野完整~所以先會拎D碎片嘗試砌返件野出黎~

      李作人份侮過書呢?

      //佢地賦予件事O既意義當然講到好誇張....印證O左文人多大話呢個大道理...

      我作大故我在.

      //如果D文運/社運領導肯犧牲自己做標本...

      標佢有無?

      刪除
    2. //侮過書
      用考古學角度去睇...呢D野冇保留O既價值XD
      小弟係真係o係香港做過考古...香港o既考古真係太雞la...
      主要係古蹟考察同遺址發掘....即係搵墳同探土...6...

      //標佢有無?
      我好想睇朱仔食凝結劑...


      刪除
    3. //主要係古蹟考察同遺址發掘....即係搵墳同探土...6...

      盜墓!

      //我好想睇朱仔食凝結劑...

      條J 都凝結埋.

      刪除
  5. 我是魔術師,今天要說一個onL9的故事,某天男主角家被拆了,瘋了,然後女主角也陪他一齊瘋,故事就結束了。
    看完這個故事我們明白,香港瘋人院不夠啊,掰。

    回覆刪除
    回覆
    1. 麥太坐在床邊,給小麥兜講故事:

      “從前有一個小朋友講大話,有一日,佢死咗。”

      “從前有一個小朋友勤力讀書,佢長大後,發咗達。”

      “從前有一個小朋友唔孝順,有一日,佢扭親隻腳。”

      麥兜打了個哈欠,說:“媽媽,我想訓啦。”

      “從前有一個小朋友早睡晚起,第二日,佢死咗。”

      刪除
  6. 兩個字便足以形容佢地:逃避

    逃避現實、逃避人生、逃避責任,逃避一切一切,活在妄想之中

    回覆刪除
    回覆
    1. //逃避一切一切,活在妄想之中

      所以活在意識流,思想過度跳躍.

      刪除
  7. 呢一集嘅導演,應該喺太監。嘻嘻!

    回覆刪除
    回覆
    1. 禁慾偽文青, 多數都中意係腦海入邊, 做哂所有變態嘢.

      刪除
    2. 好有自虐成份。成日講到自己holland orange. DKLM

      刪除
  8. 呢兩日睇唔切《冬蟬》,要過兩日先可以寫兩句「深入敵陣後感」嘞。

    另外可能我會做d魔兄都覺得嘔血既事:評價下果四頁外傳寫乜...

    回覆刪除
    回覆
    1. 魔魔, 慢慢嚟啦. 睇佢哋啲嘢, 真係好辛苦, 心血少啲都死. 個腦又要轉得好快. 一下唔留神, 就跟唔到架啦.

      刪除
    2. 睇都算,最慘係重要寫~ 救命!

      刪除
    3. 剛剛睇完,快速寫兩句(因為根本無太多野好寫):

      - 成套戲最敗筆,是所有有關「阿迪」的affairs都是用對白和字幕交代,但完全沒有影像交待「阿迪」的任何事蹟,中立觀眾無法從影像中得到和「阿迪」任何感情聯結...即使刪去「阿迪」的相關對白和字幕,對劇情(如果仲算有的話)其實毫無影響。似乎睇呢段要有pre-requisite,就係「阿迪study」,唔怪得在寶島票房仆直。

      - 發夢一段,就是不停的圍住唐樓轉,完全無法令人聯想到所謂「被推土機推倒的阿迪故居」;加一段「紐西蘭地震」的旁白就更加無厘頭,和「阿迪」及整個企圖表達的概念格格不入(好彩我都有讀過少少pre-requisite)。

      - 女主角演技算及格,男主角講對白就直情是「念口枉」,而且肢體動作好生硬(臨尾醒返發癲果幕完全無爆炸力)。觀其體型、語氣、打扮,百份之二百是文弱文青,我對呢類造型既人通常好抗拒的。

      - 成套戲的所謂「劇情」,就是講兩人不停搜集身邊事物做標本,我「同情地理解」為「留住消失的香港」;但點解結尾男主角要自制成標本,我就真係R爆J都諗不出所以然。

      -結論是和《浮瓜》一樣,如果觀眾本身對「故事」想表達的意念有很強烈共鳴(例如乜柒都係港英時代好、耕田比金融對傷港更好...),就可能會「一插即著」,好易睇到喊;但對一無所知的中立觀眾,真係捱得過十分鐘都算叻!

      刪除
    4. //捱得過十分鐘都算叻

      補充下。平心而論,《浮瓜》要睇晒不難,我所指的一樣,是觀眾要預設有特定情緒想法,先能快速代入劇情想表達的氣氛--只是《冬蟬》要求的預設情緒高得多,睇的完的難度亦大得多...

      刪除
    5. //好彩我都有讀過少少pre-requisite

      係咪即係嗰四頁外傳?

      //即使刪去「阿迪」的相關對白和字幕,對劇情(如果仲算有的話)其實毫無影響。
      //發夢一段,就是不停的圍住唐樓轉,完全無法令人聯想到所謂「被推土機推倒的阿迪故居」;加一段「紐西蘭地震」的旁白就更加無厘頭,和「阿迪」及

      整個企圖表達的概念格格不入
      發夢嗰段可以無晝面,黑哂都得,隨時「更有藝術感」
      如果將呢兩段都刪去了,整段片會只淨下五分鐘

      //觀其體型、語氣、打扮,百份之二百是文弱文青,

      人辦:梁穎禮
      見《在你背上貼龜

      //點解結尾男主角要自制成標本,我就真係R爆J都諗不出所以然。

      佢有提過「外面的人」的看法的。應該係不甘心被「外面的人」被無視而發晦氣。

      //如果觀眾本身對「故事」想表達的意念有很強烈共鳴(例如乜柒都係港英時代好、耕田比金融對傷港更好...),就可能會「一插即著」,好易睇到喊

      唱返首《誰能明白我》

      //是觀眾要預設有特定情緒想法,先能快速代入劇情想表達的氣氛--只是《冬蟬》要求的預設情緒高得多,睇的完的難度亦大得多...

      你個friend話難頂的兩段係咪就係《浮瓜》同《冬蟑》?

      刪除
    6. 摩摩://點解結尾男主角要自制成標本

      佢感慨佢哋呢種人愈來愈少..... 當中的含意自然係.... 自己好罕有,好"京"貴, 要供後人憑弔.....DKLM

      刪除
    7. 自己咁矜貴都呃唔到like無人識欣賞,不如自毀好過了.

      刪除
    8. 根據佢哋嘅思路而引申:我咁矜貴,你都唔識欣賞,豬即係豬。

      永不反省是佢哋思路之核心也。

      刪除
    9. //係咪即係嗰四頁外傳?

      外傳是post graduate course啦,pre-requisite的官方課本hardcopy魔兄應該收過: 豬滴選蟻員的政綱brochure也。我只是從新聞時事知道佢呢個pre-requisite的大約內容,不過都夠捱晒成段«冬蟬»了。

      //即使刪去「阿迪」的相關對白和字幕,對劇情(如果仲算有的話)其實毫無影響。

      //人辦:梁穎禮

      呢位梁生打扮似男一,但睇體型起碼都健碩過男一頗多---你睇男一跑跑步機同發癲兩段,體型動作都顯出其人完全手無搏雞之力。

      //佢有提過「外面的人」的看法的。應該係不甘心被「外面的人」被無視而發晦氣。
      //當中的含意自然係.... 自己好罕有,好"京"貴, 要供後人憑弔.....DKLM

      我覺得更DKLM係佢剩係講乜柒"極致",連想表達"發晦氣","矜貴"我都感受唔到...

      //你個friend話難頂的兩段係咪就係《浮瓜》同《冬蟑》?

      佢話好似係«方言»,不過已經唔係好記得了(我知佢份人唔會記埋d咁嘢,已經特登問"除咗«冬蟬»外,係«方言»定«自焚者»?",因為佢提過係中間的兩個故事)

      刪除
    10. //如果將呢兩段都刪去了,整段片會只淨下五分鐘

      令我谂起馬克吐温對摩門經的評論:Whenever he found his speech growing too modern--which was about every sentence or two--he ladled in a few such Scriptural phrases as "exceeding sore," "and it came to pass," etc., and made things satisfactory again. "And it came to pass" was his pet. If he had left that out, his Bible (指摩門經) would have been only a pamphlet.

      刪除
    11. //捱得過十分鐘都算叻//
      我睇《東邪西毒》10 分鐘之後見其他已瞓曬,於是自己可以隨意 replay 翻睇唔清楚果啲。
      似乎好多人對傳記都茅興趣。我就幾中意睇嘞!黎明嘅《梅蘭芳》我都中意㗎!
      但係呢啲算係牙痛電影定係強作愁電影真係 10 分鐘都嫌多!

      刪除
    12. 摩摩:

      //pre-requisite的官方課本hardcopy魔兄應該收過: 豬滴選蟻員的政綱brochure也。

      原來如此.

      //你睇男一跑跑步機同發癲兩段,體型動作都顯出其人完全手無搏雞之力。

      體型大但無力,正大舊衰.

      //我覺得更DKLM係佢剩係講乜柒"極致",連想表達"發晦氣","矜貴"我都感受唔到.

      DKLM... DKLM... DKLM...!!!!!

      //佢話好似係«方言»

      我反而覺得«方言»係五個故事中比較易入口的一章. 再下一篇寫.

      六十後?

      // "And it came to pass" was his pet.

      "And it came to 支那/扑野" was her pet.

      C嬸:

      //係呢啲算係牙痛電影定係強作愁電影真係 10 分鐘都嫌多!

      你咪再刺激我呀下!

      刪除
    13. 本來想寫d睇完兩段後,講下我覺得套戲的藝術問題,同點解在寶島票房仆直...不過力求客觀起見,都係「完全深入敵陣」後先總結嘞。

      //我反而覺得«方言»係五個故事中比較易入口的一章. 再下一篇寫.

      咁等你出埋,我weekend睇《方言》嘞,有時間寫埋「深入後感」兼評價下《冬蟬》果四頁外傳...魔兄你一句「文字垃圾」就一棍打死,好易又有人叫你睇埋第六個故事《食屎啦》架。

      //我睇《東邪西毒》10 分鐘之後見其他已瞓曬

      呢套係唯一一套王大導既戲我無心機一次過睇晒的(雖然斬件睇我每個章節都知佢講乜)。

      王大導d野,都係岩講20世紀既野多d...話時話,王大導拍的中文片,無一套既背景是發生在21世紀...

      刪除
    14. //本來想寫d睇完兩段後,講下我覺得套戲的藝術問題,同點解在寶島票房仆直...不過力求客觀起見,都係「完全深入敵陣」後先總結嘞。

      一定要等埋呀!

      //咁等你出埋,我weekend睇《方言》嘞

      我個schedule plan埋摩摩嗰份架馬! 唔能夠太chur的!

      //有時間寫埋「深入後感」兼評價下《冬蟬》果四頁外傳...

      請慢用.

      //第六個故事《食屎啦》架。

      呢條bonus track我預咗,畢竟又真係有咁多有青有中(包括我那些舊同事)會帶埋預設立埸入場觀賞.

      //王大導拍的中文片

      其實《愛郎. 手》係中文定英文片? 我見DVD 係用Eros...

      刪除
  9. «愛神»同«十年»一樣(聽埋先...),係由三個不同導演的獨立故事組合成一套電影,«手»就係王大導作品,語言是蝗語及我城方言; 另外兩套是英文同意大利文。其他兩套我無睇過,據聞非常意識流,尤其是意大利果套...

    回覆刪除