2016年11月27日 星期日

《十年(Ten Years)》之《自焚者(Self-Immolator)》:前人自焚後人花生

2025年,我城政情繼續都係煲緊巷蜀派一廂的「2047二次前途談判」。就在某天,有人在米帝領事館前自焚,火力之巨,竟然可以燒到灰飛煙滅,只留下好似燒完街衣一樣的痕跡:
造型貌似煉穴腫、現實中周蟲蟲的同事、鄉大政政系教授郭村福帶出自焚者可能跟一位名叫西毒歐陽鋒...,呀,唔係,係歐陽健鋒的社混青年的死有關:

歐陽健鋒唔係「歸英派」,而係「要求米帝負責」派:歐陽認為蝗國不斷破壞我城高度自治,違反《中英聯合聲明》,故此米帝有責任向聯合國控告殺人政權。由於此事之邏輯極度匪夷所思,殺人政權便將歐陽列入頭號恐怖份子的黑名單之中:

從歐陽健鋒的受訪片段中得知,原來係聯合國怕了殺人政權,在1972年時響應蝗國要求,將我城從殖民地名單中剔除,變杷剝奪傷民的自決權。不過,根據毒果(見伸延閱讀),其實「英國以自決權的定義缺乏國際共識為由,只肯承認自決是一項『原則』,而非法定『權利』」:

建制派垃圾會議員怒斥巷蜀是荒謬的,不可行的。又,原來2020年時曾發生過一次巷蜀暴動,導致黑警殉職(後續故事中有提及,見下文),迫令樁秧立法23條,完糧油兩位未竟之志:

而歐陽健鋒則成為我城歷史上第一個被23條入罪的人。最後歐陽在獄中絕食,在無醫療團隊幫佢量血壓、度血糖,亦無獄友幫佢接力絕食的情況下,歐陽捱了痛苦的六十七天而卒,享年21歲。有評論者認為,歐陽係第一個為我城民主犧牲性命的人,自焚者是第二個(游小三去咗邊?),開始動搖了殺人政權的管治:

原來自焚者係在歐陽健鋒半年前焚燒中、英國旗的地方行事,而日子則選在歐陽的頭七,十分具有中國文化色彩,想唔話自己係中國人都唔得:

鏡頭一轉,去到巷蜀革命基地藍血大學。架副圓圓眼鏡,貌似娘仲痕的有為青年四圍搵女友 Karen,只見掛滿巷蜀標語的學生會室已人去樓空。Karen 是巴基斯坦人,十分祟拜歐陽,念茲在茲的都是歐陽語錄:「傷港未有民主,就係因為未有人死」;不過又唔諗下原來抗爭咁多年都未有人死,證明黑警都幾克制:

Karen 雖是偽娘仲痕女友,卻跟歐陽健鋒過從甚密,夜麻麻仲同歐陽二人孤男寡女派巷蜀傳單。小店老闆看不過眼,跟 Karen 發生口角;Karen 重申自己是在傷港出生,會講流利我城方言,是地道傷港民族。小店老闆氣不過來,化身雞蛋(好彩唔係午餐肉)硬撼巷蜀高牆,結果誤中歐陽健鋒。歐陽雖然話都「好想打返佢地」,但一想及自己的初心便是為這些未覺醒的港豬爭取公義,便可以冷靜下來,仲可以好似雷鋒同志咁,將 Karen 遞來的紙巾給老闆抹手,實踐「我為人人」的真理:

2025年時米帝脫out 應該早已生米煮成熟飯,但歐陽健鋒依然相信米豬係文明的、進步的、有道德的。歐陽認為如果米豬唔係走出來負起「應有」的責任(去聯合國狀告殺人政權),咁米帝就跟殺人政權無分別,大家都「違法國際法」,就應該「罰」可以讓傷港有權獨立(乜有條咁嘅規定嘅咩?):

白頭佬時事評論員阮信中立地指出港豬們接受不了歐陽的「問米」思想:

貌似王ON9(定係《來生不做中國人》的鍾早洩?)的《奴隸中國、奴役中國》作者魏忠賢,呀唔係,係魏志忠,係個極端反中反共陰謀論者,大呼「分裂國家好」、殺人政權極度邪惡...都未有被捕(又話立咗23條?):

女版周蟲蟲、學術自由關注組召集人竟然將港蝗關係比喻作父子關係:傷港是父,蝗國是子,父親要以身作則,好好教導「兒子」:

另一方面,賣天拿水(後續故事中有提及,見下文)給自焚者的五金店老闆被幾名柒頭青年狀的「秘密警察」入屋軟禁。「秘密警察」謂「你的家也是我們管的」,唔俾五金店老闆打電話更唔俾湊女放學,卻又唔知班「秘密警察」想做乜:

柏陽(在舊文《乜七七王廸詩:最爆鴨仔團》中擊敗劉公仔的游學修飾)是個激進藍大學生,在 Karen 失蹤前曾跟她對歐陽的「問米」取態激辯了一輪。柏陽認同肥彭在2016年11月25日的發言,米帝跟本就唔會理傷港發生乜事:

柏陽跟「獨立聯盟」去終亂辦放火,Karen 追出去卻給「秘密警察」截住。柏陽將事發經過告訴偽娘仲痕,卻反而給偽娘話 Karen 俾佢地帶壞:

柏陽話《中英聯合聲明》中講明只有國防和外交歸殺人政權管,其他都唔關蝗國事,依家我城係被人「揸住春袋」云云:

不過柏陽可能唔記得《中英聯合聲明》中亦有講到「維護國家的統一和領土完整」係「設立香港特別行政區」的「基本方針政策」:
三、中華人民共和國政府聲明,中華人民共和國對香港的基本方針政策如下:
(一)為了維護國家的統一和領土完整,並考慮到香港的歷史和現實情況,中華人民共和國決定在對香港恢復行使主權時,根據中華人民共和國憲法第三十一條的規定,設立香港特別行政區。
陰謀論者偽王ON9就話自焚係殺人政權自編自導的:

女版周蟲蟲就反問咁演員係邊個呢?偽王ON9就話支那人最貪錢,有錢就得喇。於是女版周蟲蟲就懶有嘢咁拋出一句「這些年來,我們學到的最多是陰謀論;失去最多的,是信任」:

偽王ON9死不認輸,又話自焚者被殺人政權呃咗,以為點下火就算,點知命都無,所以呢單案係謀殺。又話五金店老闆的事情應該係由愛國的黑社會出手,而唔係柒青「秘密警察」:

偽煉穴腫又加把口話巷蜀是殺人政權用來用化販民的技倆,但又唔諗下一個巴掌拍不響,人地分化你,你就要乖乖的中計麼?

政棍簡約生(後續故事中有提及,見下文)打着基教旗號,率領「公義行者」在米帝領使館前的空地進行燭光集會,要求米帝向聯合國申請將我城列入「聯合國託管領土」:

這邊廂從直播新聞台中見到偽娘仲痕參加了簡約生的和理非集會,另一邊廂就見到柏陽衝過過圍欄,火燒終亂辦。五金店老闆要湊女放學,拎起菜刀要奪門而出,但睇唔出肥施大隻竟然給幾件柒青打倒,仲剛好給女警帶回家的女兒見到,咁睇法黑警都唔係咁衰啫:

特衰正苦方寸大亂,竟然將蝗國視為「外國」,把終亂辦被襲一事當成係「外交事務」,請求老解「入城」:

就在偽煉穴腫話殺人政權以仇恨去統治國家,就有一隻「黑影」走出來要求關機:

偽王ON9又係度講風涼話,引返鄔維庸就「不如享受下俾殺人政權強姦」;又話港豬犯殘,自甘墮落;縮骨遮革命根本無希望等等:

女版周蟲蟲就大 sell 政治道德,大談在極權之下,抗爭的正當性,講到最後已是泣不成聲:

白頭佬評論員就話唔應該再信殺人政權,但又唔諗下個政治現實唔係講係你信唔信,而係你有無本事獨立:

一眾評論員 wrap up 完之後,就到了揭曉真相的時候。先 cut 去歐陽健鋒的訪問,原來佢在絕食期間,花得最多氣力的是壓抑對殺人政權的「憤怒」(從何而來?單就是佢認為的違反《中英聯合聲明》?抑或係因為無人可以制裁殺人政權?);但維持着自己意志的,只有希望,而不是仇恨,果然夠哂大愛包容。最後仲要加上一句殺死人的 motto:「我有一個宗旨,不要看行不行,要看對不對」:

影片再 cut 返去某一次的示威 flashback,黑警施放催淚彈,有個婆婆「中彈」倒地不起,歐陽與 Karen 施以援手,給婆婆戴上口罩(對催淚氣體有用嗎?),扶好坐在一旁休息;而瘦弱的歐陽則挺身而出,大丈夫死則死矣,主動承受黑警亂棍毆打,比曾見蕉勇猛得多,婆婆看在眼裡,好不感動:

士為知已者死,婆婆深受歐陽健鋒之感召,在歐陽頭七的日子,提着從五金店買來的天拿水,栓着雨傘,當成是柺杖一步一步的走上斜路,在米帝領事館前,昔日歐陽火燒中英國旗的地方,自焚而死,以身相殉,剩下的是一柄在片頭看不見影蹤的燒焦雨傘:

***
荷里活著名「偽紀錄片」例如《死亡習作(The Blari Witch Project)》、《末世凶煞(The Cloverfield)》、《80分鐘死亡直播(Rec)》、與及《午夜靈異錄像(Paranormal Activity)》等均以 found footage 形式表達,《自焚者》的剪攝明顯,只能說是一套「偽偽紀錄片」。不過又持平而論,單以說故事和剪接技巧而言,《自焚者》尚算不俗,能夠以「眾人眼中的歐陽健鋒」帶出「抗爭思維」,再穿插直接參與者的 Flashback 與及時事評論員的口水花,就如 BBC documentary 一樣。
不過,本片的問題就係個故事多線並行,而片長卻只得20多分鐘,搞到每一條線都斷下斷下咁,例如 Karen、娘仲痕、柏陽、五金店老闆的下場都無交待,變成唔知做乜要講佢地。
選角方面,各時事評論員的造型都很入型入格,年輕小輩(尤其是南亞少女 Karen 與及柏陽)的表現也很可人,係五金店老板嗰段假咗啲,而偽娘仲痕則可有可無,完任無發揮空間可言。
講到拍攝技巧,其實唔差,某些場景的取鏡角度係有用過心思,火燒終亂辦竟然仲有一秒咁多嘅CG,而山頂夜景就更拍出不錯的美感。

不過唔知點解,魔術師截圖時經常發現人物動作「鬆郁濛」的情況,懷疑係攝影器材不合規格,播出來的畫面有「偷格」呃 frame rate 的問題。
劇情方面,細心想的話漏洞當然唔少,但由於「片長關係」,而且本片以偽紀錄片方式剪攝,節奏跳躍,令人來不及仔細分析,更加上好多內容都是語焉不詳,講到好似凡事都係理所當然咁,但係背後卻完全缺乏邏輯推理,作為洗腦教材算是唔錯,但以平常心看待卻問題多多:
  • 要將人體燒到渣都無,熱力非同小可,唔係自焚可以做到。自焚者應該有屍體,唔會變灰的。
  • 雨傘「骸骨」唔連戲。
  • 片中講到有強力部門「搗破」偽煉穴腫受訪場景,咁佢段片又點可以剪到出嚟呢?
  • 貌似有青的「秘密警察」軟禁五金店老闆,所為何事?
  • 點解「秘密警察」捉 Karen 都唔捉柏陽?唔通柏陽又係無間道?
  • 全片未有提及《基本法》,只係聚焦於《中英聯合聲明》。而最奇特的是,就算退一萬步,殺人政權真係違反了唔知邊一條的《中英聯合聲明》,點解米帝就有責任告上聯合國?個 contractual relationship 係邊?違反《中英聯合聲明》的罰則就係「巷蜀有理」?
  • 又點解如果米帝唔肯負責告上聯合國,傷港就有權獨立,要求暫時由聯合國託管?成件事嘅邏輯思路,完全係睇唔明。
  • 偽煉穴腫話殺人政權以仇恨去統治國家,但以魔術師外公曾在東江縱隊服役,後來在新嘩社(終亂辦的前身)當個職員,老媽娘家的生養死葬事宜招呼都幾周到;可能魔術師娘家未有呢班人咁接近權力核心,所以成日以為「懷柔」先係殺人政權收買人心的手段。
  • 巷蜀大軍火燒終亂辦,特衰政府根本無可能當成是「外交事務」(豈不是承認了蝗國是「別國」?);要出動老解,梗係要使出《基本法》第十八條喇(可能呢個就係全片避談《基本法》的原因)。
《基本法》第十八條
在香港特別行政區實行的法律為本法以及本法第八條規定的香港原有法律和香港特別行政區立法機關制定的法律。
全國性法律除列於本法附件三者外,不在香港特別行政區實施。凡列於本法附件三之法律,由香港特別行政區在當地公布或立法實施。
全國人民代表大會常務委員會在徵詢其所屬的香港特別行政區基本法委員會和香港特別行政區政府的意見後,可對列於本法附件三的法律作出增減,任何列入附件三的法律,限於有關國防、外交和其他按本法規定不屬於香港特別行政區自治範圍的法律。
全國人民代表大會常務委員會決定宣佈戰爭狀態或因香港特別行政區內發生香港特別行政區政府不能控制的危及國家統一或安全的動亂而決定香港特別行政區進入緊急狀態,中央人民政府可發佈命令將有關全國性法律在香港特別行政區實施。
簡單來說,《自焚者》的劇情因果關係極度模糊,巷蜀有理純粹係班有青自說自話(例如對殺人政權的憤怒,其實唔係因為殺人政權違反了什麼什麼,而係因為沒有人可以制裁殺人政權),就算係米帝都要聽佢地枝笛(肥彭已經俾咗幾隻檸檬佢地食);但班有青完全可以唔理,「我話咁就係咁」,對同路人別具洗腦煽情效果,更能堅定信念,作為propagandist 算是頗成功的「樣板戲」。
***
不出所料,《自焚者》的襟章是婆婆充當柺杖的長柄雨傘:
(圖片來源:Post76玩樂網:[港版] Ten Years【十年】BD / DVD
盲人凸字書簽就是歐陽健鋒的名句:

而導演訪談則明確帶出了「最怕聽見年輕人是希望」、「由老年人完成年輕人『未竟之志』」(咁都講得出!?)的「死道友不死貧道」看法,完完全全地承襲了佔派要求別人「犧牲少少」的無恥歪理:

出乎意料之外的是後續故事相當流𣈱,可以無縫地連接到本傳,而且更對消費歐陽和婆婆之死的政棍與及笨土派只懂窩裡反的現象作出控訴,隱隱然有點反笨土味道,魔術師也可以一口氣讀完,係咁多篇外傳中比較好的一篇:
***
伸延閱讀:
中英聯合聲明
《基本法》全文及相關文件
維基百科:聯合國託管理事會
千呼萬喚始出來:《十年(Ten Years)》DVD Boxset 開箱
乜七七王廸詩:最爆鴨仔團
佔中通識(三十七)之我不敢和周保松抬槓
港被剔出聯合國名單(蘋果日報 2014年2月5日)
彭定康指港獨不能成事 更新:2016/11/25 18:17
訪港的前港督彭定康表示,港獨是不可能成事的,批評港獨討論沖淡香港人對爭取民主的支持。他又強調宣誓是嚴肅的事情,不應藉此將港獨與言論自由混為一談。
彭定康到外國記者會的午餐會演講,主題原本是特朗普當選及英國脫歐,但他用了更多時間,主動談及本港熱門議題、港獨。
彭定康又提到立法會宣誓事件,強調宣誓是嚴肅的事。他以主張北愛爾蘭脫離英國的新芬黨為例,不宣誓效忠英女王,亦不能行使國會議員權力。
彭定康又指香港回歸接近二十年,民主進程比他想像中慢,如果行政立法關係仍然停滯不前,香港會失去高效率的聲譽。
信報 2016年11月26日
彭定康:港獨沖淡港人支持民主
末代港督彭定康再度訪港,他周五出席活動時主動提及港獨及宣誓風波,認為宣誓莊嚴並非兒戲須遵守,直言港獨不可能發生,更會沖淡港人對民主的支持,將成悲劇。他又說,不應將港獨與言論自由、港人身份認同扯上關係。
彭定康周五出席午餐會發表演說,分別點評港獨議題及立法會宣誓風波;他引用《中英聯合聲明》第3(1)條指出,當時早已列明中國成立香港特別行政區為維護國家統一及領土完整,因此如假設港獨可與民主混為一談,實屬「不誠實、不名譽而鹵莽」。
彭定康直言「港獨不會發生(which is not gonna happen)」,更會「沖淡(dilute)」民主支持度,不應在目標為爭取全面民主的成熟社會中發生。他不點名提及佔領行動,指兩年前不少勇敢年輕人為民主管治爭取了道德高地,但若因如同「玩笑(antics)」的港獨議題而喪失高地將成悲劇。
他更諷刺港獨為「搶頭條說法(headline grabbing remarks about independence)」,如將言論、媒體自由及特別的港人身份認同等與之扯上關係,實屬錯誤。他又形容近20年來本港民主發展「令人失望地慢」。
宣誓是莊嚴事並非兒戲
另外,彭定康表明宣誓是「莊嚴事項並非兒戲」,相信於世界各地立法機構標準亦類同,自己於英國倫敦宣誓時亦須以聖經作誓。他以北愛爾蘭新芬黨(Sinn Féin)拒絕向英女皇宣誓為例,指其亦因此而未能行使議員權力。
至於人大常委會引用《基本法》第158條主動釋法,彭定康認為事件如交由本港法庭處理較佳,但認同風波惹來中央反彈亦是「無可避免(backlash was inevitable)」。他說非常敬佩爭取民主人士,但非一些淡化支持及「蔑視(mockery)」民主運動者。
另外,彭定康分別接受《金融時報》及《路透社》訪問期間,形容青年新政梁頌恆及梁蕙禎行徑為「學生遊戲(a sort of student game)」,稱港獨「大錯特錯(terrible mistake)」,並表示關注銅鑼灣書店事件。被問如是現任特首,首要任務為何?彭定康稱會嘗試與任何反對者對話,嘗試了解其意見,但不願評論下屆特首人選。
梁頌恆回應稱,彭定康言論「無錯」,但暗示新芬黨最後仍獲得議席。
信報 2016年11月28日
專訪
彭定康:英有責為港民主發聲
一國兩制算成功 信2047年前有普選
前港督彭定康訪港期間接受本報訪問表示,北京向港人承諾按循序漸進原則達至普選,英國政府根據《中英聯合聲明》,在回歸後依然有政治及道義責任監察此過程;每當有事件顯示北京違反該聲明,英國政府便應積極提出,包括於聯合國及國際社會為港人發聲。
彭定康認為,回歸19年來北京大致遵守於《中英聯合聲明》承諾,「一國兩制」整體算得上成功;至近年中央政府與香港社會的不信任漸趨激烈,他指港獨思潮對紓解此形勢毫無幫助。
跟進不守約途徑寥寥
政制及內地事務局局長譚志源2014年底曾在立法會表明,《中英聯合聲明》已完成歷史任務,港人生活方式「五十年不變」的承諾是屬於中華人民共和國政府聲明部分,因此英國不可能有監督權。彭定康稱,中央和港府官員都試圖避談《中英聯合聲明》,但這是確然登記於聯合國的國際條約,「我想應記住一點,這並非中國的聲明,而是中英聯合聲明。1997年之後,聲明的承諾是由中方向香港人作出的,基於此條約,英方有權監察落實承諾的實際情況。」
他舉例指英國政府對銅鑼灣書店股東被綁架事件作出批評,是正確做法,但應更有力地發聲以引起國際迴響。他承認英國能跟進中國不守約的途徑不多,「除了向聯合國提出關注,其他方法寥寥可數」;但他說,當年無人強迫北京簽署《中英聯合聲明》,相信北京不希望被國際質疑不守約,這將使中央政府尷尬。彭定康強調,回歸後《基本法》生效不會取代《中英聲合聲明》,因《基本法》是為了落實該聲明而設的。
彭定康並指出,中央承諾港人循序漸進達至普選,已故港澳辦前主任魯平在1993年曾表示,香港民主發展完全是香港自治範圍內的事,只須向中央政府滙報,英國政府在1994年及2000年均獲中方重申此立場。他認為,時至今日,中央仍有空間推動香港民主,包括增加特首選舉委員會的選民基礎,因回歸後一直有五成至六成選民支持民主派,目前選委會僅代表約7.5%選民,不符具「廣泛代表性」的要求。
彭定康堅信在2047年以前香港定能實現普選,並指目前北京對港人的不信任,部分原因在於港獨主張,「最近爭議的其中一個問題,我想是因在內地的人沒看到2014年時港人如何爭取民主,卻聽到有人要求港獨,這令他們對香港充滿戒心(critical),而這(港獨)毫無幫助。」
他再次提醒支持港獨人士,爭論如何達到民主遠較討論獨立有利,前年佔領運動示威者的克制表現,全世界除了內地均有目共睹,港人已爭取到道德高地。「我始終相信只要你擁有道德上的最佳理據,你早晚都會勝利。」
港獨令北京充滿戒心
彭定康並承認,英國在八十及九十年代對在香港引入直選做得不足,令今天年輕人傾向冒進;但他們不應自視為唯一勇敢的一群。他並讚揚李柱銘、劉慧卿及楊森等,過去對推動香港民主均非常勇敢和有成就(fantastically brave, and pretty successful)。
彭定康並以英國作家喬治.艾略特的名著Middlemarch結局寄語港人,即使在微小的地方作出改變,都能令世界變得美好。
對今次訪港獲市民歡迎,甚至有人緬懷其治下的香港,彭定康稱時鐘不能倒轉而行,港人應相信港人治港能有美好前景,他有信心50年後香港仍是非常好的城市,很多方面會比今天更好。
採訪、撰文:江麗芬、羅奕熙

68 則留言:

  1. 可以欣賞到我城有青的"電影", 又免卻忍唔住打爆自己部電視的危險, 多謝!

    回覆刪除
  2. 估到你今晚會出嘢,我聽晚先“深入敵陣”,而家等我睇曼聯先...

    回覆刪除
    回覆
    1. 睇完。講d即時印象先:

      - 開場時的自焚片段,佢低成本請唔起stunman就算,但唔好得把無人形的火跟住地下一攤灰咁求其,好歹整個人形吧?幫佢兜返:臨尾揭曉係阿婆,影住把燒著既遮避重就輕,個效果咪幾好囉?!

      - 歐陽建鋒同士多老闆衝突果段,士多門口係貼住「抗議業主逼遷」,不過導演全無發揮呢個point。

      - 我睇魔兄cap圖時已留意劇中「巷蜀」代表顏色是「紅白藍」,果然是源自「紅白藍」帆布:我知道馬德里體育會主場波衫主色紅白相間係源自馬德里低下階層的紅白間床單時,就覺得點解龍獅軍唔用紅白藍三色來做球衣主色;但呢個概念,除左偶爾有鏡頭影住d坊間的紅白藍用品外,就只有在五金店老闆家中播新聞時,下面條bar出左句:「袁椊(袁木?):政府會禁用代表港獨的紅白藍帆布」...導演有個咁既理念,點解剩係鏡頭匆匆一句就帶過?

      - 歐陽建鋒燒中英國旗一幕,明顯紅色旗是模糊不清完全看不見五星,應該係避國旗法。

      - 魏忠賢9up時,提及「邊會好似你地個故仔,秘密警察著晒西裝」...咁即係點?個故仔在裡面個空間是真定作的?定話導演學埋佢地最鄙視既晶哥,刻意在自己d戲調侃返自己?

      - 公屋單位內的秘密警察又好鬼流,三條有青好似齋係度擺pose,五金佬想衝出去時制服佢又論盡....當然我只能原諒佢無錢請武指....

      - 成套戲即時印象,就係個故仔除左主線「歐陽建鋒絕食」同「誰是自焚者」再加周邊花生友訪談外,其他什麼Karen、偽娘同柏陽(佢個名同「柏楊」近似,但典故亦全無交待),我完全唔知佢地做乜,同埋與歐陽建鋒的關係(我刻意唔去記返魔兄既紀錄,以嘗試當一張白紙咁理解),黑警禁錮五金佬又無交待原因。其實even不論立場,任何觀眾對成個故事只會睇得莫名其妙。

      講真,個故仔可以刪去,全程除左結尾「阿婆上山自焚」外,可以《星期二檔案》式的「新聞片」+「訪談」+「主持人旁述」就交待晒劇情--反正全套戲都係單向價值觀灌輸,連像樣側面的戲劇效果和心理暗示也欠奉。

      - 從藝術價值講,只有剪接同分鏡比之前三套好,畫面顏色正常,節奏算緊湊...但卻被支離破碎的故事框架徹底浪費;價值觀又太硬推,部份可發揮點子(紅白藍、士多被逼遷)又講左等於無講,實在很難感染即使對事實不求甚解(呢個明晚再講)的港豬...作為應該面向所有立場觀眾的propaganda,絕對一無是處。

      - 另外我明白點解《浮瓜》會係發生在2020年...因為代表之後的故事都是發生在國安法立法幾年後...我開頭以為《浮瓜》講國安法只是一個獨立於其他故事譬喻,但原來有咁「宏大」既鋪排,我即刻覺得《浮瓜》格局好流...

      明晚再講(唔使問我,我寫咁多野都只係睇左一次...無辦法,我A Level UE practical skills攞A的,even我唔係太明裡面d文講乜...)

      刪除
    2. //唔好得把無人形的火跟住地下一攤灰咁求其,好歹整個人形吧?
      //臨尾揭曉係阿婆,影住把燒著既遮避重就輕,個效果咪幾好囉?!

      結局算係有意境,但開頭就實在太「陽春」了。

      //魔兄cap圖時已留意劇中「巷蜀」代表顏色是「紅白藍」,果然是源自「紅白藍」帆布
      //除左偶爾有鏡頭影住d坊間的紅白藍用品外

      我有留意到,但只是心裡只是「哦」了一聲,因為紅白藍膠袋最繁盛之時就係「返娜下探親」,正是「血濃於水」的表現,跟巷蜀、傷港民族、港中區隔的概念大纜都扯唔埋。

      紅白藍膠袋
      1970年代至1980年代,香港經濟起飛,中國大陸經濟相對落後,不少香港人到中國大陸探親都不約而同以紅白藍膠袋裝載貨品,一時間紅白藍膠袋與探親成了同義詞。

      //在五金店老闆家中播新聞時,下面條bar出左句:「袁椊(袁木?):政府會禁用代表港獨的紅白藍帆布」...導演有個咁既理念,點解剩係鏡頭匆匆一句就帶過?
      //燒中英國旗一幕,明顯紅色旗是模糊不清完全看不見五星,應該係避國旗法。

      呢個兩個鏡頭我睇兩次都catch唔到,摩摩今次比我更attentive to details!

      //部份可發揮點子(紅白藍、士多被逼遷)又講左等於無講

      既然導演有呢喲細節位做咗落去,但又無借題發揮,反而focus咗落去無厘頭的藍大學生、五金店老闆等。善意猜想就起眼高手低,將所有伏線都放哂落去先,諗到乜再寫乜,結果就係因為筆直所限,唯有寄望「續集」(荷里活公式,《恐懼鬥室(Saw)》都係由短片拍起,不過前題係如果有人肯投資/眾籌成功的話)可以發揮下那些隱藏點子,由簡約生做大奸角,以免浪費了那條技術上做得不錯的「偽直播新聞」。

      //魏忠賢9up時,提及「邊會好似你地個故仔,秘密警察著晒西裝」...咁即係點?

      同情地理解,係諷刺緊班懶明白殺人政權的老一輩,其實對殺人政權都唔係咁暸解。

      //我只能原諒佢無錢請武指....

      點解要請武指?唔識幾下散手,點勇武抗爭?

      //只有剪接同分鏡比之前三套好,畫面顏色正常,節奏算緊湊...但卻被支離破碎的故事框架徹底浪費
      //其他什麼Karen、偽娘同柏陽(佢個名同「柏楊」近似,但典故亦全無交待),我完全唔知佢地做乜,同埋與歐陽建鋒的關係
      //黑警禁錮五金佬又無交待原因。
      //其實even不論立場,任何觀眾對成個故事只會睇得莫名其妙。

      技術比較好,但完全無內容可言,都唔知有乜感動位。

      //個故仔可以刪去,全程除左結尾「阿婆上山自焚」外,可以《星期二檔案》式的「新聞片」+「訪談」+「主持人旁述」就交待晒劇情

      Exactly 《星期二檔案》就夠!

      //我開頭以為《浮瓜》講國安法只是一個獨立於其他故事譬喻,但原來有咁「宏大」既鋪排

      又唔係,後續故事中有講2020年巷蜀暴動導致黑警殉職,應該同《浮瓜》無關。

      //我A Level UE practical skills攞A的,even我唔係太明裡面d文講乜...

      D,我連AL都無考過!

      刪除
    3. 魔魔: // 我有留意到,但只是心裡只是「哦」了一聲,因為紅白藍膠袋最繁盛之時就係「返娜下探親」,正是「血濃於水」的表現,跟巷蜀、傷港民族、港中區隔的概念大纜都扯唔埋。

      返鄉下探親呢啲事蹟, 啲有青點會知? 都未出世.... 所以佢哋真係柒到爆. 諗到拎架生同人劈過, 點知拎咗人哋隻左手, 仲笑人哋.....

      刪除
    4. //「2047二次前途談判」
      //對事實不求甚解(呢個明晚再講)

      什麼是“偽命題”?“二次前途談判”就是徹頭徹尾的“偽命題”。

      *********

      根據“中華人民共和國政府和大不列顛及北愛爾蘭聯合王國政府關於香港問題的聯合聲明(1984年12月19日)”(簡稱“聯合聲明”):

      一、中華人民共和國政府聲明:收回香港地區(包括香港島、九龍和“新界”,以下稱香港)是全中國人民的共同願望,中華人民共和國政府決定於1997年7月1日對香港恢復行使主權。
      三、中華人民共和國政府聲明,中華人民共和國對香港的基本方針政策如下:
      (一)為了維護國家的統一和領土完整,並考慮到香港的歷史和現實情況,中華人民共和國決定在對香港恢復行使主權時,根據中華人民共和國憲法第三十一條的規定,設立香港特別行政區。
      (第三十一条 国家在必要时得设立特别行政区。在特别行政区内实行的制度按照具体情况由全国人民代表大会以法律规定。)
      (二)香港特別行政區直轄於中華人民共和國中央人民政府。除外交和國防事務屬中央人民政府管理外,香港特別行政區享有高度的自治權。
      (十二)關於中華人民共和國對香港的上述基本方針政策和本聯合聲明附件一對上述基本方針政策的具體說明,中華人民共和國全國人民代表大會將以中華人民共和國香港特別行政區基本法規定之,並在五十年內不變。

      *********

      三(十二)只是講出“基本法”是三的“中華人民共和國對香港的基本方針政策”的“具體說明”,並且“基本法”是“五十年內不變”—可這只是“基本方針政策的具體說明”,聯合聲明並無為“基本方針政策”定下任何期限;而“基本方針政策”在三(一)和三(二)已經解釋得很清楚:“為了維護國家的統一和領土完整…設立香港特別行政區”和“香港特別行政區直轄於中華人民共和國中央人民政府”。

      就算真的如本片有青所講,乜都“聯合聲明”,但在聯合聲明框架內,最多討論“五十年後對基本方針政策如何重新具體說明”,幾時話過可以如有青的“自決”主張,可以討論“基本方針政策”的first principal definition?更枉論“談判”?

      刪除
    5. 另一方面,

      *********

      《聯合聲明》附件一
      一、
      中華人民共和國全國人民代表大會將根據中華人民共和國憲法制定並頒佈中華人民共和國香港特別行政區基本法(以下簡稱《基本法》),規定香港特別行政區成立後不實行社會主義的制度和政策,保持香港原有的資本主義制度和生活方式,五十年不變。
      香港特別行政區直轄於中華人民共和國中央人民政府,並享有高度的自治權。除外交和國防事務屬中央人民政府管理外,香港特別行政區享有行政管理權、立法權、獨立的司法權和終審權。中央人民政府授權香港特別行政區自行處 理本附件第十一節所規定的各項涉外事務。
      《中華人民共和國香港特別行政區基本法》
      第一章: 總則
      第一條
      香港特別行政區是中華人民共和國不可分離的部分。
      第二條
      全國人民代表大會授權香港特別行政區依照本法的規定實行高度自治,享有行政管理權、立法權、獨立的司法權和終審權。
      第五條
      香港特別行政區不實行社會主義制度和政策,保持原有的資本主義制度和生活方式,五十年不變。
      第二章: 中央和香港特別行政區的關係
      第十二條
      香港特別行政區是中華人民共和國的一個享有高度自治權的地方行政區域,直轄於中央人民政府。
      第十三條
      中央人民政府負責管理與香港特別行政區有關的外交事務。
      第十四條
      中央人民政府負責管理香港特別行政區的防務。

      *********

      不論《聯合聲明》附件一和《基本法》第一章和第二章,香港是“高度自治”,而不是“完全自治”,即使“高度自治”,也是全國人大“授權”的,而香港也是“直轄”於中央人民政府。而“授權”、“直轄”,即使如普通法照字面解釋,也有香港要向中央“負責”的意味—即是說,你的“高度自治權”,運通得好唔好,中央是有權過問的,畫埋個O-chart,香港特區政府也是under中央人民政府,上下有條線連住的!

      而何為“高度”也是很抽象的東西,起碼從字面解也不是“完全”,我反而睇出根據第二章第十三條和十四條:外交和防務就100%由中央包攬,沒有特區什麼事,想搶過黎做都唔得…

      當然有青應該更悲哀的是,《基本法》裡面所講五十年不變,只有第五條的資本主義和社會主義部份…

      而本片有青意圖用聯合聲明繞開基本法,其實也是行不通的—因為根據聯合聲明的三(十二),基本法根本就是聯合聲明承認的產物,承認聯合聲明即是承認基本法…

      況且,《聯合聲明》的“三、中華人民共和國政府聲明,中華人民共和國對香港的基本方針政策如下”,並無“聯合王國政府聲明”或“中華人民共和國政府和聯合王國政府聲明”的字眼,而只有

      七、中華人民共和國政府和聯合王國政府同意,上述各項聲明和本聯合聲明的附件均將付諸實施。

      即是說聯合王國也只有同意“中華人民共和國對香港基本方針政策”行使的份,而沒有權反對“基本方針政策”的任何改變(講得衰d,突然放棄恢復行使主權你都無權反對),整份文件更沒有一個字說明,如果中華人民共和國改變“基本方針政策”,就“失去香港的主權治權”、“香港由聯合國託管”…

      當然你可以說,以上“授權”、“直轄”、“高度”…的解釋,視乎誰掌握了話語權,甚至夠Power的話,唔好話點解釋,一野推翻晒聯合聲明同基本法,重新談判亦可;但你班有青唔好發爛渣時,就燒《基本法》,到唔夠Power時要搵護身符,就亂咁解釋《基本法》呢樣果樣,或者試圖用《聯合聲明》繞開《基本法》,卻竟然唔知(或扮唔知)《聯合聲明》系consolidate《基本法》的重要文件!

      這就是我為何說有青(和背後反對派班老野)一貫將《聯合聲明》和《基本法》曲解,生安白造一些有利自己觀點的條款落去,然後講到真既一樣(又話殺人政權好霸道既?點會死錯人寫埋呢d條款?),並且衍生一大推自己的“論述”:例如本片《自焚者》,一開首就弄個錯的假設去蒙混不求甚解的港豬。

      咁樣算唔算“打稻草人”?

      刪除
    6. Freelancer:

      //返鄉下探親呢啲事蹟, 啲有青點會知? 都未出世....

      呢啲咪就係最睇唔過眼囉! 班有青串人之前可唔可以做下research先啊?

      刪除
    7. //作為應該面向所有立場觀眾的propaganda,絕對一無是處。

      以下再解釋多d。

      //歐陽雖然話都「好想打返佢地」,但一想及自己的初心便是為這些未覺醒的港豬爭取公義,便可以冷靜下來,仲可以好似雷鋒同志咁,將 Karen 遞來的紙巾給老闆抹手,實踐「我為人人」的真理:

      港豬會覺得,你其實「好想打返我地」,咁即是你唔當我地敵人,都起碼睇我地唔順眼,你結果唔打仲遞紙巾,只不過是想爭取我地支持你立場的權益之計而已。

      其實改做宗教行者咁,「佢地都係香港人,我唔會嬲佢地,我只會愛佢地,並且我相信終有一日佢地會明白我地既苦心」...效果唔係更好咩?

      //比較文明、比較有道德的英國人
      //傷港是父,蝗國是子,父親要以身作則,好好教導「兒子」:

      這已經是毫不掩飾的「文明人 VS 野蠻人」論了。佢地自己會睇得好過癮,但稍為有點大中華膠的都會十分抗拒;隨時一個中立的外國人也會覺得不妥。

      //「我有一個宗旨,不要看行不行,要看對不對」
      // 政治的根本,其實是道德

      稍為人生有實戰經驗兼有「論述能力」的,都會質疑:「行不行」是實際能驗證的,可「對不對」、「道德」是「唯心」的--即是純粹你口話口賠。

      所以《自焚者》,比《浮瓜》和《方言》更如魔兄所言,是「對(有前設立場的)同路人別具洗腦煽情效果,更能堅定信念,作為propagandist 算是頗成功的「樣板戲」」;但對非同路人無感染力不特止,甚至「趕客」。

      刪除
    8. 從技術角度,除了劇本混亂和感染力嚴重狹窄外,《自焚者》是暫時四套中最好的--甚至相比一般商業港慘片都唔差。

      //選角方面,各時事評論員的造型都很入型入格,

      幾個老鬼都表現突出,尤其是魏忠賢同女版周蟲蟲。

      前者是經常在大製作的港慘片出現的,後者個種「文明人的扮野款」真係入型入格地乞人憎!

      //年輕小輩(尤其是南亞少女 Karen 與及柏陽)的表現也很可人,

      我覺得Karen我城方言差d,影響了表現;柏陽有爆炸力,拍得住《浮瓜》的陳彼得。

      //係五金店老板嗰段假咗啲

      武指好重要架,唔係齋講招式的,動作場面如何度位、擺鏡頭、安排演員糾纏時的移動位置(即使只是普通人的扭打),都要專業的武指in charge,出色的武指可以拍的更逼真。例如《色·戒》錢嘉樂被愛國有青圍攻一幕,肯定當時in charge的就是嘉樂仔自己,李安都要行埋一邊。

      //大呼「分裂國家好」、殺人政權極度邪惡...都未有被捕(又話立咗23條?):

      佢人物原型肯定是鍾早洩,如果講佢在北歐接受訪問會合理d。

      //偽煉穴腫話殺人政權以仇恨去統治國家
      //所以成日以為「懷柔」先係殺人政權收買人心的手段。

      如果話「以仇恨去統治國家」,不如話「以仇恨來奪權」:解放前和初期、以至文革時期(所以好多人話反對派其實更似解放前的共產黨);而家權力穩固自然無此必要。而共產黨對自己人甚至親近人士,與其說「懷柔」,不如說不吝嗇「維繫」:其實「蛇齋餅粽」呢挺著數攞得幾多?但老共就是靠此舉辦聚會,以維持住大家關係的「溫度」,除了平時人多好辦事外,到選舉時更能形成一個基本盤--而你俾人覺得你有基本盤,街外人先會覺得你會贏,先至會投票俾你!

      刪除
    9. //聯合聲明並無為“基本方針政策”定下任何期限
      //《基本法》裡面所講五十年不變,只有第五條的資本主義和社會主義部份…
      //為了維護國家的統一和領土完整…設立香港特別行政區”和“香港特別行政區直轄於中華人民共和國中央人民政府"
      //香港也是“直轄”於中央人民政府。而“授權”、“直轄”,即使如普通法照字面解釋,也有香港要向中央“負責”的意味—即是說,你的“高度自治權”,運通得好唔好,中央是有權過問的

      正解. 其實只要細心讀過下《聯合聲明》同埋《基本法》,都知道唔會有「《基本法》在2047年失效」的問題,二次前途亦無從說起。根本係唔知邊個(低B100?熱狗?藍大?)發起,講到好似老共問米帝租借我城管治50年咁;而最頂癮的是,《基本法》大大隻字寫住只係「保持原有的資本主義制度和生活方式,五十年不變」,咁都可以扮盲視而不見,都唔知班有青的羞恥心去了哪裡?

      //這就是我為何說有青(和背後反對派班老野)一貫將《聯合聲明》和《基本法》曲解,生安白造一些有利自己觀點的條款落去,然後講到真既一樣

      所以我咁鬼憎煉穴腫。佢既然曾在中策組任職,無可能唔熟《基本法》,卻依然幫班有青敲鑼打鼓,真係好令人睇佢唔起!

      //亂咁解釋《基本法》呢樣果樣,或者試圖用《聯合聲明》繞開《基本法》,卻竟然唔知(或扮唔知)《聯合聲明》系consolidate《基本法》的重要文件!

      就算係肥彭,亦不能不承認《基本法》就是用來落實《聯合聲明》的憲制文件.

      //聯合王國也只有同意“中華人民共和國對香港基本方針政策”行使的份,而沒有權反對“基本方針政策”的任何改變(講得衰d,突然放棄恢復行使主權你都無權反對),整份文件更沒有一個字說明,如果中華人民共和國改變“基本方針政策”,就“失去香港的主權治權”、“香港由聯合國託管”…
      //二、聯合王國政府聲明:聯合王國政府於1997年7月1日將香港交還給中華人民共和國。
      //三、中華人民共和國政府聲明,中華人民共和國對香港的基本方針政策如下

      呢一句又係 key point,聯合王國的「聲明」僅止於交還,而往後則由中華人民共和國政府「聲明」治港基本方針政策,大家roles and responsibilities相當清晰,基本上聯合王國在我城回歸後已無角色可言.

      //你其實「好想打返我地」,咁即是你唔當我地敵人,都起碼睇我地唔順眼,你結果唔打仲遞紙巾,只不過是想爭取我地支持你立場的權益之計而已。

      呢啲叫鬼拍後尾枕,潛台詞呢樣嘢班有青識條鐵咩?

      //這已經是毫不掩飾的「文明人 VS 野蠻人」論了。

      呢一段又係睇到我打咗個突。

      //「行不行」是實際能驗證的,可「對不對」、「道德」是「唯心」的--即是純粹你口話口賠。

      前一句「年輕人都有理想」,後一句「你認為啱嘅,你就去做喇」,咁就可以將「唯心」與「實能驗證」連繫起來了。

      刪除
    10. //呢啲叫鬼拍後尾枕,潛台詞呢樣嘢班有青識條鐵咩?

      因為這已經深深種入左佢地潛意識,「想打返佢地」係佢地一貫想法,又點會體會裡面的潛台詞呢?

      你自己圍內個個都咁臭,久而久之有臭味都理所當然地聞唔到嘞.

      刪除
    11. //「想打返佢地」係佢地一貫想法

      尤其是係黑警喇!

      //你自己圍內個個都咁臭,久而久之有臭味都理所當然地聞唔到嘞.

      成街都係殭屍,咁梗係做殭屍好喇!

      刪除
    12. //從技術角度,除了劇本混亂和感染力嚴重狹窄外,《自焚者》是暫時四套中最好的--甚至相比一般商業港慘片都唔差。

      同意, 我幾鍾意山頂影我城夜景, 偽直播新聞咁細節嘅位都有落心機去做, 同埋婆婆燒剩把傘的意景都唔錯, 睇得出係有心拍的, 但題材劇本唔掂, 唗料.

      //前者是經常在大製作的港慘片出現的,後者個種「文明人的扮野款」真係入型入格地乞人憎!

      我憎魏忠賢多啲,佢嗰種食花生幸災樂禍但就連同路人都唔去幫的態度真係好鬼衰。

      //佢人物原型肯定是鍾早洩,如果講佢在北歐接受訪問會合理d。

      偽煉穴腫都俾強力部門冚檔,有理由相信魏忠賢當時身在外國.

      //柏陽有爆炸力,拍得住《浮瓜》的陳彼得。

      游學修可以打殘劉公仔, 引到各盛女心仔扑扑跳, 你咪當人流!

      //出色的武指可以拍的更逼真。

      果然係港產片之王!

      //而共產黨對自己人甚至親近人士,與其說「懷柔」,不如說不吝嗇「維繫」:其實「蛇齋餅粽」呢挺著數攞得幾多?

      販民最大的問題,就係愈來愈唔講人情:人情唔係指大愛包容關注弱勢社群,而係個體和個體之間的「關係」(呢樣嘢販民覺得是十惡不赦的行為,幾多貪污由此而起),但中國人就係 buy 呢一套,尤其是由我阿媽嗰邊可以惑受得到。

      刪除
    13. // 販民最大的問題,就係愈來愈唔講人情

      其實係咪可以側面去睇, 佢哋塊餅已經所剩無幾了.

      刪除
    14. 佢地總票數之所以可以超過50%,相信都係港豬的恐共心態所致,想搵個殺人政權的對頭人制衡一下,而唔係buy呢班販民的理念。

      刪除
  3. 故事劇情怪言近誕,毫無邏輯~
    小學生玩家家酒一樣。
    無知費解!
    正如 Open U 校長批評通識一樣,只有技術上嘅爭辯,但無根無據,無知識事實基礎。
    其實上網大把自焚片段。最近係 ISIS 活燒死一個年輕 Jordan 軍人。咁簡單嘅資料都唔去做,可見做得馬虎不認真!
    對於要講嘅嘢又唔熟:點解要有中英聯合聲明?中英聯合聲明同基本法嘅關係。基本法特徵。中央對香港回歸嘅角度同睇法。一國兩制嘅指咩?
    劇情建基於感情,有漏就搭啲幻想。

    回覆刪除
    回覆
    1. //其實上網大把自焚片段

      齋睇相,佢地應該搞錯咗“自焚”同“人體爆炸”--後者系會渣都無得揸灰的。(日諗夜諗“支爆”所以搞錯咗?)

      刪除
    2. 基本上冇腰骨冇膊頭的軟皮/賴皮生物,燒到化灰係正常的~

      刪除
    3. //基本法特徵。中央對香港回歸嘅角度同睇法。一國兩制嘅指咩?

      基本法係用來落實中英聯合聲明.

      //其實上網大把自焚片段。

      佢地有睇的, 《自焚者》裡面有貼圖(我都有截圖, 偽王ON9嗰段有).
      與其話佢地無做research,不如話佢地係無視現實,自己想點就點算喇!

      //“人體爆炸”

      成日諗住扑嘢都可以「爆」的

      //冇腰骨冇膊頭的軟皮/賴皮生物

      引誘夏娃食毒果的靈蛇!

      //無知識事實基礎。

      飯太都係咁話.

      信報 2016年11月28日

      范太:下屆特首須為23條立法
      全國人大常委范徐麗泰【圖】認為, 下屆特首必須承諾想辦法為《基本法》23條立法,但需社會有共識方可進行。她相信特首梁振英有意競逐連任,建議他在促進人和方面多下工夫。

      范徐麗泰昨出席電台節目時被主持問到下任特首是否必須處理《基本法》23條立法?她表明贊同,並指落實《基本法》為特首職責。她承認「試做未必一定做到」,但特首「點都要有個心(落實)」,應諮詢各方意見以獲社會大多數共識。

      抨梁游無常識逼出釋法

      范徐麗泰又說,今屆政府不夠時間為23條立法,因此將會是下屆政府的任務,而特首選舉「每一位候選人都要答一條題目……承諾想辦法落實23條。」前立法會主席曾鈺成昨天亦認同其說法,指為23條立法「拖咗20年再唔做……我諗會好難交代」。

      基本法研究中心主席、資深大律師胡漢清昨天出席講座時稱,當年23條立法擱置後「好心噏」,認同現今有需要立法,以刑法作底線,如鼓吹港獨分裂國家違反《基本法》,「點可以冇後果?」

      對於人大早前就宣誓風波主動釋法,范徐麗泰批評因青年新政梁頌恆及梁蕙禎而起,「釋法係逼出嚟,而逼到佢要釋法嘅,就係港獨嘅人士,就係以游梁兩人為主嘅嗰一批冇知識、又冇常識嘅一批。」她認為部分法律界人士誤導港人,強調人大並無隨意釋法,「如果係咁樣嘅話,點可能喺19年裏面,只有5次釋法。」

      范徐麗泰表示不知道尚有誰人有意參選,亦不清楚財政司司長曾俊華上京會見港澳辦主任王光亞時,會否獲對方鼓勵競逐;她估計梁振英將會競逐連任,「因為呢個係佢嘅心願吖嘛,當日佢當選嗰陣已經話明要做10年啦。」建議他在促進人和方面「落多啲工夫」。

      刪除
    4. //基本法特徵。中央對香港回歸嘅角度同睇法。一國兩制嘅指咩?//
      譬如涉及 duties 多啲,定 rights 多啲。Rights 係人民應有,定係中央賦予嘅 gift?基本法係中國憲法邊到走出嚟?點解香港人唔需要遵從內地嘅社會主義政策?又唔使交稅㑭中央?毛婆(油菜新媽 http://hkgpao.com/2016/11/【母女情深】當游蕙禎係囡囡-毛婆:有人批評佢-我/ )(<-- 係!好得人驚!)話高度自治其實係好少,一啲都唔高喎!其實同好多自治區,省/州比,香港嘅自治程度係最高。

      刪除
    5. //基本法係中國憲法邊到走出嚟?

      http://www.people.com.cn/BIG5/shehui/1060/2391834.html
      第三十一條 國家在必要時得設立特別行政區。在特別行政區內實行的制度按照具體情況由全國人民代表大會以法律規定。

      //點解香港人唔需要遵從內地嘅社會主義政策?又唔使交稅㑭中央?

      因為傷民是伸手黨.

      // 【母女情深】當游蕙禎係囡囡

      囡囡:
      https://movie.douban.com/tag/%E5%9B%A1%E5%9B%A1

      // -毛婆:有人批評佢-我/

      條link去到「我」就無咗,搞到我仲以為係「我實D7佢」!

      //其實同好多自治區,省/州比,香港嘅自治程度係最高。

      港豬不嬲都係身在福中不知福.

      刪除
  4. 以前學過膚淺電影理論,呢D小學雞電影手法,通俗地叫 talking heads,有乜偉大理念,就搵角色讀書咁讀晒出泥,完全唔系「電影」。

    回覆刪除
    回覆
    1. //搵角色讀書咁讀晒出泥

      Exactly. 所以全片用紀錄片形式訪談進行, 「讀出理念」就自然得多.

      刪除
  5. 完全冇講支那政權特衰政府點樣衰法破壞傷港高度三文治,好欠說服力(上一嗰揸的士嘅故事至少都有講吓背景,話喺要全國講蝗語,呀咦,點解"警察封鎖線不得越過",唔喺殘體字嘅??),無啦啦又自焚又絕食,我覺得應該加多一嗰青山醫院嘅醫生講吓妄想症精神分裂之類。監獄應該冇乜可能俾佢絕食咁耐仲要瓜埋,一早就的佢入醫院吊點滴灌營養奶喇。又無啦啦去米國領事館自焚,米帝領事真倒大霉,暗罵呢班支那人真麻fXXking煩 。。

    其實"睇"咗咁多齣,都冇一嗰故事提及蝗國本身情況,好似十年後蝗國完全冇變咁,十年後香港仲有冇價值喺完全冇考慮。講開又講我仲以為會有一齣講支爆呢嗰港青日夜打J幻想嘅情況添。

    又要"捉字蝨"喇。。protestant喺新教徒,唔應該譯成基督教(徒)。。。基督教喺christianity,包括天主教,新教同東正教。。不過簡單英文問路都唔識答鬼妹(仲要東歐嘅添,東歐喺米國就喺蝗蟲之一。。。嗰東歐妹天真以為香港中英都好,似乎心諗已中伏。。),都唔可以太多要求囉。

    回覆刪除
    回覆
    1. //點解"警察封鎖線不得越過",唔喺殘體字嘅??
      //protestant喺新教徒,唔應該譯成基督教(徒)

      又俾你提到bug!

      //監獄應該冇乜可能俾佢絕食咁耐仲要瓜埋,一早就的佢入醫院吊點滴灌營養奶喇

      衰到淨係影住碟頹飯放係地下,就咁將張本來握在手中的紙(遺書?)無力地飄下就當係死咗.

      //又無啦啦去米國領事館自焚,米帝領事真倒大霉,暗罵呢班支那人真麻fXXking煩 。。

      都係肥彭的錯,話乜鬼米帝有道義責任為傷民發聲呢?

      //講開又講我仲以為會有一齣講支爆呢嗰港青日夜打J幻想嘅情況添。

      又隕石襲支那?

      //嗰東歐妹天真以為香港中英都好,似乎心諗已中伏。。

      嗰件東歐妹不太正,唔係有無無其他同學女?

      刪除
    2. //都冇一嗰故事提及蝗國本身情況,好似十年後蝗國完全冇變咁//

      有青/有中心目中,蝗國自1966年後都冇變過,如果有,都係到1989年變差左。

      刪除
    3. //手中的紙(遺書?)無力地飄下就當係死咗//
      粵語黑白片都認真過佢!

      //簡單英文問路都唔識答鬼妹//
      糧油英語:
      https://m.youtube.com/watch?v=eHf4zkBXTTM&feature=youtu.be
      有竹升問,既然英文唔叻點解又要用英文宣誓?

      刪除
    4. //有青/有中心目中,蝗國自1966年後都冇變過,如果有,都係到1989年變差左。

      在有青/有中心目中,蝗國應該同北韓古巴差唔幾。

      //糧油英語

      不如留返下篇寫。

      //既然英文唔叻點解又要用英文宣誓?

      因為蝗話不是國際語言,佢地要讓全世界都聽見他們在 re-fuxking 支那。

      刪除
    5. //既然英文唔叻點解又要用英文宣誓?

      佢上次話係想練習下英文。

      刪除
    6. 無想, 好耐無見...

      想練英文,就要多啲跟痴瘋仔去訪美喇!

      刪除
    7. 近幾個星期比較忙,不過你個blog我日日都有追。

      「十年」上映時我入左戲院睇(見好多人講所以睇下係乜料),見唔少人喊,我就淨係睇到好唔耐煩。有次問個蝗國來的同事點睇套戲,佢只係話「你地傷港人都真係幾識幻想」。

      刪除
    8. 無想兄:好耐無見

      //「十年」上映時我入左戲院睇(見好多人講所以睇下係乜料),見唔少人喊,我就淨係睇到好唔耐煩。有次問個蝗國來的同事點睇套戲,佢只係話「你地傷港人都真係幾識幻想」。

      真係唔知邊個先係「玻璃心」...

      刪除
    9. //見唔少人喊,我就淨係睇到好唔耐煩。
      //玻璃心

      其實有乜好喊?佢地唔識蝗語,搵唔到食?自焚絕食又唔敢?得把口保育?定係自己都出賣逼自己過「長毛與peter仔」?
      唔通齣戲剛剛好踩中佢地的軟弱之處?

      刪除
    10. //見唔少人喊//
      係我我都想喊 ~ 『回水!回水!』 XD XD

      //「你地傷港人都真係幾識幻想」。//
      意思係:都唔知噏乜! XD XD

      刪除
    11. // 其實有乜好喊?

      喊香港特色無哂.....

      咩話? 捐錢幫下保育?! 你先....你先....你先....你先....你先....你先....

      刪除
    12. //喊香港特色無哂.....

      睇咗四套,這是其中一個死症--佢講唔出小市民(港豬們)最concern的東西。第五套未睇,不過都大約估到。

      睇晒再講。

      刪除
    13. 籌到30萬喇!

      http://donation.youngspiration.hk/

      已籌得金額:$302,821.81 (6.06%)
      (直至 2016-11-25 00:00)

      刪除
    14. //佢講唔出小市民(港豬們)最concern的東西。

      因為班有青根本唔concern小市民(港豬們)最concern啲乜.

      刪除
    15. 咪就係小朋友唔㑭食朱古力,於是周圍請人食,順便自己又有得食呢招囉!
      所以小市民想要乜唔重要,最重要係嘈嗰個想要乜。
      然後,問題就出現嘞!原來佢哋都唔知自己想要乜。
      真係啤一聲!

      刪除
    16. //原來佢哋都唔知自己想要乜。
      //真係啤一聲!

      大把人係咁喇! 我公司啲客不嬲都係「知自己唔鍾意乜,但唔知自己鍾意啲乜」, 而我地嘅責任就係估下佢鍾意啲乜. XD

      刪除
  6. 今年金馬獎,豬肉都分了给大陸。連最佳電影都比八年唔講十年。太黑暗矣!

    回覆刪除
  7. 導演連自殺的Research都無做過,阿婆自殺自焚???

    女人自殺,不同男人,很少用槍,或以刀自刎,通常食安眠藥,以較軟性的方式了結自己生命。我無研究過自殺,都知道這個簡單心理常識。

    希特勒自殺就用手槍,而他的情婦就食山埃丸。

    中英聯合聲名是什麼?摩西十戒?凌駕在基本法之上?這一集無論在邏輯和人性的描寫上,要思覺失調才會認同。

    回覆刪除
    回覆
    1. //中英聯合聲名是什麼?摩西十戒?凌駕在基本法之上?

      加咗伸延閱讀.

      根據譚志源:「《中英聯合聲明》已完成歷史任務,港人生活方式「五十年不變」的承諾是屬於中華人民共和國政府聲明部分,因此英國不可能有監督權。」
      根據肥彭:「回歸後《基本法》生效不會取代《中英聲合聲明》,因《基本法》是為了落實該聲明而設的。」

      就算再退一萬步,肥彭都只係話英國「有道義為香港人發聲」,但無權制裁中方(「除了向聯合國提出關注,其他方法寥寥可數」).

      即係你見到隔離阿鍾師奶唔俾阿仔打機,阿仔猛咁喊, 你都只能勸下佢地, 又唔係家暴你無得去報警的.

      刪除
    2. 佛爺://中英聯合聲名是什麼?摩西十戒?凌駕在基本法之上?

      呢啲對於佢哋嚟講, 只係口號嚟, 思考碎片化嘅腦袋, 只知道叫一堆名詞出嚟, 嚇下人, 但當中嘅關係, 佢哋自己都從未攪清過.

      刪除
    3. //只係口號嚟, 思考碎片化嘅腦袋, 只知道叫一堆名詞出嚟, 嚇下人, 但當中嘅關係, 佢哋自己都從未攪清過.

      所以佢地只能講出一些「Obsessed observations」,問佢要 proof, evidence 之類,就無可奉告, 講講下又會去咗主觀的「不公義」了.

      刪除
    4. //所以佢地只能講出一些「Obsessed observations」,問佢要 proof, evidence 之類,就無可奉告, 講講下又會去咗主觀的「不公義」了.

      我問個90後同事,成日話CY唔好,不如講下佢邊樣唔好吖? 諗咗20秒,佢答我話CY笑得好奸,跟住我話你係人身攻擊喎,佢笑笑口冇回應。


      //范徐麗泰表示不知道尚有誰人有意參選,亦不清楚財政司司長曾俊華上京會見港澳辦主任王光亞時,會否獲對方鼓勵競逐;她估計梁振英將會競逐連任,「因為呢個係佢嘅心願吖嘛,當日佢當選嗰陣已經話明要做10年啦。」建議他在促進人和方面「落多啲工夫」。

      同另一個同事討論開特首選舉,提到財爺曾,我話係人都知佢想選,但係依家連辭職出嚟選的吉士都無,點叫阿爺祝福您呀!點知同事更激,佢話鬍鬚曾做特曾,香港死得啦!

      所以話呢,民間智慧同媒體智慧有好大差距。

      刪除
    5. //佢答我話CY笑得好奸,跟住我話你係人身攻擊喎,佢笑笑口冇回應。

      可以佢心想:「你要篤我係黃C?我先至無咁易俾係chok到呢!」

      //但係依家連辭職出嚟選的吉士都無,點叫阿爺祝福您呀!點知同事更激,佢話鬍鬚曾做特曾,香港死得啦!

      咁又係呀, 要阿爺祝福先出嚟選, the boss is always right,但卻少了689迎難而上,雖千萬人唔往矣的氣概;要為23條立法,鬍鬚仔就肯家無行。

      刪除
    6. 喵喵:// 我問個90後同事,成日話CY唔好,不如講下佢邊樣唔好吖? 諗咗20秒,佢答我話CY笑得好奸,跟住我話你係人身攻擊喎,佢笑笑口冇回應。

      將政客分忠奸, 就已經夠低能, 仲要唔知佢奸啲乜, 真係無言.

      刪除
    7. //將政客分忠奸, 就已經夠低能, 仲要唔知佢奸啲乜, 真係無言.

      同我公司啲妹妹仔咪一樣.

      刪除
    8. //點知同事更激,佢話鬍鬚曾做特曾,香港死得啦!

      呢樣簡直舉埋X贊成!

      呢條鬍鬚西剩系識和稀泥,講紳士唔夠佢舊老細虛偽,講滑頭又唔夠佢真兄弟咁世界仔。仲話以前系美帝唐人街武術街轆,咁既性格都唔知點同人打交。

      刪除
    9. //咁既性格都唔知點同人打交。

      《打擂台》: 唔打就唔會輸!

      刪除
    10. //希特勒自殺就用手槍//

      有青自殺就用打手槍,對住巷毒打J 打到死

      //佢答我話CY笑得好奸//

      your face your fate ?!!

      //鬍鬚曾做特曾,香港死得啦!//

      9 成 9 學貪曾未就任已打算hea 到退休

      刪除
    11. //對住巷毒打J 打到死

      會射出血來.

      //9 成 9 學貪曾未就任已打算hea 到退休

      呢條友做得出,佢啲懶幽默的語言偽術都唔差的.

      刪除
  8. 當初以為「十年」因成本底,應該劇情有深度.
    給魔術師的介紹及圖片, 原來「十年」是部垃圾級自戀劇.
    免費看都浪費時間及生命!

    回覆刪除
    回覆
    1. 又唔好咁講. 未試過(睇), 又點知唔得呢?

      刪除
    2. 我個個故仔都只係睇一次,已經減低損失...寫既時間係睇既幾倍架.

      刪除
    3. 頂,咁我呢幾篇咪仲大工程!

      刪除
    4. 你為人民服務呀嘛,抵諗d啦 XD

      刪除
    5. 好在有客席主持為我分憂。

      刪除
  9. // 好耐無見...
    嘩, 有排追...

    回覆刪除
  10. 我突然睇到套好無聊既港慘片,呢個先係真正得人驚的十年(或「28年」)

    http://youtu.be/Vi_X37um3to#t=43m24s

    回覆刪除
    回覆
    1. 好無聊的故事背景:

      http://youtu.be/Vi_X37um3to#t=5m50s

      刪除