2017年7月12日 星期三

《異度空間(Inner Senses)》:中學生應該談戀愛

話說魔術師裸辭之後,有幾晚竟然發夢見到同老父商量何去何從(老父當然是傳統「工資奴」的代表,會「責問」魔術師點解咁「任性」)。醒返諗諗下,做咗咁多年嘢,積累下來的壓力,真係唔講得少。


***
獨居美少女文青章昕(林嘉欣飾)以月租$8,500跟房東(徐少強飾)租住了一間無電梯的一房單位,仲要有獨立廚房,真係羨慕死游小三:

新屋入住未幾,昕便開始見到鬼影幢幢,水管中也傳來怪聲,鏡櫃竟然有兩母子的倒影...昕的表姐夫、精神科醫生 Wilson(李子雄飾)便將昕介紹給心理醫生阿占(張國榮飾)跟進:

占是一個無鬼論者,認為所謂「鬼」只是由我們接收而來的垃圾訊息中幻化出來的影像,信則有不信則無(咁似《動物傳心》嘅?):

昕去見占,只強調自己無病,而係見鬼,來看醫生只不過是為了向表姐(周嘉玲飾)交代而已。占作為一個溫柔體貼的醫生,當然就是慢慢開解昕,誘導她承認見鬼甚麼的只是自己的心結作祟:

昕回到家,跟包租公吃了一餐晚飯。包租公講講下竟然講到自己老婆同個仔被山泥傾瀉活埋,而自己就準備埋啲鞋呀,晚餐呀咁...聽完都夠毛骨悚然:

占跟昕分析,說「人不想記起往事,一定有他的原因」。昕時常「見鬼」,其實只是她的心結作祟,於是便開始偷看昕的日記(竟然是手寫日記,阿昕果然夠哂文青)...難道,失戀的學生妹就係阿昕?

占說昕外表上很理智,但內心卻很脆弱,自己也不知道自己出了問題...其實,占係咪講緊自己?

睇吓睇吓,占同魔術師都幾似(魔術師當然無占咁靚仔),又係獨居中生,唔好動,又鍾意睇書:

占跟 Wilson 暸解昕的過去,原來阿昕父母離異,卻無人去爭取她的「撫養權」,識咗個男仔但又被豬扒搶走,於是開始發瘋:

占以《午夜靈異錄像》的自拍手法,幫昕拆解了半夜根本無鬼出現;而水管的怪聲只是樓上的毒男打JJ時發出的聲響。占帶昕去游水,二人肉帛相見搞到阿昕濕哂,但呢個時候,占就話醫生同病人要保持距離,大大個檸檬車埋去。昕受不住刺激,於是又割脈自殺:

占以最簡單的方法去解決昕的心結:就係叫昕的父母回來給她痛罵一頓,發洩心中多年的鬱結(點解表姐夫 Wilson 諗唔到?)!後來占與昕拍起拖上來,在書局偶遇昕的前男友及其豬扒女友,昕有得拖住靚佬占示威,條氣即刻順返哂:

但其實,在占跟昕拍拖之前,占陸續出現幻覺,而呢個幻覺,都係講緊一個學生妹的愛情故事,由甜蜜,到失戀,到「剪」手腕,最後是去靈堂瞻仰遺容:

占愈跟昕接觸得多,幻覺就愈勁,最後仲要偷偷地幫自己做電擊療法;幸好 Wilson 跟護士長發揮了醫醫相衛的精神,給占遮暪了過去。Wilson 便是因為唔想占太過 dry,而勸說占追求阿昕:

某日,占與昕在跟朋友聚會期間,無故給一對年老夫婦(黃樹棠、蘇杏璇飾)爆樽扑頭(黑警可以不了了之?)。此事勾起了占一連串回憶,仲好似《連城訣》中的戚長發一樣夢遊,將舊報紙找出來再放好,只能靠鬧鐘將其喚醒。此時已跟占同居的昕(舊房東的租約如何處理?)擔心起來,便急召 Wilson 來幫忙,卻給惱羞成怒的怒的占重重的責罵了一頓:

由於占的情況太嚴重,Wilson 唯有向院長匯報,逼使占放長假。占回到家又怪責阿昕,結果阿昕又要被逼搬走(返去搵舊房東?)。

就在阿昕臨走前的一晚,占發起瘋來,一時做回自己,一時扮那死纒自己不休的女鬼,自言自語的對答起來。昕找來占的舊剪報,原來都是關於一名叫「小魚」的女學生的自殺新聞:

小魚(潘美琪飾)是阿占中學時期的女朋友仔,兩小無猜,青梅竹馬;但 puppy love 來得快去得也快,所謂的「山盟海誓」很快便會因「外部勢力」入侵而煙消雲散。小魚因阿占識咗第二個女仔而嚷着要自殺,而阿占又因黑警老點而待在樓下,親眼目睹小魚跳樓而亡:

這些都是阿占努力忘記的舊事,卻在治療阿昕的過程中,慢慢給勾了出來。最後,不信鬼的阿占,在家中見到有如貞子一樣的小魚...阿占奪門而出(竟然有着鞋!),直至逃到小魚當年跳樓的大廈頂樓。占站在天台邊沿,跟小魚作出情深的懴悔:

其實,一切都只是阿占自己的心魔,自言自語的向虛空中的小魚道歉。最後(阿占心裡的)小魚原諒了阿占,拋下一句「我不再愛你了,我不要你了」之後,便灑脫地消失了...而「女鬼」的真身,當然就是阿昕:

***
除了動作片、警匪片之外,不需含靠特技的鬼片也是港慘片的必殺技之一。不過,本片其實不能算是「鬼片」,只能算是以「鬼」作為題材的驚慄片(thriller)(如似可以入到蝗國?)。本片劇本簡單,嚴重嘅 bug 唔多;演員表現出色,尤其是林嘉欣,其眼神的確可以令人相信佢係見到鬼。
另外,劇本寫82年時小魚(本名係小榆,見靈堂花牌)為情自殺。諗諗下,魔術師當年都好似有過一段類似的 puppy love,不過又係無疾而終(見《「學霸」都有落泊時》)...呢個故事,究竟好唔好寫出來呢?

***
伸延閱讀:
唔記得幾多蚊三隻恐怖片:《午夜靈異錄像》、《午夜來嚇》、《靈時3點3》
「學霸」都有落泊時
動物傳心
維基百科:電痙攣療法

28 則留言:

  1. 大師, 唔好嚇我啦! 快d搵返份好工做啦, 再唔係, 寫多d 媽差有青的.半夜三更睇埋d咁嘅古仔, 我都有d 驚呀.要知道全世界患抑鬱症的好多呀,基本上, 我自己都係....roger

    回覆刪除
    回覆
    1. //我都有d 驚呀.要知道全世界患抑鬱症的好多呀,基本上, 我自己都係....

      人總有情緒低落時,不過有病就真係要睇醫生 XD

      可能真係應咗藍橘子所言, 傷民有唔少抑鬱, 只能靠旅行散心(逃避?).

      刪除
  2. 魔術師又唔喜好去旅行,準備怎樣沉澱一吓心靈?

    回覆刪除
    回覆
    1. 呢幾日在家休息下先. 我仲有大把書大把碟要睇呢...

      刪除
  3. //呢個故事,究竟好唔好寫出來呢?

    睇你自己啦, 如摩摩近期的名句「去到呢個年紀,做野仲需要其他人明咩?」.最近睡房有蟲患, 被迫翻箱倒籠咁執屋, 打返開那些封存了20年的舊信件,感慨良多.

    回覆刪除
    回覆
    1. //最近睡房有蟲患, 被迫翻箱倒籠咁執屋, 打返開那些封存了20年的舊信件,感慨良多.

      潘源良的詞,真係唔錯.

      https://www.youtube.com/watch?v=iDup6R_FknY

      作曲︰來生孝夫
      作詞︰潘源良

      歌詞︰
      曾經痴戀 曾經分手
      如今跟你又聚頭
      一種他生的感覺 心底默默流

      如果當初 從不分手
      人生一起怎麼走
      可惜當初的一切 不可以回頭

      也許那天太早分了手
      到了這天卻開不了口
      始終都不知道... 以後

      舊情人是個
      做到最好偏錯失的結局
      怎麼沒有結果
      長夜裡恐怕已想得太多

      舊情人是個
      在腦海中飄過的感歎號
      是對是錯也好
      離別了只覺我已是迷途

      舊情人是個
      做到最好偏錯失的結局
      啦... ... ...

      舊情人是個
      在腦海中飄過的感歎號
      啦... ... ...

      刪除
    2. 我剩係記得發哥唱得好衰 XD

      刪除
    3. 算喇, 發哥又無拎過咩嘢「惡彈新人獎」,就當佢玩票式玩下算囉!

      刪除
    4. 首歌我「細細個」時聽過,GOOGLE過先知係發哥原唱? 仲以為係張國榮添.

      都唔係「唱得好衰」咁簡單, 確實係「唔好聽」........但副歌一段真係唔錯,一邊唱,好似一邊握着手轉緊圈咁~~~~

      刪除
    5. //仲以為係張國榮添.

      幾乎暈低!

      //但副歌一段真係唔錯,一邊唱,好似一邊握着手轉緊圈咁~~~~

      陳秀雯都有一個改編 version:

      映像羅曼史
      https://www.youtube.com/watch?v=77M8J3_HOA0

      原曲係日本歌, 大橋純子唱:

      シルエットロマンス
      https://www.youtube.com/watch?v=Il4M2V1QftA


      刪除
    6. //就當佢玩票式玩下算囉!

      我覺得佢唱得衰系有啲特登的,咁先符合佢”玩嘢“(甚至不是”玩票“)的原意。

      當年佢只唱過兩隻派台歌(電影內展歌喉既唔計),另一隻就系:

      https://www.youtube.com/watch?v=4digSkRD-Wc

      刪除
    7. 《十二分十分吋》正呀, 呢隻歌長駐我iphone裡面...

      刪除
  4. //呢個故事,究竟好唔好寫出來呢?

    寫啦。可能也可沉澱一吓心靈。

    //魔術師又唔喜好去旅行

    呢段時候行開下,我諗係一件好事,但要搵D較靜既地方。

    回覆刪除
    回覆
    1. //寫啦。可能也可沉澱一吓心靈。

      其實都只係牙痛文章, 一生人總會有過這樣那樣的經歷.

      //但要搵D較靜既地方。

      即係唔可以去烏克蘭 XD

      刪除
  5. 當年話張國榮抽離唔到角色令抑鬱症加重

    //呢個故事,究竟好唔好寫出來呢?

    甜唔甜㗎 XD

    //打返開那些封存了20年的舊信件,感慨良多.

    https://www.youtube.com/watch?v=i2_N16y-Xlg


    回覆刪除
    回覆
    1. //當年話張國榮抽離唔到角色令抑鬱症加重

      佢真係好似演得好投入下!

      //甜唔甜㗎 XD

      毛都未出, 梗係唔甜喇!

      //那天下午我在旧居烧信

      呢首歌我反而無乜印象.

      刪除
    2. //那個下午我在舊居燒信
      一轉眼就20年,部份往事仍歷歷在目,PUPPY LOVE 的珍貴, 在於好多的「第一次」也同時出現.至於D信嘛,我左幾次屋都仲留在籠底.....我仲未諗到點處理,太座都知信的存在,留D空間俾我處理自己的過去. 不過我開始擔心唔知幾時會俾阿女巢到出黎 XD......

      刪除
    3. //太座都知信的存在,留D空間俾我處理自己的過去.

      咁咪好囉, 都成20年前的事情, 乜都過去哂喇. 人人都有自己想保留的隠私, 識得互相尊重就最好.

      //不過我開始擔心唔知幾時會俾阿女巢到出黎 XD......

      好乜好擔心阿女會找到呢? 唔通信上有J過的痕跡? XD

      刪除
    4. //好乜好擔心阿女會找到呢? 唔通信上有J過的痕跡? XD
      咁又無咁重口味....魔術師可能有所否不知,女仔的「習性」.舍妹幼時閒賦在家,有鋪「尋寶癮」,家中的大小角落,藏於櫃,箱,盒中的文件書信物件等, 都會一一翻出來「偷看」. 到而家都仲講緊當年被佢出土那封父母之間的家書為「大發現」,笑老豆同老媽子好肉麻.我察覺到我個女都有呢鋪癮......

      刪除
    5. //笑老豆同老媽子好肉麻.我察覺到我個女都有呢鋪癮......

      咁都係笑吓啫, 無嘢好驚格XD

      刪除
    6. 系就等佢大啲入青春期時先搵到,到時佢情竇初開,更體會到原來老竇都後生過,成個image立體晒,隨時拉近父女距離 XD

      刪除
    7. //到時佢情竇初開,更體會到原來老竇都後生過

      咳咳, 我只想到《夜與霧》中的任達華...

      刪除
    8. //系就等佢大啲入青春期時先搵到,到時佢情竇初開,更體會到原來老竇都後生過,成個image立體晒,隨時拉近父女距離 XD

      仲死,實俾佢串「你都係中學初戀,點解要我專心讀書」.....

      刪除
    9. //仲死,實俾佢串「你都係中學初戀,點解要我專心讀書」.....

      咁咪大家一齊性教育囉, 有乜咁「死」呢!! XD

      刪除
  6. "魔術師當年都好似有過一段類似的 puppy love", 斗膽問下魔兄對無疾而終有否揼春 ? ㄟ( ̄▽ ̄ㄟ)
    Max

    回覆刪除
    回覆
    1. //魔兄對無疾而終有否揼春 ?

      咁又無喎...大個少少, 大約係中二左右, 當時諗返已經知道呢位妹妹仔有啲嘢係呃我嘅. 細細個就唔老實的港妹,唔識好過識也.

      刪除
  7. 最種意聽愛情故事

    回覆刪除