水電鋪的貓仔（八）

有網友話魔術師近日跌哂 watt，都講得啱架。話說本來諗住份工太辛苦又唔想見到黃Ｃ上司，所以裸辭 take a break，一路休息一路搵工。點知無返工一個星期已經極度唔慣，周身唔聚財。好嘞，過咗一個星期之後，個人就開始愈來愈 hea 咁。
最近仲因為一啲小事被人激親，心情大壞，星期日幾乎連裝香俾老豆老母都唔記得，認真不孝...係呀，魔術師懶係搵 designer 設計過嘅屋企，係有神位呢樣咁鬼老土兼格格不入的東西。
魔術師都年過４０，算係「老餅」，都要注意下健康。量下血壓，竟然去到１３０，真係唔得掂。一於散下心，拎返呢幾個月跟水電貓影過嘅相出嚟睇下。
係呀，放長假一於返多啲去舊居食嘢，每次路過都會走去探下呢隻衰嘢 - 果然，貓係可以一日訓十六個鐘的。