2017年8月28日 星期一

摩摩電影節之《黑社會以和為貴(Election 2)》:安定面前,選舉第二

其實兩年選一次,仲約定俗成不能連任,會唔會太過折騰,過度的權鬥反而損害組織的利益?究竟和聯勝係點樣可以維持到百幾年歷史嘅呢?


一開嚟,就由和聯勝的開山祖師之一(尤勇飾)介紹一下和聯勝的創立宗旨,就係求財;如果有利益衝突,都係要先以談判方式解決,一切有規有矩,非常之有組織:

兩年後,在那未有兩位馬老大出現的日子,只係識巷式蝗話的 Jimmy 仔(古天樂飾)在蝗國搞盜版搞得風山水起,順風順水打正牌做埋物流生意,羨慕死葉國歡(見《樹大招風》)。Jimmy 仔仲同蝗國官員打好關係,鋪橋搭路,效率快過膠鐵;不過金主郭先生就警告 Jimmy 仔話自己只做正行生意,唔會掂啲黑幫嘢。Jimmy 仔一於少理,打點好後便跟老婆仔走上山去講起屋的理想和財務自由大計,諗將來的阿仔阿女做醫生律師,唔使在傷港都買樓,到時一家人一齊住:

在壽宴中,樂少(任達華飾)向五位契仔探口風,睇下佢地對選新一屆話事人的意向,會唔會對自己的連任計劃造成阻礙。原來契仔們已分為三派:上一集用車墥死黑警但竟然極速放監唔使寫獄中日記的東莞仔(林家棟飾)已是磨拳擦掌,下一屆話事人志在必得,招攬埋大頭(林雪飾)做心腹,令樂少非常不爽;獨行俠飛機(張家輝飾)亦有意參選;但 Jimmy 仔就只想做生意,N屆都唔選,心腹師爺蘇(張兆輝飾)仲指出話事人其實係三煞位,一面要睇住班傷民,一面又要對住殺人政權班黑警,吃力不討好,不如跟 Jimmy 仔北中掘金仲好:

省公安廳石副廳長(尤勇飾)也來探 Jimmy 仔的口風是否有意選話事人,話樂少做事太過份(點過份法卻沒有提),Jimmy 別要學他。師爺蘇在深圳搞地下六合彩,惹上了公安的注意,石副廳長便順手賣一個人情給 Jimmy 仔,警告他一下:

原來和聯勝的叔父頭領鄧伯(王天林飾)也是心儀 Jimmy 仔做話事人,但 Jimmy 仔始終是想做正行生意,不想加人熱廚房,甚至跟鄧伯鬧翻了:

Jimmy 仔賄賂蝗國科長得到了批文,就有交易之際,公安出現。原來師爺蘇也在場,Jimmy 仔便想通知師爺蘇散水,但疑似是因為師爺蘇是搞私幫的關係,電話飛去了留言信箱。結果除了那科長棄錢而逃,所有人都走不了:

樂少找來叔父們摸底。樂少當選話事人以來,風山水起,眾叔父進賬不少,想窮都幾難,基本上是支持他連任,但始終是因為沒有連任的先例,難以說服鄧伯;不過只要其他候選人太弱,叔父們就可以以此為由支持樂少連任。不得人心的東莞仔當然是「候選人」的大熱,而有錢又多兄弟投靠,更得鄧伯器重的 Jimmy 仔就是樂少的最大敵人:

石副廳長將 Jimmy 仔等人放返我城,但就警告和勝聯不能再回國做生意,這是政策規定。「新記」的老許可以做生意,是因為他跟公安廳「談過」,而且他愛國,更加因為他就是「新記」的龍頭。Jimmy 仔問是不是自己做了話事人就可以呢?石副廳長卻不置可否,只叫 Jimmy 自己想想:

Jimmy 仔決定參選,便聯絡老大龍根叔,要與其他選委叔父打好關係;又託師爺蘇找來另一個幫會、認錢不認人的職業殺手武哥(鄭浩南飾)。Jimmy 仔帶埋龍根叔去開叔父會議,但被串爆(譚炳文飾)串返轉頭,用返鄧伯在第一集嗰句「邊個錢多邊個贏,咁就唔使班叔父喇!」來頂返轉頭。申爆又話 Jimmy 仔身邊有臥底,雖然鄧伯護短,話樹大才會招風,但發起狠來的 Jimmy 仔絕不簡單,二話沒說便將那疑似是臥底的手下殺了,查都唔使查,叫班叔父無聲出:

Jimmy 仔唔選又選,搞到樂少和東莞仔二人陣腳大亂。又是在河邊的釣魚活動中,樂少想勸退東莞仔,但東莞仔竟然提出跟大D一樣的提案:「雙話事人」。樂少不允,這次動殺機的是東莞仔。幸好這時有遊人來到,東莞仔不便動手,便答允統一口徑跟樂少合作先搞定 Jimmy 仔:

樂少和東莞仔綁架了 Jimmy 仔的金主郭先生,想用來作用談判籌碼,但 Jimmy 仔不允。其間大頭的從湖南來的妻子想家,大頭安慰一輪「心中蓮花盛放」的無厘頭說話之後仲除下面具話想返屋企;因為大頭朝了相,結果俾東莞仔逼佢同郭先生一起訓入棺材裡面,釘上棺材蓋收在殯儀館裡。

樂少再去鄧伯家中找鄧伯商議,但鄧伯決議捧 Jimmy 仔上位,仲叫樂少退要退得光采,臨老也可撈返個政協叔父來做。樂少離去時見那旋轉樓梯可以「利用」,便埋伏在側趁鄧伯出門時推他下樓,將鄧伯摔死。樂少即時利用環境去殺人,可謂跟上集殺大D一樣:

樂少要手下將龍頭帶返蝗國,學肥婆校長一樣,如果選情失利的話,便拒絕交出帳目。樂少又慫恿飛機幹掉 Jimmy 仔,但 Jimmy 仔從容地指出樂少想連任的野心路人皆見,飛機在組織裡又沒有知名度,即使殺了自己都做了不話事人的。飛機聽完之後,就此作罷:

工資奴職業殺手武哥提議親自出馬殺樂少,但 Jimmy 仔拒絕,一定要由樂少的手下下手,不能給人家留有「Jimmy 弒其君」的話柄。Jimmy 仔捉來幾手樂少手下,在他們眼前將一人碎屍儂狗,逼他們就範,其殘忍程度就連嗜錢如命的武哥都頂唔順:

從樂少手下的情報,Jimmy 仔懷疑郭先生被藏在殯儀館,便派出武哥去營救。最後人是救出來了,但武哥也是雙拳難敵四手,被東莞仔帶同手下圍攻殺死;只是可憐「工資奴」武哥臨死還是想着錢!Jimmy 仔見到有警車,便將藏有郭先生和大頭的棺材推給黑警。東莞仔見勢色不對,亦着草去了:

樂少查到號碼幫想踢自己個仔入黑社會,於是便埋伏在一旁,待其向 Danny 仔收會費時出來教訓一頓。可能是職位太低的關係,號碼幫的金毛唔識和勝聯的話事人,還動手刺傷了樂少的手下。Danny 仔乘亂逃去,樂少追了九條街,追到氣咳都追唔上。就在這時,樂少手下將車使來。樂少登車後以為可以追上 Danny 仔,但原來開車的是投靠了 Jimmy 仔的手下,眾手下背叛樂少,再鎚仔將其扑死。樂少死法同大D一樣,真是天理循環,報應不爽:

Jimmy 仔又陪龍根叔去開叔父大會。由於樂少已死,東莞仔已着草,飛機又無知名度,再無其他人可以出閘,所以便只得Jimmy 仔一人參選。串爆問 Jimmy 仔是否殺死樂少的兇手,Jimmy 仔當然否認。就算串爆是幾咁唔甘心情願,也只好全票通過 Jimmy 仔成為新一屆的話事人。Jimmy 仔出到街,見到飛機被仇家追殺,便救了他上車,又向他示好意圖招攬。不過飛機慣於獨來獨往,也不領 Jimmy 仔的情,落車孤身走我路:

Jimmy 仔當了話事人,便北上跟石副廳長會面。石副廳長原來早就將龍頭棍起出(完成第一集未完的任務?),並將之交給 Jimmy 仔,希望龍頭棍世世代代在 Jimmy 仔一族世襲傳承。殺人政權不是不信選舉,但是不想見到選出有如樂少一樣擾亂社會秩序的人出來(咁鄧伯在第一集選了樂少,豈不是要向殺人政權解畫?),為了我城的安定繁榮,Jimmy 仔既是「信得過的人」,便應該一直由他主政下去。Jimmy 仔怪獸嘉獎夢碎,仔女再當不成醫生律師,便發脾氣狂抦石副廳長。為了大局,石副廳長忍辱負重,仲要霸氣地以「希望你幫忙」,「多謝合作」等字眼「禮貌地」逼 Jimmy 仔就範:

石副廳長的氣勢是如此之強,Jimmy 仔無法與抗,唯有將代表選舉精神的龍頭棍留給鄧伯陪葬。Jimmy 仔回到家裡,老婆仔卻在這時告訴他已懷有身孕...睇 Jimmy 仔個樣,仲唔係盤算緊點樣將話事人「世代傳承」落去?

***
哈哈,假如上集樂少係貪曾,咁今集 Jimmy 仔豈不是變了689?查實,選舉根本就無分真定假,分別只在於參選人的對手實力:你要成竹在胸,當然是要令有實力的對手出唔到閘,出到閘的只是客串過場的嘍囉。呢種做法,無論是對於樂少抑或是689都係同樣道理。
本片同樣無乜 bug,反而有一點頗堪玩味,就係石副廳長言談間仲顯示了「新記」的龍頭老許也要聽佢支笛,亦即係話,好可能「新記」的世襲制也是由蝗國促成的。
當然,最精彩的就是最後石副廳長就算給 Jimmy 仔打兩拳出氣,也要保持住不慍不火的語氣和極高EQ(對比於成日諗住自己的 Jimmy 仔),將他壓下的一段戲。呢一段戲亦可以看到,殺人政權為了實用性(安定繁榮),教條式的繁文縟節(選舉精神)是可以犧牲的(「安定面前,選舉第二」)。
不過,本片始終都有兩個瑕疵:
1. 埸景不足:無論是在「深圳」講 Jimmy 仔找人投資,跟石副廳長會面,抑或係樂少跟東莞仔釣魚,其實都係同一個場景...呢一點真係唔係好得。
2. 以 Jimmy 仔性格,最好凡事都唔係沾污自己對手,否則佢都唔會俾錢請號碼幫的武哥和樂少手下出手。而其中最不合理之處,就係 Jimmy 仔為逼樂少手下就範,竟親手將其中一人碎屍,呢下嘢真係好難解釋。而且碎屍呢啲事唔變態都好難做得出,睇佢當時的精神狀態都頗正常,唔係真係為做生意可以去到咁盡嘛?將人肢解就樂少手下動手殺樂少就唔會招人話柄?這是甚麼道理?
最後,Trailer中有 Danny 仔送殯(樂少之死)和東莞仔在蝗國被槍斃(跨境執法?),呢兩個 shot 都在 DVD 版被 cut 了,不知是所為何事。



***
伸延閱讀:
摩摩電影節之《黑社會(Election)》:愛巷蜀定愛黃金?
摩摩電影節之《樹大招風(Trivisa)》:其實主角係唔係大賊,並唔係最重要
興德校董指陳章萍仍未交出帳簿 更新:2017/08/26 22:04

屯門興德學校被揭發有「影子學生」及行政混亂,前校長陳章萍被罷免超過一星期仍未交出學校帳目及戶口密碼,影響教職員支薪,而遴選委員會已經開始挑選新校長,最快要九月一日開學日才能上任。
還有不足一星期便開學,今年興德收了約八十名小一新生,開了四班,早上舉行小一家長日,校方指教學工作已經準備就緒,不過部份行政問題仍未能解決。
校方找不到部份職員合約,被罷免的校長陳章萍星期三曾經委任律師到學校處理交接,但仍未交出學校帳目,亦聲稱忘記了學校戶口密碼。
至於新校長人選,遴選委員會在三十四名應徵者中,選出八人進行面試,當中包括大專講師、中學主任及小學副校長等。
雷其昌表示遴選委員會選出適合人選之後,要待本月三十日校董會通過,才可以正式聘請新校長,最快要到九月一日開學才能交接。

18 則留言:

  1. 哈! 估到你今晚會寫«以和為貴»。

    //工資奴職業殺手武哥

    呢個就係我話要留意的角色。佢"加錢! 加錢呀!"固然令人印象深刻(隨時是鄭浩南演藝生涯最令人記住角色),但留意Jimmy仔要捉樂少四個近身時,曾經講過句:

    "好多on9佬真係肯為大佬去死,咁睇你好彩定樂少好彩!"

    武哥份人本身認錢不認人,但都客觀知道好多真心膠的on9佬存在,而且會為此客觀認知作提議...好過傷港絕大部份黃C藍C,人地唔信你嗰套就話人地被人收買...(尤其係黃C)

    另外留意師爺蘇接武哥出獄見Jimmy仔時,係挽住一扎書的,似乎想暗示武哥並不是表明一個貪錢老粗咁簡單,只是並無elaborate落去而已。

    //石副廳長就算給 Jimmy 仔打兩拳出氣,也要保持住不慍不火的語氣和極高EQ(對比於成日諗住自己的 Jimmy 仔),將他壓下的一段戲

    留意Jimmy仔打咗石副廳長好多拳,結果反而是Jimmy仔軟癱在地,實在十分諷刺。

    我之前講蝗國電視播呢集時,cut咗的對白就是由"希望龍頭棍世世代代在 Jimmy 仔一族世襲傳承"直至"謝謝合作"一整段對話。但成套戲就是Jimmy仔不擇手段上位,然後就得到阿爺認可兼獎賞(保證替Jimmy仔修橋築路嗰段未cut),咁係咪即係只要口頭向阿爺投誠,就做乜作奸犯科都可以? 就算講阿爺只顧實用性,起碼都要交待阿爺要乜條件去交換來保你呀! cut咗呢段,成套戲就變晒味,俾人覺得阿爺好似表面睇縱容五大地產商咁,純粹買佢地怕。

    其實唔想牽涉什麼民主自由概念,只要將"我們不是不相信選舉"呢句金句cut走就得。要播又驚死搞到亂咁cut,不如唔好播算了。

    //「新記」的世襲制也是由蝗國促成的。

    如果佢真係指"新義安",咁應該世襲制係第一代時一早定下,蝗國頂多協助將其於第二代交棒至第三代時保持。

    // Jimmy仔為逼樂少手下就範,竟親手將其中一人將碎屍,呢下嘢真係好難解釋。

    呢段應該是想表達Jimmy仔為令自己生意能夠做大可以不顧一切,而因只有做到龍頭先上到去做生意,所以為做龍頭可以遇神殺身遇佛殺佛。

    暫時寫住咁多,諗到多啲就明天再寫。

    回覆刪除
    回覆
    1. //哈! 估到你今晚會寫«以和為貴»。

      嘻嘻, 一早 plan 定喇!

      //"好多on9佬真係肯為大佬去死,咁睇你好彩定樂少好彩!

      現實中,的確有唔少人係對僱主盡忠的(例:以前妹頭/美顏舊公司),可能人真係需要一啲感情上的 attachment,太過僱傭兵只會令人工作後感到很空虛。我唔會話呢類「盡忠」的人係「奴隸」,只係佢地選擇將感情容託在唔同的地方上而已。

      //好過傷港絕大部份黃C藍C,人地唔信你嗰套就話人地被人收買...(尤其係黃C)

      在乜C的世界觀,所有人都要為其僱主服務的。一有唔同意見就係二五仔。

      //另外留意師爺蘇接武哥出獄見Jimmy仔時,係挽住一扎書的

      摩摩的 attention to details,亦唔係嘢少!我都有 cap 到圖呀!

      //留意Jimmy仔打咗石副廳長好多拳,結果反而是Jimmy仔軟癱在地,實在十分諷刺。

      「無力感」令自己腳軟。

      //就算講阿爺只顧實用性,起碼都要交待阿爺要乜條件去交換來保你呀! cut咗呢段,成套戲就變晒味,俾人覺得阿爺好似表面睇縱容五大地產商咁,純粹買佢地怕。

      無咗山頭對話呢一段 key message,又真係帶唔出殺人政權的 ultimate goal 喎!變咗好似 Jimmy 仔話「我都可以愛國的」(伙同傷港投資者北上建設?)就係終極目的咁!
      又,本片的副題「黑社會都有愛國的」其實都幾誤導。

      //其實唔想牽涉什麼民主自由概念,只要將"我們不是不相信選舉"呢句金句cut走就得。

      可能係怕牽涉了殺人政權對傷港的睇法。電影中講到為了傷港的安定繁榮,殺人政權使了唔少手段,但事實是否如此?傷港的重要性真係咁高?

      //如果佢真係指"新義安",咁應該世襲制係第一代時一早定下

      講到「真.黑社會」,呢一方面我只能自認係「青頭仔」。

      //呢段應該是想表達Jimmy仔為令自己生意能夠做大可以不顧一切,而因只有做到龍頭先上到去做生意,所以為做龍頭可以遇神殺身遇佛殺佛。

      但係當時Jimmy仔都只係諗住做兩年...兩年咋喎佢以為自己係馬老大?搵唔夠過世的。使唔使咁搏呀?

      刪除
  2. 姓李, 又在大陸搞貨運港的, 不就是....?

    而此片的最大啟示莫過於:各方妖孼,即便是孫悟空,也逃不出五指山,乖乖皈依佛門,還能封個鬥戰勝佛的名號

    回覆刪除
    回覆
    1. Jimmy仔接過石副廳長的龍頭棍後,用港式蝗語道: "我應該說你們神通廣大,還是我必須要害怕..."

      刪除
    2. 班飯民黃屍及其支持者仍然覺得蝗國係"流嘅"耶.....

      刪除
    3. //即便是孫悟空,也逃不出五指山,乖乖皈依佛門,還能封個鬥戰勝佛的名號

      孫悟空在花果山有好多手下馬騮仔擦佢鞋的...

      //班飯民黃屍及其支持者仍然覺得蝗國係"流嘅"耶.....

      第日無得嘘國歌喇, 聽晚寫...

      //"我應該說你們神通廣大,還是我必須要害怕..."

      最後係害怕到腳軟添喇...

      刪除
  3. 「新記」和「號碼」由第一代到第二代都是父傳子。據説兩個第一代都有國民革命軍軍銜。「號碼」第二代做了五十幾年精神領袖,第三代是老師並無意接手。
    因各派不能同意人選,「和記」某幫有一屆有四個坐館!

    回覆刪除
    回覆
    1. 點解你地可以咁清楚嘅?

      我好似都係在黑幫肆虐的屯門公共屋村中長大, 但係就好似好 pure 咁...

      刪除
    2. 這是洪門歷史嘛,壹週刋歷年也有報導。

      刪除
    3. 根據有時唔太可靠的wiki,"和聯勝"的"幫會原型"是硬殼同勝和的混合:

      https://zh.m.wikipedia.org/zh-hk/和合圖

      https://zh.m.wikipedia.org/wiki/和勝和

      特別是選舉以及以和為貴口號的部份。

      古惑仔的"洪興"就取材自老新,由其創辦人"蔣進"對應"向前",以及"蔣天生""蔣天養"對應一眾"向華X"可以知道:

      https://zh.m.wikipedia.org/zh-hk/新義安

      刪除
    4. //這是洪門歷史嘛,壹週刋歷年也有報導。

      證明我真係一頁肥佬雜誌都無睇過.

      //至1909年端午節,廣東洪門天寶心派遣勇義堂頭目「黑骨紅」 (另一說為「黑骨仁」)來香港開新堂,他來香港後,眼見為香港各小堂口四分五裂,於是提議聚合各幫人馬,並傳授洪門的組織及幫規,並協議和平共存。為確立「以和為貴」精神,大家提出在各堂口的名稱上,再一律加上「和」字,形成既聯合、又獨立的「和字頭」的三合會。//

      原來就是《以和為貴》開頭嗰段.

      刪除
    5. 堂口?

      我還在故鄉讀小學的時候 , 粉嶺有個大佬叫[佐治跛] , 後來搬出九龍 , 一天晚上, 親眼看見屋村下面球場斬人...so what ? 都不過是生活的一頁歷史.

      roger

      刪除
    6. //親眼看見屋村下面球場斬人...

      這不是我的世界...

      //都不過是生活的一頁歷史.

      《銀河英雄傳說》:銀河系的歷史,又翻過了新的一頁...

      異曲同工! XD

      刪除
  4. //證明我真係一頁肥佬雜誌都無睇過.
    有些講黒社會的報導不錯。以前報紙雜誌可能為免麻煩所以沒提。

    另坊間也有幾本書有講。據説八十年代初天地出版社那本有些不確。

    回覆刪除
    回覆
    1. 我記得好似以前新聞都喺和X和,14X,而家好似都冇所謂了?

      刪除
    2. 差在未叫14K做“條四”... XD

      刪除
    3. //以前報紙雜誌可能為免麻煩所以沒提。
      //而家好似都冇所謂了

      依家「言論自由」好似多咗? 幾年前睇過一集半集CCTVB膠劇, 好似連「仆街」都出到街的.

      刪除
    4. // 依家「言論自由」好似多咗? 幾年前睇過一集半集CCTVB膠劇, 好似連「仆街」都出到街的.

      呢啲係咪要多謝犯淫佢哋成功爭取?!?!如果唔係佢哋抗爭, 同港共政府對抗, .......... (下刪五千字)

      刪除