2018年6月20日 星期三

摩摩電影節之《一念無明(Mad World)》:做個仆街很容易

睇完《明月幾時有》同埋《一念無明》,魔術師真係唔明白《十年》同《樹大招風》點解可以攞到最佳電影??


患上躁鬱症的阿東(余文樂飾)因「母親的意外」被假法人判強制入院治療。這天醫生聯絡到笨土天敵、任職蝗港司機的阿東父親(曾志偉飾)來接阿東出院,東父收起家中的鐵鎚後,便馬上趕到。醫生跟東父說明,阿東的病情近月來已大有改善,住院也再沒意義,便建議阿東出院「融入社區」,其實背後的原因就是病床不足。

由於收租仔瘋狂加租,東父沒有續老婆的單位,轉租疑似由乜 sir 學員經營的舊唐樓單位。舊唐樓只有樓梯上落,東父一把年紀,行起上來也相當辛苦。阿東父子在梯間遇見住在隔離劏房單位的單親媽媽的兒子,小鬼頭竟然講出「女人話你錯,你就係錯」咁語重心長的語句。二人回到家中,東父便向阿東介紹居住環境,窗外得享對住大街的開揚景致,碌架床對出有兩步咁闊的活動空間:

在回憶片段中,阿東想起自己一面幫母親(金燕玲飾)做腳部按摩,一面聽母親想當年。原來東母以前在蝗國是個大家閨秀,屋企有錢,自己又讀過書,大把人追;誰知殺人政權奪權後,只得東母一人能夠逃到我城。這時阿東不知是否按到了母親疑似是痛風的患處,痛得母親發瘋一般亂打阿東,又狂鬧粗口,一點也沒有大家閨秀的風範:

阿東很快便跟鄰居建立好良好的關係,看隔壁的單親母親的眼神,似乎甚為嗒糖。阿東要去老友 Louis 的婚禮(又話啱啱出院?咁快收到消息?)。東父怕阿東受人白眼,但卻阻止不來;話要陪阿東去,阿東卻冷冷地婉拒了:

阿東去到婚禮現場,即時被人指指點點。就在新郎新娘作例行公事致詞時,阿東搶咪,教訓班賓客,話佢地太嘈只會自顧自傾計,唔留心人講嘢,最後仲發話想搵返前女友 Jenny,看得眾人都O了嘴:

在回憶片段中,阿東想起跟 Jenny(方皓玟飾)也曾山盟海誓。Jenny 很知慳識檢,竟然識得話在酒店擺酒要幾十萬,有錢都留來供樓做樓奴,生B仲要幾百萬才養得大,不能亂花錢。但當 Jenny 提到要送東媽進老人院,反正東父與東弟都不理,阿東何苦要獨自承擔責任。可能是工作壓力,加上要照顧被殺人政權逼瘋的母親,阿東不堪刺激,便爆發起來,怒摑了 Jenny 一巴掌,二人就此分手收場:

東父在租書店打書釘時跟老友講起,原來阿東弟弟在老美「讀書好叻」,叻到我城無人請得起,故東弟選擇留美發展:

阿東在父親面前假裝服藥,但實際上卻在廁所吐了出來。在回憶片段裡,原來阿東曾聘家傭照料母親,但家傭常受東母虐待,雖然沒有告發東母,但阿東唯有親自接手;但東母只是念着東弟阿俊,對阿東的照料,完全不感恩。基本上阿東就是被瘋癲的母親逼瘋的:

這天東母又思念在美國的二子阿俊(孻仔拉心肝?奇怪以阿東一家的家境,照計無能力供個仔出國讀書?),叫阿東非常尷尬。阿東要替母親洗澡,東母不依,雙方爭執起來,然後浴室門下便流出血水:

某日東父扭親腳住了醫院,阿東去探望,二人不覺間爭執起來:東母在嫁給東父前應該還未病發,只是不知受了甚麼刺激搞成咁,東父不知所措,便拋棄了妻兒出走,每個月只係放低幾千元,留下阿東獨自照料母親。面對瘋癲的母親,老豆又不負責任,阿東唔黐線都幾難:

結果換來的是東父的一留真情剖白:因為不懂,所以逃避。後來阿東背他上樓梯回家,算是原諒了父親:

阿東找老友 Louis 幫忙,但 Louis 只能提供 freelance 逐件計的工作;走去見工,人地一問佢成年無做嘢去咗邊,便即是露了底,無人敢聘請鬱噪症的康復者:

Jenny 約阿東見面,話已經幫阿東還清了街數(港女來說算是有情有義),又因為聯名買落層樓唔想變銀主盤,於是仲供緊(乜 sir 會建議拆名再按爆);雖然「窮得只剩下樓」,但 Jenny 最近「得到了很多力量」,生活過得不錯:

Jenny 的態度令阿東以為她會回心轉意,整個人也變得有衝勁。就在這時,電視新聞傳來 Louis 因 iBank 栽員,壓力過大,跳樓自殺的消息,想不到剛結完婚老婆便要守寡(想起來阿東比 Louis 幸運):

果然,我主就是 Jenny 力量的泉源。Jenny 帶阿東去參加一神教教會聚會,Jenny 在分享救贖,話自己本來跟阿東剛在何文田半山買咗樓準備結婚(唔怪得死都要供落去)的時候,阿東涉嫌殺母被捕,又借落百幾萬街數炒窩輪等等,恨阿東害得自己甚麼都沒有了,牧師仲要求主擊退阿東心中的魔鬼...明顯成班人信神信到傻咗:

阿東大受打擊,到超市狂吃朱古力,結果被人拍片上網兼起底,發現阿東是弒母疑兇。東父帶阿東去覆診,公立醫院醫生當然只是循例問幾句,自問自答便打發他們走,重點是如果有自殺的念頭的話,便要入精神病院跟進:

阿東一沉不起,多日無洗澡,東父逼他清潔。在回憶的片段裡,阿東想起自己逼母親洗澡,最後母親身死的最後對話(有可能是阿東要母親洗澡,母親不肯,互相推墥間母親摔倒跌死了):

阿東發現父親將鎚仔收在枕頭底提防自己,打擊更深一層。東父在精神病者家屬五助組織中學得,只要自稱兒子有自殺的念頭,便可以將他送進院裡:

阿俊從美帝打電話來找父親,原來剛生了兒子,卻不是叫父親來抱孫,而是話阿東後食朱古力片段在網上被瘋傳,阿俊在 Facebook 被 tag,所以便打來叫父親將阿東送入精神病院,父親自己也可以選間老入院入去住,總之錢不是問題...東父不禁要問:「是否所有事情都可以外判給別人的呢?」

東父在精神病者家屬分享會中,自我反省了一番,要做個仆街很容易,什麼都闊佬懶理就可以了(咁似魔術師啲同事嘅?);但這次阿東是自己的兒子,不能事事都外判給別人做(指送阿東入阮),否則只會恨自已一世:

阿東本來跟隔壁單親媽媽的兒子混得頗熟,但自從阿東一沉不起之後,單親媽媽就不讓他們相見。劏房戶眾人連同包租婆都怕了阿東,要求阿東父子搬走

仲有一隻疑似是黃C的有青住客,以懶民主的方式為東父提供無得揀的「選擇」,結果東父以哀求的語氣請他們不要落井下石:

黃C有青使出殺手鍊,要以「民主的暴政」投票逼遷。東父唔想再糾纏落去,答應搬走。單親媽媽的小孩跟阿東坐在天台談天,卻嚇壞了媽媽。結果阿東沒有「病發」,順利將小孩交回媽媽手中,跟手便和父親二人搬走了:
***
關於本片抽寫阿東父子的情義,老父對兒子既防範又關心,兒子對父母的孝義,單親媽媽成日想兒子可以向上流動,擺脫跨代貧窮,唔使「雙手去搵錢」咁無出息的心態,與及我城的醫療制度、各家自掃門前雪的港豬、和一神教徒的醜陋,魔術師不打算細評,也不打算 debug,反正本片留白位頗多,各位觀眾可以自行腦補。

魔術師想說的是,其實魔術師跟阿東是頗相像的。
想當年魔術師初出茅廬,血氣方剛,對港女當然也有一番憧憬;但在跟同事交談的過程中,卻發現了一些對當時魔術師很新奇的思想:就是一眾新鮮人在出來工作以後,就要搬出來住,好擁有自己的「私淫空間」,也省得事事跟父母交待,再也不用被管束,可能這也算是當年巷青的成人禮吧?
當時魔術師還住在公屋,即使後來搬到了居屋,在這群走在「潮流尖端」的同事面前,還是抬不起頭來,信心全失。
那又如何夠膽識女仔呢?
而且,由於魔術師是獨子,父母身子又不好,自己不來照顧他們,誰又來照顧他們?
但港女同事們一貫的思想就是「二人世界」、「我的錢是我的,老公的錢也是我的」。
這樣自私的價值觀,當然會令魔術師卻步。
難道港女都是這樣的嗎?
為了不讓港女自不起,不受這些閒人的閒氣,不被她們欺負;於是,魔術師只有自強不息,《我是港男》就是這樣煉成的。
到得今日,誰能夠財務自由,誰還在做月光族工資奴,答案已寫在牆上。
不過,就算是魔術師有多孝順,父母也不是沒有吵架的日子。
記得以前老媽也曾經因為小事發脾氣回娘家,吵起架來,就跟阿東老媽一樣「想當年」,話「做女嗰陣」跟着外公在新華社見過多少大人物(鬼叫外公在東江縱隊好似也有少許功績),嫁俾老父要住木屋,受外婆白眼有幾咁激氣之類...
當然,到得大家都老了,人就要亙相照顧;況且當時魔術師還未財務自由,還是工資奴一名。
有一次,記得老父老媽住屯門醫院,魔術師趕忙放工後去探望,星期六星期日就推着輪椅帶兩老亙相探望。
那是不幸中帶點幸福的感覺。
就算可以外判,魔術師也不會外判。
就在母親最後的日子,跟她抹身抹屎的是老父。
但到老父最後的日子,魔術師卻沒有勇氣跟他抹屎。
這事情,魔術師不及阿東:結果還是「外判」了給醫院的阿姐做。
最後,在找尋伸延閱讀做參考的時候,竟然給魔術師發掘出這一篇遺忘了的舊文,老媽子的字跡,還是這麼熟悉。
難怪老媽生前經常要魔術師練鋼筆字。

***
伸延閱讀:
《明月幾時有(Our Time Will Come)》:生於亂世便有種責任
摩摩電影節之《樹大招風(Trivisa)》:其實主角係唔係大賊,並唔係最重要
《十年》影評系列
一本大書(2nd Edition)
我是港男
三十幾年前的住屋問題

50 則留言:

  1. 掛住睇波都強貼留名先!

    回覆刪除
  2. 魔兄這篇影評寫得真好!搞到小弟都想睇下套戲。

    回覆刪除
    回覆
    1. 有, 佢播我都會坐低睇下

      刪除
    2. 三歲的犬兒認定了小弟下班的所有時間都係比佢的。基本上回家後,小弟大部份時間都只會做三歲小朋友鍾意做的活動。小弟斷估阿囝唔多鍾意睇一念無明。一念姆明應該機會大D... 呵呵!

      刪除
    3. //三歲的犬兒認定了小弟下班的所有時間都係比佢的。

      總好過認定了錢是嘟出來,而唔係老豆打工賺返嚟.

      刪除
  3. 美國嗰個又話「長子」,點解變咗細佬?

    回覆刪除
    回覆
    1. //「長子」
      購友問:「在美帝的那個兒子?」
      曾志偉搖了搖頭, 話係「長子」。

      刪除
  4. 我鍾意呢套戲既地方, 係佢唔止聚焦系片中主角之中,
    觀眾可以單純地笑下阿東蠢, 鬧下JENNY 仆街公審阿東, 阿東細佬太無人情味

    亦批判一眾花生友, 即係包括埋銀幕前既你同我:
    去婚禮有無尊重一對新人?
    見到街上有怪人怪事, 拍片定伸出援手, 至少去報警?
    發現鄰居疑似有情緒病, 會唔會抗拒甚至趕人走?

    肯反思《我們都是幫兇》呢點,
    就比一眾新世代黃底導演既《我係好人泥, 我錯都係社會逼、父母累》
    順眼一百倍

    好既導演好既劇本, 往往帶動到演員既進步/或者觀眾對演員既改觀
    余文樂呢個中生代扶不起既阿斗, 同期謝檸檬唔玩, 房祖名被DQ之後
    佢就係80後最多機會既男演員, 機會多多但係都無出到位
    但呢套戲真係由頭帶到尾, 好感度大增
    連後來套《悟空傳》做唔多戲既二郎神都覺得佢令舍討好
    余文樂終於擔到大旗?? 值得持續觀察


    //這事情,魔術師不及阿東:結果還是「外判」了給醫院的阿姐做。//
    阿東, 多多少少都係俾佢阿媽逼到有病既
    呢個係套戲帶出既一個掙扎位:
    人太不負責任外判固然係唔得(曾志偉細仔), 但人要將太多既責任攬上身超出自己負擔(阿東), 好似亦不太妙

    回覆刪除
    回覆
    1. 同意. 如果經濟負擔得起, 外判呢類事情是恰當的. 我相信父母也不太想子女幫自己做這些事.

      刪除
    2. //鬧下JENNY 仆街公審阿東, 阿東細佬太無人情味
      //去婚禮有無尊重一對新人?
      //見到街上有怪人怪事, 拍片定伸出援手, 至少去報警?
      //發現鄰居疑似有情緒病, 會唔會抗拒甚至趕人走?
      //肯反思《我們都是幫兇》呢點

      同意極了. 所以我覺得呢套戲的 side story 都幾吸引.

      //呢套戲真係由頭帶到尾, 好感度大增

      娛民樂都算靚仔, 但係又過咗做青春派偶像的年紀, 做老角又未到佢, 兩頭唔到岸, 搞到好似未找到佢應走的路線.

      //人太不負責任外判固然係唔得(曾志偉細仔), 但人要將太多既責任攬上身超出自己負擔(阿東), 好似亦不太妙

      有網友問過我如果當年走去成家立窒, 老父老媽會唔會好 happy 咁去住老人院,我真係唔識答。

      //我相信父母也不太想子女幫自己做這些事

      係人都唔想呢啲嘢要人幫手... -_-

      刪除
    3. 呢個當然. 我意思係寧願要陌生人幫忙都唔想要親人幚手.

      刪除
    4. //我意思係寧願要陌生人幫忙都唔想要親人幚手.

      都有道理. 有啲嘢外人做好過自己人做.

      刪除
  5. 這套戲反映了人生百態,的確應該得獎。

    回覆刪除
    回覆
    1. 但係唔夠黃C同反社會,所以得不到最佳電影。

      刪除
  6. 小子反而睇哂伯母封信.....

    信裏面: 租屋住嗎?租金昂貴. 買樓嗎? 更不敢妄想
    30年前的香港, 還不是跟現在一樣嗎?
    只是我們的祖先, 上幾代胼手胝足積累下來的成果嗎?
    感恩上N代用他們的一生去創造我們今天的社會, 還有多少像伯母一樣的社會精英 (小子太婆也是國民黨什么什么後代, 不記得了), 走難來香港...

    回覆刪除
    回覆
    1. //像伯母一樣的社會精英

      係精英就唔傲使一家大細住木屋區喇! 不過, 呢種通山走的童年生活, 係多多錢都買不到的.

      刪除
    2. 李首富同埋好多高官商賈都係住木屋大的....此言差矣呀魔兄
      千金難買少年窮

      刪除
    3. //千金難買少年窮

      同意呀,我都係自嘲下啫。畢竟睇人出身在先,係主流價值觀呀!

      刪除
  7. “睇完《明月幾時有》同埋《一念無明》,魔術師真係唔明白《十年》同《樹大招風》點解可以攞到最佳電影??”

    因為連提名都冇點攞?
    https://zh.wikipedia.org/wiki/%E7%AC%AC36%E5%B1%86%E9%A6%99%E6%B8%AF%E9%9B%BB%E5%BD%B1%E9%87%91%E5%83%8F%E7%8D%8E#%E6%9C%80%E4%BD%B3%E9%9B%BB%E5%BD%B1

    留意比這套更易懂更大路的《幸運是我》同樣沒有最佳電影提名。

    回覆刪除
    回覆
    1. //因為連提名都冇點攞?//

      不得不叫一句: 我要無篩選, 我要真普選 - 佢老味金像獎係選都無得選, 都唔好講篩選提名
      唔知個主辦單位點可以咁無恥, 叫真普選叫得咁理直氣壯

      評審最佳電影要專業? 管治社區就唔駛專業??!!

      //留意比這套更易懂更大路的《幸運是我》同樣沒有最佳電影提名。//
      《幸運是我》之前都討論過,
      格局無《一念無明》咁大,
      講故事無《一》咁完整 - 呢點輸得最慘: 做乜男主角要咁照顧女主角? 呢個全套劇既核心無好好解釋到, "起承轉合"個"轉"出唔到泥

      刪除
    2. 可能有啲關係係套戲三月上,金像獎是同年四月頒獎,搞提名比較急所以取捨左某啲獎項...未必就是意識形態問題。

      不過余文樂輸俾林家棟就絕對講唔通。唔係話林做得唔好,但佢既戲份同演繹方式攞最佳男配角更合理,類似奪命金的盧海鵬。

      刪除
    3. 乜真係一人一票有民主有真普選, 就代表個個都有得揀, 就是公平既咩? 我覺得真係得啖笑, 咁玩法既結果, 正如劇中啲房客投票一樣, 唔係變成多數人的暴政, 就係有得揀果個其實唔係你, 而係班比傳霉老點的羊生羊太! 結果, 民唔民主, 其實只係偽君子同真小人既分別啫! 繼續日日返工去做奴隷啦, 香港人!

      刪除
    4. //因為連提名都冇點攞?

      無得揀,觀眾個個鬧老闆.

      //唔知個主辦單位點可以咁無恥, 叫真普選叫得咁理直氣壯

      你都識得話佢地無恥,雙重標準當然就是小菜一碟.

      //留意比這套更易懂更大路的《幸運是我》同樣沒有最佳電影提名。
      //《幸運是我》之前都討論過,

      買咗碟好耐, 但係都未睇. 下次清清佢.

      //不過余文樂輸俾林家棟就絕對講唔通。

      港產片之王一錘定音!

      刪除
    5. wiki上《一念無明》的我城上映日期:

      上映日期 香港 2016年12月1日(限量放映)
      2017年3月30日(公映)

      以下是第37屆的參選資格及評選方法,第36屆應該是所有年份遞減一年。

      http://www.hkfaa.com/rules.html

      (甲) 參選資格

      二零一七年度參選電影
      凡於二零一七年一月一日至十二月三十一日在香港作首輪公開售票放映,連續七天內於五十個座位以上的影院放映不少於五場的香港電影(註一),影片長度六十分鐘或以上,並以三十五毫米菲林放映或數碼放映(註七),均自動參選「第三十七屆香港電影金像獎」。

      (乙) 評選方法

      第一輪評選
      由「香港電影金像獎選民」及「第一輪專業評審團」投票選出所有獎項的提名名單,票份各佔第一輪總積分的百份之五十(50%)。在各獎項中得票最高的首五名可獲進入第二輪評選。

      1.「香港電影金像獎選民」是指符合金像獎選民資格及已向本會正式登記者。

      2.「第一輪專業評審團」是由香港電影金像獎評選事務組推薦及邀請的電影業內人士和專業媒體工作者組成。

      3. 每個獎項提名以不超過五個為原則,若有兩名候選者分數相同而名列第五位,則可增加至六個提名名額;若有超過兩名候選者分數相同而名列第五位,則提名名額只有四個。

      4. 若有演員在同一部電影中,同時獲提名主角及配角,則按得票較高的項目為其提名獎項。

      5. 如在提名名單內發現有不符合資格的候選者,其提名資格會被取消,空缺由下一位得分最高者補上。

      6. 「第一輪專業評審團」不能以金像獎選民身份在第一輪中投票,亦不可重疊為「第二輪專業評審團」,但可於第二輪以屬會會員身份投票。

      ====

      因為係16年已經上過畫,故只能參選第36屆;如果只基於自身原因,應該係試映規模比較小做唔成聲勢。萬一佢個試映推遲一個月於17年進行,我估第37屆《明月幾時有》都未必係對手。

      當然單從《樹大招風》在第36屆的提名量,幾可肯定係因為套戲講正我城電影人(亦即是「香港電影金像獎選民」)心中的碎碎念。

      至於文柒揶揄志偉哥攞獎...如果呢屆志偉哥輸俾《樹大招風》既細黑,咁金像獎以後都唔好搞了。

      刪除
    6. //1.「香港電影金像獎選民」是指符合金像獎選民資格及已向本會正式登記者。

      2.「第一輪專業評審團」是由香港電影金像獎評選事務組推薦及邀請的電影業內人士和專業媒體工作者組成。

      3. 每個獎項提名以不超過五個為原則,若有兩名候選者分數相同而名列第五位,則可增加至六個提名名額;若有超過兩名候選者分數相同而名列第五位,則提名名額只有四個。//

      D,同比831有乜分別?點解唔係公民提名,成個我城一人一票真普選。

      刪除
  8. 當年上畫的時候在戲院看過
    真是很感人又貼地的作品, 感謝大大讓小弟重溫了一遍
    小弟沒能財自, 但因為買了自住樓, 所以早就把照顧老母的責任, 早就外判了給與老母同住的阿哥
    老母有時真的好煩, 就像戲中的東媽一樣, 有點強迫症, 間中他打來連絡一下, 不是拿錢就是拿時間, 有時覺得她真的很煩, 我也可能有點"阿俊" (可惜我不是搵大錢亦不是在美國)
    我阿哥亦對老母好極有限, 食佢住佢全部洗費用佢的, 家用就比丁屎咁多要老母倒貼, 自己年年狂去日本...
    但即使睇完套戲, 再撫心自問我係咪應該多啲照顧老母... 我的答案仍是 No
    一來唔想迫自己做第二個阿東, 二來其實每個人都應該對自己的問題負責, 老母份人都真係太頑固, 講佢唔聽, 教佢唔明, 的確要改變一個人是十分困難, 只好能力之內盡點心意算了
    香港也許亦是一個很多問題解決不了的社會, 沒法對每一個人都提供到位的支援, 最後, 可靠的還是自己支援自己

    所以, 大家努力走向財自吧!

    回覆刪除
    回覆
    1. //間中他打來連絡一下, 不是拿錢就是拿時間, 有時覺得她真的很煩, 我也可能有點"阿俊"

      有可能阿俊是唔想再見到父母, 所以才獨自走到老美讀書, 自己供自己, 所以對父母也沒甚麼情義.

      //我阿哥亦對老母好極有限, 食佢住佢全部洗費用佢的, 家用就比丁屎咁多要老母倒貼, 自己年年狂去日本...

      咁你阿哥似係為了啃老才跟母親同住.

      //老母份人都真係太頑固, 講佢唔聽, 教佢唔明, 的確要改變一個人是十分困難, 只好能力之內盡點心意算了

      我外婆生前都係一樣. 已經唔係成日見,做時做節去探望,外婆都會照鬧四位舅父舅母,同埋我阿媽(老父跟外婆關係不好,通常自己閃埋一邊自閉),為的都是雞毛蒜皮的小事。 我問舅父點可以忍到,佢地只係話阿媽無得揀,依家見得一日少一日,被佢鬧只好當佢唱歌。

      刪除
    2. 可能是人格障碍。以前家長制及聚族而居的社會中,後輩敢怒不怒言,現代則可避開,但沒解決問題。

      刪除
    3. //現代則可避開,但沒解決問題。

      同殺人政權一樣: 解決了產生問題的人,但卻沒有解決問題.

      刪除
    4. 阿媽無得揀呢點我都好同意, 所以無論再厭惡, 我都會聽老母電話的 (雖然聽完10次有9.5次都係中伏)

      我老母對我其實係好既, 只係成日強迫症整野食同迫人食野, 或者迫我拎野比襯家食, 同埋成日比人呃錢同亂洗錢, 雖然佢對我係好好, 但係過左龍, 變到煩甚至搔擾既地步, 為免迫到自己痴線, 唯有自己避開下...

      我阿哥除左啃老, 應該仲睇中左阿媽間公屋, 成日話要拎去換綠表, 但係又唔儲錢比首期, 就似霸住個屎塔唔柯屎一樣. 衰啲講句, 阿媽一走就真係等於張錄表送返比正苦都唔益人.

      家家都有本難唸的經, 都係果句, 邊個都靠唔住, 惟有自強才有出路!

      刪除
    5. //阿媽一走就真係等於張錄表送返比正苦都唔益人

      如果呢個係租置的屋邨,房署係可按在生的租約名單上的成員要求,即使戶主離世後,亦可將公屋賣給該成員。

      刪除
    6. //阿媽一走就真係等於張錄表送返比正苦都唔益人.

      所以公屋取消世襲制是一項德政。

      //亦可將公屋賣給該成員。

      呢個係一個可行的方寨,不過就要啃老族俾錢至得,而更可恥的是,通常啃老族都是石頭鑽一不出血的。

      刪除
  9. 唔係話送層樓俾佢咩?不過小紅姐未到要抹身咁差...

    回覆刪除
    回覆
    1. 個流程係先陳家樂"無掉低"小紅姐
      後再有小紅姐送層樓俾陳家樂
      咁先叫真感情

      如果前後掉轉, 就變佐小紅姐臨老入花叢, 同間屋包起小鮮肉 ^O^

      刪除
    2. //不過小紅姐未到要抹身咁差...
      //如果前後掉轉, 就變佐小紅姐臨老入花叢, 同間屋包起小鮮肉 ^O^

      哈,睇唔明,似係劇透。

      刪除
    3. //似係劇透

      應該係呢套:

      https://zh.wikipedia.org/wiki/%E5%B9%B8%E9%81%8B%E6%98%AF%E6%88%91

      刪除
    4. 呢套戲已在 list,買咗碟不過未睇。

      刪除
  10. 這電影是近年佳作。其實余文樂「躁」那部份可再high少少增加戲劇性。醫生覆診話ok但眼只望電腦有些過份,但想想一日要睇二、三十人也是過份。
    加多句與電影無關的:方皓玟的歌有創意及動聽。

    回覆刪除
    回覆
    1. //其實余文樂「躁」那部份可再high少少增加戲劇性。

      我又覺得余的表現剛剛好, 畢竟阿東是個「已痊癒」(或在痊癒至輕微病發之間俳佪)的復康者.

      //醫生覆診話ok但眼只望電腦有些過份

      其實我去覆診(上次斷骨)時都差唔多.

      //方皓玟的歌有創意及動聽

      https://www.youtube.com/watch?v=LaQaLcvu8wU

      刪除
  11. 一'年'對當時魔術師很新奇的思想: 一些?

    回覆刪除
  12. 好怕睇呢啲戲,親身經歷, 不敢記起, 不能忘記. 但又不想忘記, 因為當時係最難忘嘅時光.

    回覆刪除
    回覆
    1. 講到咁似支亂會的口號,咁就真係要勸你輕輕放下喇。

      刪除
    2. 以家諗返, 都會想喊. 講真.
      嗰段時期, 我同老媽子一齊住. 後尾頂唔順, 先請個工人. 好L辛苦. 但以家回想起來, 有時都覺得, 嗰段時光好難得. 可以話, 有苦有甜. 哈哈.

      刪除
    3. //嗰段時光好難得. 可以話, 有苦有甜

      係呀,人生總有起跌,所有的人同事,都應該珍惜。

      刪除
  13. 先講啲自己遲來既觀後感:

    -我覺得鬱躁症只是幌子,戲名《一念無明》已經點出故事主題:所有人的遭遇,都源自於其他人的“一念無明”...
    -主角兩父子的所有煩惱,其實都源自於金燕玲飾演既老母...雖然父子各自的逃避同執著都有責任
    -所有角色,不論主角一家、Jenny、新移民母子、寬頻佬、婚宴新人及賓客、團契友、草根階層的精神病家屬...全部都好似我地身邊在該個場景遇到嗰個身份既人...這才是真正的寫實本土電影;而本土不一定出唔到去,呢套就破天荒在蝗國全國用粵語原版播出,雖然只收區區八百萬人仔,但作為收“電影發展基金”資助既電影,成績已算係咁了

    //某日東父扭親腳住了醫院,阿東去探望,二人不覺間爭執起來

    呢段係我覺得套戲最精彩的部份,比很多人認為經典的團契一幕更精彩

    //Jenny 帶阿東去參加一神教教會聚會,Jenny 在分享救贖

    與其話見證,不如話搵個籍口發洩對東的怨念。

    Jenny這個角色其實好可怕--佢其實已有晒自己單方面的人生目標,只是差在搵個男人塞入去而已(個男人係咩人唔重要)。而當佢既目標係社會道德所認同時,更隨時害人於無形。

    另外我睇樣,現場老臨好多應該係真契人,唔知佢地拍呢幕有咩感想呢?

    //仲有一隻疑似是黃C的有青住客,以懶民主的方式為東父提供無得揀的「選擇」

    唔知有無刻意安排,唯一無落井下石既就係個叉仔(即係《十年:浮瓜》個南亞殺手),佢只講咗句:“其實佢都係要啲空間嗻...”

    當然個回應亦妙:“空間空間,呢度就係無空間...”

    //去婚禮有無尊重一對新人?

    所以究竟上台9up嗰個正常定台下掛住飲飲食食嗰班正常呢?

    //但係唔夠黃C同反社會,所以得不到最佳電影。

    其實呢套戲好“反社會”,不過係無死角咁反--成套戲每個人都受身邊人既“無明”影響,自己既“無明”亦影響緊身邊所有人;但黃C係認為“除左自己係清醒,所有人都是睡覺或裝睡”.

    //30年前的香港, 還不是跟現在一樣嗎?

    以魔兄年齡及信中內容,應該是40+年前了 XD

    回覆刪除
    回覆
    1. typo: 所有人的遭遇,都源自於自己及身邊其他人的“一念無明”...

      刪除
    2. //主角兩父子的所有煩惱,其實都源自於金燕玲飾演既老母...

      而東媽就是被殺人政權逼瘋的! XD

      //所有人的遭遇,都源自於自己及身邊其他人的“一念無明”...

      人生, 基本上就係人同人之間的互動.

      //全部都好似我地身邊在該個場景遇到嗰個身份既人...這才是真正的寫實本土電影

      《銀英傳》都係, 基本上概括了可以遇見的人(尤其是政棍)的面目.

      //呢段係我覺得套戲最精彩的部份
      //不如話搵個籍口發洩對東的怨念。

      醫院一段其實同團契一段類似,不過換了是由阿東去發洩怨念.

      //現場老臨好多應該係真契人,唔知佢地拍呢幕有咩感想呢?

      真契人:呢個邪惡嘅導演, 一定係魔鬼派來的使者, 佢係來試探我地嘅!

      //唯一無落井下石既就係個叉仔(即係《十年:浮瓜》個南亞殺手),佢只講咗句:“其實佢都係要啲空間嗻...”
      //當然個回應亦妙:“空間空間,呢度就係無空間...”

      呢幾句真係金句, 依家納米樓當道,花幾百萬走去買間偽豪劏房,真係何苦來哉?

      //所以究竟上台9up嗰個正常定台下掛住飲飲食食嗰班正常呢?

      其實賓客只會當自己係 consumer,俾咗入場費梗係要有好嘢食,有表演睇。

      //其實呢套戲好“反社會”,不過係無死角咁反--成套戲每個人都受身邊人既“無明”影響,自己既“無明”亦影響緊身邊所有人

      就係因為呢種「自省」,我先會話呢套戲唔夠「反社會」:依家班我城港豬,有邊個會識得話自己嘅「無明」會影響到其他人?大部分人都會話:「我唔理,你死都幫我死掂佢!」自己嘅問題,就係社會嘅問題。

      //以魔兄年齡及信中內容,應該是40+年前了 XD

      原文是在2010年刊出呀,死嘢!XD

      刪除