2019年6月14日 星期五

無畏無懼真送終

話說日前魔術師收到蝗大堂家姐(見《港燦理財(十二)之好仔不論爺田地》)WeChat 來言,謂其母親(即魔術師的大伯娘)經已仙遊(都90幾歲人了,算是笑喪吧),將於6月12日出殯:

其實魔術師一收到個訊息,真係有少少嬲怒。喂,大姐,你發訊息俾人都要 audience oriented 掛(又舉一例,魔術師約朋友食飯,如果自己早到餐廳,都會坐在面向入口的座位上,唔會叫人地憑自己的背影認人的)?你以為係人都知YY堂是在哪裡嗎?再問詳細地址,竟然係唔知?只知是在沙灣?又叫魔術師8:30就要到,你想魔術師幾點起身?咁會影響魔術師的生活喎!
魔術師只有自行問穀糠大神,再將圖片 send 回出去:

大堂家姐無確認地點,只係想魔術師 return home 送終,仲要魔術師早一晚返去,話老粗堂阿哥都係咁喇!咁點同呢?老粗堂阿哥一早退咗休唔使做喇!鬼叫魔術師天生賤骨頭,打風流工都仲要咁負責任,同包青天上司周圍去開會咩?

諗來諗去,都係早少少起身,去羅湖打的去送終吧!唔知星期三請假,包青天上司會唔會以為魔術師去咗反送中呢?
***
6月12日,由於時間尚早,過關人流唔算多(去哂包圍垃圾會?),一切順利,魔術師亦係被城管公安搜身留難,似乎唔係販民講的咁恐怖。
在羅湖跳上的士,原來蝗的的咪錶早已電子化,車程、收費、司機證及其二維碼等都在智能錶版上顯示出來,看來遠比我城的士清楚透明得多,感覺上也安全有規管得多(魔術師就曾不止一次被我城的士司機激親,有次仲拒絕出示司機證添(見舊文《開年》)),對蝗國的信心馬上大增:
(網上圖片)

由羅湖去到沙灣殯儀館,全程約20多公里,車資40多人仔,真係平過我城好多。沿途可以見到有些樓盤在施工,金玉其外,只係唔知會否爛尾:

去到場地,發現整個「殯儀館」地方十分之大,更有一條龍服務,花圈紙紮棺木堂倌火化靈龕安放的 logistic 安排周到(火化排 queue 是有電子顯示),環境又有綠化,真係一處走到人生終點的好地方,跟我城的骨灰位安置所實在差得太遠,真係看得魔術師這港燦目定口呆:

儀式完結之後,最後的「節目」便是解穢酒。路上車子的收音機可以收到傷台報導,席間更有親友互相傳閱我城垃圾會有青跟黑警的戰況,當然都是一面倒讉責有青,從來無擔心過失去自由或被國家誣陷。看來只是一河之隔,殺人政權對人民的洗腦教育真是十分成功。魔術師想知道實際情況,竟然發現唔使翻牆淨係用 Roaming(聯通)都可以上到 FB、睇到 Gmail 、仲可以在 Blogspot 留言添!

然後,魔術師返到屋企訓咗陣,便見到777講話:

嗱,班有青係有堵路,搶鐵馬作衝車,撬地磚砌城牆(真係咁簡單?),但係就未見到掟磚,掟削尖了的鐵枝的報導,反而黑警鬧記者、胡椒水射洋漢、疑似近距離射大媽的片段,就被販民利用放大嚟講,臘腸仲話有「暴徒?市民只是在搬鐵馬堵路,突然頭部中槍」,搞到成個FB又俾仇黑警的言論洗版了!
黑警們,如果你地要要合理化你地行使武力的自由,就最好揀班精銳出嚟,唔好俾班豬隊友陀衰家,予人口實。否則班有青日日同你打游擊,恐怕黑警的補給就此班有青磨死,彈盡糧絕,到時就輪到老解出場喇!






***
伸延閱讀:
【警暴合輯 ‧ 不斷更新】警向 6.12 手無寸鐵示威者施暴 人權組織、大律師公會批評(立場新聞 2019/6/13 — 14:22)
深圳出租车实现全程智能化监管(深圳市交通運輸局 2019-03-07)
深圳殯儀館擴建 滿足深港未來二十年需求(文匯報 2016-12-02)
港燦理財(十二)之好仔不論爺田地
開年

70 則留言:

  1. //竟然發現唔使翻牆淨係用 Roaming(聯通)都可以上到 FB、睇到 Gmail 、仲可以在 Blogspot 留言添!

    哇!乜你咁背而家先知呀!

    反而你想用蝗國網站睇片或睇波就會隨時打出「版權只限中國大陸」 XD

    回覆刪除
    回覆
    1. //乜你咁背而家先知呀!

      D, 證明我真係好日都唔 return home!

      刪除
  2. 打車唔使講嘢㗎!點自己位置,點目的地,揀 cheap 中貴豪版⋯⋯
    有曬價錢有曬路線,想呃人都難。又唔怕收到假銀紙。

    回覆刪除
    回覆
    1. 我好old school 咁去的士站, 無用app截車的.

      刪除
    2. 有青:手機會被邪惡政權跟蹤,唔濟得過㗎!XD

      //魔術師就曾不止一次被我城的士司機激親
      每次搭傷巷黑的都要預被人呃,只喺多同少嘅分別

      //掟磚
      有掟,應該只喺掟出馬路唔喺向人掟
      https://www.youtube.com/watch?v=bZh3P3SewP8 (十二分鐘左右)

      刪除
    3. //手機會被邪惡政權跟蹤,唔濟得過㗎!

      千祈唔好用華為。

      //掟出馬路唔喺向人掟

      咁黑警就唔係「生命受威脅」喇!

      刪除
    4. //千祈唔好用華為。

      我4月出咗部新華為,跟住我個friend見到問:你唔怕有後門攞晒你啲資料咩?

      我答:之前部P9PLUS用咗3年乜事都冇。

      咁佢惟有收聲。

      刪除
    5. 深圳市區街上的士多得是,基本唔用滴滴都得。

      //你唔怕有後門攞晒你啲資料咩?

      美帝講咗大半年都係得把口,搵唔到證據有。

      刪除
    6. 用緊華為 P 10M,好正。好想買部華為 新機 P30,但係口袋唔爭氣。侵侵封殺華為,網上新聞說有人大賤賣二百美鈔都有,流曬口水,點之揾咗成半日都同正價相差無幾。基本上未有低價二手市場。 Fake news!

      刪除
    7. //之前部P9PLUS用咗3年乜事都冇

      「依家無事唔等於將來無事. 把刀已經掛在你的頭上.」

      //美帝講咗大半年都係得把口,搵唔到證據有。

      同「大殺傷力武器」一樣.

      //侵侵封殺華為,網上新聞說有人大賤賣二百美鈔都有,流曬口水,點之揾咗成半日都同正價相差無幾。

      都話唔好人信網上新聞架喇!

      刪除
  3. 我位黑警朋友喺中山買樓
    都話嬲嬲地搬上去好過
    裝修平靚正 又夠大
    仲要唔駛俾有青問候
    又唔怕個仔讀黃絲學校俾黃師針對

    回覆刪除
  4. 有示威者戴住黑口罩,唔知邊個黑啦!嘻嘻!

    回覆刪除
    回覆
    1. 港妹可能會著黑色內衣(逃)XD

      刪除
    2. //可能唔著//

      你估搞手係鬼仔咩

      當年玩雪山獅子旗班囡就有可能唔著

      刪除
    3. //雪山獅子旗

      唔知巧妹依家點嗯?

      https://evchk.wikia.org/zh/wiki/陳巧文

      刪除
    4. //黑色內衣(逃)
      //可能唔著
      唔著一樣黑,仲要係天賦(等埋我)XD

      刪除
  5. 我而家教嘅全部同一間國際學校。起初都唸會唔會好「熊孩」。
    咁古靈精怪緊有,不過得我一解釋完,講解咩可以咩唔可以,基本都係控制範圍內。
    Easy 過香港果啲好多。而且,家長對老師態度,非常尊重同信任。

    地鐵都好少見爭位嗌交打交,而且係冇禁止飲食,反而大部分人好守規矩。搭電梯亦非常有規矩。
    係市區中心,我聽到有年輕家長教小朋友,有人需要時先讓左邊俾人過,平時可以平排企,無需刻意企右邊。
    文明過香港。咁總有老馮嘅。有一次我就無拉拉被叫讓位,我覆緊message,儍下儍下又企起身。 XD XD

    主要,鄉下嘅人同城市人比較分得開,相遇機會細兼且有容忍空間。
    香港太密,所以彼此相遇機會好大,彼此都冇咩讓位嘅空間。
    我每日坐地鐵由市區到郊外,呢種比較好明顯。
    有火車站响附近嘅地鐵站就會好多 caveman 出沒!

    我去睇骨科,突然醒起要照嘢嘅話會貴。
    驚唔夠錢,同家姐講,如果買單時唔夠錢,到時請你發錢嚟俾我。
    點知佢呯一聲發咗俾我,加多句你睇吓幾方便?香港真係好落後。
    喺香港我都試過呢啲情況,有人求救,我要搵櫃員機過錢比佢哋。 XD XD
    結果買單五百幾,我唔 accept,過咗廿四小時呢個 transaction 作廢。

    生活上有啲唔一樣,大陸人心目成日以為香港一定方便過佢地。
    當我話香港的士用現金,司機都會覺得好驚訝!
    因為十年前到,坐的士已經全面可以用交通card(即八達通)俾錢。

    所以未必係佢地唔體會你,而係佢唔知香港生活未去到咁方便。

    回覆刪除
    回覆
    1. 香港用轉數快一樣可以即時跨行過數,係啲人死都唔肯用啫

      刪除
    2. //非常尊重同信任
      //大部分人好守規矩。搭電梯亦非常有規矩。

      蝗國的大城市早己超越我城,只係班傷民接受唔到啫。

      //鄉下嘅人同城市人比較分得開

      鄉下人文明程度係相對較低,慢慢來舊一輩自然會 fade out。

      //大陸人心目成日以為香港一定方便過佢地。
      //當我話香港的士用現金,司機都會覺得好驚訝!
      //香港用轉數快一樣可以即時跨行過數,係啲人死都唔肯用啫

      我城其實好落後,太多現金交易了。的士司機死都唔裝電子錢包,就係想逃稅而已。

      刪除
    3. //蝗國的大城市早己超越我城,只係班傷民接受唔到啫。

      我已經十年以上無去過上海,上次留北京超過24小時仲要近廿年前,所以“北上廣深”我有兩個無辦法俾充分意見。

      如果基於我99年第一次去上海既體驗,我已經覺得是大陸最先進城市之餘,生活體驗仲唔差過香港好遠...07年最後一次去(嗰陣短期內去咗兩次),基本上就是一個metropolitan...總體嚟講,呢個仆街城市被人叫“魔都”叫足一百年,是非常貼切的(這副德性甚至跟殺人政權的改革開放全無關係,由洋涇浜時期已經種在骨子裡),呢個真係難以言傳只能意會,唔知C嬸同唔同意(Babyface仲係唔係度?係咪仲係咁好玩? XD)

      为什么上海被称为「魔都」?
      https://www.zhihu.com/question/63282342

      至於其他兩個,廣州留過既地方唔多,但可能語言文化相近,感性體會一直不錯(但與是否超越我城無關);反而深圳去得最多,卻覺得雖然活力同潛力十足,但若論一般生活體驗坦白講仲未算超越香港。

      反而Barry兄上面提過的中山,好難想像大灣區會有個靠岸城市既downtown會夜晚十點條街就無晒人,地方又乾淨企理,古蹟活化做得幾好之餘文青小店又多,要慢活真係一流。

      總括而言,20年代北上廣深的一般生活配套例如政府服務、醫療、市政會全面超越我城是可以預計的事,其他準一線例如杭州部份會超越,部份未超越都會靠近香港水平。




      另外想講下蝗民對生活睇法同傷民的分別。

      我上一份工曾經同蝗民同事提過我城的劏房問題,基本一聽到咁高租金住咁細都話完全不能接受,甚至情願返鄉下搵少啲住大啲都唔嚟我城住咁細,而且越年輕既表露對呢種生活條件的抗拒同不解就越強烈...

      我的看法是,在蝗民眼中,生活的柴米油鹽是最貼身的,每日生活空間的主觀體驗呃唔到自己,唔好話什麼盟主豉油那麼遙遠,同高級政府官員打交道(或被約談?)亦少之又少,亦不會平白無事惹官非,甚至你年輕力壯唔會日日都病要睇醫生...所有傷民既顧慮對佢地根本不是事,但居住環境就是每日都逃避不了的...

      我預計蝗國到20年代完結都唔會大幅開放言論自由同論政空間,但一般生活配套會越來越靠近發達國家的服務,大城市甚至會超越發達國家的平均水平,只要不牽涉到意識形態,政府辦事會越來越合法合規;照我城現在寸步難行,到時傷民是否只能靠盟主豉油向深圳河以北叫陣?小弟拭目以待.

      (隔離blog快活谷小子兄經常話蝗民幾想嚟我城,但我要指出佢接觸的蝗民都是在我城讀書工作,本身已經有”存活偏概率“的問題,我自己接觸過的本土年輕蝗民就好少流露呢個意向,甚至有巷漂住了我城五年都情願放棄!)

      刪除
    4. //的士司機死都唔裝電子錢包,就係想逃稅而已。//

      一直諗唔明,大陸的士佬就個個都肯奉公守法有電子紀錄交足稅?相反香港的士佬就必須要抗爭爭取免稅權?咁講法的士佬都要反送中啦,學販民話齋,逃稅是要送中的 XD

      刪除
    5. //为什么上海被称为「魔都」?

      「这里极其传统、极其世俗、极其自我,
      却又极其前卫、极其精致、极其包容」

      又係蝗式長文, 睇咗一陣已覺失焦. 中西交融和歷史, 新舊並存, 可以話係一個「大型」的香港 (我發覺自己一句話已可 summarise 呢篇幾大段嘢), 但睇完一輪,都唔知「魔」是指什麼... 是「散發魔性的魅力」嗎?

      唯一值得傷民「驕傲」的, 就係呢個小段落, 證明輝黃的歌曲,影響力真係無遠弗屆.
      03 浪奔浪流

      //我的看法是,在蝗民眼中,生活的柴米油鹽是最貼身的,每日生活空間的主觀體驗呃唔到自己,唔好話什麼盟主豉油那麼遙遠,同高級政府官員打交道(或被約談?)亦少之又少,亦不會平白無事惹官非,甚至你年輕力壯唔會日日都病要睇醫生...所有傷民既顧慮對佢地根本不是事,但居住環境就是每日都逃避不了的...

      即係蝗民只係停留在馬屎撈的最底層, 有個 shelter 就夠了.

      //只要不牽涉到意識形態,政府辦事會越來越合法合規;照我城現在寸步難行,到時傷民是否只能靠盟主豉油向深圳河以北叫陣?

      唔使叫陣, 因為「我城是不用理會鄰國」的.

      //甚至有巷漂住了我城五年都情願放棄!

      我覺得巷漂有啲似歐洲足球員, 去邊個國家的球會踢波都無問題(基本上等於短暫移民, 老婆仔女全家都過哂去, 子女教育亦要再處理), 只有傷民在咁鍾意 stay 在 comfort zone(亦反證了我城基實真係唔差, 世界上要贏到佢嘅城市唔係太多).

      //相反香港的士佬就必須要抗爭爭取免稅權?咁講法的士佬都要反送中啦,學販民話齋,逃稅是要送中的 XD

      魔:我城的士佬無在蝗國逃稅應該不會被引渡
      的士佬:我唔信!我恐懼!

      刪除
    6. 香港—>多倫多—>香港—>上海 (住咗2日就19年啦!XD)。三個地方都係好 city 嘅 city,但只有香港先係真.fusion!(另外兩個係 confusion XD XD) 你可以話香港唔中唔西,又可以話又中又西,呢個就係香港。你去邊都唔會見到咁又中又西 (特別响講嘢時) 得咁舒服。新加坡主要都係英文,台灣主要都係中文,而及文化背景。可惜啊!香港人睇唔到呢點,反而當呢個係 crisis。一個混血兒開始排斥中國血統。我感覺香港早晚會玩完。

      我細個好討厭香港。香港對我嚟講只係一個購物中心。今次香港再一次 identity 衝擊,一係想全中,一係全西。其實 all of the above 有咩問題?咪更有特色咩?但係佢地唔濟。因為佢哋唔願意做 lab rat,佢哋慣咗「方便自己,麻煩人哋」呢種殖民地生存大法。

      多倫多係一隻混合恐龍。好多種族。其實同美國一樣,搭公車地鐵屬於 low,因為每個人都應該有架車,幾殘都要有一部。That’s basic. 住 downtown 當然未必。不過冇人會理你。正如你 drop out 或 flunk 咗一科,the only person who will give a damn is you。生活壓力唔係冇,係社會氣氛唔會格外俾壓力你。你做乞衣你嘅事。

      第二次去上海係 04 年,去睇中國第一次舉辦嘅 formula one,對上海非常喜歡。當時個場地仲未完全整好曬,走嘅時候個停車場好混亂,不分中鬼,一見到巴士有司機就會湧上去。前面個鬼用中文鬧 (叫司機開門),後面個中國人用英文鬧 (叫個鬼排隊),真. cultural shock!XD XD 你話佢似 60/70 年代香港咩,佢又唔完全似,可能佢個中式同香港個中式有啲唔一樣。香港啲馬姐都會識幾句港式英文,呢度啲清潔阿姨你就唔使旨意囉!但係佢哋聽得明我講嗰啲疑似普通話喎!XD XD 第二年家姐移居上海,我每年去兩次!陸續各種大型國際活動都會令佢改變,每每都要頭痛國民素養參差呢個問題。世博係一個大變,變得更著重規矩。後嚟我養咗隻狗就兩年先上一次,覺得每次轉變更大!好啦而家連人帶狗上去!包包睇醫生方便過我。佢哋有國內生產嘅儀器,國內出產嘅藥物。比起香港全部都係外國入口就平好多囉!遲啲包包要做移除脾臟手術,都係¥6000。平過蘋果手機!

      佢仆街?XD XD 點仆法?講嚟聽下。

      Babyface? 我戒咗浦好耐啦!我都唔飲酒嘅。去 KTV 都重可以唱歌,落 club 對我已經無吸引力。煲劇好過。 XD XD 就算綜藝節目都大把你有得揀。《奇葩說》呢啲咁嘅節目香港就唔會有囉!香港只係有維園亞伯互罵。即係睇 C9 煮嘢。救命!但係一樣有好多人鍾意廣東話同 TVB。唔教英文都可以考慮教廣東話。啱啱啲人單先勁追《鐵探》。其實只不過整到有咁複雜得咁複雜,唔算好睇。

      刪除
    7. //但係一樣有好多人鍾意廣東話同 TVB。唔教英文都可以考慮教廣東話。啱啱啲人單先勁追《鐵探》。其實只不過整到有咁複雜得咁複雜,唔算好睇。

      其他嘢我插唔到口,但老實講, 廣東話真係好聽過普遍話太多...

      刪除
    8. //只有傷民在咁鍾意 stay 在 comfort zone(亦反證了我城基實真係唔差, 世界上要贏到佢嘅城市唔係太多).

      comfort zone就一定,但是否在傷民心中真的覺得我城唔差就好難講,可能只是同魔兄既舊同學一樣,“唔願郁唔敢變”而已。

      //但睇完一輪,都唔知「魔」是指什麼... 是「散發魔性的魅力」嗎?

      其實我都知呢段嘢唯一重點係“魔都”呢個名源自於民初時一個二流皇國小說家關於上海的著作...不過正如我所言,“只可意會,不可言傳”。嘥咗魔兄少少時間唔好意思 XD

      「散發魔性的魅力」呢句好貼切.

      //我覺得巷漂有啲似歐洲足球員, 去邊個國家的球會踢波都無問題(基本上等於短暫移民, 老婆仔女全家都過哂去, 子女教育亦要再處理)

      其實即使蝗國足球員踢蝗超,轉會往往都要穿州過省的,有啲會帶埋老婆仔女有啲會留返家人在老家長住到退役先“團聚”;係當年“巷隊打蝗超”會有傷民咁老土質疑如果“蝗巷隊”散班而巷聯又無咗,咁班巷足“何去何從”(點解咁似魔兄班舊同學)....

      //一個混血兒開始排斥中國血統。我感覺香港早晚會玩完。

      我覺得係個混血兒開始唔承認自己混血,而係一個“新品種血統”

      //三個地方都係好 city 嘅 city,但只有香港先係真.fusion!(另外兩個係 confusion XD XD)
      //香港啲馬姐都會識幾句港式英文,呢度啲清潔阿姨你就唔使旨意囉!
      //可能佢個中式同香港個中式有啲唔一樣
      //佢仆街?XD XD 點仆法?講嚟聽下。

      多倫多no comment,但我98年第一次上大陸,嗰輪都係遊走深圳附近多;99年去上海真係有啲驚為天人--點解企理過深圳咁多!

      我會覺得上海既魔性是來自於佢真係有confusion的感覺,另外佢地源自於江南文化混法國加日本,同香港源自於嶺南文化混英國又唔同。

      而家我唔知,但到我最後一次去,總覺得呢個地方是中港澳台以外的第五個地方--而且我覺得上海人有這種強烈的identity.

      //Babyface? 我戒咗浦好耐啦!

      你唔明。我自己既感受同問過其他人,都話即使都係Babyface旗下,齋講氣氛上海嗰間已經好過深圳不能太多...

      //啱啱啲人單先勁追《鐵探》

      呢排最紅唔係阿Sa林峰個套《PTU》咩?

      刪除
  6. //原來蝗的的咪錶早已電子化

    這個牽涉到我城一個老問題:壟斷

    有留意的話,我城的士的咪表都是來自一個叫“大吉利”的供應商

    咪表需要合符政府規格,而據聞呢類咪表供應就由大吉利壟斷

    斷估呢間大吉利公司都係老屎窟揸拂,唔好話開放市場,叫佢將自己壟斷既咪表電子化網絡化相信都會用一句“行之有效”打發你走

    回覆刪除
    回覆
    1. 會唔會市場細,唔壟斷就冇肉食?

      刪除
    2. //叫佢將自己壟斷既咪表電子化網絡化相信都會用一句“行之有效”打發你走

      應該係班司機想隱瞞收入就真,大家都無動力,咪錶商亦無 incentive 去改善。

      刪除
  7. 作者已經移除這則留言。

    回覆刪除
    回覆
    1. //深圳嘅街道絕大部份都比香港寬濶和整潔,起碼商舖不會霸佔行人路。

      傷民會話呢啲係城管維穩的後果。

      刪除
  8. 唔知而家係土共進步左定港豬退步左,好亂,呀媽!

    回覆刪除
    回覆
    1. All of the above XD XD

      刪除
    2. 我以前會常恥笑英美加比傷巷落後eg八達通,不過呢幾年連洋腸都接受新事物(含蝗國)追上來了。

      刪除
    3. //我以前會常恥笑英美加比傷巷落後eg八達通,不過呢幾年連洋腸都接受新事物(含蝗國)追上來了。

      西方國家抗拒新事物,最大原因係影響到既得利益者。

      多倫多搞交通智能卡搞咗十四年先完全推行到全市交通工具,當中最大阻力係來自公車局公會。轉車本來要攞張紙飛,如果全面推行智能卡,可以取代每一個車站一至兩個收轉車飛員個位。

      刪除
    4. //西方國家抗拒新事物,最大原因係影響到既得利益者。

      其實我城都一樣。

      //如果全面推行智能卡,可以取代每一個車站一至兩個收轉車飛員個位。

      如果人人用自動點餐機,老麥收銀都要失業了。

      刪除
  9. 老婆問過我, 6月12日那天不如籍口話去罷工賺日假, 我同佢講: 多得呢班搞事份子, 果日有病都唔好請病假就真! 大佬, 比着你係老細, 有個伙記搞政治搞到工都唔返喎, 你會點諗? 老細都叫你罷工就另計.

    回覆刪除
    回覆
    1. //比着你係老細, 有個伙記搞政治搞到工都唔返喎, 你會點諗?

      咁我都同包青天上司講話我返大陸真送終的。

      //老細都叫你罷工就另計.

      100毛

      刪除
  10. 作者已經移除這則留言。

    回覆刪除
    回覆
    1. //請中庭尿做吓民調,睇睇不停推人上街去死嘅民主派大哥大姐,有边個嘅仔女,有份上街示威仲有意思啦!

      呢個係統計,是 fact finding,不是民調 XD

      刪除
  11. 身邊都唔少人講話今次通過唔到,又話太多人反對
    我明明見到既係好多人支持
    我覺得好可惜..

    回覆刪除
    回覆
    1. //又話太多人反對

      唔係啲商界議員邊可以到時投反對票啫?

      我都好反對由原本3年刑期改為依家的7年,大劉就即刻由送去馬交服刑到依家繼續係香港嘆世界。

      刪除
    2. //我明明見到既係好多人支持

      唔係掛?今日我俾理黃C alumni 轟炸,以一敵十,舌戰群愚呀!!

      //唔係啲商界議員邊可以到時投反對票啫?

      又學田少?

      刪除
    3. //黃C alumni 轟炸
      可以post啲上嚟俾大家欣賞吓XD

      刪除
    4. 又要截圖,quote 文, 搵video embedded link...咁多嘢做,明天先搞。

      刪除
  12. Save 咗啱啱先睇。

    Part 1:

    《Opponents to Hong Kong’s extradition bill are blind to progress in China’s legal system》

    The Security Bureau’s proposed amendments to the Fugitive Offenders Ordinance, which will enable fugitives in Hong Kong to be returned on a case-by-case basis to other jurisdictions for trial, are a sensible means of resolving a long-standing problem. Because of the current vacuum, Hong Kong has become a magnet for fugitives from throughout China and beyond. Not only have convicted criminals from Macau found refuge here, but so have people accused of grave crimes in Taiwan, as well as 300 fugitives from mainland China.

    Moreover, as Hong Kong has extradition agreements with only 20 countries, fugitives from over 170 countries can also evade justice by coming here. Although the exact numbers are unknown, the Security Bureau’s proposals will put foreign offenders on notice that they come here at their peril.

    The current situation is obviously detrimental to effective law enforcement throughout China, and sends out the message that Hong Kong cannot be trusted to help its neighbours combat crime. If it forfeits the confidence of others, this could adversely affect its own ability to uphold criminal justice.

    Whereas, for example, mainland China has returned an estimated 200 criminal suspects since 1997, this cooperation, in the absence of reciprocity, could well dry up, and Hong Kong would only have itself to blame.

    Hysteria apart, much of the criticism of the proposals has been fuelled by double standards and woeful ignorance of how other systems work.

    The former governor, Chris Patten, for example, has condemned the proposals, saying that “societies which believe in the rule of law do not reach agreements like this with those who do not”. However, those who live in glass houses should not throw stones. The UK has, without demur from Patten, signed extradition agreements with places like Cuba, Haiti, Iraq, Libya, and Zimbabwe, hardly renowned bastions of the rule of law.

    The European Union, moreover, while expressing concerns, has conveniently disregarded the activities of its own member states. Whereas France, Portugal and Spain have all signed extradition agreements with China, another member, Bulgaria, last year became the first EU state to send a corruption suspect, Yao Jinqi, back to China for trial. Quite clearly, if its member states trust China to handle fugitives appropriately on return, it ill-behoves the EU to criticise Hong Kong for also seeking to resolve things in a similar way.

    Some people have also indulged in deliberate obfuscation. There is a world of difference between having a mechanism in place to enable a fugitive to be surrendered in an appropriate case, and actually returning someone. Because of the internationally endorsed safeguards contained in the Security Bureau’s proposals, particularly regarding political offences, many requests will actually be refused. Thus, for example, although the UK has an extradition agreement with the Russian Federation, between 2002 and 2019, it rejected 63 of the 67 requests made by Russia for the return of fugitives.

    Much comment on the mainland’s legal system has been deliberately erroneous, giving the impression that it is unchanged since the Cultural Revolution. However, since the 1980s, when former paramount leader Deng Xiaoping said “we must build a modern legal system for China”, reformers have greatly improved things, often after studying the Hong Kong paradigm.

    回覆刪除
    回覆
    1. //The most significant improvement, however, has concerned coerced testimony. For many years, judges were solely concerned with whether a confession was true, not with how it was obtained. However, in 2012, the National People’s Congress overhauled the Criminal Procedure Law, and coerced confessions must now be excluded by judges, even if true.

      班有青英文應該唔係咁好...

      //Grenville Cross

      頂, 呢份 op-ed 的作者叫 Grenville Cross, 係刑事檢控專員, 老婆又係前黑警...

      https://en.wikipedia.org/wiki/Grenville_Cross

      Ian Grenville Cross, SBS, JP, QC, SC (born 15 June 1951) is a British barrister who was appointed Director of Public Prosecutions (DPP) of Hong Kong, China, on 15 October 1997, and held this post for over 12 years, until 21 October 2009. He was the first DPP to be appointed after the transfer of the sovereignty of Hong Kong on 1 July 1997, and the appointment signalled that suitably qualified expatriates who were committed to Hong Kong still had a role to play in government in the post-colonial era. A career prosecutor, Cross was the seventh holder of the post since its creation in 1979, and the longest serving. On 26 June 2011, he was elected the Vice-Chairman (Senate) of the International Association of Prosecutors, of which he is a Senator-for-Life.[citation needed]

      Cross is married to Elaine Y.L. Tsui, PMSM, MCIL, an artist and a former Superintendent of the Hong Kong Police Force

      刪除
    2. //The most significant improvement, however, has concerned coerced testimony. For many years, judges were solely concerned with whether a confession was true, not with how it was obtained. However, in 2012, the National People’s Congress overhauled the Criminal Procedure Law, and coerced confessions must now be excluded by judges, even if true.

      班有青英文應該唔係咁好...

      //Grenville Cross

      頂, 呢份 op-ed 的作者叫 Grenville Cross (江樂士), 係刑事檢控專員, 老婆又係前黑警...

      https://en.wikipedia.org/wiki/Grenville_Cross

      Ian Grenville Cross, SBS, JP, QC, SC (born 15 June 1951) is a British barrister who was appointed Director of Public Prosecutions (DPP) of Hong Kong, China, on 15 October 1997, and held this post for over 12 years, until 21 October 2009. He was the first DPP to be appointed after the transfer of the sovereignty of Hong Kong on 1 July 1997, and the appointment signalled that suitably qualified expatriates who were committed to Hong Kong still had a role to play in government in the post-colonial era. A career prosecutor, Cross was the seventh holder of the post since its creation in 1979, and the longest serving. On 26 June 2011, he was elected the Vice-Chairman (Senate) of the International Association of Prosecutors, of which he is a Senator-for-Life.[citation needed]

      Cross is married to Elaine Y.L. Tsui, PMSM, MCIL, an artist and a former Superintendent of the Hong Kong Police Force

      刪除
    3. 其實寫呢啲係無用的,世人只會睇你而家咩水平,唔好話C朗後生時溝女叫雞無人話,林丹出埋軌都大把人講好說話,完場一樣可以剝衫show紋身,到你蝗豬踢得差就連紋身都有遮。

      最緊要下一個十年你蝗國司法做得有幾好,到時我城剩返一班死唔信的死硬派都可以不理。

      刪除
    4. 有人做埋資料搜集,點解唔瞭解下?俾著我,無啦啦我唔會接觸到呢方面嘅嘢。

      刪除
    5. 其實佢係邊個有咩問題?

      刪除
    6. 如果討論條例內文,冇人答到我,到底今次修例係多咗/少咗/delete咗乜野條文,令到個修訂咁有問題。
      我唔相信林鄭同佢個法律團隊咁厲害可以自行創作條例,條例內文都係左抄右抄咁抄出黎,抄出黎先係跟國際慣例,不過跟國際慣例班反對派都係要反。。。

      刪除

    7. //最緊要下一個十年你蝗國司法做得有幾好,到時我城剩返一班死唔信的死硬派都可以不理。

      恐共的人叫不醒. 佢地會話將來條例過咗/高鐵通咗車/巷豬噢啟用後 殺人政權會屈你/老解會走過嚟捉人/條橋會塌, 但就唔會話「將來蝗國會有改善」...

      //其實佢係邊個有咩問題?

      佢嘅身份代表咗佢有既定立場

      //不過跟國際慣例班反對派都係要反。。。

      總之係恐共, 同條條例無關.

      刪除
    8. 係人都有立場㗎啦!邊邊贏跟邊邊都係一個立場。只要佢可以用事實 back 佢論點就冇問題啦!

      我post成段係因為SCMP免費有限篇,可能有D人睇唔到,方便大家。

      刪除
    9. //係人都有立場㗎啦!

      有立場同有既定立場係兩回事. 普通的有立場係會講道理, 「用事實 back 佢論點」;有既定立場就通常係會因為身份利益等關係而戾橫折曲. 雖然話有既定立場不等於唔講道理(江樂士呢篇當然係講道理的), 但販民以致一般巷豬係唔會理你咁多的, 總之係「權貴」講嘅嘢就唔啱 (因為佢地都有既定立場)...

      刪除
  13. 今日公司D人繼續上班,cap 圖,笑林鄭,笑警察,相约星期日再玩。連瑞銀豬話中國豬都要笑.
    佢地心中圖腾勁過明教聖火

    回覆刪除
    回覆
    1. //勁過明教聖火

      哈,不過新蝗版《倚天》已經繼《延禧攻略》後又在掀起熱潮.

      刪除
    2. //蝗版《倚天》已經繼《延禧攻略》後又在掀起熱潮.

      呢排應該無乜人睇, 要上網追返

      刪除
  14. 我冇做資料搜集,香港引渡條例中的疑犯是否包括域外犯罪?
    好似西班牙移送電話騙案的台灣公民去大陸。

    By 一個婆娘

    回覆刪除
    回覆
    1. 據報導, 電騙案的疑犯應是在西班牙犯案.

      據我理解, 我城的引渡條例, 是在蝗國犯案後逃到我城, 而該些犯罪行為在我城亦成立, 屬較嚴重的罪行, 故此才可被引渡. 正苦亦有例明那些罪名會受理. 單是域外犯罪, 例如在我城殺了人, 是不會被引渡的.

      詳情請見大律師公會懶人包.

      當然, 如果話殺人政權硬屈你一些超過7年刑期的重罪, 然後硬要巷府交人, 咁呢種「恐懼」是成立的.

      西班牙將94電訊網絡詐騙案疑犯移交中國
      2019-06-07 10:03

      西班牙將94名涉及電信網絡詐騙案疑犯移交中國。

      94名疑犯周四(6日)被押到馬德里巴拉哈斯機場登上飛機送往北京,他們全部來自台灣。這標誌著中國與西班牙當局2016年12月聯合開展的「長城行動」,絕大部分犯罪疑犯都已移交中國。

      公安當局在2016年7月向西班牙警方通報,指大量電訊網絡騙徒在當地遙距犯案,詐騙中國民眾。雙方聯合調查後,鎖定疑犯藏身馬德里、巴塞羅那等13個地方。當局於馬德里等城市拘捕237人,涉嫌大規模詐騙中國市民,總金額達1.2億元人民幣。 2017年1月公安部正式向西班牙申請引渡疑犯,西班牙批准引渡225人,其中131人已押解到中國,當中124人是來自台灣,今次第二批94人全是台灣人,尚有10多人等待引渡。

      刪除
    2. 所以國家安全乜乜7係我城係無事,都冇23條,賣國無罪!Look at 犯民 & 河童,玩得幾開心。但係要捉人,哼哼,送去關塔so彎又得,夾你去洗頭又得,要你陪孟公主都 duck。

      刪除
    3. //賣國無罪

      我城係無顛覆國家罪的, 所以即使改咗例都唔會包括在內. That's why 販民成日都話殺人政權會屈一啲其他的罪名來要求特衰正苦交人.

      於是班巷豬又恐共起來喇!

      刪除
    4. 可能我話賣國無罪又會俾人义能住不起訴唔等於無罪⋯⋯

      刪除
    5. 總之黃C要屈你就屈你, 人地係民意主流.

      刪除
  15. 現在他們又要林鄭下台,又要撤回暴動的定性。真不知结果会怎樣。

    暴動,怎樣粉飾仍然是暴動。上次去遊行的人其實等於是替計劃暴動人的人打氣。暴動發生後,是否心理上接受不了自己間接參與暴動的事實,所以要盡力去塗脂抹粉?

    回覆刪除
    回覆
    1. 呢個有啲過慮了。叫價高到對方無可能接受,從來係佢地日日都做既事。叫CY辭職叫足5年,而家落埋台咪一樣成日串9佢地?至於係唔係暴動,咪等官判囉,判得佢地唔順,佢地咪又係當法治好似羅洛林咁又死多次?!

      刪除
    2. //暴動發生後,是否心理上接受不了自己間接參與暴動的事實,所以要盡力去塗脂抹粉?

      佢地唔會 realise 「自己間接參與暴動」的: perception is their reality

      //叫價高到對方無可能接受

      如果係在商界,呢類談判技巧真係死得, 無可能會做得成生意的; 咁樣開條件法只有在我城政壇才 work

      刪除