2019年6月18日 星期二

他只是個孩子

(魔按:因為本文留言已過200,故需要在網頁最底按「載入更多」方能見到最新留言,敬希垂注。)
圖中呢兩位阿姐,希望佢地心口「反送中」三個字係好似岳飛咁紋上去嘅。到時做咗媽媽,餵哺母乳時,便可以將「反送中」理念「薪火相傳」給下一代了!
(圖片來源:【逃犯條例】6.16黑衣遊行.6.9白衣遊行 人潮高空圖大對比,香港01 2019年6月16日)
***
民陣遊行促撤《逃犯條例》修訂 更新:2019/06/17 00:33

連續第二個星期日有大批市民上街,要求撤回《逃犯條例》修訂,民陣指近二百萬人參與,警方說,經原定路線最高峰時有三十三萬八千人。政府晚上發聲明,行政長官林鄭月娥向市民致歉,承認政府工作不足,令香港社會出現很大矛盾和紛爭,令很多市民失望和痛心。
事隔七天,維園再現人潮。人太多,民陣提早起步,由白底黑字、「痛心疾首」橫額帶頭。高士威道東西行六條行車線,全部都是人,有人說上星期三流血衝突,觸發他們首次上街。軒尼詩道東行線原本沒開,後來都開放,以最和平的歌聲,告訴政府暫緩,緩解不到他們的不滿。
去到近金鐘,遊行隊伍行滿所有行車線,沒有警員阻止,每當有緊急車輛經過,就展現出他們多遵守規矩。由高位看,銅鑼灣、灣仔到金鐘一帶,密密麻麻都是遊行的人。原訂的路線都容納不完,要轉入其他街道,駱克道也用來遊行。維園就有一批人走出告士打道,警方封路配合,連續兩個星期日,都以人數展示民意,有遊行人士說想特首知道。
再一次,由天光、行到天黑,軍器廠街天橋入夜後,仍然未見龍尾。
1. 販民的乞人憎處在於,成日自稱「和平」,卻又想利用「勇武有青」,從來唔會清楚明確話佢地唔係「同路人」,反而猶抱琵琶半遮面,要衝就靠有青,出事就話自己控制唔到佢地,但係又憑專業服務(例如律師、社工)收買人心,真係又係佢鬼又係佢。

2. 68歲嘅李先生話未見過咁嘅場面,睇怕67暴動時佢應該唔係我城。
3. 對於有襲警有暴力衝擊的有青,黑警係要公事公辦,證據確鑿就要從嚴處理,不能因為只係「得17、8歲,為了理想而發聲」就放生(17、8歲的理想就係「恐共」、「包庇逃犯」?),更唔能夠怯於班黃C人數眾多就退縮。
4. 魔術師當年做義工時都教過一些頗「有前途」的學生,點知今日一睇 FB,才知呢位同學經已「覺醒」成為「勇武有青」乙名,死都要追求
1. 撒回修例法案
2. 撤回612暴動定性
3. 追究暴力鎮壓責任
4. 釋放及不追究抗爭人士
5. 林鄭下台
仲話:
這場戰爭我們至今沒有任何實質勝利,反而損失了很多不少勇於抗爭的伙伴...義士的鮮血和前途,二百萬人的汗水,豈能滿足於林鄭一句:「對唔住囉,遲啲先推得未?」
真係弗到上腦。777下咗台,下任特首唔通會幫你建國?
除...除非有公民提名、真普選喇!
***
林鄭致歉表明停止修例重啟無期 更新:2019/06/16 23:10

行政長官林鄭月娥晚上透過新聞稿向市民致歉,承認政府工作有不足,導致社會紛爭,她已經停止立法會修訂《逃犯條例》的工作,重啟無期。
晚上八時半遊行還未完,政府已經出稿回應,行政長官林鄭月娥首次就這場政治風波致歉。她承認政府工作有不足,令社會出現很大的矛盾和紛爭,很多市民失望、痛心。她為此向市民致歉,承諾會以最有誠意、最謙卑的態度接受批評,加以改進、為市民服務。
一日前指立法會「暫停」修例,最新這份新聞稿用的字眼,是政府「已停止」立法會大會的修例工作,希望社會盡快恢復平靜,避免任何人受傷,重申無重啟時間表,又指過去兩個星期日,都有十分多市民遊行表達意見,政府明白他們是出於對香港的關心和熱愛,市民一直平和、理性表達意見,行政長官清楚聽到。
有遊行人士認為這樣道歉沒有誠意。消息人士解釋,「已停止」立法會修例工作,意味來年七月之前都難以重啟,之後連「一讀」都會失效,但不等於「撤回」,因為政府會開展溝通,亦要向支持者交代。
晚上約十時,大批遊行人士到特首辦門口高叫口號,要求林鄭月娥下台,並以粗言指罵駐守特首辦的警員,要求警方向星期三衝突中受傷的示威者道歉,期間有人試圖爬上圍欄。

5. 班黃C成日想77下台,會唔會好似魔術師個MBA校友靚女J咁,問佢如果有公民提名,佢會提名邊個,但答案竟是:

果然係「我唔知我想點,我淨係知道自己唔想點。」
6. 至於是否告佢地暴動罪,就由律政司決定,入唔入到罪由法庭決定,旁人不用多嘴。同樣地,如果黑警有濫用武力,不依守則辦事,一樣要秉公辦理,唔到你班黃C好似黑社會咁手指指,要放人就放人,要交人就交人。詳細評論請見標少《政治與法治》一文。
***
最後,原來C9王國都有「好文」。原議題係
最很憎D人又話對大陸無信心,但成日返大陸遊玩
跟手有兩個回應值得講吓:
#21
我有問過年輕人有關問題, 答覆是他們喜歡大陸的飲食文化及便宜, 所以上大陸飲飲食食, 不喜歡大陸人不文明行為, 認為兩者並沒有衝突
#31
唔....睇完樓主後我想表示,去一個國家旅行購物,最主要考慮既係治安,而唔係該地方的政府,因為你唔會長期係個度。
而去一個國家開公司、投資等,就要考慮到該地方的政府、政治方針、法律。
就好似你可能唔會俾個女去印度旅行,因為印度好多強姦犯唔安全,而唔係印度政府的方針或法律如何。
所以兩者是沒有衝突,反送中是反對中國政權對香港的提早介入,並非討厭中國的內地人、事、物。
7. 驟眼睇好似回應得好有道理,但實際上卻依然係有茅盾:你去旅遊去食買玩,當地的治安、遊客的自身安全、食物安全、買返來的物品是否假貨等都係主要考慮因素。唔通你食完魚生肚痛食物中毒,去睇醫生先要被屈三幾千;去追究間食肆反而被告尋釁滋事等唔關「該地方的政府、政治方針、法律」事?「反送中」都係驚蝗國法治不彰啫!既然如此,真係唔應該返去食買玩掏寶架喎!人地法制唔健全,你去消費娛樂好無保障架!做乜要貪平啫!
唔通,真係「身體(或銀包)最誠實」?
***
註:由於近期文章留言數爆錶,逃犯條例又鑊鑊高潮,魔術師不得不將日前已排期的讀者來信與及準備開始寫的摩摩電影節「暫緩」推出,不過應該只係有拖無欠,唔會出版無期嘅!

***
伸延閱讀:
標少:政治與法治
盧偉聰指五人被捕涉暴動罪 更新:2019/06/17 22:15

警務處處長盧偉聰澄清,他並無將上星期三的衝突定性為「暴動」,而是指部份人的行為已干犯暴動罪,其他示威人士若無參與暴力,毋須擔心會被控暴動罪,但無回應會否因說得不清楚而道歉或辭職。
他表示至今有五人因暴動罪及十人因暴力罪行被捕,被問到當天是否使用過分武力,他表示武力多與少,是視乎現場情況,由當時的指揮官決定,但警隊事務是由他統領,事後會檢討作出改善,市民可以向警察投訴課投訴。
逃犯條例修訂推出以來備受質疑 2019/06/15 18:12

《逃犯條例》修訂推出四個月以來,受法律界、商界以至國際社會質疑,期間兩次讓步,都未能平息反對聲音。
這場令本屆政府上任兩年,就陷入政治風暴的修例,由陳同佳去年二月涉嫌在台灣殺死女友潘曉穎潛逃回港說起,香港台灣之間沒有移交協議,未能引渡陳同佳,潘曉穎的父母多次寫信給特首。
保安局二月十二日,在無諮詢、無開記者會下,提交修例文件,刪走香港不可以移交逃犯至「中國或其任何部分除外」的規定,並更改制度,由原本立法會審批,改由特首啟動,法庭把關。法律界、本港商界及美國商會等紛紛表達憂慮,保安局局長李家超多次和商界見面。
三月二十六日,第一次讓步,剔除九項商業罪行,規定可判監三年以上的罪行才可移交,但爭議未平息。立法會法案委員會會都開不成,法律界人士包括陳弘毅,提出多項建議,包括港人港審等。
到台灣陸委會都指不接受之後,市民的反對聚焦在為何還要修例,尤其有些人認為這幅防火牆是回歸以來刻意設計。五月中形勢急轉直下,民主派去到美國反修例,美國派國務卿接見,中央亦都出聲,副總理韓正開腔撐修例,中聯辦幫手拉票,政府還破例繞過法案委員會,直上大會,再觸動國際關注,歐盟駐港澳辦事處提出外交照會。
五月底政府再讓步,「移交門檻」再收窄到可判監七年或以上罪行,又指可以要求移交方答應「公開審訊」、「不得強迫認罪」等條件。大律師公會第三度發表意見書,連律師會亦罕有指政府太倉卒,法律界黑衣遊行,展現反修例的份量。
六月九日這場民陣遊行就展現人數,行車線全開、由早上行到晚上,大會指有逾百萬人參與,政府仍然指如期二讀,觸發星期三流血衝突,一百五十枚催淚彈,更有橡膠子彈及布袋彈,大批示威者同警員都受傷,政府定性為暴動,亦動搖政府一直堅持不會撤回的立場。

225 則留言:

  1. 哈哈,條片好笑到流眼淚!

    回覆刪除
  2. //就好似你可能唔會俾個女去印度旅行,因為印度好多強姦犯唔安全,而唔係印度政府的方針或法律如何。

    唔係無知就係狡辯。印度多強姦犯,除了文化外,絕對同當地治安有關係,而治安絕對同當地政府有關。稍為留意新聞,就知道印度警察包庇強姦犯、甚至自己參與強姦亦很猖獗。老實說,一個地方的嚴重社會問題,點會唔關政府事?

    分得咁開,點解要去韓國食人參雞唔去朝鮮食?去朝鮮起碼平一半!

    //唔通,真係「身體(或銀包)最誠實」?

    精神分裂就真

    //他只是個孩子

    蝗國好多「熊孩子」的報導,家長往往以「他只是個孩子」嚟開脫。

    原來蝗巷的血緣關係真係揮之不去的。

    回覆刪除
    回覆
    1. 我搭火車日日都見強國人
      無論係強國定香港老母都係唔教仔
      坐細路側邊或者對面幾乎必然用褲幫佢地抹鞋。。。
      強國人 你開聲佢會縮。。。會講對唔住
      香港人 你開聲佢會發爛渣 覺得冇整到你 係你歧視
      喺呢方面 香港係超越咗大陸

      刪除
    2. 他只是個孩子已經過時了,現在的輿論是“他還只是個孩子,千萬別放過他” XDD

      刪除
    3. 今日吳桐山呢篇幾好,切合魔兄本文關於旅遊消費部份外,亦合乎小弟一直以來的睇法

      https://n.kinliu.hk/kinliunviews/%e8%85%b3%e8%b8%8f%e5%af%a6%e9%ab%94%e6%8f%90%e5%8d%87%e4%b8%ad%e5%9c%8b%e8%bb%9f%e5%af%a6%e5%8a%9b%e3%80%80%e6%96%87%ef%bc%9a%e5%90%b3%e6%a1%90%e5%b1%b1/

      最緊要未來五六年連奶粉信心都搞得返掂,連我城限奶令都要“無人care就唔存在”之下取消

      另外亦反映傷民精神分裂之處--不論我城定蝗國,喜茶都絕對唔算平!

      刪除
    4. 我以前有兩種嗜好:串珠同針線。
      串珠放棄啦!俾咗朋友。部衣車就俾咗老媽。
      上到嚟要乜有乜,又平,整嚟都多餘,結果衣車都冇補買。

      刪除
    5. 他還只是個孩子,千萬別放過他
      ===
      繼特首之後, 警務署署長和醫管局局長也開始被追殺了, 這些踢人的孩子和家長真可怕

      刪除
    6. //原來蝗巷的血緣關係真係揮之不去的。

      算喇,傷民都只是個孩子啫!

      //坐細路側邊或者對面幾乎必然用褲幫佢地抹鞋。。。

      係囉!啲巷爸巷媽無家教,搞到自己仔女都無家教。

      巨嬰與仔,都只是孩子啫。

      //他還只是個孩子,千萬別放過他

      「細時偷針,大時偷金。」呢句已經被「違法達義」supersede 了

      //上到嚟要乜有乜,又平,整嚟都多餘

      你對蝗國真係有信心呀!

      //這些踢人的孩子和家長真可怕

      Kidults 就是要 winner takes all.

      刪除
  3. 唔係喎又話大陸冇人性啊,又話奶粉呀、個B比車轆過都冇人理啊、剩呀!
    你怕佢落嚟祝你就唔怕上去佢屈鬼你咩?好似菲律賓咁乜鬼呀你藏毒都得個啵!
    買法國礦泉水沖涼吖笨!

    班友就係好似我係佛爺嗰度咁講,一個二個巨嬰。
    你問朋友「佢係男仔定女仔呀?」
    答「男仔。」
    問「點解呀?」
    答「因為佢有耳仔。」
    點解會咁呢?因為你問佢,佢淨係負責答你,任務完成。
    唔識得點樣有邏輯同因果。

    你問佢「你驚咩啊?」
    答「唔守承諾,唔跟程序做嘢,亂咁捉人。」
    問「咁咁多年來佢有冇唔守承諾呀?唔跟程序啊?亂咁捉人呀?」
    答「你係咪人嚟㗎?啲咁嘅問題都問得!」

    今朝一個住上海嘅香港人,佢話佢朋友問佢住上海嘅嘢,應該係想移居上海。
    然後話個政府 “reli bad”。香港政府 reli bad 因為係受中央控制,咁仲上嚟上海做咩?深入虎穴?
    佢自己又特登黎呢一個 reli bad 政府管轄區度定居,咁係咩玩法?莫名其妙。

    另一個又懶中立。佢話「雙方互不信任,大家也認為自己為香港堅守。究竟何謂對?何謂錯?
    我都係問嗰句「其實大家想中央做啲乜嘢先會信任佢?其實咁耐以來佢都冇用咩殺手鐧,唔係已經好克制啦咩?」
    一個二個自己做緊啲踩界野犯法野又唔想人哋拉!
    當年點解英國咁着緊要幫香港做呢個中英聯合聲明,我覺得係想攞最大嘅着數。一直都唔知個着數係乜,今日恍然大悟。
    就係將香港變成罪惡之城。啲衰嘢唔會係自己國家做,但係啲衰嘢搵好多錢㗎喎!喺香港做囉!
    只要香港嘅法例盡量簡陋,自由度大,咁就會有好多漏洞,咁就可以玩衰嘢!
    今日整條法例拆呢條橫財橋,一個二個九唔搭八嘅地方都要加把口批評下。

    回覆刪除
    回覆
    1. //香港政府 reli bad 因為係受中央控制

      姑且當佢話reli bad係因為中央控制,但嚴格嚟講呢個邏輯不一定係錯。香港政府始終是remote被控制,不同上海樣樣直屬;可能佢嫌中央控制香港控制得唔好、要嚟上海感受下呢呢。 XD

      而且香港唔使上繳中央,返過來上海係繳稅大戶,「吃人咀軟拿人手短」,除了一國一制下不得不實行的全國性制度,上海向中央叫板的底氣可比香港強多了.

      //個B比車轆過都冇人理啊

      幾年前事發深圳,嗰個係香港跨境貨櫃車司機.

      刪除
    2. 可能佢以為上海仲有法租界

      By 一個婆娘

      刪除
    3. 我用語音講到一嚿嚿,等我澄清一下先:
      話想睇吓上海咩狀況果個冇講過咩原因,反而係住喺上海嗰個話「政府 reli bad」XP

      刪除
    4. 法租界地方仲有一啲舊樓好得意。可能就係呢啲嘢同香港嘅英式有啲唔同,所以覺得上海同香港其實唔係咁一樣。
      10月11月有桂花香, 11月12月有大閘蟹食! XD

      刪除
    5. //答「你係咪人嚟㗎?啲咁嘅問題都問得!」

      我得到嘅「討論回應」,都係類似,“Are you kidding me?"!呢兩句都幾無敵,一講,自己又唔使解釋,又將個波掟返俾對方。
      然後我話:I'm not kidding,再loop返上面「咁咁多年來有冇亂咁捉人呀?」
      佢哋10個有8個下一步就會quote書局海基,然後又會提[自己邊個親朋戚友文革定以前留陸時受過幾多講不出聲的苦。
      我回:EXACTLY,即係喺香港平平安安係咪?咁驚,唔過河就冇事。
      對方:係囉,好似你哋咁,乜嘢都唔好做,乜嘢自由都冇哂就好囉!而家唔做嘢第日乜都冇哂㗎喇
      回:我跟住法律守法享受自己生活原來唔啱㗎?
      對方:「你有權政治冷感,有權享受我哋為你爭返嚟嘅平安自由」
      我:「但係我冇授權你幫我爭過喎!」
      對方:「你哋D左膠就係永遠諗自己,我哋冇嘢好講」

      (左膠?我經濟動物,你而家求緊嘅係仲勁過老共的控制我思想,令我終日被你哋D唔合理言論包圍喎... 手法上大概閣下近共多過我吧?其實你唔講呢句都知冇嘢好講㗎啦,你哋有道理㗎咩... 係你撩我先之嘛,一開始話咗唔同你傾㗎啦)

      刪除
    6. 「未覺醒ge豬」唔算人,既沒人權亦沒投票權,佢地崇尚ge係最原始希臘式的民主,即係只有「自由人」有小圈子民主,大部份人都係奴隸冇投票權,但就需要不斷付出勞力去維持社會經濟,俾佢地依班「已覺醒ge高等生物」享受,這叫民主,懂?

      刪除
    7. 焗鬼氣~ 所以要嚟呢到自療下~ XD XD

      刪除
    8. 其實回一句就可以:“一話你地就快啲革命,唔敢就快啲移民,唔好煩我”

      刪除
    9. //所以要嚟呢到自療下~ XD XD

      我平時對媒體,基本上唔會主動去睇,一嚟文字寫得差,二嚟偏頗,係呢幾日D剪報係咁飛,望咗兩眼,我發現yahoo news留言都幾「自療」,尋晚個hacker陳醫生出嚟妖然惑眾單新聞,下面鬧佢果D,99%係順便鬧埋黃屍的....

      //一話你地就快啲革命,唔敢就快啲移民,唔好煩我
      呢兩日我有喇,再剪報俾我,我真係直接話,想睇唔到都唔得啦,真係唔好再clip俾我,我唔使人湊....

      刪除
    10. 我有時諗,佢地係咁傳播恐懼但又唔敢自己造反,無非係想“量變變成質變”--當個mass夠大時,會出現有一個“腳踏七色彩雲的孫悟空”平地一聲雷,從mass中走出來,解救佢地於恐懼中...某程度上,班勇武有青係佢地呢種情感既投射

      刪除
    11. 做咩講講吓講聊齋?

      刪除
    12. 係西遊記或龍珠 -_-||

      刪除
    13. //一個二個自己做緊啲踩界野犯法野又唔想人哋拉!

      「殺人放火金腰帶」唔做犯法嘢點賺到大錢呢?

      ////香港政府始終是remote被控制
      //而且香港唔使上繳中央

      成班傷民都係啃老族,你有俾家用,要分身家時講起嘢來都理直氣壯啲喇!

      //住喺上海嗰個話「政府 reli bad」

      邊個政府 reli bad 先?

      //“Are you kidding me?"!呢兩句都幾無敵,一講,自己又唔使解釋,又將個波掟返俾對方。

      哈哈,黃C的萬用 key 都係咁,只係會迴避問題,一啲 substance 都無。

      //「你有權政治冷感,有權享受我哋為你爭返嚟嘅平安自由」

      其實,係殺人政權守信而已,班黃C有乜能力幫我地爭取?

      //你而家求緊嘅係仲勁過老共的控制我思想

      根本洗緊人腦的就是黃C。

      //即係只有「自由人」有小圈子民主,大部份人都係奴隸冇投票權

      通常呢類小圈子都會由領主組成添...領主,咪即係地產霸囉!!

      //一話你地就快啲革命,唔敢就快啲移民,唔好煩我

      佢要問你籌款支持呀!

      //自療

      我唔想呢度變飛機場呀!

      //真係唔好再clip俾我,我唔使人湊....

      剪LLM!

      //當個mass夠大時,會出現有一個“腳踏七色彩雲的孫悟空”平地一聲雷,從mass中走出來,解救佢地於恐懼中

      「因為人民都好逸惡勞!……一般人碰到問題時,都不願靠自己的精力心思去解決,他們只期望超人或聖賢的出現,為他們承擔所有的痛苦、困難。魯道夫就抓住人性的弱點,伺機而動,一舉成名。你要好好記住!讓獨裁者有機可乘的人,要負更多的責任!雖然沈默的旁觀者沒有支持他,但沈默旁觀者其實與支持同罪。」
      - 《銀河英雄傳說》黎明篇 序章 銀河系史概略

      刪除
    14. //會出現有一個“腳踏七色彩雲的孫悟空”平地一聲雷,從mass中走出來,

      https://www.youtube.com/watch?v=bNGoY7pDMxQ
      河童出來了!

      (原來啱啱坐完監,我仲以為一早就出咗嚟縮埋唔出...真喺怪錯咗佢喇XD)

      刪除
  4. 盧永雄是偏建制的,連佢都咁講,似乎今次建制派真係食死貓,豬隊友係政府膠官自己


    https://www.bastillepost.com/hongkong/article/4568462-%e4%b8%80%e5%80%8b%e3%80%8c%e4%bd%a0%e5%92%81%e9%83%bd%e5%94%94%e6%98%8e%e3%80%8d%e7%9a%84%e5%b0%8f%e6%95%85%e4%ba%8b/

    回覆刪除
    回覆
    1. //很多人「理解的現實」相當恐怖
      //開始寫的摩摩電影節「暫緩」推出,

      我突然想加《國產凌凌漆》入list。

      唔係用星爺作品角度嚟睇,而係相信裡面蝗國司法的描述對呢個「理解的現實」有極深影響,特別是七八十後傷民,如果唔返蝗的話絕對會停留在呢個刻板印象上。

      《丐世英雄》主要是講當年光怪陸離的蝗國民間社會,而且知名度低得多,遠沒星爺作品影響大。

      刪除
    2. //老總被罵完相當無癮,但繼續追問:「但台灣若不同意不執行死刑,香港又如何移交呢?」
      //老總其實知道如台灣承諾不執行死刑香港修例後還可以移交,但民進黨政府明玩嘢不會承諾,而香港政府修例的理由是移交台灣逃犯,豈不是建基於浮沙之上?

      呢兩句link 唔埋喎!老總話呆灣唔答應咪得囉,扯埋死刑來講做乜?

      //好像你有誤解是你的問題

      有誤解唔係問題,但唔 open minded 永遠用既定形象睇人,永遠唔信,就係你的問題。

      //《國產凌凌漆》
      //相信裡面蝗國司法的描述對呢個「理解的現實」有極深影響,特別是七八十後傷民,如果唔返蝗的話絕對會停留在呢個刻板印象上。
      //《丐世英雄》

      好返屋企再 update.

      刪除
    3. 《丐世英雄》一早入咗list啦,返而《國產凌凌漆》關於司法部份雖然唔夠十分鐘,但真係非常經典,而且要跟住故事前文後理睇埋先有味道,所以要全套睇。

      刪除
    4. 係嘅係嘅, 呢兩日回留言都回唔掂... 好亂!!

      刪除
  5. 即係成件事只不過係因為香港高官傲慢?玩到咁大?

    回覆刪除
    回覆
    1. 香港信徒固然多,但呢個係已知事實,佢地愚昧之餘,你班膠官仲要一副「你咁都唔明」既死人樣,咁就真係「盲人騎瞎馬」,唔爆鑊就有鬼.

      刪除
    2. 咁我哋而家晚喺度幫佢哋解畫,係咪應該出番份糧過我地呢?

      刪除
    3. 睇返成件件事,我感覺唔到CE以下有一個打得的副手,更沒有一個出色的公關。

      刪除
    4. 成件事正苦都係輸冇公關,子華神話齋,做人冇公關食屎嫁啦,仲要撞著對家係國家級做勢團隊,有資源有組織仲善用科技買通全霉,俾人炒0-5根本冇得反cup。

      刪除
    5. //成件事只不過係因為香港高官傲慢

      「我唔理,總之係你態度差!!」

      //佢地愚昧之餘,你班膠官仲要一副「你咁都唔明」既死人樣

      崩口人忌崩口碗

      //係咪應該出番份糧過我地呢

      班膠官應該唔睇我呢個 blog。

      //沒有一個出色的公關

      阿頭即場爆肚(「廢話」),無公關可以制止。
      又,比加超堂八字眉實在太乞人憎,相貌唔好好難 sell 到嘢的。

      //對家係國家級做勢團隊,有資源有組織仲善用科技買通全霉

      你睇建制派嗰啲妄霉,個 look and feel 好似落後人30年咁,認真趕客。

      刪除
  6. //她已經停止立法會修訂《逃犯條例》的工作,重啟無期
    諗起當年冠A話"退出"愚樂圈,結果好多都冇了解indefinite點解。

    //因為印度好多強姦犯唔安全,而唔係印度政府的方針或法律

    正因為政府法律不足令唔少女女女犯可以逍遙法外,唔通佢意思喺話人地天生個個變態?不過好多傷巷人好歧視印度人咁諗都唔出奇。

    //反送中是反對中國政權對香港的提早介入,並非討厭中國的內地人、事、物。
    //所以上大陸飲飲食食, 不喜歡大陸人不文明行為, 認為兩者並沒有衝突

    搬龍門,而家喺問:點解有啲人話對大6法治咁恐懼之餘又唔恐懼自己去大6,同"討厭人、事、物""不文明行為"無關。

    //最主要考慮既係治安,而唔係該地方的政府

    治安同政府無關咁都講得出,唔話呢啲人盲目都唔得。

    又,原來敦倫都有悠行由邪惡領事行去國會草皮聚集(話有四千,是但啦,但點解唔圍住邪惡領事,走咗去米帝國會野餐?),唔知邊嗰柒頭起嗰名D4HK,話喺Democracy for HK喎!X死香港就差唔多!

    回覆刪除
    回覆
    1. 咦!係喎,治安同政府無關,咁佢哋做咩要打啲差人呢?
      好似係幾個城市夾埋四千人。

      刪除
    2. //唔通佢意思喺話人地天生個個變態?不過好多傷巷人好歧視印度人咁諗都唔出奇。

      港女就係討厭印度腸仔。

      //而家喺問:點解有啲人話對大6法治咁恐懼之餘又唔恐懼自己去大6,同"討厭人、事、物""不文明行為"無關。
      //治安同政府無關咁都講得出,唔話呢啲人盲目都唔得。

      呢班人係精神分裂的,無道理可言。

      //話喺Democracy for HK喎!X死香港就差唔多!

      香LLM!

      //治安同政府無關,咁佢哋做咩要打啲差人呢?

      「佢打我,我咪打返佢囉!」

      刪除
  7. 李力持打咗油詩,我又玩:

    當時犯罪唔捉你
    落咗香港先唸起
    只怕引導唔怕死
    唔去考試去掘地
    打警察好過打機
    呢啲唔知咩心理
    唔通就係重口味

    回覆刪除
    回覆
    1. 我首唔夠好咩?XD XD

      https://www.speakout.hk/港人花生/45410/-包圍立會-李力持作詩嘲撬磚示威者--議員煽惑判緩刑-廢青暴動坐7年-?fbclid=IwAR3KzJN1vXark8MHy6I9gxO6fGi2GLRq25SGNVUjmK_XRkzgaqS0SBrO2dk#selected

      刪除
    2. 李力持的水準太低了吧?

      https://evchk.wikia.org/zh/wiki/李力持

      刪除
  8. 其實好唔明佢地既諗法,成日覺得大陸想整死香港咁,逐個逐個咁捉晒香港七百萬人返去打靶好冇?查實香港衰,對大陸有乜好處先?掉返轉,香港衰,對某些國家好有利添,唔係覺得人地會真心想香港好下話?咁簡單既嘢都諗唔通。

    又成日笑大陸唔用得whatsapp fb utube呢D,又唔諗下大陸14億人,管治上何其艱難。美國不過3億人口,英國仲少,得6千幾萬人。而家有眼見啦,一個群組、一個post、一條片,要號召一班人何其容易,每個省市逐一逐日同你癲仲得了既?尤其外國成日對大陸虎視眈眈,一個唔小心成個國家就冇喇

    回覆刪除
    回覆
    1. 黃C:記住,總之有個共字就係邪惡,有個官字就要落台,有個米/西字就係「優」,係「崇優」個優,識唔識寫?

      刪除
    2. //其實好唔明佢地既諗法,成日覺得大陸想整死香港咁,逐個逐個咁捉晒香港七百萬人返去打靶好冇?查實香港衰,對大陸有乜好處先?掉返轉,香港衰,對某些國家好有利添,唔係覺得人地會真心想香港好下話?咁簡單既嘢都諗唔通。

      又成日笑大陸唔用得whatsapp fb utube呢D,又唔諗下大陸14億人,管治上何其艱難。美國不過3億人口,英國仲少,得6千幾萬人。而家有眼見啦,一個群組、一個post、一條片,要號召一班人何其容易,每個省市逐一逐日同你癲仲得了既?尤其外國成日對大陸虎視眈眈,一個唔小心成個國家就冇喇//

      講得好!等我照抄先!啲人畀人利用咗都懵然不知

      刪除
    3. 澳洲都有遊行 仲要乘機排擠大陸留學生
      相煎何太急呢?

      刪除
    4. //仲要乘機排擠大陸留學生

      願聞其詳

      刪除
    5. 大陸同事講 佢啲澳洲朋友俾人鬧

      刪除
    6. //查實香港衰,對大陸有乜好處先?

      「殺人政權的陰謀,你識條鐵咩?」

      //一個群組、一個post、一條片,要號召一班人何其容易,每個省市逐一逐日同你癲仲得了既?

      「你施政得人心,自然無咁容易被人策動喇!你咁講法即係你心虛?」

      //有個共字就係邪惡,有個官字就要落台,有個米/西字就係「優」,係「崇優」個優,識唔識寫?

      Exactly!

      //澳洲都有遊行

      呢單?
      https://www.reuters.com/article/us-hongkong-politics-extradition-austral/hong-kong-protests-against-extradition-law-spill-into-sydney-idUSKCN1TA06L
      Hong Kong protests against extradition law spill into Sydney

      //仲要乘機排擠大陸留學生
      //大陸同事講 佢啲澳洲朋友俾人鬧

      個別事件咋下話?

      刪除
    7. 梗係講去睇人遊行 作為蝗國人 唔鬧你鬧邊個?

      刪除
    8. //作為蝗國人

      即時扮皇民 XD

      刪除
    9. // 查實香港衰,對大陸有乜好處先?

      有日搭的士,個司機係咁同我講大陸點點點, 總之就乜都衰,又話要整死香港.
      我忍唔住, 回咗一句.
      有條友幫你搵到錢, 你會唔會打死佢?

      跟手成程佢無再出過聲.......

      黃C就係咁嘅理念. 都忽忽地嘅, 讀過書, 同讀唔成書嘅,一九樣.
      人哋落到嚟, 搵到食, 就話人搶你飯碗. 頂, 唔好話自己唔夠料?! 樣樣都係飯來張口. 蒲理阿毛.

      刪除
    10. //人哋落到嚟, 搵到食, 就話人搶你飯碗. 頂, 唔好話自己唔夠料?! 樣樣都係飯來張口.

      可能係現代教育理念,太過強調「天生我才必有用」,「你不會是個失敗者」的想法有關。所以,人人都老奉可以向上流...

      人地靠父幹又好,靠自己又好,你贏唔到人,就係自己能力不足,與人無尤。

      刪除
  9. 關於六四,
    有啲人認為....喐手嗰個就係兇手。
    有啲人認為....策劃嗰個就係兇手。

    所以那些叫人去沖的人,他們對往後事件發生,不會有任何道德責任。 一切都係喐手嗰個人出現問題。

    Lawrence

    回覆刪除
    回覆
    1. 同販民一樣。你睇下班議員,佢地幾時真係有衝埋去同黑警郁手郁腳?佢地一面保持和平形象,一面又唔會話同勇武派切割:「佢哋點做我管唔到」,自己就躲在後方吶喊助威,咁做即係默許/認同/授權,無事就攞威,共享成果,出咗事就唔係自己責任。

      呢啲唔叫卑鄙無恥,叫乜?

      刪除
    2. 有一個片段就係巫婆同個警察講佢都係一個媽媽。
      然後唔知快必定慢必話要行過,要啲差人啲手唔好阻住,話驚俾人侵犯,我聽到有人恥笑咁講「哦,你俾人侵犯。」
      班犯民真係3歲不如。

      刪除
    3. //班犯民真係3歲不如

      神職人員好多時都有戀童癖

      刪除
  10. 魔術師兄有冇睇有個通識老師出片
    https://youtu.be/Ru4TJGPJjjc
    其實我係睇唔哂 因為佢好明顯有立場
    第一句就話可能係最後一條片 但隔幾日又出片鬧警察。。。典型黃屍 無病呻吟式預留遺言。。。
    同埋我好驚訝有老師拎毒果做source教學生典型誤人子弟

    我都係冇你地咁好脾氣 我前兩日鬧爆啲i.t.狗同事。。。去遊行冇問題 但去到差館果邊咩暴你老母
    如果你當日唔係企後面 企最前線 我覺得你可以鬧
    但一班怕死嘅成年人捐物資推年青人送死 邊個比較可惡?

    我廣州班同事都問咗句 佢地自己啲仔女有冇行出嚟?呢啲人同政客一樣。。。
    平時喺公司咩公義都唔講最緊要保住份工
    但銀行啲大客大部分嚟自不義政權 佢地都要投共
    咁點解唔清高啲有啲骨氣 劈炮 剪埋張return home card? 遊行完上深圳消費 算唔算人格分裂?

    鬧黑警係好有趣嘅一件事
    之前都講過呢個邏輯 警察錯政府錯等於示威者啱
    而家恐怖到要平反暴動 學生冇錯
    大陸人都笑緊 原來係學生 打警察警察都唔可以還手
    咁我地係咪應該返去讀書?
    講真 美化暴行嘅人 我唔知佢地點教仔
    而家啲老師成日同學生講警察打市民唔係保護市民
    但又唔講 原來唔認同政府就可以暴力抗爭 走出馬路 搞地鐵 做咩都可以
    我都唔會再嬲啦 咁嘅教育係要付出代價
    第時啲細路買唔到玩具咪霸住廁所囉 剪爛老母條裙等佢出唔到街 嗱 老豆唔好拉扯 過份使用武力

    回覆刪除
    回覆
    1. //我廣州班同事都問咗句 佢地自己啲仔女有冇行出嚟?

      我有時覺得大陸課程的政治課係真係有啲計,我接觸過好多大陸人以為佢地政治冷感,但有時傾開一啲(甚至無關政治)話題會突然爆出一啲港人鑽晒牛角尖都諗唔到的政治insight。

      刪除
    2. 啲人話大陸法制唔得
      呢個女仔紐西蘭返嚟 佢話寧願返嚟都好過留喺啲所謂法治好嘅國家
      佢絕對知咩係民主自由
      人地都講 淨係想安穩生活 唔搞政治 喺大陸都冇問題 而家大陸好多人都好實際咁諗
      唔係話民主有錯 但發展咗民生 有民智 先會有民主
      而家香港只有民粹。。。

      刪除
    3. 想自由,先自律。

      刪除
    4. 好想聽摩摩分享那些政治insight, 近年我都常逛知乎網,間唔中都見到一啲好精辟對民主自由既論點

      刪除
    5. 印象較深刻一次,係舊公司同個廣東同事傾開香港樓價問題,嗰位同事平時好少講政治的,我大約話「有樓既唔肯平賣,跟住地又越嚟越少...」

      佢有啲本能地答曰:「咁咪要變革囉!」

      當時唔知乜原因我無問佢「變革」的明確定義,但前文後語無非1)行政手段將資源再分配 2)革命。

      其實呢個point無咩特別,但如果是香港一個表面上好少談時事既人,唔會expect咁答,通常只會碎碎念「香港地少人多,無辦法啦(下刪一百字)」。

      我覺得有啲似打乒乓波或羽毛球,在香港你都會見到好好波既,但在大陸,你身邊隨便一個同事就算打得唔叻,但佢一攞球拍你就知佢細個時學過正宗手法...

      所以我估係大學中學政治課教的基本原理--事實上佢呢個答案好中性,並無什麼「愛國愛黨」成分。

      刪除
    6. 變革係必須 我之前比喻而家香港係晉朝
      都係土豪(炒家 圍村佬)併併土地
      於是王導 恒溫 謝安試過多次土斷。。。
      但圍村佬打得過林鄭 所以咩地都冇。。。

      刪除
    7. //其實我係睇唔哂

      無留心聽書。我上一篇已經寫咗。

      //遊行完上深圳消費 算唔算人格分裂?

      有人話在當地消費跟當地的政府管治無關喎(見原文)。

      //而家恐怖到要平反暴動 學生冇錯
      //原來係學生 打警察警察都唔可以還手

      聞陣話「暴動」呢兩個字會令示威者留有污名喎~其實係佢地自己睇唔開,標籤化自己啫!

      https://www.facebook.com/watch/?v=946487079035265
      【上星期三金鐘衝突 = 暴動?】
      【大律師:官方定性不影響法庭裁決】
      【民陣:示威者被冠上污名 必須撤回】
      政府將上星期的金鐘衝突定性為暴動引起市民不滿。
      有大律師指官方定性在法律上無意義,不影響法庭裁決;但民陣指暴動定性為示威者冠上污名,認為政府必須撤回。

      //第時啲細路買唔到玩具咪霸住廁所囉 剪爛老母條裙等佢出唔到街 嗱 老豆唔好拉扯 過份使用武力

      他只是個小孩。

      //大陸課程的政治課係真係有啲計

      唔知蝗國做教師要有乜資格呢?

      //唔係話民主有錯 但發展咗民生 有民智 先會有民主

      「人多,殭屍係怪物;殭屍多,人就係怪物」

      //當時唔知乜原因我無問佢「變革」的明確定義,但前文後語無非1)行政手段將資源再分配 2)革命。
      //通常只會碎碎念「香港地少人多,無辦法啦(下刪一百字)」。

      前者防實,後者吹水。我城的「民族性」使然也。

      //圍村佬打得過林鄭

      仲要燒埋紙紮公仔添!

      刪除
    8. 我見你上一篇有quote youtube但冇特別評倫 所以想聽下你意見

      我就好簡單
      佢話咩做老師冇立場等於助紂為虐
      呢個有前設 就係你認為你係正義
      亦即係佢會set框框俾你睇佢想你到嘅野
      讀社會學或者有批判思考嘅人都唔敢咁講
      而實際上佢兜完一大個圈咪又係合理化恐共
      美國都打橫行 孟買舟事件你見到 唔好抗議埋同美國有引渡協議?

      另外 discuss插緊佢講錯哂啲法律觀點
      典型黃屍 自行定義就當真。。。

      刪除
    9. //我見你上一篇有quote youtube但冇特別評倫 所以想聽下你意見
      //1有前設 就係你認為你係正義
      //實際上佢兜完一大個圈咪又係合理化恐共

      我只係睇咗中間幾分鐘,聽到佢就「罪名可以任安」,我就已經熄咗條片。又係嗰句,你永遠assuem 人地唔守法,咁就無需要講法律觀點,條例點寫你都會有藉口話人地會 violate.

      刪除
  11. 作者已經移除這則留言。

    回覆刪除
    回覆
    1. 哈哈,左邊嗰個應該是女的,右邊就比較似大媽。

      刪除
  12. 追加臘腸
    吳靄儀狠狠咁摑左二百萬人一巴
    一次性唔得 修例唔得
    咁唯有放生啦
    https://thestandnews.com/politics/%E7%A7%BB%E4%BA%A4%E9%80%83%E7%8A%AF-%E5%90%B3%E9%9D%84%E5%84%80-%E7%8F%BE%E8%A1%8C%E6%A2%9D%E4%BE%8B%E4%B8%8D%E5%AD%98-%E4%B8%80%E6%AC%A1%E6%80%A7-%E5%AE%89%E6%8E%92-%E6%9D%8E%E5%AE%B6%E8%B6%85%E8%AC%9B%E9%8C%AF%E6%99%92

    回覆刪除
    回覆
    1. //她又擔心一旦修例,港人即使從不踏足大陸,都有可能因觸犯國家安全罪行而被移交內地,即使沒有23條立法都可能被治罪。

      咁同擔心行出街會被車撞死有乜分別? 講到咁極端,人地要整治你,有無條例都可以整你喇!瞎擔心些什麼?

      刪除
    2. 根本就係一個偽命題 但有二百萬人信
      我一向都講要民主先要有民智。。。

      刪除
    3. //講要民主先要有民智

      米爆

      刪除
  13. 我不知道有沒有理解錯魔先生的觀點, 魔先生覺得如果反對,就要做出有可見結果的行動, 同埋應該一刀切, 所有同中國有關既野都唔應該有聯繫?

    回覆刪除
    回覆
    1. 博主只是指出一面話自己恐懼內地,一面又不斷上內地旅行消費呢種行為係言行不一

      刪除
    2. JC應該追返呢度講咗好耐的“留進逃”觀點,對上一篇文的whatsapp cap圖有一個很好的解釋。

      質疑政府可以,但若果好似港人歷來宗教式的恐懼,的確除了一刀切及/或可見結果的行動,無人可以徹底令你“免於恐懼的自由”。

      刪除
    3. 匿名君和摩摩正解,謝謝。

      // 魔先生覺得如果反對,就要做出有可見結果的行動, 同埋應該一刀切, 所有同中國有關既野都唔應該有聯繫?

      如果只是「反對」,那是不用「 做出有可見結果的行動, 同埋應該一刀切, 所有同中國有關既野都唔應該有聯繫」的;但現在傷民是「恐懼」和「不信任」:早前文章已經講過,「恐懼」和「不信任」是主觀看法,人家是無法説服你「唔好驚」、「信我喇」咁嘅。

      所以,你要真正的「免於恐懼」,你就在「進」或「逃」之間選一項。同時,你要切斷所有會令你「恐懼」的聯繫:你唔睇恐佈片,自然就唔會夢見半夜貞子會在電視機中爬出來捉你喇!對不對?

      刪除
    4. 「恐懼」同「不信任」唔一定係完全主觀,可以係以過往發生的事情作基礎的一種推斷。只能夠講,作為政府說服不了市民相信其講法本身已經係一種失敗,只怪政權以往太劣績斑斑,變成而家講咩都無可信性/容易被扭曲。

      KM

      刪除
    5. 我係樓上匿名
      不斷repeat政府好廢好衰好傲慢,都唔會令「一面話自己恐懼內地,一面又不斷上內地旅行消費」呢種行為合理化喎,我地只係嘗試指出黃絲論述的自相矛盾之處,根本冇討論政府做得好唔好/啱唔啱

      刪除
    6. 有D無理恐懼叫 phobia。有 claustrophobia 唔通話升降機公司無好表現令人信服?

      DQ 議員對好多人嚟講係正常,對班黃C犯民眼中,係針對唔係公義。咁點說服班妄想被害症患者?

      刪除
    7. 講講吓我覺得自己都開始對黃絲論述有phobia,見親都覺得恐懼,不信任,只怪黃絲過往太劣跡斑斑了,依家佢地講咩我都要扭曲佢地,唔信佢地XD

      刪除
    8. Yellowphobia?? XD XD XD

      刪除
    9. //可以係以過往發生的事情作基礎的一種推斷

      發生過什麼事,會令人官對修例感到恐懼,不相信官方的解釋?
      例如話你破過產, 「借貸紀錄劣積班班」, 係會申請唔到某啲工作, 又或者問銀行借款會更艱難.
      咁信貸評級就係一個俾你「改過自身」的機會, 有客觀準則;但黃C/傷民話對政府修例的不信任,未免太籠統了.

      既然不相信, 為什麼又要要求政府作出承諾(例如撇回).

      //咁點說服班妄想被害症患者?

      不相信,就已經不可能被說服

      //我地只係嘗試指出黃絲論述的自相矛盾之處,根本冇討論政府做得好唔好/啱唔啱

      所以我從來都將自己定位為「反黃」, 而唔係「藍」.

      刪除
    10. 信任係可以建立,但若不信任來自恐懼就難好多。
      一個出過軌嘅情人,經過一啲 family therapy 之類嘅 workshop 係可以重新建立信任。
      但係一個無安全感嘅人,對自己無信心,覺得周街好多比自己優秀嘅人,成日以為個男朋友隨時都會有出軌嘅可能。咁就算個男朋友從未出過軌,又每15分鐘報導一次,個女朋友都可以無辦法信任佢。

      而加就係中央可以隨便拉人,或隨便安個罪名要人,但唔等於佢一定會咁做。無理嘅恐懼就係你拋幾多道理同邏輯出嚟,只要唔係百分百就無法信任。呢個無法打破買個「寧可信其有」保險。

      就算 phobia 其實都可以治療,問題係治療係有個約章同過程。而加啲人興「立即見效」,於是一唔「即時見效」就 enhance 咗「無效」嘅迷信。係咁 cycle 落去。

      刪除
    11. 謝謝魔兄分享對恐懼的看法,還有就是反對者自相矛盾的地方。 在我看來, 承諾其實具備法例效力, 正因為政府以往模糊的行政手法, 所以人們才希望政府作出具法律效力的承諾, 以透過法律手段約束政府權力。

      魔兄, 我想借此分享一段15分鐘的影片,
      https://youtu.be/4LcjE-cbJlc
      該影片對我們討論的問題有啟發作用

      刪除
    12. //承諾其實具備法例效力, 正因為政府以往模糊的行政手法, 所以人們才希望政府作出具法律效力的承諾, 以透過法律手段約束政府權力。

      「人們才希望政府作出具法律效力的承諾」那就正正經經開會討論,將草案完善,而不是玩拉布。現在示威者是怕殺人政權不守信約,胡亂安插罪名等;如果示威者做出這樣的假設,那基本上是不可理喻:因為佢地已經假設了殺人政權不會守法,那再講法律甚麼的,根本毫無意義。

      正如C嬸話齋「信任係可以建立,但若不信任來自恐懼就難好多」、「無理嘅恐懼就係你拋幾多道理同邏輯出嚟,只要唔係百分百就無法信任。呢個無法打破買個「寧可信其有」保險」。

      //影片

      Sorry, 可能你係呢度嘅新讀者. 我已不只一次講過, 我對「睇片」沒有很大的興趣。這位讀者叫我睇15分鐘,那位又叫我睇15分鐘,片段說的往往都未必到 point,我哪有那麼多的15分鐘去睇,然後想想有甚麼「啟發」?看看造裡的留言者,叫人睇片的絕無僅有,大部份都可以用文字表達出自己的想法的。

      有意見想表達, 大可以文字寫出來,可以跳讀重點, 再找回 supporting evidence. 一位大叔站在鏡頭前講15分鐘,又唔覺有畫面效果幫助解說,那為什麼不寫出來?

      不如你睇下C嬸寫乜,再以自己文字回應,好過quote 影片喇。

      刪除
    13. //Sorry, 可能你係呢度嘅新讀者. 我已不只一次講過, 我對「睇片」沒有很大的興趣

      必要的話可以加timestamp,click條link會直接去指定時間點(但好似只support browser,手機除非用browser開youtube,否則跳去app都係會從頭開)

      https://www.lifewire.com/link-to-specific-part-of-youtube-video-1616414

      //不相信,就已經不可能被說服

      細個時一件事:我同我阿哥搭巴士,我認錯地點早咗幾個站落車。我阿哥就係咁問我點解會搞錯。

      “咁我真係認錯咗周圍啲景物呀嘛”

      “你無得解釋!”

      “無得解釋...咁你又問?”

      “..."

      刪除
    14. // 所以人們才希望政府作出具法律效力的承諾, 以透過法律手段約束政府權力。

      政府以至中央都唔可信,咁就算佢地作出具法律效力的承諾,點解又突然變得可信?

      或曰:我信法治,先唔講法治已經死得仲多次過羅樂林,如果班人咁信法治,做乜又要政府撤回暴動定性?就算律政司charge你暴動,你信法治ge,到時官都會判你得直ga,除非你都心知肚明自己真係暴動啦

      不過要求黃絲stick to 自己的主張好似有啲強人所難呀可?佢地係需要「諒解」ge「人民」嘛

      刪除
    15. //加timestamp,click條link會直接去指定時間點(但好似只support browser//
      最好寫明邊段,第幾分鐘。

      //係咁問我點解//
      我好唔明點解D人咁鐘意做埋啲咁嘢。對解決當前問題一D幫助都冇。呢D都係黃C特質。

      刪除
    16. //係咁問我點解
      //我好唔明點解D人咁鐘意做埋啲咁嘢

      第一時間將所有責任賴去人地度,然後強調我係無錯嘅! XD

      //對解決當前問題一D幫助都冇

      所以我好憎出咗事係度搵邊個負責,第一件事係去解決問題嘛。

      //呢D都係黃C特質
      我有保留,我覺得係人性,唔理黃藍中立都會有。

      刪除
    17. — 搵人孭鑊
      我一直覺得係英殖流俾香港人嘅簡陋管理方法

      //係人性//
      無錯。無錯。只係最近黃C比較多發揮,我錯覺。

      刪除
    18. 首先, 我想表明我反對衝擊警方的行為, 而違法者需承擔責任。
      唔係所有反對既人都係一樣既觀點, 以我為例, 我只反對政府急住立法, 唔去將法例模糊既地方寫清楚, eg: 法庭點樣查證中國政府提供既證據
      如果將所有觀點去標籤有參加過遊行既人, 我認為是不公。

      而點解唔信中共? 大家其實心知肚明
      引述中國宪法第三十五条 中华人民共和国公民有言论、出版、集会、结社、游行、示威的自由。
      大家認為中共有依法執行嗎?

      人无信不立,国无信则衰。一個連自己宪法都唔尊重既黨, 我對中共無信心。
      一個一直唔守法既黨, 香港政府點保證佢俾既證據既正確性

      刪除
    19. //反對政府急住立法, 唔去將法例模糊既地方寫清楚, eg: 法庭點樣查證中國政府提供既證據//
      急,無問題。唔清楚先係問題。不過點查證證據應該係法庭嘅工作。美國要求香港引渡雪窩,香港又係點證明證據真偽?

      //中华人民共和国公民有言论、出版、集会、结社、游行、示威的自由。
      大家認為中共有依法執行嗎?//
      政治與言論自由等等不屬《逃犯條例》可引渡範圍之內。人家有冇依法執行與逃犯修例無關。

      //自己宪法都唔尊重既黨, 我對中共無信心。//
      如果係咁,[香港]基本法都係廢話。大家驚修例,就唔驚中央唔理基本法?

      刪除
    20. //而點解唔信中共? 大家其實心知肚明

      呢個又要loop返去上兩篇。如小弟之前所言,“你個黨既作風係全世界都好出名”,但你的的確確而家就under緊佢管治之下。如果對一個管治緊自己既政黨或甚至政權如此不信任,對佢講乜甚至立據都唔信,但又“反對衝擊警方的行為”(革命本身就需要衝擊屬建制的武力),咁不如就如《大時代》“股票必勝法”之結論--“及早離去”會更好。

      刪除
    21. 人无信不立,国无信则衰。一個連自己宪法都唔尊重既黨, 我對中共無信心。
      ===
      唉, 朋友, 其實都講到厭了, 都係果句: 食得䶢魚抵得渴.
      我唔接受因為你口渴得滯, 就有權要求以後鹹魚唔準鹹, 甚至所有人都唔準食鹹魚.

      刪除
    22. 抄送返小弟之前的comment (其實係小弟對自己呢篇既表達好滿意,show off下)

      https://magicianyang.blogspot.com/2019/06/blog-post_12.html?showComment=1560351494880#c2729260979741657864

      問題癥結除了是我城有一部份人極度不相信殺人政權之外,還有一個:就是長期“live as if我城是de facto與蝗國無關”的意識下;當一有事情同蝗國/殺人政權相關,彷彿一個深眠狀態的人被叫醒,自然本能地大發脾氣。

      只能說,傷民好多真係以為蝗國“應然”除了國防外交外,所有我城事情都無權過問--但《基本法》從來唔係咁寫啊!仲唔係“滴蠟泥見到賓尼兔”、“Perception is reality”???

      不是說要勉強提高自己對殺人政權的信任度,但如果明知“我城現實就是在殺人政權治下”,咁就算1000%不信任殺人政權,個人選擇就會偏向理性--移民?革命?嘗試說服自己提高對殺人政權的信任度?而不是理所當然的認為“我城與蝗國無關”,然後發現有關係就如“刺猬被觸碰神經一樣”--例如作為蝗國官方語言的蝗語越來越通行、蝗巷互相人流越來越頻繁就幼稚地認為是文化侵略、滲透,然後碎碎念“香港人再唔似香港人”而罷市--在同一個國家中,這不是理所當然的事情嗎?

      我的看法是:作為一個持有的唯一護照是HKSAR passport的中國籍香港永久居民,我是清楚認知統治香港的終極政權就是中國共產黨;套《少林足球》式的用語,“你個黨的作風在世界都好有名”,我是清楚認知的,我選擇得到呢刻仲長居香港,已經衡量過呢個政權治下所帶來的得益和風險--換句話說,我已經接受了“中國共產黨管治緊我”的現實。而“接受”,就是對其的信任度未低過自己的底線,無別要移民或造反而已,卻與“認同”仍有一定距離。

      刪除
    23. (sorry 堅持匿名)
      回JC君:閣下立場係點,支持乜反對乜,與我們無關,我們只看邏輯。閣下又留左一堆言,依小弟看,重點仍只有一個:中共信唔過,呢點我地已經清楚收到,請問有冇論點補充?

      刪除
    24. 感謝魔先生分享對選擇權的看法, 還有同意共產黨是邪惡的意見。

      我明白共產黨管治緊香港的現實,但我唔會想香港既自由度變差。明知一個政策係壓逼香港自由,我地可以選擇唔反對, 但唔應該助紂為虐, 幫助邪惡政權。 即係有個壞人打劫銀行既時候, 如果情況許可, 生命唔受威脅,職員無理由幫個壞人開門之餘, 仲要幫佢數錢。就好似中共想壓逼香港自由, 我地係仲有安全抗議保障既香港幫中共說話。

      刪除
    25. //明知一個政策係壓逼香港自由//
      請舉證個政策如何壓迫香港自由。

      刪除
    26. // 一個一直唔守法既黨, 香港政府點保證佢俾既證據既正確性

      一直唔守法嘅話, 犯淫啲人仲生勾勾係度嘅?

      刪除
    27. 注意:驚/唔信任不能證明政策有問題。

      刪除
    28. //還有同意共產黨是邪惡的意見

      Wait. I havn't said that "共產黨是邪惡".如果我說得不清楚,那我只會說其往績欠佳,現績仍需進步,如此而已;在我自己的標準,我不會說其“邪惡”,而每人標準亦不同,我們互相也不需要說服對方。

      我只想說,如果閣下認為統治緊你的政權是“邪惡”級別而又不甘心,閣下最需要做的不是嘗試打倒他,就是伺機先走為敬,而不是在這碎碎念作文明姿態的無謂抵抗。

      //即係有個壞人打劫銀行既時候, 如果情況許可, 生命唔受威脅,職員無理由幫個壞人開門之餘

      又loop返去原條文。套用去返銀行呢個比喻,原條文並無明顯“打劫銀行”的成分,現在頂多是一個案底累累既人惡形惡相的衝入銀行提款而已;如果你在這銀行工作,經常無聽清楚佢講過乜就懷疑佢打劫,而佢又是銀行常客,那我唯二建議就是:1)你從這銀行辭職 2)令其再無辦法光顧你工作的銀行。

      否則佢一日經常光顧,這些懷疑鬧劇就沒完沒了,咁最終都係滾搞到其他已經接受呢位惡客的銀行員工同顧客(即是本blog近日留言的大部份人士)。

      刪除
    29. 其實咁屈法又算唔算往績已開始欠佳?

      刪除
    30. // 政治與言論自由等等不屬《逃犯條例》可引渡範圍之內。人家有冇依法執行與逃犯修例無關。

      中共有老作既先例, 審查證據既目的係防止老屈

      刪除
    31. 我諗大家都唔係想圍剿JC兄
      都係交流下睇法
      但可唔可以提供果個老作先例 俾我學下嘢

      刪除
    32. 審查證據係香港法官嘅 job 好嗎!

      刪除
    33. // 1)你從這銀行辭職 2)令其再無辦法光顧你工作的銀行。

      3) 提高佢既犯罪成本, 香港呢個case 來講, 就要係提高法例入罪門檻,如列明香港有審查證據既權力

      刪除
    34. 泛民有老作屈中共ge先例,舉個最近例子:又話西九站會有解放軍捉人ge?未知JC兄考慮兩邊(泛民,中共)可信性時又有否take into account泛民過往對中共的指控落空這事實呢
      再講一次,唔係幫中共,只係想指出泛民都唔可信

      刪除
    35. // 但可唔可以提供果個老作先例 俾我學下嘢

      連個國家宪法都係作,由頭到尾無遵守過

      刪除
    36. // 審查證據係香港法官嘅 job 好嗎

      法官律師已經指出, 按照條例,香港法庭沒有權力否定中共提出的證據

      刪除
    37. 其實我唸大家都唔想俾人老屈, 寫清楚d法例, 增加香港核查證據既權力, 對大家都有好處。就算中共可信, 法例都應該寫清楚, 盡力防止漏洞

      刪除
    38. 國家宪法都唔遵守,仲有咩做唔出

      刪除
    39. // 泛民有老作屈中共ge先例

      犯民點唔關我事, 我整係想個法例完善d, 提高中共檢控門檻

      刪除
    40. 個法例已經好完善,係你唔肯去信,寫到阿婆洗腳布都冇用。門檻太高就會連累與其他地方嘅逃犯引渡啦!

      刪除
    41. 其實都唔洗再討論. 門檻再高, 最後都係 loop 番去 "國家宪法都唔遵守,仲有咩做唔出" 呢條萬能 key.

      "增加香港核查證據既權力" 又可以話大陸政府真係做得出控制特區政府既核查結果.

      所以信唔過大陸政府的話,不如選擇 "進" 或 "逃" 啦

      刪除
    42. JC:黃牌警告,切勿同一條 thread 內以碎片化留言洗版。

      //感謝魔先生分享對選擇權的看法

      有選擇權,即是有「自由」。

      //還有同意共產黨是邪惡的意見。
      //Wait. I havn't said that "共產黨是邪惡".

      無論我同摩摩,都無話過「共產黨是邪惡的」。摩摩澄清後你亦無道歉。用返你嘅遊戲規則落你自己,因為你已經有老屈的往績,我有理由不相信你所講的任何說話。

      //寫清楚d法例

      講咗,完善個法例係可以在立法會做,可惜販民用了來拉布。

      A.//香港法庭沒有權力否定中共提出的證據
      B.// 審查證據既目的係防止老屈...提高法例入罪門檻,如列明香港有審查證據既權力

      A. 和 B. 是自相矛盾的。而且,大律師公會已 confirm 了A,「不調查」原則是 in line with 國際慣例的。

      //可唔可以提供果個老作先例
      //連個國家宪法都係作,由頭到尾無遵守過

      實例 please.

      //國家宪法都唔遵守,仲有咩做唔出
      //提高中共檢控門檻

      網友己提供正解如下:

      //我唔接受因為你口渴得滯, 就有權要求以後鹹魚唔準鹹, 甚至所有人都唔準食鹹魚.
      //其實都唔洗再討論. 門檻再高, 最後都係 loop 番去 "國家宪法都唔遵守,仲有咩做唔出" 呢條萬能 key.
      //如果閣下認為統治緊你的政權是“邪惡”級別而又不甘心,閣下最需要做的不是嘗試打倒他,就是伺機先走為敬,而不是在這碎碎念作文明姿態的無謂抵抗。
      //所以信唔過大陸政府的話,不如選擇 "進" 或 "逃" 啦

      //我阿哥就係咁問我點解會搞錯。

      問責制?XD

      //就算律政司charge你暴動,你信法治ge,到時官都會判你得直ga,除非你都心知肚明自己真係暴動啦

      呢個 point 另文再寫。

      刪除
  14. 點解反送中三隻字唔放喺乳溝嗰度?咁先至夠中!嘻嘻!

    回覆刪除
  15. 作者已經移除這則留言。

    回覆刪除
    回覆
    1. 咁公投都慳返。直接打過啦!

      刪除
    2. 作者已經移除這則留言。

      刪除
    3. 我諗,我放低了泛民。 他們支持的,我未必反對了。
      修例的確影響香港一貫定位,也減少香港人特權。 被影響,出來反對,都好正常。

      往後,成為香港人,更加值錢。 政府可以加強投資移民方案,吸引更多人才來港發展。

      Lawrence

      刪除
    4. //香港人特權//
      請問是香港人犯罪特權??

      刪除
    5. 泛民力撐嘅蔡英文有搞同性戀公投
      慘敗之後 佢本身台獨票倉俾賴神搶左
      於是佢強行立法 同性戀合法化。。。

      呢件事超經典。。。

      就算公投贏左 逃緊生咪又好似幾年前七一得幾千人遊行咁死撐 就算得十個八個 政府都要聆聽民意。。。

      而家啲小學雞以為自己係古惑仔曬馬 人多就大哂 你可以去yahoo睇下佢地反駁只有一點 就係話你叫支持嘅出嚟遊行睇下有幾多人
      支持仲遊乜鬼行 呢個邏輯只好笑
      同埋而家啲人讀書咁多但唔識字
      唔知咩叫群眾壓力同民粹。。。
      當民粹擊倒公義 仲要有二百萬人 我係佢地就笑唔出啦。。。

      刪除
    6. 講開蔡大媽 好多友話777今次幫佢助選令阿爺失晒預算

      其實民進黨上台既呆灣先最合乎土共統一大計

      寫住咁多先,一陣睇完恆大再寫

      刪除
    7. //往後,成為香港人,更加值錢。 政府可以加強投資移民方案,吸引更多人才來港發展。

      得閒可以打吓黑警,消消氣。

      //支持仲遊乜鬼行 呢個邏輯只好笑
      //唔知咩叫群眾壓力同民粹。。。
      //當民粹擊倒公義 仲要有二百萬人 我係佢地就笑唔出啦。。。

      真.溫水煮蛙。

      //其實民進黨上台既呆灣先最合乎土共統一大計

      等埋摩摩。

      刪除
    8. 首先,民進黨是“台獨”,國民黨是“獨台”--分別的意識形態是前者對大陸沒任何興趣,後者如果“支爆”、土共開放參政等,只要不影響台灣的基業,絕對會有興趣返大陸發展或接手;而兩者相同的是:無壓力之下,絕對不會放棄台灣這個基地向大陸投誠。

      國民黨執政對土共的壞處,其實上次馬英九時代已經完全現形--經濟著數要斂盡,政治談判打死不放,但表露出來又同你土共懶friend,意識形態又好似好大中華,搞到你鬆章俾佢又唔係冷待佢又唔係;而且你鬆章俾佢點都要讓利俾島內本土產業,但呢班老不死點分配呢筆財富你老共完全無say,最終搞出14年嗰個“反服貿”大頭佛。當然國民黨唔係個個都好似馬英九咁“污糟嘢你做乾淨功我領”,但呢班友都出晒名“內戰內行外戰外行”(光頭瑜應該會好啲,但其實佢應該在高雄留六年歷練下先),土共旨意老K真係死得。

      反而民進黨上台,大家擺明無偈傾,土共唔讓利台灣,全台灣政治光譜上的任何人都打死無怨;加上民進黨到現在都擺脫唔到“選舉叻過治理社會”既特性,阿扁同蔡大媽上台內部都搞到一鑊粥,本來以前土共攞唔到呢個著數,但習帝上台經過香港自由行同台灣反服貿的教訓,實行“著數可以俾你但唔該你過嚟大陸攞”,成功軟化部份年輕台民對大陸的態度並加深對大陸的認識。而國民黨作為在野黨,睇土共面色都嚟唔切,仲點敢R咁多著數?

      當然你可以話民進黨上台會催谷台獨意識,但其實你估國民黨上返台有魄力糾正返?自由廣場都改唔返叫中正廣場啦!反而長期22K,柴米油鹽下個個都英雄氣短,過大陸有好路數又邊到你咁堅持意識形態?而家睇蔡大媽好似好威,但其實《逃犯條例》關台民生活咩事?今年土共搞既“海峽兩岸研討會”破紀錄有過萬台民參加,生活逼人下俾你抽到香港水又如何?

      至於俾民進黨執政多五年後總要落台,係咪又俾佢冧莊?到時先算啦,兩岸實力差距又再拉大更多台灣人打大陸工(唔係90年代過大陸但打台商工),到時國民黨上台又唔係馬英九時代既形勢啦!

      刪除
    9. //經濟著數要斂盡,政治談判打死不放,但表露出來又同你土共懶friend,意識形態又好似好大中華,搞到你鬆章俾佢又唔係冷待佢又唔係

      咁似淺藍嘅?

      //民進黨到現在都擺脫唔到“選舉叻過治理社會”既特性

      咁似黃C嘅?

      //兩岸實力差距又再拉大更多台灣人打大陸工

      咁蝗國真係一片形勢大好...

      刪除
    10. 反而民進黨上台,大家擺明無偈傾,土共唔讓利台灣,全台灣政治光譜上的任何人都打死無怨
      ===
      依照犘兄推論, 要是下屆垃圾會犯民大獲全勝, 土共便有條件加速香港邊沿化, 香港人應該要準備"打死無怨"了

      刪除
    11. //土共便有條件加速香港邊沿化

      我估土共無呢個膽對香港置之死地而後生,仍然會把持功能組別對犯民作制衡,始終特首係土共任命,土共好難卸走治港不力的責任。對台灣可以行呢個策略係因為土共對島內無管治權,民進黨亦毫不掩飾對土共同大陸的敵意,土共可以大膽唔對島內讓利。

      況且雖然我估習帝元旦對台灣講一國兩制係特登同蔡大媽拉票,但下面國台辦係咪都咁大膽就好難講,純粹大佬都膽搏膽做細既要跟而已;始終16年民進黨上台以為越走越獨點知出現反效果只係食屎食著豆,肯定國台辦無幾多人推演到。

      刪除
    12. //我估土共無呢個膽對香港置之死地而後生

      我覺得販民亦睇透呢點,所以點玩都唔怕,總有阿爺執手尾。

      //肯定國台辦無幾多人推演到

      據內地網紅金燦榮講,侵侵當選,內地智庫都無一個推演到。

      刪除
    13. // 其實民進黨上台既呆灣先最合乎土共統一大計


      無錯. 哈哈.

      刪除
    14. 我繼續我嘅移民夢。。。
      台灣越差 我啲錢過到去越好用
      一個中坑識到靚台妹嘅機率越高
      所以民進黨上台係好事
      唔係我可能要跟住大嗌香港人加油。。。

      同埋民主鬥士眼高手低
      呢個值得我地借鏡

      刪除
    15. 怕唔怕地震? XD XD

      刪除
    16. //識到靚台妹

      留係香港會死
      https://magicianyang.blogspot.com/2019/06/blog-post_10.html

      刪除
    17. //請問是香港人犯罪特權??
      當然係特權,仲係好值錢嘅特權
      香港就如同九龍城寨咁三不管
      大陸想管,但係為咗其他國際關係唔好意思管
      美國想管,但係大陸擋住,最多洗錢同開行輿論機器,好間接管
      香港政府,則係做靚太耐,根本唔識管
      所以香港做逃稅天堂,一切犯法搵錢嘢,先至係利益最大化
      無奈香港人鍾意比清水更清
      完全唔識利用香嘅獨有優勢

      刪除
    18. //無奈香港人鍾意比清水更清

      呢個又係傷民的「寬己嚴人」的特性:自己鑚空子賺到盡(例如劏房,借人頭避辣稅)就無問題,但公眾人物就要 whiter than white.

      刪除
    19. //據內地網紅金燦榮講,侵侵當選,內地智庫都無一個推演到。
      推演唔到係正常, 阿Trump贏在選舉人票, 而致勝嗰幾個關鍵州只係贏幾萬票, 絕對係一個低概率事件
      但係估唔到, 同有冇預案, 就係另一個問題

      刪除
    20. //仍然會把持功能組別對犯民作制衡

      1(直選):1(功能)只好無限補時

      //我覺得販民亦睇透呢點,所以點玩都唔怕,總有阿爺執手尾。

      所以黃C傷民咁多巨嬰。

      //阿Trump贏在選舉人票

      點解無人話選舉人票制度唔公義嘅?

      刪除
    21. //怕唔怕地震?

      反而我會好黑心地問?,怕唔怕武統?

      根據反分裂國家法第八條
      “台獨”分裂勢力以任何名義、任何方式造成台灣從中國分裂出去的事實,或者發生將會導致台灣從中國分裂出去的重大事變,或者和平統一的可能性完全喪失,國家得採取非和平方式及其他必要措施,捍衛國家主權和領土完整。

      用呢條任噏的法例,只要大陸認為時機成熟,就會發兵武統台灣;而我認為時機成熟的表徵為大陸的GDP超過美帝,2018年美帝的GDP是20.5萬億美金,大陸(不包括港澳台)的GDP是13.6萬億美金,約為美帝的三份之二。只要唔支爆,我估計超過美帝GDP的時間會在2025-2035年之間。咁點解唔拖耐啲先武統?我認為拖得越耐,全世界越會反應過來阻止大陸,最佳時間點就是經濟上剛超越美國,但其他人未為意,就是最好的時機。

      刪除
    22. 唔怕嘅,根據JC所以,殺人政權都唔守法嘅,又點會去「依法」統一呆灣呢?(誤)

      刪除
  16. 咁快做順民,中央仲點會派糖呀? 掙取多D搵錢機會,先有本錢走。

    回覆刪除
    回覆
    1. 「他只是個小孩,就是要賴著要糖。不用理他。」

      刪除
  17. 那批示威人仕對逃犯條例的定義,到底有多少人是明白,清楚,及知道的?

    回覆刪除
    回覆
    1. 今時今日唔講理,講feel㗎! XD XD

      刪除
    2. 講FEEL呢架野,好難觸摸..
      其實最有趣的問題是2047年好像到時可以行一國一制,現在算不算是最後的掙扎?

      刪除
    3. 冇話一定要到2047年。隨時驚都得㗎!如果一國一制必行,咁掙咩扎呢?爭脫就差唔多!

      刪除
    4. //那批示威人仕對逃犯條例的定義,到底有多少人是明白,清楚,及知道的?

      都話佢地唔係反條例, 只係恐共咯!

      //講feel㗎

      「我地要以感性嘅角度去睇呢件事!」

      //其實最有趣的問題是2047年好像到時可以行一國一制

      上一篇截圖, 我在 Whatsapp 都講過, 「50年不變」其實就好似 integration 咁, 逐少逐少加上去, 由0加到變50. 在呢個漸進過程中, 唔能夠適應的大可以離開.

      //如果一國一制必行,咁掙咩扎呢?爭脫就差唔多!

      巷蜀派又油然自得了!!

      刪除
    5. //那批示威人仕對逃犯條例的定義,到底有多少人是明白,清楚,及知道的?

      「清楚,明白。」——奪命金蘇杏璇語氣

      刪除
    6. Teresa(何CC飾演):「娟姐,你只需要講『清楚、明白』就可以。」

      刪除
    7. 《奪命金》斷咗市,未買到。有碟返再寫。

      刪除
  18. 我今日才記起自己有個朋友,係香港同大6之間做生意,廢料回收的,但往往比人睇唔起,其實搵好多錢
    我問佢點呀,班PK話驚中共,話會影響生意人,你驚嗎?
    佢好嬲咁答我: 我從來無犯法,報關亦報足,未驚過!佢鬧返班友轉頭,攪到香港咁樣
    佢話佢而家D錢足夠普通退休生活,佢話因為呢班人,一定唔會係香港退休
    佢同我講:大6要捉你,唔需要LAW, 而且大6 唔會無原因捉你
    我又問左佢,好多人話比公安屈左呀? 佢話好多台底野香港人唔會知,佢表面係比人屈,實際唔係你地諗得咁簡單
    而且要貪污大6都唔係咁易,打貪都好勁。
    結論係一個活生生既生意人都唔驚,班香港人係度恐共,但又返大6飲喜茶, 正正完美表演了"香!港!人!"

    回覆刪除
    回覆
    1. 講講下又言論自由又白色恐佈又乜又七,飲喜茶、食海底撈、掏寶都唔怕佢食咗黑心食材、用咗假貨(抑或係 don't care? ), 反而怕俾老共屈你莫貿有捉你去坐十年八年監。我真係完全搵唔到任何同理心去代入佢地嘅想法。

      刪除
    2. 我開頭以為反對嗰啲全部都唔返蝗既,咁我勉強都推測到佢地諗咩...但去到一百萬人以上遊行就混雜了信仰不純的了,似乎真係好多人又去遊行又飲喜茶...唔怪得CCTVB都唔驚《倚天》收視會跌

      但免費睇《倚天》事少,親身北上(都唔理你係咪食嘢落肚了)“以身犯險”事大;信仰不純嗰班究竟係唔係精神分裂?

      刪除
    3. 我舊同事一講共產黨就鬧 用電器要用日本野。。。但咪又係淘寶買衫。。。

      刪除
    4. //似乎真係好多人又去遊行又飲喜茶...唔怪得CCTVB都唔驚《倚天》收視會跌
      //一講共產黨就鬧 用電器要用日本野。。。但咪又係淘寶買衫。。。

      可能班人真係buy 娛樂飲食消費係同政府無關的...同情地理解,娛樂飲食消費係民生嘅事, 是黃C可以接受的; 黃C厭惡的,是講政治時的殺人政權.

      刪除
    5. //真係buy 娛樂飲食消費係同政府無關的...

      龍門任佢地搬嗻,話人毒奶粉地溝油毒疫苗、定話飲飲食食同政治無關係,係睇當時用咩歪理defend自己既舉動而已.

      況且我懷疑呢部分人好多係中立同淺藍之間,係今次主題跨光譜線遊行;而我講過淺藍係我城真正最仆街的一群

      刪除
    6. 地溝油,香港就其實係記者捏造。大陸有冇就唔知。
      至於毒疫苗,好似只不過係過期唔係有毒。

      刪除
    7. 因應前文A、本文關於中港生意人心聲以及其他留言,估下未來長時間的我城人口流動動向

      - 有能力的土生土長精英,經過今次不論政治立場,好多都會離開我城(黃C因為恐懼,反黃的就因為對黃C的恐懼);但反黃的多一條路走(返蝗),而且行動力比較好,會先走為敬

      - 我城的精英位置會逐漸被蝗民或東南亞移民代替:佢地有自己的生活圈子,就算明知笨土有青睇佢地唔順眼都可以懶得理會,唔似土生精英咁“梗有黃C係附近”

      - 離不開的有青生活會越發miserable;同時我城對新移民落嚟捱世界/攞綜援越發不吸引,結果社會底層會越發以笨土有青為主

      結果是:

      - 我城有咩事,會越多類似今次咁有海外傷民示威聲援;但同時大灣區會舉目都是安居樂業的土生傷民
      - 我城會越發polarized,與外地接軌的會越嚟越有“新港人”文化特色,同時有青們會發展出一套完全自娛自樂不能輸出境外的流行文化

      刪除
    8. //不能輸出境外的流行文化//
      《進擊的巨人》地底世界!

      刪除
    9. //我講過淺藍係我城真正最仆街的一群

      政治投機者是也.

      //反黃的多一條路走(返蝗),而且行動力比較好,會先走為敬
      //離不開的有青生活會越發miserable

      「反黃的」如果在我城有樓,移居後亦唔會沽出, 只會做收租仔賺到盡, 受罪的當然又是有青.

      //有青們會發展出一套完全自娛自樂不能輸出境外的流行文化

      真巷中區隔...

      刪除
    10. //反黃的多一條路走(返蝗),而且行動力比較好,會先走為敬
      //「反黃的」如果在我城有樓,移居後亦唔會沽出

      就係鵝。怕咗佢哋先怕米貴。多謝佢哋。呢到搵人仔搵多好多,使少好多!

      刪除
    11. //就係鵝。怕咗佢哋先怕米貴。多謝佢哋。呢到搵人仔搵多好多,使少好多!
      真係要考慮吓係咪上去開英文補習班了!!!

      刪除
    12. //開英文補習班//
      好多騙子,只要有外國人樣就呃到人。所以有料嘅應該真係唔錯。需求比香港大好多,有錢人唔會同你講價。想近香港啲可以去大灣區。
      學生為咗方便,辦學為咗多收學生,網上教學都幾 popular。據學生講,有支[智能]筆,可以網上即刻做俾老師睇,慳紙墨,又可以避免俾人抄襲。但係發音始終好大問題,好鐘意 ng 音,即係「煙」讀「應」。

      刪除
    13. //但係發音始終好大問題,好鐘意 ng 音,即係「煙」讀「應」。

      淨係教發音,夠食有突!

      刪除

    14. //呢到搵人仔搵多好多,使少好多!
      //真係要考慮吓係咪上去開英文補習班了!!!

      使唔使介紹C嬸跟前同事A認識呢?

      刪除
  19. 以下是我個人一D想法:
    1 逃犯條例一直都存在,只是不包括中國,所以這條例本身不是惡法,只是因為要包括中國才覺得是惡法,歸根究底是因為不信任中國。
    2 無論是藍C又好黃C又好,都應該尊重每個人有不同想法和選擇,而不是一言不合就諷刺咒罵和自己意見分歧的人。
    3 無論為了什麼原因想要爭取什麼,所有暴力、違法和傷害別人的行為都應該受指責和負上應有的法律責任,這是法治社會的基礎。
    4 有很多人不願意承認自己正在生活的香港是中國的一部分,但無論怎樣不願意承認,這是事實。
    5 一國兩際和五十年不變是有限期的,到2047香港會是一國一際還是怎樣沒有人知道,但最終決定權在中國手中。
    6 香港沒有能力獨立,沒有能力和中國對抗,無論在軍事上經濟上生活所需上都是,不要自欺欺人。

    如果中國政府真的那麼令人害怕的話,移民確實是一個解決方法,去你覺得理想的國家實現你理想的生活。

    沒有能力移民的,是否應該面對現實,承認香港是中國的一部分,在不觸碰中國底線的情況下爭取最好的生活條件呢?今天可能中國仍然容忍你,但20多年後呢?

    回覆刪除
    回覆
    1. //這條例本身不是惡法,只是因為要包括中國才覺得是惡法,歸根究底是因為不信任中國。
      //所有暴力、違法和傷害別人的行為都應該受指責和負上應有的法律責任,這是法治社會的基礎。
      //有很多人不願意承認自己正在生活的香港是中國的一部分,但無論怎樣不願意承認,這是事實。
      //一國兩際和五十年不變是有限期的,到2047香港會是一國一際還是怎樣沒有人知道,但最終決定權在中國手
      //香港沒有能力獨立,沒有能力和中國對抗,無論在軍事上經濟上生活所需上都是,不要自欺欺人。

      同意. 但很多人都表受唔到「實然」,只係講「應然」

      //不是一言不合就諷刺咒罵和自己意見分歧的人。

      我(同埋呢度好多網友)都會諷刺,而不會咒罵, 這是唔同層次的表達.

      刪除
  20. 啲泛民網台真係超級洗腦
    聽到都煩

    啲醫生個個都當自己流氓俠醫,話怕啲人唔來,啲人都唔無畏無懼,你咪阻住人地從容就義啦

    (唔好意思借個位發洩下)

    回覆刪除
    回覆
    1. //啲醫生個個都當自己流氓俠醫,話怕啲人唔來,啲人都唔無畏無懼,你咪阻住人地從容就義啦

      唔係好睇得明.

      刪除
    2. 佢意思應該係話啲人驚被拉唔嚟睇醫生;但啲人真係無畏無懼的話,就無謂阻人地從容就義

      刪除
    3. //啲人驚被拉唔嚟睇醫生

      點解會驚被人拉? 係唔係心虛?

      刪除
  21. 周五(21日)早上7點正進行全港不合作運動
    全港是不是指包括我們在內嗎?
    那我感覺到我就像被人用自由道德的最高點綁架了.

    回覆刪除
    回覆
    1. 全港應該是指地域性,唔係只勳員人數吧? XD

      刪除
  22. 作者已經移除這則留言。

    回覆刪除
  23. https://thestandnews.com/politics/連登現-抗爭者致香港市民道歉聲明-籲市民周四五勿往金鐘政總/

    回覆刪除
    回覆
    1. 其實而家好多人都軟化,就當你真係二百萬人上街,你估咁多人個個激憤程度同你地一樣咩,人越多variation就越大。你唔收貨好多人已經收咗貨,到時搞唔出嘢就示弱搞得出嘢就自我分化囉

      刪除
    2. 上面個連登聲明唔係道歉,係想攪事。

      刪除
    3. //你唔收貨好多人已經收咗貨,到時搞唔出嘢就示弱搞得出嘢就自我分化囉
      //連登聲明

      「你可以唔交保護費嘅, 不過錢無咗可以搵過, 人嘅手手腳腳, 無咗就生唔番架喇!」

      刪除
  24. 實在太嬲,林太又SAY SORRY
    嬲到我要SEND EMAIL to her office to support her and her team

    香港特別行政區行政長官辦公室

    地址 :
    香港添馬
    電話 :
    (852) 2878 3300
    傳真 :
    (852) 2509 0580
    電子郵件 :
    ceo@ceo.gov.hk

    回覆刪除
    回覆
    1. 我五年前打過去警察投訴科,投訴佢地”對佔領者太軟弱“;結果接電話位仁兄好有禮貌地話我呢個唔算係投訴,會轉介去警民關係科記錄為市民讚賞 XD

      刪除
    2. 投訴打得唔夠甘?哈哈哈哈哈哈哈哈哈!俾你笑死我啦!

      刪除
    3. e,我都投訴下佢地一哥唔支持自己同胞先!
      不如叫國貨城做CP啦

      刪除
    4. //投訴佢地”對佔領者太軟弱“;結果接電話位仁兄好有禮貌地話我呢個唔算係投訴,會轉介去警民關係科記錄為市民讚賞

      哈哈, joke of the year!

      //我都投訴下佢地一哥唔支持自己同胞

      okay 喎呢個!

      刪除
  25. 反對pie嘅宣傳:《砧板上》
    https://m.youtube.com/watch?v=NhavfWpAwz4
    大意係:
    1. 一個豬肉佬得罪咗另一豬肉佬,而另一個豬肉佬識得一個內地人,暗示呢個內地人有背景。偽造文件屈豬肉佬引渡上去受審。
    2. 再而威嚇豬肉佬話知道佢個女做見習律師幫反對pie人打官司。
    3. 最後重屈埋豬肉代理商。

    嘩!偽造文件坐7年!
    嘩!內地警察好得閒,理埋啲私人恩怨。
    內地好似要好高級先可以申請喎!

    回覆刪除
    回覆
    1. 未睇,即係好似洗頭列車咁,靠嚇(咁算唔算往績唔好,好難叫人相信?

      黃C假設老共會造偽證,我地假設去到引渡咁高規格的事情,老共不可能造偽證。

      雙方 assumption 截然相反,無可能溝通到的。

      刪除
    2. Discuss都同啲黃絲拗緊
      佢地唔覺得呢啲係假設
      所以呢啲燒壞腦救唔返

      刪除
    3. 人多,殭屍係怪物;殭屍多,人就係怪物!

      刪除
  26. 公司D人仍落力唱警察,串政府,小建制。D人花咗好多時間,或看一年後,發覺自己原來也是小孩。

    回覆刪除